استفسار من الصقاره للاهميه رجاء

[تواق]

اول شي السلام عليكم
احب ارحب باعضاء المنتدا كل بسمه
واحب من الخبراء افادتي حيث اني شاري طير حر قرناس بيتي توه ظاهر من العشه
ماله اسبوع لحضت عليه انه قليل الشهيه وتراني دعيته وجاني لكن استجابته شوي
كما اشك ان فيه قمل وحشرات في ريشه كيف اتخلص منها تراه طير مره زين وافي
ارجوا مساعدت اخوكم

[هقاش]

اولا حياك الله يا اخ تواق
ثانيا ما يصير طير قرناس بيتي توه ظاهر من العش لأن القرناس طير على الأقل عمره سنتان
والطير الي توه ظاهر من العش هذا ينقاله فرخ وحش . وبالنسبه لاستجابته طوفه كم يوم (لاتعطي اكل كم يوم
وبعدين أدعه وانشاء الله ما فيه الا العفية ...

[الشبارم]

اخي العزيز تواق

السلام عليكم و علا البركة الطير الجديد وعل فاله الحباري الي يصخرها من النجوم.

اود ان ادلو بوجهت نظر متواضعه جداً

يجب ان تذهب بالطير الى المستشفى و يعملون له فحص كامل يمكن الطير فيه دود و الا قلاع لاسمح الله
و الا يمكن و حاشه في الطير بمان الطير توه طالع من العشة, اما بالنسبه للقمل في المستشفى يوجد بخاخ جيد و العاده الى جاهم طير للفحص رشوه.

اخي هقاش

اخوي تواق كان يعني ان الطير طالع من عشة القرناس

تواق ترى المستشفى في الرياض

اخوك

الشبــــــــــــــــــــارم

[نجمة سهيل]

