المساعد الشخصي الرقمي

مشاهدة النسخة كاملة : مارأيكم في البرجستون التايلندي للباثفاندر2004


مارتن
22/11/2011, 10:35 AM
مرحبا ياشباب

يا إخوان لفيت محلات الكفرات شارع شارع محل محل بنشر بنشر لكي أستبدل كفرات الباثفاندر2004 برجستون ( ياباني ) بمثلها وللأسف مالقيت سوى الصناعة التايلندية للبرجستون نفس الشكل والمواصفات ومقاومتها للحراره ... إلخ إلا أن الفرق في بلد الصنع .. فماهي نصيحتكم لأخيكم , خصوصا وأنني عازم السفر لمكة والمدينه برفقة العائلة الكريمه اتوكل على الله واشتريها أم هناك لكم رأي آخر ؟؟

وتقبلوا تحياتي واحترامي .....
عبدالرحمن السالم
22/11/2011, 10:44 AM
حياك ياخوي ، والله ماعندي علم بها بصراحه
لكن شف لك الماكسس حلوه وممتازه وعمليه ، او الميشلان دام سعره قريب للبرنجستون
ممتاز ولين وعملي جداً
موفق خير
مارتن
22/11/2011, 10:56 AM
أهلا بك يابو سالم


يارجال انا جافل ( هارب ) من التايلندي وماني مرتاح له الماكس تايلندي والميشلان اصبح كذلك تايلندي , ما أخبي عليك الكفرات الحالية في السياره اللي يشوفها يقول جديده ومافيها شيئ وهي بصراحه من 2005 ماشاء الله .. ولولا تقادم موديلها وديل والحرص على السلامه ماكان غيرتها ...... الرغبه وانا أخوك في ياباني أصل وفصل
عبدالرحمن السالم
22/11/2011, 12:32 PM
هلابك يالغالي ، اذا تبي ياباني عندك اليوكاهاما وعندك التويو وعندك الدنللوب بس مشكله الدنللوب مايجي مقاس الوكالة
دام تشوف الكفرات زينه معك والنقشه موجوده خلهن ، لكن اذا النقشه طايرة ومتسحل الكفر غيره لاتخليه
المشكله ان السوق مافيه شى ابد ، وتبي تتعب وانت تدور
طيب ليه ماتروح لوكالة برنجستون إلى على طريق خريص ممكن تحصل عندهم ، الماكسس انا كنت اقول مثلك بس والله اعرف ناس مجربته واطلع معهم واروح واجي معهم ، ماشاء الله ماتوقعته كذا ابد
تتحمل وكفر سريع ولين بالحيل ، الله يعينك والله انا مثلك تعبت ولكن الحمد الله لقينا إلى يمشي الحال
موفق خير
k-7
01/01/2012, 01:41 PM
السلام عليكم ورحمة الله وبركاته

خالي معه هايلكس 2011 دبل وكفرات بريدجستون تايلندي شد بلد على خط القصيم يمشي 140 فجأة حس ببطناج وقف لقى الكفر ينسم غيره وشيك على الكفر لقاه من الداخل متنفخ ومنسلخ
Traction: B
Tempreture:B
Tradewear:300