المساعد الشخصي الرقمي

مشاهدة النسخة كاملة : استفسار لاصحاب الشيروكي


فنجال
19/02/2006, 02:28 PM
اخواني
السلام عليكم ورحمة الله
:D شريت شيروكي 98 اوتمتيك .4 سلندر .ودي اعرف بعض المعلومات عن :
القير :متى يغير الزيت وايضا الفلتر .
مكينته كم تاخذ من علبه زيت .وبعد كم كيلو يغير .
وموتري ماشي فوق الاربع ميه الف.ماهي نصيحتكم لي بالاشياء االلي تحتاج تغيير اوتشييك (وياليت تعلمونا بالورشه اللي الواحد يروحلها وهو مطمن ):o (بالرياض)
تحياتي
اخوكم فنجال
ابو شلش
19/02/2006, 04:02 PM
تغيير الزيت كل خمس الف اربع الف كيلو

واحسن ورشة به ورشة المطيويع بالصناعيه اصة للشيروكي
أبو ثا بـت
19/02/2006, 04:20 PM
أخوي . أنا مستغرب 4 سلندر !! توي أدري إنه يجي أربع سلندر !!


أنا عندي واحد بنفس المواصفات تقريباً بس سته سلندر ..
.. أهم شي شك على زيت الدفرنس لايكون ناقص تراي توهقت فيه .. ثاني شي أنصحك بأنك تشيك على البواجي وأسلاكها وإذا كانت قديمة غيرها .. وكم ياخذ من علبة هذا اللي مشكك فيه .. بس أعتقد خمس علب وبالسيفون خمس ونص !! لاكن تأكد من غيري أفضل أخاف أكون غلطان ..
وبالنسبة للورش مادري مسموح ذكرها هنا والا لا .. والا عندي ورش على كيف كيفك .!
فنجال
20/02/2006, 07:39 AM
مشكور اخوي ابوشلش
بس ولا عليك امر وصفلي الورشه

اخوي ابو ثابت
معليش انا غلطت والا هي 6سلندر . عطنى اسم الورشه لاتبخل علينا .

تحياتي
الطير المهاجر
06/03/2006, 11:20 AM
السلام عليكم
اخوي فنجال
الشيروكي سيارة كرف لكن تحتاج الى الصيانة دائما
انا عندي 91 ومثل ماقال اخ بوثابت انتبه حق الزيوت لاتنقص لانه وهقة
الزيت غيره كل خمس الاف وانا عن نفسي اغير كل اربع الاف
مع السيفون راح يكلفك خمس علب فقط اما بدون السيفون بصراحة انا ماغيرت الا بالسيفون
اما الدفرنشات فأنا مع تغيير الزيت يشيكون عليه وماينقص لاني توني مركب واحد ب1800 ريال خلفي
واذا كنت راعي سفرات طويلة اشتر لك سير الماكينة لانه مافيه الا سير واحد يعني لو ينقطع لا سمح الله
مثل ماقال راعي المثل مات فخاس يعني لو تكون في طريق ماينفعك الا سطحة وحتى لو شالتك سطحة الديرة الي بتروح لها
يمكن ماعندهم قطع للشيروكي ايضا راح تخيس في محلك والسير قيمته في الوكالة بحدود 125 ريال يمكن لان انا شاري موبار 100 ريال
من الدمام من محل بن زينان
وفي شي ثاني مهم جدا اذا كنت يتغير زيت الدفرنشات لازم تحط معاه علبة الاضافة وهذي تحصلها في الوكالة او محلات قطع الغيار قيمتها 25 ريال والزيت لازم يكون زيت 90 لايحط لك 140 واذا حط 140 قل على الفرنش السلام
اما عن الورش فانت في الرياض يقولون في ورشة المطيويع
اما انا في الشرقية فالورشة الي انا اروح لها هي ورشتي جنب البيت في ارض فاضية ابدل ملابسي وافك واتعلم
واذا في اي استفسار احنا بالخدمة

تحياتي لك

تحياتي لك
شبح الصحراء
09/03/2006, 03:17 PM
تقول ماشي اربعمية الف!! انصحك بعه لأنه قد صار خردة وراح ياكلك بالخرابات اللي مالها أول ولا ثاني .