المساعد الشخصي الرقمي

مشاهدة النسخة كاملة : ودي اكشت الخميس وين تنصحون انا بالرياض؟؟؟؟؟؟؟؟


نواف بن محمد1
21/11/2011, 09:14 PM
ودي اطلع العيال هالاسبوع بس ابي مكان على ذوقككم الراقي حول الرياض
ولكم جزيل الشكر
ابو جذاب
21/11/2011, 09:19 PM
اكشت بحوش بيتكم :good2:
6ariq
21/11/2011, 09:23 PM
خذ معك زراديه
الدعوه كلها شبوك
سليمان 10
21/11/2011, 09:23 PM
لك من التنهاة الى الرقعي من طريق الصمان او المجمعه ولك الخيار 000
نواف بن محمد1
21/11/2011, 09:28 PM
اكشت بحوش بيتكم :good2:
موضوع للكبار فقط............
فنجال ورجال
21/11/2011, 09:34 PM
أخوي ما حولك ربيع لا تبعد
وبعدين إن كنت بتطلع بعائلة دور لك إن كنت شمال شعيب طيب مثل الحيسية أو حريملاء . دقلة
وإن كنت جنوب الرياض شف شعيب الدهو تراه طيب بالحيل جنوب الحائر
أو إنزل لنساح وماحولها
وإن كان الدعوة شباب مد رجلك ودور المطر وين ورح يا مال العافية
نواف بن محمد1
21/11/2011, 09:38 PM
أخوي ما حولك ربيع لا تبعد

وبعدين إن كنت بتطلع بعائلة دور لك إن كنت شمال شعيب طيب مثل الحيسية أو حريملاء . دقلة
وإن كنت جنوب الرياض شف شعيب الدهو تراه طيب بالحيل جنوب الحائر
أو إنزل لنساح وماحولها

وإن كان الدعوة شباب مد رجلك ودور المطر وين ورح يا مال العافية

بعض الرجاجيل ودك تخاوية من كلامة
نواف بن محمد1
21/11/2011, 09:38 PM
خذ معك زراديه
الدعوه كلها شبوك
لا تعليق!!!!!!!!!!!!!!!!!!!!!!!
نواف بن محمد1
21/11/2011, 09:39 PM
لك من التنهاة الى الرقعي من طريق الصمان او المجمعه ولك الخيار 000
بيض الله وجهك..............
محرين باالخير
21/11/2011, 10:54 PM
وش موترك عساه يزبن
كان موترك دبل افظل انك تمد مع طريق الثمامه لين تتعدي التفتيش بكم كيلو لم طعوس الطوقي وتبعد عن الزحمه والأزعاج وخش النفود يسار الطريق وبتلقا محلات يحبه قلبك بس انتبه ترا هناك مابه ارسال جوال لانزلت الخبب لازم فوق طعس 0
واسألالله لكم التوفيق
حسن الشمالي
21/11/2011, 10:59 PM
علمنى وين محلك....
نعلمك المحل السنع..
نواف بن محمد1
21/11/2011, 11:02 PM
الموتر باترول
المقع الربوة بالرياض
حسن الشمالي
21/11/2011, 11:08 PM
الموتر باترول
المقع الربوة بالرياض

انا اسئلني عن جنوب الرياض...
تبي نفود عندك جهات الخرارة... نفدان مالها نهايه...
ابعد عن العالم تلقى محلن زين ونظيف...

تبي شعبان عندك خط صلبوخ ان بغيت رح لشيعب حريملا...
ولا الحيسية...

وكشتة سعيدة...
ابو منور 93
22/11/2011, 12:07 AM
شمال غرب روضة التنهات لاتفوتك سير علي وابشر بلحليب
ابوالبراجس
22/11/2011, 06:07 AM
هلا بالحبايب حرمه و المجمعة أبشركم ممطوره مطره طيبه جعلها بساط خير. انصحك دق سلف و كلها ساعة و نصف و انت هناك و طب و تخير شعبان يحبها قلبك و اذا تبي فزعه راسلني علي الأميل
نواف بن محمد1
22/11/2011, 12:59 PM
هلا بالحبايب حرمه و المجمعة أبشركم ممطوره مطره طيبه جعلها بساط خير. انصحك دق سلف و كلها ساعة و نصف و انت هناك و طب و تخير شعبان يحبها قلبك و اذا تبي فزعه راسلني علي الأميل

ممكن وصف بعض الاماكن لو سمحت
مسفاااار35
23/11/2011, 11:50 AM
مادام معك عائله اقرب مكان بعد التفتيش طريق القصيم معبر جمال اطلع معه يمين وابتل 8 او 10 ك قدامك ابرق النقا وحوله طعوس زينه تصلح للعائله اقرب شيء وهدوء وحولها دورات مياة
ابشر بسعدك
23/11/2011, 01:26 PM
ابو محمد عندك روضة الخفس منطقتها حلوة وهادية ونظيفة ومابها هواء بس رح بدري او بتل لين يلف الخط يسار كنك رايح لخط القصيم يجيك عبارة عندها بقالة ع اليمين ادخل من بين البقالات وجهك شمال وابتل رح تدخل منطقة حلوة وهادية وفيها مخيمات للناس معروفين بالمجتمع اهل ابل مجاهيم يعني ماتخاف ماهي مقطعة
بس ريح كفارات موترك من الهواء وخل معك كمبرسور هواء تعبي اذا طلعت


ياحلو ذيك المنطقة اذا جاها مطر وعندك جنوب الخفس فيه اشعيب به شجر للمقيال بعد


ارجوا اني افدتك لك ودي واحترامي.....

ملاحظه فلل موترك ترا الباترول تانكية مايزبن للمشاوير ولو معك تانكي احتياطي اللي يعلق بالباب عبه بعد:good2::good2: