صوت طقطقه بمكينة التاهو !!!

[هويدي]

السلام عليكم ورحمه الله وبركاته

واحد من اخواني معه تاهو 2008 طلعله صوت في المكينة ( زي طقطقه البلوف )
طق طق بس الصوت قوي ومستمر سواء السيارة حارة او بارده

سألته عن نوع الزيت اللي يغيره قال عيار 20 ـ 50 والسيفون من الوكاله
مالكم بالطويله غيرت الزيت بالبيت ولا زال الصوت
ومخطط بكرا يجيب سيفون من الوكاله وزيت خفيف 10 ـ 30 بنجرب لعل وعسى

علماً ان عداد الزيت تحت النص بشوي واذا دعس يرتفع شوي

برأيكم وش المشكله وماهو حلها الله يجزاكم ووالديكم كل خير

[العابر2222]

اذا الصوت قوي طرنمبة زيت مافيها كلام وهذا عيب سيارات الشفر كلهاا.... لا يمشي على الموتر واجد

كان معاي كابرس 2006 فاكة وكالة وقفته يمكن اسبوعين وبعدها شغلته ورحت عليه مشوار وطلع صوت طقطقه واستخدمت السيارة وزادت وغيرت طرنمبة زيت +شدادات + صبابات بسبب التاخير

والسبب الزيت الثقيل + التأخر في التغيير

========
قالي المهندس المفروض اول ما طلع الصوت وهو خفيف سويت غسل للمكينة ... بعض الأحيان تنجح الطريقه

[baaasss]

وعليكم السلام ورحمة الله وبركاته
هل ضغط الزيت منخفض؟؟؟
هل تطلع على شاشة المعلومات ضغط الزيت منخفض؟؟؟
اذا نعم راسلني على الخاص واعطيك العلم

[هويدي]

الله يجزاكم خير اخواني العابر وباااس

صدقت يالعابر كان مع الوالد كابرس 2006 مطلعه وكاله وتعطلت طرمبته
كنت مخطط اغير الزيت والسيفون بزيت خفيف لعل وعسى
الحين ابزود على المخطط غسيل قبل التغيير :)

اخي باس اخوك برحه بالانقليزي اذكر قريت كلمه نسيتها وبعدها لوLow
علماً ان امبير الزيت تحت النص بشوي واذا دعست يتحرك
شيك على الخاص لاهنت

[هويدي]

هذي صورة الكتابه ترجمتها بقوقل

يقول : غسالة السوائل منخفضة
إضافة السائل

هل المقصود طرمبه الزيت ؟؟

http://www.mekshat.com/pix/upload05/images232/mk19651_taho.jpg

[هويدي]

للرفع

لازلت حاظر التصرف على راعي الموتر :)

تكفون لا يطيح وجهي هههههههههههههه

[بدوي جنوبي]

هذي صورة الكتابه ترجمتها بقوقل

يقول : غسالة السوائل منخفضة
إضافة السائل

هل المقصود طرمبه الزيت ؟؟

http://www.mekshat.com/pix/upload05/images232/mk19651_taho.jpg


أخى هويدي كم المفروض يكون ضغظ مؤشر الزيت للطرمبة لتاهو 2008
راجع كتلوج السيارة ،،، اذا كان مستوى الضغط طبيعي تحت النص
قد تكون الطرمبه سليمه .

[هويدي]

جزاك الله خير يالجنوبي

على حسب كلام اخوي وماقرأت بالنت انبير الزيت تحت النص طبيعي وهو كذلك

الطقطقه قويه زي صوت ابووكلين وتزيد مع الدعسه

[baaasss]

هذي تبع موية المساحات
لكن اذا كان ضغط الزيت اقل من النص ولا وصل للخط الحمر ولا تنبيه في الشاشة ان الزيت من خفض فما افيدك بشي
لكن اذا تأكد ان طرمبة الزيت خربانه .. الوكاله راح يغيرونها بجديدة وممكن ترجع المشكلة .. لكن اعرف ورشة صلحت عندهم الطرمبة وشغلهم نظيف والان لها قرابة 3-4 سنوات مافيها الا العافية
وسيارتي يوكن
لكن انا اقولك اذا تأكد انه الطرمبة
الورشة هي احمد المشعل على شارع الامام سعود بن عبدالعزيز مخرج 9 وانت باتجاه الشرق فيه محطة الدريس قبل الاتصالات الورشة في المحطة
وبالتوفيق

