معلومة جديدة لتنسيم الكفرات قبل دخول الطعوس

[بوعبدالله997]

السلام عليكم
حبيت أضع لكم موضوع يمكن البعض منكم يعرفه والبعض الاخر قد لايعرفه
المهم أنا بالنسبة لي من أكثر الاشياء اللي تخليني أتردد في دخول الطعس والشي اللي يخليني حتى كسول في هالشي هو تنسيم الكفرات ؟؟؟
خاصة الكفرات مثل ما أنتو عارفين كبيره وكل كفر يحتاج وقت وقدره ؟؟؟
المهم رحت محل مختص عدنا بالرحلات والكشتات سواء برية أو بحرية أسم المحل الصياد في الاحساء عند دوار خط قطر
مشاء الله عنده الادوات اللي حتى ما تخطر عالبال ؟؟
وبالصدفه وأنا أتفرج على المحل وأحصل المطلوب اللي هو قطعه تركبها على كل كفر يعني اربع قطع وتفرها ويخرج منها الهواء
اشتريتها على طول ورحت لم البنشري وحطيت كل قطعه في كل كفر (عشان التجربة ) واثناء تنسيم الكفرات خذت لي http://www.mekshat.com/vb/images/smilies/SnipeR (16).gif
وماأمداني أخلص إلا واحس الكفرات خلاص على وشك وأفكهم واشيك عل ضغط الكفرات إلا وهو واصل المطلووووب (تقول السيارة وين الطعوس ) ---------------------****ههههههه
وعلى طول نفخت الهواء عند البنشري ومشيت .....
الاربع قطع ياجماعه بـــ85 ريال مع حافظة وهذي صورتها
http://www.m5zn.com/uploads2/2011/11/18/photo/111811131125zrhj7lf.jpg (http://create-avatar.m5zn.com/)

على فكرة تراها وارد السنيدي (مكتوب على الكرتون )
وأي استفسار أنا في الخدمة
وسلامتكم .......................

[اصيل نجد]

بارك الله فيك يابو عبدالله على الموضوع لافاده اخوانك عن الجديد بالسوق لكن ياريت شرحت عن طريقتها اكثر لاانك ذكرت انها تنسم الكفر طيب ويش يفرق لوانا نسمت الكفر بعود ....وفقك الله ورعاك

[خشير الذيب]

هذي تنسم الكفر اسرع من العود والمفتاح ولاكن فيه طريقه ثانيه
وبلاش
فيه الغطا الحديد اللي يفك به البنشري ابرة البلوف لو تاخذه من البشري بلاش وتفك الابره حقت البلف ولما يصفر زي صوت قدر الظغط تراه واصل حدود 12 او 10 قفل والتنسيم ما ياخذ دقيقه او دقيقتين

[في اكس ار]

مرحبا يابوعبدالله ومبروك ما شريت

لكن اتوقع ان سعرها مبالغ فيه
لأن عندنا في اكثر محلات الرحلات بالرياض بلف هواء مفرغ من الابره ومزود فيه كلبس حديد مثل الموجود بماطور الهواء يمسك على بلف الكفر بالسياره ويفرغ الهواء ، وسعره رخيص جداً

[the sad]

وكذلك وش يفرق لو نسمت ببلف

[ذيب النجيل]

مرحبا يابوعبدالله ومبروك ما شريت



لكن اتوقع ان سعرها مبالغ فيه

لأن عندنا في اكثر محلات الرحلات بالرياض بلف هواء مفرغ من الابره ومزود فيه كلبس حديد مثل الموجود بماطور الهواء يمسك على بلف الكفر بالسياره ويفرغ الهواء ، وسعره رخيص جداً


ياليت صوره له ولك كل الشكر

[ذيب النجيل]

