فزعة أهل الرنج والخبراء بسرعه قفلت على المفتاح

[ضوووء القمر]

السللام عليكم ..

وش اخباركم جميعاًَ..

واضح من العنوان

رنج روفر2004 المفتاح بالداخل مقفل عليه..

كنت جاي الدمام عندنا وفاة * عزاء *
وعند المغرب فاتح الشنطه بالريموت اخذ غرض ولم خذته سكرتها ومن التعب نسيت المفتاح بالداخل ..



الأن وش الحل

1- محلات المفاتيح كلهم اعتذرواً وقالوا الرنج معقد ..
2- الزجاج المثلث قاالو غالي ومدري وش ارخص حاجه لجل لو فكرت اكسرها ..؟
3- قالوا لي الوكاله تفتحه وانا مدري وش الوضع خذت لي سياره اجار و رجعت الديار بالحسا والأحد بجي لدمام ..



ممكن احد يفيدني بطريقة فتح السياره

ولا برقم الدعم الفني بالوكاله ..

ولا بأسعار الزجاج ..



... ودعواتكم ربي يفرج عني والله الحاله شقيه والله يعين ...

عساكم ماتذوقون مثل هالنكبه :(

[ضوووء القمر]

انتظر مساااعدتكم الله لآيهييييييييييييينكم .. :(

[ثلاث بيالتين]

الله يفرج لك

ها بشر عسا فتحت السياره

حاولت اشوف لك حل لكن الرنج اذا سكر بابه ما يجيه تنسيم ما شاء الله
ف لعل هناك قزازه مفتوحه لو سنتي
خصوصا ان زر القفل جاي بزاوية الباب ويحتاج ضغطه بسيم ان قدرت توصله

[ابو صالح 4]

بشر ان شاء الله انفتحت السياره انا سبق ان قريت بالمنتدى عن طريقه فتح السيره بالريموت والجوال وهي ان تكلم بيتكم وتخليهم يظغطون الريموت عند سماعه الجوال حقهم وتخلي الجوال حقك عند السياره وبحيل الله راح تفتح معك الله لا يسكرها في وجهك