[مستور الحال]

جزاك الله خير يالجنوبي

على حسب كلام اخوي وماقرأت بالنت انبير الزيت تحت النص طبيعي وهو كذلك

الطقطقه قويه زي صوت ابووكلين وتزيد مع الدعسه


اقول الحق على مكينة السيارة00000 هذا ياطويل العمرذراع البستم او بنز البستم ( خابور البستم ) لازم تكشف عند ورشه متخصصه باسرع وقت و الا المكينه يتنفجر لا سمح الله
عندك ورشة مشعل العتيبي في شارع الجمعية في صناعية الرياض القديمة تسمى سابقآ ورشة عويض رجل قديم وخبرة بيشخص المشكلة ويعطيك عدة حلول ان شاء الله .

[هويدي]

الله يجزاكم خير يا اخوان على الافاده وحرصكم
وورشه المشعل معروفه من ايام ابوعلي الله يرحمه ويغفرله
أخر ماجيتهم قبل ثلاث سنوات غيرت عندهم طرمبه كابرس
وتعرفت على علي مدير الورشه ونعم الرجل قمه بالادب الاحترام وإن شالله ابوديلهم السياره

لاهنت يامستور الحال وجزاك الله خير على حرصك وابشرك الموتر من طلع الصوت ما تحرك

[بدوي جنوبي]

اخوى هويدي
أّذاصوت يزيد مع الدعس مثل ما قال الاخ مستور
قد يكون ذراع اوبنز او قرعة (طقطقه )سبيكة

الله يعينكم حملوها سطحى أفضل

[هويدي]

جزاك الله خير يابدوي جنوبي

مواعد ميكانيكي فلبيني بيشوفه عند البيت

اعتقد السبب والله العالم زيت التسهيلات المغشوش
(( سوبر جيتي )) اللي كرتونه بـ 125 فيه 24 علبه


هذي صورته للتحذير بعد اذن صاحب الصورة
http://www.mekshat.com/pix/upload05/images201/mk188294_28012011806.jpg

الصورة التالية اللي على اليمين اصلي والثاني مقلد

http://www.mekshat.com/pix/upload05/images201/mk188294_28012011804.jpg

صورة بدون تحيه لوزارة التجاره
حسبي الله ونعم الوكيل

[hguvfd]

الاخ هويدي و الله خوفتني انا استخدم سوبر جيتي وشلون اعرف انة مغشوش

[ذيب العك]

السلام عليكم ورحمة الله وبركاته
ما قصرو الربع الله يجزاهم خير
انا حصلت معي نفس المشكلة في سوبربان 2001 انخفاض موشر ضغط الزيت احينا يطيح انبيرالضغط ويتي بعد ذالك طقطقة بس لا اخفيك خفيفه تذهب مع دعس الابنص ووجدت الامر بسيط جدا فيه ربلة في ماسورة الشفاط تبع الزيت داخل الكرتيل فكو الكرتيل وغيرناه وضبط والحمد الله التكلفة ماتتعدى 450ريال ربلة وجه كرتيل معجون وشغل يد بحدوح 250 ريال او اقل واي استفسار انا حاضر
والله يوفقك ويرشدك الى طريق الصواب

[أبوسليم]

السلام عليكم ورحمة الله وبركاته

ما قصرو الربع الله يجزاهم خير
انا حصلت معي نفس المشكلة في سوبربان 2001 انخفاض موشر ضغط الزيت احينا يطيح انبيرالضغط ويتي بعد ذالك طقطقة بس لا اخفيك خفيفه تذهب مع دعس الابنص ووجدت الامر بسيط جدا فيه ربلة في ماسورة الشفاط تبع الزيت داخل الكرتيل فكو الكرتيل وغيرناه وضبط والحمد الله التكلفة ماتتعدى 450ريال ربلة وجه كرتيل معجون وشغل يد بحدوح 250 ريال او اقل واي استفسار انا حاضر
والله يوفقك ويرشدك الى طريق الصواب



