اللي مبطي ما ضحك يدخل صور [الأرشيف]

طشي وامطري

19/02/2006, 08:45 PM

السلام عليكم ورحمة الله وبركاته
الحقيقة اللي منعني من تنزيل الموضوع ظنيت في اللي يبي ينزله في المتدى وبغيت أشوفه كيف ينزل ووش يبي يعلقون الربع ، ما نزل الموضوع فقلت انزله أنا<<< ملكم بالطويلة.

طلعنا ثاني أيام عيد الأضحى للصمان وكان فيه بعض الأمور التي تملح الطلعة

http://www.mekshat.com/pix/upload/images14/mk9360_1.jpg

وجينا لذيك الفيضة اللي تسر الناظرين ، وصلناها الضحى ونزلنا قشنا ، وهذولا يطقون الخيمة وهذا يزين القهوة واللي يطق الرواق ... وماعندنا من الشيطان طاري ..... مبسوطين.

وبدت تنقط وترش ونقول طشي وأمطري يالله من فضلك....

لكن هالرش واصل لليل وانحجرنا بالخيمة ، أول الأمر ضحك وفرفشة لكن الشباب جاهم النوم وفرشوا فرشهم وتزاحموا ونما هالك الليلة بدري...
http://www.mekshat.com/pix/upload/images14/mk9360_2.jpg

وقبل النوم قمت وطلعت السيارات فوق الحزم وهي :
عدد2 باثفايندر.
1 ددسن.

اصبحنا وصلينا والمطر توقف ويوم بزغ الفجر <<< حلوة بزغ

بدأت ترش مرة أخرى
http://www.mekshat.com/pix/upload/images14/mk9360_4.jpg

إلى الليل
وإذا تبي تعرف حالنا شف الصورة الثانية.نفسها في تلك الليلة ماتغير شيء

وهنا بديت أذكر كلام الشيبان الفاهمين إذا طلعنا معهم ويعيون نطق الخيمة بوسط الفيضة قلت في نفسي والله إنهم صادقين مهب كل مرة تسلم الجرة والعام الماضي بغينا ننحاس لكن الله ستر والظاهر هالسنة جانا طبال الأذ.....

وعند الساعة العاشرة مساء صارت الصورة التالية.<>>> وتحمدو الله
http://www.mekshat.com/pix/upload/images14/mk9360_5.jpg
وتكسفنا وقمنا نشيل فرشنا وما خف وزنه وغلى ثمنه ونخوض بوسط الفيضة نعبر إلى الحزم تقل ببنقلادش ونمنا هالك الليل بالسيارات

والله ياهي كسافة

الصورة في الصباح الباكر
http://www.mekshat.com/pix/upload/images14/mk9360_6.jpg

وراح بعض الشباب لمناخ وتقضو رز وسكر وملح ووووو والقائمة طويلة

وتأدبنا وطقناها فوق الحزم
http://www.mekshat.com/pix/upload/images14/mk9360_7.jpg

وبس وصرنا مفرجة للعالم
http://www.mekshat.com/pix/upload/images14/mk9360_8.jpg

أبو خاالد

19/02/2006, 09:00 PM

مشكور أخوي على الصور ظحكتني والله00

وجزاك الله خير على الموضوع00

مسافر1

19/02/2006, 09:01 PM

حمداً لله على سلامتكم ..

فتى الحلوه

20/02/2006, 01:19 AM

شكلها ليلة ما تنسي بس والله أنى ضحكت
وجزاك الله خير

جدة غير

20/02/2006, 01:25 AM

رجلة جميلة مشاء الله تبارك الله رغم أنكم احتستم
جزاك الله خير

صقر

20/02/2006, 01:27 AM

كان الله في عونكم

لكن اكيد انه درس لن ينسى .... النوم في الفيضة من الأمور الخاطئة جداً

نقا هشال

20/02/2006, 01:33 AM

هلابك اخوي يعطيك الف عافيه

سلاماااااااااااات

وزين انكم طلعتوالمواتر

بس ولو المطر زين

وقليل اللي يتوفقون بجو ماطر ماشاء الله عليكم

وهو منوه بس لازم الواحد ياخذ احتياطاته

على العموم غلطه وتعلمتو منها وشي اهون من شي

والبر لازم يكون فيه نوع من المغامر والتعب..

باوردي

20/02/2006, 02:24 AM

:d الحمداللة على السلامة كشتة بطابع خاص اتمنى اني كنت بصحبتكم رغم الحوسة!!
عزيزي اذا ولابد من طق الخيمة داخل الفيضة او اي مكان يكون مجمع للمياة اتصل قبل كل شي بمكتب الارصاد الجوية في جدة رغم للاسف ليس لديهم خلفية عن الهجر الصغيرة اوبعض الصحاري , واتذكر في السنة الماضية اتصلت عليهم من الصمان عن طريق الثريا وسئلتهم عن الطقس , فسئلني عن موقعي فقلت لة الصمان , قال لي وين هذي الصمان بالظبط!! , عرفت ان ماعندة سالفة , بعدها قمت قلتلة جنوب حفرالباطن , قال ايوايوة انصحك انك تغادر المنطقة حالا لان الحفرعلية امطارغزيرة (واعتقد انكم تذكرون الامطار الغريرة على الحفر السنة الماضية )قلتلة شكرا وطقيت الخيمة على الحزم وعممت على الاجهزة بذا الخبر, فية كشاتة اخذو الموضوع بجدية وخرجو من الفياض والبعض يظن الموضوع لعب واستهزاء بعد نصف ساعة هطلت الامطار ولم تتوقف لمدة يومين , للاسف من ضمن الكشاتة الذين لم يعيرو للموضوع اهتمام, كشاتة كانو في نفس الفيظة اللي كنا فيها وطاقين خيمة عامودين والماطورشغال! الم اتذكر اسم الفيظة بالظبط ولكن كانت جنوب ام قرين , تعال شف الخيمة وحوستهم اليوم الثاني,
طبعا طلعوعلى الحزم كل واحد معة خيمة ضغيرة حقت النوم.(كنت اتمنى ان اذهب وابلغهم لان الربع يقولون يمكن ماعندهم جهاز ولاما شغلوة !لكن جت سلامات...

الفتى المجازف

20/02/2006, 02:53 AM

الحمدلله على السلامه ياطشي وامطري
سلامااااااااات
بغض النظر عن الضحك وما تلاه
هذا موقف عن الف محاضرة وتوجيه
علمه من علمه وجهله من جهله.
تحيتي

المربد

20/02/2006, 05:13 AM

الحمد لله على سلامتكم
وكل طقة بمعلومه

جمران

20/02/2006, 06:01 AM

لا تكتسب الخبرات إلا من هذه الأحداث موضوع رائع
تشكر على طرحه أخي الغالي .ونلاحظ الكثير
من الكشاته المبيت وطق الخيام داخل الفياض
والشعبان ومجاري المياه وهذا من أكبر
الأخطاء ومن صفة الماء سرعته للنزول
إلى المناطق المنخفضة .ولو تلاحظ
أهل البادية في فصول الأمطار
لايسكنون إلا المناطق المرتفعة
وهذا من خبرتهم ومعرفتهم بالسيول
وطبيعة الأرض .إضافة إلى النهي الشرعي في
ذلك ..الحمدلله على السلامة
أخي الغالي طشي وأمطري
وموضوع :good: وأسلوب:good: وصور :D
لكن الحذر مرة أخرى:j
تحياتي

هويدي

20/02/2006, 07:46 AM

الحمدلله على سلامتكم

والله يونسك على الصور الرائعه

نسناس ليل

20/02/2006, 07:56 AM

صور مضحكه.. الله يعطيك العافية.. بس ان شاء الله تكون درس لكم ما عاد تتعودونها!!!!

حـاتـم

20/02/2006, 08:09 AM

ههههههههههههههههههه

الله يعينكم يا أخوي طشي وأمطري

بصراحه الموقف لاتحسدون عليه

بس والله اضحكتني اضحك الله سنك

شكل الخيمه شي

بس ماودي اضحك بزياده اخاف تصير معي الله يستر

وإن شاء الله درس

والحمدلله جت على كذا

وصوركم توسع الصدر ( وحلوه هاذا أنا ) ههههههههههههههه

الله يوسع صدروكم بالعفو والعافيه

ومشكوووووووووور

أخوك / حاتم

أبوأحمد98

20/02/2006, 09:28 AM

الحمد لله على سلامتكم

محب الشمال

20/02/2006, 09:48 AM

الحمد لله على السلامة
والله يوفقكم في جميع رحلاتكم واموركم

حفظكم الله ورعاكم

البيـرق

20/02/2006, 09:58 AM

مشكور على هالصور الرائعةتوي قايم وما لي خلق اظحك بس ظحكت.............