السلام عليكم
حبيت أضع لكم موضوع يمكن البعض منكم يعرفه والبعض الاخر قد لايعرفه
المهم أنا بالنسبة لي من أكثر الاشياء اللي تخليني أتردد في دخول الطعس والشي اللي يخليني حتى كسول في هالشي هو تنسيم الكفرات ؟؟؟
خاصة الكفرات مثل ما أنتو عارفين كبيره وكل كفر يحتاج وقت وقدره ؟؟؟
المهم رحت محل مختص عدنا بالرحلات والكشتات سواء برية أو بحرية أسم المحل الصياد في الاحساء عند دوار خط قطر
مشاء الله عنده الادوات اللي حتى ما تخطر عالبال ؟؟
وبالصدفه وأنا أتفرج على المحل وأحصل المطلوب اللي هو قطعه تركبها على كل كفر يعني اربع قطع وتفرها ويخرج منها الهواء
اشتريتها على طول ورحت لم البنشري وحطيت كل قطعه في كل كفر (عشان التجربة ) واثناء تنسيم الكفرات خذت لي http://www.mekshat.com/vb/images/smilies/SnipeR (16).gif
وماأمداني أخلص إلا واحس الكفرات خلاص على وشك وأفكهم واشيك عل ضغط الكفرات إلا وهو واصل المطلووووب (تقول السيارة وين الطعوس ) ---------------------****ههههههه
وعلى طول نفخت الهواء عند البنشري ومشيت .....
الاربع قطع ياجماعه بـــ85 ريال مع حافظة وهذي صورتها
http://www.m5zn.com/uploads2/2011/11/18/photo/111811131125zrhj7lf.jpg (http://create-avatar.m5zn.com/)

على فكرة تراها وارد السنيدي (مكتوب على الكرتون )
وأي استفسار أنا في الخدمة
وسلامتكم .......................

كيف احدد الهواء المطلوب ؟؟؟

طيب لو ابغى مثلا انسم الهواء واخليه 18

ينسم من حاله وياقف على ال18 ولا ينسم على الاخير ؟؟؟

[عبدالاله 123]

اي مقياس هواء عطلان قص ليه واستخدمه للتنسيم ويعطيك تنسيم في دقيقتين

[بوعبدالله997]

بارك الله فيك يابو عبدالله على الموضوع لافاده اخوانك عن الجديد بالسوق لكن ياريت شرحت عن طريقتها اكثر لاانك ذكرت انها تنسم الكفر طيب ويش يفرق لوانا نسمت الكفر بعود ....وفقك الله ورعاك

حياك الله اخوي الفرق ان التنسيم بالعود راح تنسم كفر كفر
والتنسيم اوالهواء اللي يطلع من الكفر قليل نسبيا ويحتاج وقت وجهد
اما التنسيم بالقطع اللي ذكرتها بالموضوع ماتاخد وقت ولا جهد
ركب كل قطعه في كل بلف كفر ونسم وانت مرتاح
وسلامتك

[بوعبدالله997]

هذي تنسم الكفر اسرع من العود والمفتاح ولاكن فيه طريقه ثانيه
وبلاش
فيه الغطا الحديد اللي يفك به البنشري ابرة البلوف لو تاخذه من البشري بلاش وتفك الابره حقت البلف ولما يصفر زي صوت قدر الظغط تراه واصل حدود 12 او 10 قفل والتنسيم ما ياخذ دقيقه او دقيقتين

صحيح كلامك أخوي
لكن لو لاسمح الله طاحت الابره في الرمل وغطست وضاعت وش الحيله
أقل شي تسويها تركب الاستبنه
اشتر راحت بالك والاسلم لك وسلااام

[بوعبدالله997]

مرحبا يابوعبدالله ومبروك ما شريت

لكن اتوقع ان سعرها مبالغ فيه
لأن عندنا في اكثر محلات الرحلات بالرياض بلف هواء مفرغ من الابره ومزود فيه كلبس حديد مثل الموجود بماطور الهواء يمسك على بلف الكفر بالسياره ويفرغ الهواء ، وسعره رخيص جداً

أسعدني مرورك اخوي
يمكن فيه انواع اخرى لكن انا حصلت هالنوع وارتحت له بصراحه يكفي انه من السنيدي وماشاءالله قوي جداا

[بوعبدالله997]

ياليت صوره له ولك كل الشكر


الصوره موجودة في الموضوع اخوي
وإذا تبي صور اكثر ابشششر
ويسعدني مرورك

[بوعبدالله997]