اخوي :heart:تواق:heart:اشكرك على طرح هالسؤال الي أفادني بكل صراحه أنا كنت ماأعرف الشي هذا الا يوم طرحت اخوي هالسؤال .ياليت اخوي تراسلني على الماسنجر.
كما أشكر اخوي:heart:هقاش:heart:على توضيحه .
وكما أشكر ايضاً اخوي :heart:الشبارم:heart:.
~~~~~~~~~~~~~~~~~~~~~
تقبلوا تحياتي___
>نجمة سهيل<:heart:

[وضــ الوافىـاح]

سلام عليكم ورحمة الله


اخوانى حبيت اضيف اللى عندى بع اذن الجميع


الحقيقه اشوف ان البعض فهم موضوع الاخ تواق بطريقه اخرى


اعتقد والله اعلم الاخ تواق يقصد قرناس بيتي توه ظاهر من العشه
صحيح يا اخوان ممكن يكون الحر فرخ وتقيض فى بيت وبعد المقيض اصبح
قرنااس على العمووم اخوى تواق مهناك شر على الطير وتجد اغلب الطيور
يعانى اصحابها من نفس المشكله

مثل منت عارف اخى افاضل الطير يوم المقيض فى العشه
قليله جدا حركته وطبعا بعد فتره من المقيض والبعض مب كل الطيور
يصابن بنوع من شى ينقاله شحمه وعلاج الشحمه بشنذره

تروح لأى محل عطاره وتقوله عطنى شنذره تاخذ قطعه صغيره جدا
اصغر من الضفر ضفر الانسان وتعقها فى بطن الطير
ولا تنسى تصب وراها مااء بعد دقيقه ودقيقتين راح تشوف
الطير يرد وان شاءالله يعق الشحمه ويتعافى
وفى شى ثانى افحص صوايد الطير يمكن لاسمح الله به ساامور
وطبعا الصوايد هن مخالب الصقر
وهناك شى ثانى واعتقد ذكرو الاخوان رح لأى محل طبى خاص بالصقور
واشتر رش ينقال له رش القمل ورش طيرك


ملاحظه مهمه بعد رشح الطير شل عنه البرقع يعنى ترشه وهو مبرقع وبعد الرش
تشل عنه البرقع ولا تنسى طال عمرك فى شى مهم جدا
الطير بعد المقيض يرجع وحش حاول تتعامل معه على انه طير وحش جديد
ماهو مقيض مثلا تراوشه مثله مثل الطير الجديد
تحاول تنقزه من الكور لين ايد ك وشوى شوى لين يعتد


بس اهم شى الشنذره لا زم تشنذر الطير بعد المقيض
لا تنسى تاخذ بالك من ان تسب له جرح وانت تشنذره
خل الشناذره مدوره مابها راس مدبب عشان ما تسوى للطير جروح
وانت تعطيه صب وراها شوية مااء
وان شاءالله تفيدك الطريقه



لك تحياتى

[ابوساسا]

الأخ تواق جميع الاعضاء ما قصرو

الطير اخوي اذا كان توة طالع من العشة يكون صنيع ومنزمك الطير يعني سمين ويبيلة ايام يطيح الطير وطيح الي براسة

اما القمل مثل ماقالو الربع او بعد مايبرد الوقت يمكن تحط الطير بالشمس كل يوم وترشة بالماء بعض الاحيان وتخلية{ يـتـفـلى } من لحالة والشمس تقتل الي فية من قمل..اذا ما تبي الرش بالمادة حقة القمل.

والشناذرة تراها خطيرة ويمكن تضر الطير للي ما يعرف مقاسها ويستحسن ما يعطى شناذر الا اذا صار الوقت بارد ولابد يكون خبير لانها حارة على الطير وبعد ما تعطية ايها لازم تشربة ماء بعدها على طول مشان ما تحرق علافتة وتسبب لة تقرحات وبعد مايذب { الـشـبـيـكة } او الشحمة لازم { يعلف} لحم دافي . ونصيحة لا تستعجل بالشناذرة تو المقناص والطير مثل ما تقول انة نضر.

واذا كنت مستـنكر مرش الطيرعطة سكرة نبات تهلة وكثر الماء عندة او عطة حبوب الدود احسن وافضلك الحين دامة صنيع

[تواق]

اشكر كل من شارك في الموضوع لما يبعث فينا الثقه ان هناك زملاء في الهوايه
يقدموا لك المساعده وقت الحاجه
كما اعلمكم اني ذهبت اليوم الى المستشفى واخت بودره له والحين افضل من اول لكن بداء اخفف الوجبات
حتى تخف صنعته وانشاءالله هو ينقز من الوكر الي لكن همته خفيفه والخميس باخذه امغطه في البر
كود انه يتطلق شوى ثم ببداء بلملواح
اشكر اخي الوافي اشهد انك وافي
اشكر اخي هقاش ولوا انه مافهم
اشكر نجمه سهيل تراني عليمي كبيوتر
واعذروني باقي الاخوان عشان انا ار في صفحه واساميكم في صفحه ثانيه
اخيرا لا تبخلو بنصيحه
اخوكم /تواق

[اس الاحزان ير]

السلام عليكم \اريد ان اعرف لوسمحتو اماكن تواجد الصقور في جازان 00 ولكم جزيل الشكر

[قرناس هواء]

اخي العزيز الدواء والله موجود عندي هو شناذر طبيعه مخلوطة بسكر نباتي عطاها الطير وانت مطمأن ولا تسوي للطير اي شي بالعكس تفيده ولاتضره وتريح الطير بعد الشناذر وحطله ثنادي بدون عظم وراح تدعي طيرك وتشوف وشلون تقيرت نفسه

وانا انصح يالصقارين كل واحد اني يعطي طيره كل شهر حبتين من حبوب القلاع لنها مفيد وتفتحت شهيت الطير وتمنع تراكم الشحم

ملاحظه حبوب الشناذر الطبيه (كبسوله) متواجده بمستشفيات الصقور بالرياض والدمام وسعرها رخيص جداجدا 15ريال