ASDF

20/02/2006, 10:00 AM

مشكور أخي على هذا الدرس الهام والذي يجب أن نتعظ به

على العموم الحمد لله على السلامه

nahham

20/02/2006, 10:08 AM

الحمد لله على السلامه

مشكلة البر كل ما اخذنا تجربه ننساها بسرعه

لكن من جد صور صح ........ تسلم ايدك

ابو سمر

20/02/2006, 10:51 AM

موقف طريف و تتعلمون منه ، وذكرى لا تنسوها أبدا .

لاحظ أن البدو لا يبنون بيوتهم أو أحواش أغنامهم في الفياض بل بالحزوم التي تعلو الفياض خوفا من المطر ، ومن ثم يصعب إخراج أغراضهم وأدباشهم من الطين .

رحلة أكيد جميلة ولها ذكرى جميلة لديكم ..

سعود الراشد

20/02/2006, 11:19 AM

مشكور اخوي على الموضوع الي بعتقادي انه اثرانا بفوائد كثيره

بس ابي اشير الى شي واحد وهو اخطر من طق الخيمه بلاماكن المنخفضه وهو الشمعه داخل الخيمه احذرو الشمعه

في يوم من الايام شمعه احرقت مجمع سكني بكامله فما بالكم بخيمه

مشكور اخوي

ولك تحيييييييييييييييياتي

http://www.mekshat.com/pix/upload/images14/mk9924_vb.jpg

راع الغرابه

20/02/2006, 11:34 AM

الحمد لله على سلامتكم

رسلان

20/02/2006, 11:41 AM

الأخ : طشي وامطري ...
http://www.mekshat.com/pix/upload/images14/mk9360_4.jpg

ألف شكر وتقدير لكم على الموضوع الجميل ...
والمفيد ... :good: والمعبر ... :good:
جزيتم خيراً ...
وحقيقة موقف لاتحسدوووووووووون عليه ،،،

عياده

20/02/2006, 12:39 PM

هههههههههههههههههههههههه
حلوه الصوررر

ذيب سواج

20/02/2006, 01:41 PM

اول شي الحمد لله على السلامة.....وثانيا. انشاء الله تبتوا واخذتو درس من هالرحلة الزينة......واللي يبي يروح للبر الله يعينه على المواقف والمصاعب اللي تبي تواجهه.

نا مق

20/02/2006, 01:59 PM

شكلكم رجعتوا لديرة وعفشكم ما نشف
الحمد لله على السلامة

قناص تميم

20/02/2006, 02:03 PM

( هع هع هع ههع ) والله رحتو فيها بس والله صور مضبوطه
أخوك : صقار نجد ؟

wannan

20/02/2006, 03:25 PM

فعلا الدنيا مدرسة

البيـــــراوي

20/02/2006, 03:36 PM

الله يوسع صدرك مثل ماوسعت صدورنا

طشي وامطري

20/02/2006, 05:10 PM

ابوخالد
مسافر1
فتى الحلوة والله ما تنسى
جدة غير
صقر
نقا هشال
بارودي العام الماضي نفس الخطأ لكن ستر الله وما تأدبنا
الفتى المجازف
المربد
جمران صح لسانك
هويدي
عنيد عرقة
حاتم انت احلى
ابو أحمد
ابواحمد1
محب الشمال
البيرق
Asdf
نهام لا والله هالدرس ما ينسى
ابو سمر مهوب البدو بس عندي الوالد مستحيل ننام بالفيضة
سعووود الشمعة دامنا صاحين لقاها واحد بسيارته صدفة وجابها لنا
راعي الغرابه
رسلان
عياده
ذيب سواج ماتعلمنا من العام الماضي
سقار نجد
البيراوي
نامق لا والله قعدنا اسبوع بالبر واشوى نشف ما عدى فراش بالشمس لما مشينا
ونان