كيف احدد الهواء المطلوب ؟؟؟

طيب لو ابغى مثلا انسم الهواء واخليه 18

ينسم من حاله وياقف على ال18 ولا ينسم على الاخير ؟؟؟

حيااااك الله
طبعا ماتقدر تتحكم فيه انه يوقف بروحه لازم يدويا تفر البلف وتقفله اوتفتحه
وانت تحدد عن طريق النظر وباستخدام مقياس ضغط الهواء للكفر

[بوعبدالله997]

اي مقياس هواء عطلان قص ليه واستخدمه للتنسيم ويعطيك تنسيم في دقيقتين


صحيح كلامك
لكن فيه نقطتين مهمتين
اولا وين تحصل مقياس هواء عطلان عشان تفكه وتقصه وتستخدمه في التنسيم
ثانيا أتوقع والله أعلم التنسيم راح يكون بطيء شوي خاصة انو القطع اللي ذكرتهم انا بالموضوع تقدر تزيد من عملية التنسيم اواتخففها او ماتخليها تنسم عن طريق لف البلف يمين ويسار حسب حاجتك
وسلامتك

[بوعبدالله997]

وكذلك وش يفرق لو نسمت ببلف


مافهمت مقصودك أخوي
وشاكر مرورك

[صلهامه]

وعليكم السلام

الله يجزاك خير على التوضيح والشرح

الشباب قصدهم اللى عندنا بالرياض هذا :
http://www.mekshat.com/pix/upload05/images235/mk9207_img_0583 [800x600].jpg

http://www.mekshat.com/pix/upload05/images235/mk9207_img_0584 [800x600].jpg

http://www.mekshat.com/pix/upload05/images235/mk9207_img_0585 [800x600].jpg

سعره ما يتعدي 8 ريال عند محلات الكشتات

يوضع على البلف وتثبته بالكلبس

[hmody00]

اكثر الاخوان يقولون وش فرقه عن العود ولا مفتاح او يفك البلف اسرع..هذولي على مافهمت من اخونا ,...4قطع تركب على كل الكفرات ووقت واحد تنسم لهم اختصار بدال ماروح وانزل هواء كل كفر لحاله..واكيد اكثر امان لان اللي صانعها اكيد ضامن انها بتفيد وتشترى ولا كان ماكلف على نفسه..


انا بالنسبة لي الطريقة التقليدية عود او مفتاح وأعد إلي الخمسين <<قديم...لاني واحد رايق انزل قبل مادخل النفود واشم الهواء واستعد نفسياً خاصة اذا كانت الاجواء ربيعيهـ


تحياااتي..

[عاشق السيل]

ماشاء الله تبارك الرحمن جعلها ألف مبروك ،،

وبيض الله وجهك على العرض الجميل وتقديم المفيد ....

[سيف الظفير]

اولاً مبروك الجيب

الثانية معي سكروب مفك للبلف ولا ازين منه خذيته من عضو شلفات تبوك صديقي العزيز


ميزته يفك البلف كاااااااامل

وينقص الهواء الى المستوى اللي تبيه وانت عاير الكفر بالمعيار وصل اللي 15 او 18 ركب البلف زي ما تركب مسمار بلوح خشب

يعني قلوزة

[الوسام عامري]

يعطيك العافيه اخوي على الطرح

وزي ماقال الاخوان بأستخدام فك الابرة زي اللي موجود عند البنشري ينسم لك الهواء بأقل من دقيقة وانا دائماً اتعامل بهذه الطريقة وسوف ازودكم بالصور في حال طلعة البر هاليومين بأذن الله بشكل المفك الخاص بأبرة الكفر وتطليع الابرة الى الخارج .
والتقفيل عندما يطلع صوت صفير الكفر مثل ما ذكر الاخوان في الردود السابقة ليتعرف الجميع على كيفية ذلك

وللجميع تحياتي

[بوعبدالله997]