تمام عليك
عدة سيارات صلحناها بالطريق هذه

[هويدي]

لاهنتو يالربع والله يجزاكم خير ولافيكم قصور ولكن" ليس من رأى كمن سمع "

بعد فحص الفلبيني اول ماسمع الصوت قالي مافيه زيت ؟ قلتله غيرته امس ( الزيت الفاشل له شهر ينخر بالمكينة )
( و حسب مافهمت منه بحكم اختلاف المسميات واللغه )
انه عصى واحد من البلوف مكسور
http://car-drive-maintenance.com/car-images/66313_31306635128.jpg
وكذلك ظعف في الطرمبه بسبب الزيت السابق وعياره الثقيل اللي تسبب في اجهادها

عموماً بكرى ابوديه للورشه إن شاء الله ونوافيكم بالاحداث :) للفائده العامه

ودمتم بحفظ الله ورعايته

[هاواي التاهو]

أخوي الغالي
السلام عليكم و رحمة الله و بركاته
حسب خبرتي البسيطة و من خلال المعطيات التي تمثلت في :
- صوت طقطقه في المكينة عند اشتغال السيارة في البرد أو الحر
- انخفاض مؤشر ضغط الزيت تحت النصف
المشكلة تتمثل في طرمبه الزيت و سبب تشخيصي هو أني
عندي تاهو 2008 وحصل معي نفس المشكلة بالضبط وذهبت إلى مركز صيانة الجميح وشخص المشكلة بالطرمبة
وغيرتها و الحمد لله ذهبت المشكلة و راح الصوت و رجع ضغط الزيت إلى وضعه الطبيعي على النصف
كلفتني العملية
650 طرمبة الزيت من بالبيد ( لا تاخذها من الوكيل لآنها غالية ) وبالبيد وكيل ايضا للقطع
1500 تركيب عند مركز صيانة الجميح ( السعر مرتفع لآن العامل عليه انه يفك الدبل كامل ويوصل إلى الطرمبة
أرجو أن أكون افدتك

[هويدي]

الله يجزاك خير ياهاوي التاهو الا افدتني ونص الله يبيض وجهك

[ولد وايل..]

وأنا أخوك الأهم أبدا بالحلول الأسهل , ومن رأيي إن كثير من المشاكل حلها جدا سهل لو بدينا من ابسط الحلول , الواحد اول ما تصير المشكلة يفكر بالحل الكاوي والحل اللي يسهل عليك كل شي, أولا المعلومة في شاشة معلومات السيارة يفيد إن السوائل ناقصة وهذي مع الأسف من فشل معلومات الكمبيوتر, هذي تقصد الزيت وأنا سبق وحصل لي نقص زيت وقالت سائل التبريد ناقص خخخ

المهم مالك بالطويلة, اتوقع إن اخوك من النوع اللي يودي سيارته لأقرب بنشري ويمحوق فيها , وانت منت بعيد عنه يوم إنك تبي توديها غسيل مكينة هههههه , لا غسيل ولا شي, إن شاء الله مشكلتك من الفتر الفاشل والزيت التجاري لا بارك الله في من باغ ودلس وغش المسلمين , الفتر التجاري مع بداية الإستخدام يبدأ يتحلل من جوى والصوفة اللي تصفي الزيت تبدأ تتفتت وتداخل مع الزيت وتسوي مشكلة فيه , كذلك الزيت لما تعبيه 20-50 يعطب الشغله كلها لأنه ثقيييييل جدا على السيارة , الأصل موصى يعبى زيت 5- 30 لكن هنا تجوّزا نعبي 10 -30 , لما تعبي 20-50 معناها انت تدمر سيارتك ,رح للوكالة وخذ فلتر وأنصحك عند العيسى مخرج 5 إن كنت بالرياض عندهم خصومات الفلتر ب 16 ريال, وركب لها زيت 10-30 مع الفلتر طبعا , ويادار مادخلك الريح ,وعطنا النتايج