شكراً للمرور والتفاعل والله يدفع عنكم البلا

طارق

20/02/2006, 06:04 PM

صحيح انحستوا شوي
لكن رحلة لن تنسا ابداً والحمد لله على سلامتكم

سيف السيف1

20/02/2006, 07:07 PM

ضحكتني .. شكلكم كشتة الحالكم .. ما تحسون الخيمة مستنقع .. :D
عموماً درس لا ينسى .. وأحياناً يتغير الجو في لحظات ..وهذي حلاة البر....:)

راعي الكيف

20/02/2006, 09:35 PM

طشي وامطري ...

الظاهر ان لك علاقة يوم طلعت مع ربعك بالمطر من هالاسم .... هههههههههههههههههههه

الحمد لله على سلامتكم .... وخيرها بغيرها يابعدي... وشف وانا اخوك ... ترا هالطلعة ماراح تنسونها ابدا ماحييتم ... ولو انه صار فيها حارش مارش .... بس ماراح تنسى

والله يجزاك خير على هالموضوع ...

الرقيبه

20/02/2006, 10:10 PM

السلام عليكم ورحمة الله

احسنت في اختيار عنوان الموضوع

صراحه تضحكون "اللهم لاشماته "

من اولاها وهي عواكيس

بعدين شي احسن من شي

كان يمكن تروحون فحم انتم وهاللشمعه

اللي رازينها وسط البطاطين

والله عيدها وريفهاا شمعه وفي خيمه

تبون اعادة تأهل للرحلات ..

تقبل بصدر رحب

===

====

الساري111

02/03/2006, 10:26 PM

الحمد لله على السلامه.
رغم ما جرى لكم الا انكم تعجبوننا والله ان اللي صار لكم مانكد عليكم الطلعه.

نص الليل

06/03/2006, 11:57 PM

ولا يكدر خاطرك شي حلاوتها كذا والا بلاش,,,, يازين الرحلة أم المواقف والأحداث
آسف لتأخر الرد وخيرها في غيرها

mjr

07/03/2006, 01:15 AM

الحمد لله على سلامتكم

Mohammad

07/03/2006, 11:09 AM

الحمد لله على سلامتكم

طشي وامطري

07/03/2006, 11:54 AM

طارق ........................والله إن شاء الله ما ننساها

ابو فارس ........................صح لسانك

راعي الكيف........................ ابغير اسمي بـ(حولينا ولا علينا)
الرقيبة ........................صدري اوسع من الأرمادا، وصرنا شماته هين ما به طقت عصى، والشمعة لقاها واحد من الشباب بسيارته وجابها لأننا بليل الخيمة خرمس ومثبتينها صح ،وأهم شي إننا مانمنا وهي مشتعلة <<< عاد حنا مهب إلى هالدرجة ... وإعادة تأهيل أو على قولتك "تأهل" كيف يعني؟
الساري111 ........................لا الشباب يعجبونك شقردية.
نص الليل........................ ماتكدر الخاطر إلا ذيك الليلة يوم نمنا بالسيارات وبعدها صارت هالحوسة فاكهة الطلعة.
مجر ........................الله يسلمك من الشر
محمد ........................الله يسلمك من الشر

شكراً للجميع المرور والمشاركة

سواق الوايت

07/03/2006, 01:34 PM

الحمد لله على السلامه

والله أيام لا تنسى

ابودجانة

07/03/2006, 03:23 PM

اسمع كلام كبر السن مره ثانيه

جرح

07/03/2006, 03:35 PM

السلام عليكم ورحمة الله وبركاته
ما شالله رحلة جميله واللي زايدها جمال اهل الرحله وما تشوفون شر
مع تحيات اخوكم الصغير جرح:d

ترتر

07/03/2006, 07:16 PM

الحمد لله على سلامتكم ... والمناظر واجد اذا امطرت خاصه بالفياض ...

مشكور على هالصور الرائعه

اخوك ... ترتر

سيد النشاما..