وعليكم السلام

الله يجزاك خير على التوضيح والشرح

الشباب قصدهم اللى عندنا بالرياض هذا :
http://www.mekshat.com/pix/upload05/images235/mk9207_img_0583 [800x600].jpg

http://www.mekshat.com/pix/upload05/images235/mk9207_img_0584 [800x600].jpg

http://www.mekshat.com/pix/upload05/images235/mk9207_img_0585 [800x600].jpg

سعره ما يتعدي 8 ريال عند محلات الكشتات

يوضع على البلف وتثبته بالكلبس


يعطيك العافيو اخوي واسعدني مرورك واثرائك للموضوع

[بوعبدالله997]

اكثر الاخوان يقولون وش فرقه عن العود ولا مفتاح او يفك البلف اسرع..هذولي على مافهمت من اخونا ,...4قطع تركب على كل الكفرات ووقت واحد تنسم لهم اختصار بدال ماروح وانزل هواء كل كفر لحاله..واكيد اكثر امان لان اللي صانعها اكيد ضامن انها بتفيد وتشترى ولا كان ماكلف على نفسه..


انا بالنسبة لي الطريقة التقليدية عود او مفتاح وأعد إلي الخمسين <<قديم...لاني واحد رايق انزل قبل مادخل النفود واشم الهواء واستعد نفسياً خاصة اذا كانت الاجواء ربيعيهـ


تحياااتي..

تسلم والمقصود اختصار الوقت فقط
وحياااك الله

[بوعبدالله997]

اولاً مبروك الجيب

الثانية معي سكروب مفك للبلف ولا ازين منه خذيته من عضو شلفات تبوك صديقي العزيز


ميزته يفك البلف كاااااااامل

وينقص الهواء الى المستوى اللي تبيه وانت عاير الكفر بالمعيار وصل اللي 15 او 18 ركب البلف زي ما تركب مسمار بلوح خشب

يعني قلوزة

تسلم يالغالي بس ماشفت اللي تقوله لوعندك صوره ارفقه بالموضوع لاهنت
عشان يستفيدون الاخوان
ومشكوررررر

[ابو سيـف]

موضوع جميل
بارك الله فيك
تحياتي

[مهندس مكشات]

عطيك الف عافية على النقل

[بوعبدالله997]

ماشاء الله تبارك الرحمن جعلها ألف مبروك ،،

وبيض الله وجهك على العرض الجميل وتقديم المفيد ....

الله يبارك فيك اخوي ويكثر من امثالك يالغالي ....

[بوعبدالله997]

عطيك الف عافية على النقل

الله يعافيك وحيااااااك الله يالغالي

[بوعبدالله997]

موضوع جميل
بارك الله فيك
تحياتي

وفيك ياالغااالي ....

[نطوان1]

فعلا رائعة الله يبارك فيك

[N أبورغد N]

انا استخدم فك البلف ماخذ المفك بلاش من حقين الكفرات وشاري ابر احتياط
وعندي بعد القطعه الي طرحوها الاخوان سعرها بـ 5 ريال من شارع الريل الرياض
بالنسبه للقطع المطروحه ممتازه لكن سعرها مبالغ فيه جدا وكذلك مسائلة اني افكها عشان اعاير ثم اركبها الين اوصل للضغط المطلوب اتوقع انها تطول اكثر
لكن دامك ارتحت لها وقنيتها الله يبارك لك فيها
ومشكور على الموضوع وحرصك على اخوانك

[سديراوي نت]

أنا أستخدم اللي صورها الأخ صلهامة.. أشبكهم على التوالي وأحسب دقيقة وثلث يعطيني ضغط 15 نزولا من 30

[حلم البحر]

الله يعطيك العافية
وماقصرت لأفادة أخوانك
تحياتي لك

[الكابتن]

مساكم الله بالخير ياخوان انا استخدمت كل الطرق اللي ذكرتوها للتنسيم
وبصراحه ما حصلت افضل من استخدام البلوف اللي بالصوره
لانى قبل ما ادخل الطعوس اركبها واتركها تنسم على راحتها(افضل من البوبزه على كل كفر:D:D ) بس اهم شي
انك تضبط وزنيتها قبل (وهي انك تنزل هوا احد الكفرات على الوزنيه اللي تناسبكك وبعدها تركب القطعه وتشد على الوزنيه حتى يوقف تنسيم الهوا وتفكها وتركب بقية القطع على نفس البلف حتى توازنهن) وبكذا يكونن جاهزات للتركيب قبل الدخول للطعس وما تفكهن الا لاجيت تعبي هوا
وسلامتكم

[بوعبدالله997]

حياكم الله ياأخوان
وبارك الله فيكم وعلى تفاعلكم ومشاركاتكم معي
وبيض الله وجيهكم وحرمها من النار ......

