هل جنط 225/60R16 ينفع بدل 215/60R16 للكامري

[ابوعطالله IV]

السلام عليكم ورحمة الله وبركاته.
انا اخوكم في بلد الغربه، الزبده انا بديره مقطعه وصغيره وعندي سيارتي الكامري بشري لها كفرات واطلبها من النت، والمشكله انه لطلبت الكفرات ترجيعتها وكذا صعبه. فحبيت استشيركم عن شغله قالها لي واحد وحبيت استفسر زياده. قال انه ركب جنط 225/60R16 بدل 215/60R16 لانه ارسى للموتر واهدى واحسن.
فهل هالكلام هذا مضبوط ، وهل فيه اي سلبيات تتعلق باتزان السياره او بصوت الكفرات يطلع او شي مع الوقت، خصوصا اني بمنطقه ثلجيه؟

الله يجزاه خير اللي يفزع لي وياليت الواحد يعطيني علم ثبات لاني بدفع مبلغ وتعرفون الامور بالغربه شوي عسره عسى الله يرزقنا من واسع فضله.

وجزاكم الله خير مقدما وشرح الله صدورك بالنور والايمان

[الجني العبد]

والله مالي خبرة بالكوامري ، لكن بالهايلوكسات نركب 225/75/15 بدل كفرات الوكالة 205/70/15

لكن خذ ببالك راح يزود صوت الكفر بنسبة خفيفة ، على العموم أتوقع الكفر يركب بدون مشاكل

[Abusliman]

انت تتكلم عن مقاس كفر مهب جنط
بس بعطيك معلومه دايماً تعووض العرض بالارتفاع والعكس صحيح
يعني مثلاً كفر الوكالة 215/60/16 طبعاً ما يحطون مقاسات الكفر الا بدراسات ما يحطون اي شي
فانت اذا كنت بتغير كفر الوكالة لكفر اعرض لازم تقلل الارتفاع يعني تبي عرض 225 بدل 215 تنزل الارتفاع من 60 الى 55 وهي لها طريقة حسابية تطلع لك افضل مقاس مناسب بس ما اعرف الطريقه
وللاسف اغلب الي يركبون كفرات يركبون بدون قياسات وبدون شي وذا غلط
وترا ما تفرق واجد بين ارتفاع 55 و60 لان العرض الي الي زدته شي بسيط وما راح يفرق
وترا لا غيرت من 215 لـ 225 منتب ملاحظ فرق واضح بس ممكن العزم يطيح شوي لان عرض الكفر يصد الهواء طبعاً شي خفيف لان المقاس مقارب
ونصيحة خلك على مقاس الوكالة افضل لكـ

[hguvfd]

بالتوفيق ان اشاء الله

[دحيم الفزعة]

السلام عليكم
المقاس هذا R16/60/225 ما منه مشاكل لاني سبق وركبيته لكامري
عن الرساوه راح تكون افضل بشي يمكن ما تلاحظه لان الفرق بسيط بالدعسه
مشاكل ما فيه الا اذا ركبت ارتفاع أقل عن 60 مثلا 55 أو 50 بتلاحظ أن المطب أقوى والتأثير كبير على الكفر والجنط
ودمت بود ===