07/03/2006, 10:31 PM

ماشاء الله رحلة ممتعة وجميلة
أحس أنها وناسة وسعة صدر
((الحمد لله على السلامة))

ابو شكاع

07/03/2006, 11:37 PM

يامال العافية على هالصور والسالفة الزينة
وسعت صدورنا ياخيي

رحال الخبر

08/03/2006, 10:37 AM

طشي وامطري

وراك ماأخذت من اسمك العلم ( الطش والمطر) لكنه درس طيب والله حالة والفرش مبلولة وكسافة !!

لكن هالدرس لن ينسى ولو بعد حين فبعض المواقف تكون دروس وعبر غير تلك التي تقرأ او يسمع عنها .

وصراحة حالكم يرثى لها وخاصة صوركم داخل الخيمة تقول سردين
واضحكتنا .
لازم تغير اسمك الى (ياغيوم انقشعي وياشمس اظهري) ...الى حين التنشف من البلل :D :D :D

وتقبل تحياتي

ربيع الشمال

09/03/2006, 04:26 PM

الحمد لله على السلامه
من نصائح الاولين للتـــالين
1- لاتظهر سدك للحرمه /يعني لاتعلم الحرمه باسرارك لانها تنشرها مثل قناة الجزيـــرة او اشد منها
2-لاتنام بالشعيــــــب /وهذا اللي حصل معكم لانكم خالفتم هذه الوصيه
2- لاتصاحب الشيــــــــــــــخ / يعني لاتصير صديق شيوخ !!!!!
وقد ثبتت صحة هذا الوصايا من خلال قصص كثيره تناقلها اغلب سكان الجزيرة العربية

تحياتي للجميـــــــــــــع

علي الشايع

12/03/2006, 12:32 AM

الحمد لله على السلامة ولعلها تكون عبرة ودرس لكم ولمن شاهده هذا الموضوع وشكرا لك على هذا التقرير والصور .

الشقردي

12/03/2006, 10:21 AM

موضوع فيه عبره
الحمد لله على السلامه

وليتك تحط توقيعك على الصور حفاظا عليها من اللطش !!!!

طشي وامطري

16/03/2006, 12:22 AM

سواق الوايت.................. الله يسلمك
ابو دجانة
ترتر
جراح
سيد النشاما
ابو شكاع
رحال الخبر
ربيع الشمال ............. صح لسانك
أسير الهيش
الشقردي ................ ضاعت عن بالي
شكر للجميع على المرور

أبو حاتم

16/03/2006, 01:02 AM

طشي وامطري تسلم وسالفتكم والله سالفه لكن كل دقه بتعليمه وأشكرك على السالفه المضحكه صدق (اللهم لاشماته)

ana3883

18/03/2006, 10:42 PM

ههههههههههههههه والله والنكبة

ذكروني بحلقة طاش ما طاش يوم يغرقون بالمطر بالسوبر الازرق

راعي الاشعثه

20/03/2006, 08:55 AM

حلوه ....:D :D هههههه :D :D طشي وامطري
الله يوسع صدرك ذكرتني
بمسلسل طاش ما طاش يوم خيمو بالوادي
والحمد لله على السلامه وياخوك ثاني مره
خذو معاكم سترات نجاه اخاف ما تعرفون تسبحون;) ...

حجلان

20/03/2006, 10:00 AM

الحمدلله على السلامه

وتراها وانا اخوك ماتصير الرحله زينه الا بمثل هذه الحوادث

Ra7eeL

20/03/2006, 10:32 AM

تسلم ياخوي والله انكم كلتوها بس خوش صور صراحه
و نبي تصوير من كل الشباب الي يطلعون كشتات حلوه مثل هذي

تسلم اخوي و الغيم كان خيالي في اليوم الثاني
و عليكم بالعافية

المموه

21/03/2006, 01:30 PM

تدري وش مشكلتي اني صريح . من الصور واضح ان اخوياك سمانين وكسالى ماعندهم شي اسمه قومة ويد وحده . معقول كل واحد بفراشه ماتحرك الين غرقت الخيمه . المطر مهوب لي وايت يصب يغافلك . امطرت عشر دقايق ماوقف المطر مباشرة يوجه الامير كل واحد له شغله وعشر دقايق والعفش برا الفيضه . لكن الا فات الفوت ماينفع الصوت . بس فعلا شكل نعالكم وفرشكم وانتم مصرين على القعده بالخيمه يضحك .