[البرفسر]

فكره حلوه الف شكر لك

[بوعبدالله997]

مساكم الله بالخير ياخوان انا استخدمت كل الطرق اللي ذكرتوها للتنسيم
وبصراحه ما حصلت افضل من استخدام البلوف اللي بالصوره
لانى قبل ما ادخل الطعوس اركبها واتركها تنسم على راحتها(افضل من البوبزه على كل كفر:D:D ) بس اهم شي
انك تضبط وزنيتها قبل (وهي انك تنزل هوا احد الكفرات على الوزنيه اللي تناسبكك وبعدها تركب القطعه وتشد على الوزنيه حتى يوقف تنسيم الهوا وتفكها وتركب بقية القطع على نفس البلف حتى توازنهن) وبكذا يكونن جاهزات للتركيب قبل الدخول للطعس وما تفكهن الا لاجيت تعبي هوا
وسلامتكم

الله يسلمك أخوي
أبشركم ياأخوان فعلا القطعه توزنها على ضغط معين وهي تبتدي بتنسيم الكفر لين يوصل حد اللي أنت ضابطه مسبقا وتوقف عن التنسيم
وأنا كنت اعتقد انها تفضي الكفر من الهوا لين يوصل الجنط الارض ..
ومشكور وماقصرت اخوي الكابتن على هالمعلومه المفييييدة ...........

[بوعبدالله997]

انا استخدم فك البلف ماخذ المفك بلاش من حقين الكفرات وشاري ابر احتياط
وعندي بعد القطعه الي طرحوها الاخوان سعرها بـ 5 ريال من شارع الريل الرياض
بالنسبه للقطع المطروحه ممتازه لكن سعرها مبالغ فيه جدا وكذلك مسائلة اني افكها عشان اعاير ثم اركبها الين اوصل للضغط المطلوب اتوقع انها تطول اكثر
لكن دامك ارتحت لها وقنيتها الله يبارك لك فيها
ومشكور على الموضوع وحرصك على اخوانك


القطعه توزنها على ضغط معين وهي تبتدي بتنسي الكفر لين يوصل حد اللي أنت ضابطه مسبقا وتوقف عن التنسيم

[بوعبدالله997]

كيف احدد الهواء المطلوب ؟؟؟

طيب لو ابغى مثلا انسم الهواء واخليه 18

ينسم من حاله وياقف على ال18 ولا ينسم على الاخير ؟؟؟

معليش أخوي ذيب النجيل في ردي السابق قلتلك ما أقدر وهذا اللي كنت اعتقده ,,
لكن بعد التجربة التفصيلية للقطع وبمعلومات من الاخ الكابتن (عضو في المنتدى )
أبشرك فعلا القطعه توزنها على ضغط معين وهي تبتدي بتنسيم الكفر لين يوصل حد اللي أنت ضابطه مسبقا ويتوقف عن التنسيم .................

[6ariq]

اها
مادامها توزن على ضغط معين كذا تكون اريح

اللحين اتضحت الرؤيه

يعطيك العافيه

[سوبر152]

فك الابرة
أسرع طريقة
بس انتبه لاتطير الابرة

[سسااللمم]

مشششكور ياخوي ... انا معي حديده من السنيدي .. مررره زينه احسسن من اللي عند البنشري . معها ابر ومعها مفتاح . وجاهزه ..

ويعطيك العافيه

[ALBDRANE]

بالنسبة لي علمني واحد طريقة سهلت علي لاني كنت أنسم الكفرات بعود وكل شوي ينكسر العود هههههه
الطريقة مثل ما تفضل بعض الاخوان أسحب الابره وأذا وصل للحد الي أبيه أركب الابرة وعندي مجموعة من الابر حاطها بالدرج أحتياط لو طارة الابرة عاد وين تلقاها بالنفود هههههه الصرحة ما أتوقع فيه طريقة أسهل وأسرع منها .وسلامتكم

[البازمحمد]

السلام عليكم ياخوان ان ماذكره الاخ ابوعبدالله انا سوف اشرح لكم استخدام هذى النوعيه لتنسيم الهواء اولا تقوم بتنسيم كفر واحد على المقاس الذي تريده ومن ثم تضع البلف الذي يعنيه ابوعبدالله في الكفر وتقلق حتى يتوقف الهواء والباقي الثلاثه مثلهن وبذالك اصبحت البلوف كلها على نفس الوزنيه وذالك اول مره تستخدمها وبعدها تقوم بتركيب البلوف على الكفرات كل مره حيث انه تخرج كمية الهواء الزائده ويتوقف عند الوزنيه التي تم ضبطها سابقا

[بوعبدالله997]

السلام عليكم ياخوان ان ماذكره الاخ ابوعبدالله انا سوف اشرح لكم استخدام هذى النوعيه لتنسيم الهواء اولا تقوم بتنسيم كفر واحد على المقاس الذي تريده ومن ثم تضع البلف الذي يعنيه ابوعبدالله في الكفر وتقلق حتى يتوقف الهواء والباقي الثلاثه مثلهن وبذالك اصبحت البلوف كلها على نفس الوزنيه وذالك اول مره تستخدمها وبعدها تقوم بتركيب البلوف على الكفرات كل مره حيث انه تخرج كمية الهواء الزائده ويتوقف عند الوزنيه التي تم ضبطها سابقا


صح لسانك أخوي هذي الطريقة اللي كنت اقولها بس شرحك افضل من شرحي
ومشكوررر

[منتعش]

عافاك الله أخوي المحب : ابوعبدالله997
على هذه الصور والمعلومة
يعطيك خيره ويكفيك شره
وبيض الله وجهك وما قصرت .

[ibrhim]

يا اخوان وين احصل هذه القطعة بالرياض والا بالقصيم


افيدونا جزاكم الله خير...

[ALBDRANE]

يقولون عند السنيدي

[بوعبدالله997]

عافاك الله أخوي المحب : ابوعبدالله997

على هذه الصور والمعلومة
يعطيك خيره ويكفيك شره

وبيض الله وجهك وما قصرت .



الله يعافيك إن شاءالله
ووجهك أبيض
وإن شاء الله راح نفيد ونستفيد

[بوعبدالله997]

يا اخوان وين احصل هذه القطعة بالرياض والا بالقصيم




افيدونا جزاكم الله خير...



تحصلها في محلات الكشاته مثل السنيدي ومكشات والصياد وغيرها ...

[YUKON_GMC]

الله يعطيك العافيه -

لكن لاتزال طريقة فك الابره هي الاسرع والارخص ..

والحمدلله لي يمكن اكثر من سبع سنين افكك الابر ولامره ضاعت الابره

افك الابره في الكفر اللي قدام واخذ الابره معي وافك اللي وراء وارجع اركب اللي قدام وبسرعه اروح اركب اللي ورا يعني كفرين افكك ابرهم مع بعض

ونفس الشي بالجهه الاخرى وخلال ثلاث دقائق اكون نسمت الكفرات الاربع على 15

وبالنسبه للابره محلوله .. اقرب بنشري وخذ لك عشر ابر احتياط وبلاش وحطهم بدرج السياره

وحتى لو مامعك ابره غطاء البلف يكفي إذا كان نوع جيد

الاهم بالموضوع ان تركب مفك الابر على بلف وتشده بالزراديه حتى تتحكم بالفك اقوى واسرع


http://www.broward.org/PermittingAndLicensing/Consumer/PublishingImages/valve_stem.jpg

[ibrhim]

تحصلها في محلات الكشاته مثل السنيدي ومكشات والصياد وغيرها ...