الله ييسهل امرك ويعوضك خير

[هويدي]

الله يجزاك خير ياولد وايل ماقصرت الله يبيض وجهك بس تراك ظلمتني :)
اخوك راعي فك وربط "البارح مغير يايات ومساعدات موتري بالبيت

ماكنت ابوديه يغسلون مكينته الخطه اشريلي جركلين واغسلها بالحوش
لاني غيرت زيته بكاسترول 10 ـ 30 ولاتغير شي
واحس المكينه لسان حلها يقول بدري وش عقبوه " يوم ...... صمت فخوذها" :)


سامحونا على الشطحه السابقه اللي تسبب بها علينا ولد وايل

ابشركم طلعت الموتر من ورشه المشعل وكان الخلل بتكايات البلوف
كلفت 2850 شامله قطع وشغل يد ولكن بقى برمجه الميكنه ( ضغط المكينه يرتفع وينزل )
والله ييسر امورنا وامور المسلمين


لاني غيرت الزيت بالحوش ولا نفع "البارح مغير يايات ومساعدات موتري بالبيت "
واخوي مثل ما تفضلت مهب فهاوه او عجز ... مصفي النيه

[تاهو-]

اخوي هويدي


السلام عليكم ورحمة الله وبركاته


انا عندي المشكله في مكينة تاهو 2009 نفس الي كانت عندك ياليت لو تعطيني وصف الورشه الي رحت لها . واذا

كانت هي ورشة مشعل العتيبي الرجال المتين مريته امس وقال ما يقدر يصلحها لأن الماكينه يبغالها برمجه ولا يقدر


يسويها بس اهم شي انا ابي اعرف هل هي نفس الورشه والا فيه ورشه ثانيه لأن لقيت 3 ورش امس كلهم يقولون هذا

هو المشعل بس ماادري وش اسووي مع السياره موقفها من قبل امس والوكاله حاطين سعر جامد يقولون 6300

ياليت تعيطيني خبر في اقرب وقت او تعطيني رقم جوالك عشان اكون على اتصال معك لأني ماقدرت ارسل ع الخاص

[GM_400]

هذي صورة الكتابه ترجمتها بقوقل




يقول : غسالة السوائل منخفضة
إضافة السائل


هل المقصود طرمبه الزيت ؟؟



http://www.mekshat.com/pix/upload05/images232/mk19651_taho.jpg



ياهويدي هذي مويه المساحات عبها وتروح الكتابه


طرمبة الزيت عندك مستواها طبيعي تحت النص بشرطه
المشكله من نوع الزيت اللي اخوك يحطه ثقيل مره على محركات الفورتك التقنيه الحديثه

العيار مثل ما ذكرت 10 على 30 مناسب وتوصيه المصنع 5 على 30 وتلاحظ الغطا مكتوب عليه 5 على 30 صيف خريف شتاء ربيع لاتصدق اللي يقول مايتحمل حراره الجو لأن اللي صنعه ابخص وانصحك تقراء الكاتلوج مفيد جدا جدا


موتركم ان شاء الله مايحتاج يروح للورشه بعد ماتغير سيفون اصلي + زيت الترا 7

بيرجع طبيعي باذن اللة لاكن اصبر عليه شوي

الطرمبه سليمه لاتغيرها

قد يكون مشكله ف ياحد تكايات البلوف وليس كلها

[راعي السوناتا]

أخوي الغالي بالنسبه للزيت زيت اللمكينه هو 30 _ 10

هذا اللي اعرفه

[طويق222]

ابي ورشه تصلح الربله

[Waleed1]

السلام عليكم أخواني
أبد زي ماتفضل الاخ مضخه الزيت تخرب ولاتدفع زيت كفايه وبالتالي تضرب عندك التكاي اللي هى بلوف الزيت
عندى سوبر جمس 2004 حطيت فيه بحول الاربعه الف تصليحات
وسراحه يبيلك ميكانيكي ممتاز

[الصقرالعربي]

غير الزيت الى نوع افضل

وجرب الصوت