رفيع الشان

21/03/2006, 06:09 PM

:)

الله يعينكم .. وحقيقه أنك جريء وصنديد .. لو غيرك مانزل الموضوع :) <= مهب انا

أول شي خطر في بالي طاش ماطاش قبل سنتين :)

تقبل تحياتي

طشي وامطري

12/11/2006, 03:57 PM

للتذكير وأخذ العبر جرى الرفع

الرهدن

12/11/2006, 10:53 PM

فعلآ دروس وعبر00

.

ابو الفهدة

13/11/2006, 07:58 AM

السلام عليكم ورحمة الله وبركاته
الحمد لله على سلامتكم
وصوركم توسع الصدر الله يوسع صدروكم بالعفو والعافيه

تكفون

14/11/2006, 06:16 AM

هههههههههه طاقين خيمتكم بالشعيب ...

رحلة موفقة :)

ع.ف.الدرويش

14/11/2006, 10:08 AM

ما شاء الله تبارك الله

تبقى الطلعه حلوه

بكل ما فيها من مواقف

والله يعطيك العافيه

أخوك.. أبو فهـد

راعي الرجم

15/11/2006, 09:39 PM

الموضوع كله فوائد
في البر توخي الحذر عن اماكن تجمع السيول
وعدم النزول في مجاري المياه والاوديه
بالعكس موضوع كله فوائد وعبر
مشكور على الموضوع الرائع

طايع الله

16/11/2006, 02:41 AM

الحمد الله على السلامة بس لازم الواحد يتعلم ان الفيضة ماحد ينزل فيها والله اذا رحت البر وخاصة الصمان اشوف الي ينزلون الفياض ويدخلونها بالسيارات اني انقهر غير الي يفحطون ويقطون الزبالة فيها لازم فيه وعي وكل واحد يقول لثاني ان الفياض لاحد ينزل فيها ويخرب الطبيعة والجمال الي فيه خل سيارتك على جنبها وتمش فيها وتقهو فيها بس احرص ان لاتدخل السيارة او اطق الخيمة فيها

أبوزيد

16/11/2006, 07:17 AM

يذهب التعب وتبقى الذكريات الجميلة

ونسأل الله أن يغيثنا ويرحمنا

مهراس

16/11/2006, 07:29 AM

السلام عليكم

انا شفت موضوعك من قبل لكن ما أدري رديت عليك ولا لا، لكن والله اضحكني ( صرنا مفرجه للعام) وغيرها كثير من العبارات الطريفه، باين عليك محدث متمرس الله يبارك فيك وربعك اللي شكلهم كلهم وناسه، طيرت عنا بعض الهموم وأفدت الجميع بها التجربه الواقعيه،

أبو فهد

كتاب

16/11/2006, 11:49 AM

أقول لك يا اخي صاحب الموضوع ولأني أحبك في الله

لم أضحك وانا أرى الصورة الثانية
عيوني لصقت في الشمعة

كيف أضحك والإخوان حاطين شمعة في وسطهم وهم متلحفين ببطاطين

يمكن أن تنشب النار بسرعة وهم لا يمكنهم التحركم بسرعة في مثل هذا الوضع

لا تزعل مني والله ما يقول لك هذا الكلام إلا اللي يحب أخوه ويخاف عليه

ممكن تقول لي وش الحل إذا ؟؟؟
الحل أن السنيدي وغيره من محلات الرحلات البرية ينظفون رف من رفوف محلاتهم ويعبونها من بضائع الاستعداد للطوارئ ، ومن هذه الأدوات المفيدة هذه الأنبوبة التي كتبت عنها يوم من الأيام والظاهر ما أحد يهتم بهذه الأمور

هذه بعض أنواع الإضاءة المأمونة والمتوفرة بالأسواق و لا هي غالية

منها هذه الأنابيب الكيماوية المضيئة . طولها 15 سم تقريبا وسعرها حول 4-5 ريالات . وهي بلاستيك مملوء بمادة كيماوية وفي داخلها أنبوبة زجاجية صغيرة فيها مادة ثانية . طريقة الاستعمال بس تعوج الأنبوبة فتنكسر الأنبوية اللي بالداخل (الزجاجية) وتختلط المادتين ويطلع منهم نور يستمر عدة ساعات

http://www.equipped.org/pp/GR/Cyalume-3.jpg

http://www.carletonrescue.com/cat/Images/cat_items/108001_cyalume_light_sticks.jpg