اخوي بو عبدالله اللي انت اشتريتها نفس اللي بالصورة بالضبط والا تختلف لأني لقيت سعرها في الانترنت في المواقع العالمية اغلى بكثير ... شكراً

[بن مانع التميمي]

خذ الابره الي تفك المسمار حق الابره وخله لين يصفر وركبها ولكها زين

واللهم صلي وسلم على محمد


ماتاخذ وقت

يمكن انت تنسم بمفتاح ولا غيره

كذا ايه تعب

[باين_99]

جزاك الله خيراً على المعلومات الوافية .

[بوعبدالله997]

الله يعطيك العافيه -

لكن لاتزال طريقة فك الابره هي الاسرع والارخص ..

والحمدلله لي يمكن اكثر من سبع سنين افكك الابر ولامره ضاعت الابره

افك الابره في الكفر اللي قدام واخذ الابره معي وافك اللي وراء وارجع اركب اللي قدام وبسرعه اروح اركب اللي ورا يعني كفرين افكك ابرهم مع بعض

ونفس الشي بالجهه الاخرى وخلال ثلاث دقائق اكون نسمت الكفرات الاربع على 15

وبالنسبه للابره محلوله .. اقرب بنشري وخذ لك عشر ابر احتياط وبلاش وحطهم بدرج السياره

وحتى لو مامعك ابره غطاء البلف يكفي إذا كان نوع جيد

الاهم بالموضوع ان تركب مفك الابر على بلف وتشده بالزراديه حتى تتحكم بالفك اقوى واسرع


http://www.broward.org/PermittingAndLicensing/Consumer/PublishingImages/valve_stem.jpg


يعطيك العافية أخوي على مرورك الكريم
وعلى العموم كل واحد يرتاح لطريقته اللي متعود عليها ..........

[بوعبدالله997]

اخوي بو عبدالله اللي انت اشتريتها نفس اللي بالصورة بالضبط والا تختلف لأني لقيت سعرها في الانترنت في المواقع العالمية اغلى بكثير ... شكراً


والله أخوي الآن موتري من أمس بالليل موديه عشان حماية الوجهيه والحماية الخارجية وغيرها , والقطع في السيارة أول ماتطلع السيارة بصور القطع
وأبشررررر

[بوعبدالله997]

خذ الابره الي تفك المسمار حق الابره وخله لين يصفر وركبها ولكها زين

واللهم صلي وسلم على محمد


ماتاخذ وقت

يمكن انت تنسم بمفتاح ولا غيره

كذا ايه تعب

يعطيك العافية على مرورك
ومثل ماذكرت سابقا كلا له طريقته الخاصة اللي يرتاح لها ..

[sgl2002]

انا استخدم البلف اللي عند البنشري

افك الابرة واعد 19 ثانية واحصلها 20

وللمعلومية لاتنسم واجد ترى يبرد العزم ويرج بالكفرات اذا دعست بالدبل

[بوعبدالله997]

جزاك الله خيراً على المعلومات الوافية .


حياك الله أخوي
وحاضرن للطيبين ........

[هبايب صيف]

حياك الله اخوي الفرق ان التنسيم بالعود راح تنسم كفر كفر




ياصاحب الموضوع يعني القطع ذي تنسم الكفر كله مع بعض

[بوعبدالله997]

وللمعلومية لاتنسم واجد ترى يبرد العزم ويرج بالكفرات اذا دعست بالدبل

مشكور على هالمعلومة المفيدة
وجزاك الله خيير .......

[بيك اب 4X4]

حصلت القطعه عند محلات الرماية بـ 70 ريال
و بصراحه السعر مبالغ فيه بقوة
يعني لو 40 ريال معقول
و سألت اللي يشتغل هناك قلتله في احد يشتري هذي القطعه بهذا السعر؟
قال يسألون عنها من الباب
يعني مرغوبه
قلتله يا عمي الله يخلي المفتاح
تنسيم ببلاش

[بوعبدالله997]

اخوي بو عبدالله اللي انت اشتريتها نفس اللي بالصورة بالضبط والا تختلف لأني لقيت سعرها في الانترنت في المواقع العالمية اغلى بكثير ... شكراً




تفضل أخوي هذا اللي شريتها قبل شوي مصورها بالايفون

http://www.m5zn.com/uploads2/2011/11/20/photo/1120111211059i2qapxwaoyqwc.jpg (http://create-avatar.m5zn.com/)

[بوعبدالله997]

ياصاحب الموضوع يعني القطع ذي تنسم الكفر كله مع بعض



صحيييييييح وراح تختصر لك الوقت كثييير .....