ومع أنها مأمونة حتى في الأماكن الحساسة ( اللي فيها غاز وبنزين وما شابه ذلك إلا أن فيه ناس طلبوا نوع مشابه ويعمل بالطارية فقامت الشركات بصنع هذه الأنانبيب المشابهة وتعمل ببطاريتين صغار

http://www.equipped.org/pp/GR/krill-6color.jpg

وهناك أنواع أخرى من أدوات الإضاءة توضع على الراس وتعمل ببطاريتين صغار وما فيها اي خطر وتستمر مدة طويلة جدا مثل هذا النوع اللي ما فيه لمبة بل تعمل باللمبات الجديدة من نوع LED اللي ما تستهلك بطارية وتشتغل ساعات طويلة متوالية بدون ما تخلص البطارية

http://www.carletonrescue.com/cat/Images/cat_items/petzl/TIKKA.jpg

المهم يا اخوي الحمد لله على سلامتكم

و لا تتعودها يالغالي . :no2:

BO--KHALIFA

16/11/2006, 12:52 PM

حمد الله على السلامة ما تشوفون شر

المر الثانية شوفوا لكم طعس قريب وباتو عليه

او في المكان البيعد الي اهناك في الصورة

عاشق البنادق

16/11/2006, 01:54 PM

مشكور اخوي والله صور حلوه يعطيك العافيه

طشي وامطري

22/11/2006, 06:17 PM

الرهدن
ابو الفهدة
تكفون ................ أسمك غريب شكلك متعود على الشحاذة:D ههههههههه <<<;) أمزح لاتزعل
ع.ف.الدرويش ....... أشكرك أنت أحسن واحد بمكشات <<< عاد على هالمدح أصرف لي فراش
طايع الله ............. كلامك صحيح 100%، وحنا ترانا واعين لهالشيء السيارت دايم بالاطراف.
أبوزيد ............... صح لسانك.
مهراس ابوفهد ...... شهادة أعتبارها وسام منك لي.
كتاب ............... جزاك الله خير على هذه المعلومات، لكن الشمعة لقاها واحد بسيارته وجابها لنا لأننا من العصر وحنا زابنين بالخيمة تقل ..؟؟؟؟؟؟؟.
BO--KHALIFA
عاشق البنادق
مشكور على المرور

toty2006

23/11/2006, 11:12 AM

الحمد لله على السلامة....وبصراحة صور تضحك

وكل طقة بتعليمة زي ماقالوا ..
تحياتي ،،،،،

قناص بغداد1

24/11/2006, 10:08 AM

مشكور على التفاصيل

المدرعم 2

24/11/2006, 02:21 PM

الحمد لله علا السلامة
كل طقة بتعلومة صور جميلة

جبل مشرف

25/11/2006, 09:21 PM

موضوع جميل جداً جداً وفيه درس مهم لكل كشات الله يعطيك العافيه ولا تشوفون شر .

الرائد2006

26/11/2006, 12:03 AM

ما شاء الله هذي الكشته ولا بلاش

أذكر مرة طلعنا البر على المغرب

وكان الجو صحوو

ويوم جات الساعة عشرة رقدنا

ويمكن بعدها بساعة صحانا المطر

وجلسنا بالسيارة من الليل إلى الفجر

واستمر المطر إلى العصر

الله يعيد مثل هالأيام

مشكور أخوي على الموضوع

ALBDRANE

26/11/2006, 12:16 AM

انا لله وانا اليه راجعون وش السالفه ياربي لك الحمد منتب صاحين والله ياني طحت على ظهري من الضحك خصوصاً صورة النعال الي في الخيمة والخيمه المعجزة المقابله وكلمة ( هذا أنا ) !!!
وسع الله صدوركم الظاهر ان هالرحلة لو توثق على شكل روايه مصورة يمكن تحصل على جوئز قيمه والعالم الله !!

على العموم كل طقه بتعليمه وانشا الله خذيتولكم درس على الطبيعه وغيركم يستفيد بعد .

تحياتي وما زالت الضحكة مستمره ......