[ابو شكاع]

قديما ماكنت موجودة بالسعودية
كانوا يجيبونها من دبي وكنت اتمنى اقتناءها
الحين صارت متاحة
شكرا لك

[بوعبدالله997]

قديما ماكنت موجودة بالسعودية
كانوا يجيبونها من دبي وكنت اتمنى اقتناءها
الحين صارت متاحة
شكرا لك


ماتغلى عليك يالطيب
وشاكر لك مرورك ....

[ibrhim]

تفضل أخوي هذا اللي شريتها قبل شوي مصورها بالايفون

http://www.m5zn.com/uploads2/2011/11/20/photo/1120111211059i2qapxwaoyqwc.jpg (http://create-avatar.m5zn.com/)

جزاك الله خير يا ابو عبدالله

[بوعبدالله997]

جزاك الله خير يا ابو عبدالله

وياك إن شاء الله أخ ابراهيم.....

[saad_path]

الله يعطيك العافيه وماقصرت
بس اتوقع انها ماهي حل نهائي لانك انت نازل نازل مادام انك كسول على قولتك
سواء نسمت بعود ولا غيره النزله فيك فيك

[محلات البريه]

ماشاء الله على المعلومه

[ولد وايل]

ميزتها تخليها راكبه عالكفرات واذا بتخش الرمل حط المقاس اللي تبيه وامش وهي تنسم نفسها

جتني هديه من اخونا بوجابر من الامارات قبل سنتين

[بن مانع التميمي]

يعطيك العافية على مرورك
ومثل ماذكرت سابقا كلا له طريقته الخاصة اللي يرتاح لها ..

صدقت يابعدي ..


والله يعافيك

[سامي2011]

السلام عليكم ورحمة الله وبركاته

افضل طريقه بدون اي تكلفه رح اي محل بنشر
وخذ من عنده

1 مفك الابره اقل شي 2

2خذ ابر للبلف احتياط 5او6

3طبعا تكون مع ماطور الهواء

كلما زودت من الابر ومفك البره يكون لصالحك

:f ملاحظه تكون التكلفه خمسة ريالات:f
وشكرا

[sulaiman09]

ماشاء الله

[القنـاص2008]

بيض الله وجهك على المعلومة
انا من زمان ادور عليهم

تقبل مرورى

[ع العمرو]

نعم للراحة لا للغلاء الغير مبرر .

[بوعبدالله997]

السلام عليكم ورحمة الله وبركاته

افضل طريقه بدون اي تكلفه رح اي محل بنشر
وخذ من عنده

1 مفك الابره اقل شي 2

2خذ ابر للبلف احتياط 5او6

3طبعا تكون مع ماطور الهواء

كلما زودت من الابر ومفك البره يكون لصالحك

:f ملاحظه تكون التكلفه خمسة ريالات:f
وشكرا

ياأخوي إذا لاسمح الله صار ماصار وضاعت الابر او مفك الابر خرب
وانت وسط البر تقول ياليت شاريها لو بألف ريال ...

[بوعبدالله997]

بيض الله وجهك على المعلومة

انا من زمان ادور عليهم



تقبل مرورى


ووجهك ابيض يالغالي ......

[بوعبدالله997]

نعم للراحة لا للغلاء الغير مبرر .


صحيح ياخوي
لكن الغالي سعره فيه وكلا يشتري راحة باله واللي يرتاحله
وشاكر مرورك ...

[YUKON_GMC]

ابشرك خلصت الكميه مافيه عندهم ولاحبه بعد هالدعايه المميزهـ

جايهم بالامس

[بوعبدالله997]

ابشرك خلصت الكميه مافيه عندهم ولاحبه بعد هالدعايه المميزهـ

جايهم بالامس



ههههههههههههههه
كان وصيتهم علي يعطوني نسبة .........
على العموم ترخص لك يالغالي
وشاكر لك اخوي مرورك الكريم..