سؤال عن القماش التنزاني

[أبو عيسى 770]

السلام عليكم و رحمة الله و بركاته
حبيت أسأل عن القماش التنزاني ما أفضل أنواعه و العازل من الماء و هل هو 303 و ينفع لتفصيل الخيام ولا لا شكراً

[لاتكب البيالة]

السلام عليكم
التنزاني اللي يجي عندنا عدة انواع
303 هذا ثقيل لكن من رايي ما يصلح للخيام لانه ثقيل شوي ويتعب بالطق وهذا المفضل بفرش النوم واذكره قبل فتره انقطع او بالاحرى وقف بيعه الوكيل ما ادري رجع ولا لا
261 هذا اخف شوي وهذا انا اقول انه افضل بالخيام والعزب وغيره وايضا جته فتره انقطع ثم رجع ثم ارتفع سعره ثم ثم وهذا حال تجارنا الشي اللي يصير له شعبية وتوجه من الناس يغليه
225 او انه 215 هذا اخف واعتقد ما يجي الحين وانا اشوف انه المفضل للي يبي شي خفيف كمضلة خفيفة او رواق
بالمناسبة فيه شراع يجي رملي صناعة باكستانية لكنه نادر يوجد بالسوق وكثير يغش ويباع على انه تنزاني وهالشراع الحقيقة انه صفات التنزاني 261 نفس الوزن تقريبا ونفس الحياكة ولا يسرب الماء ومتره ايضا ب 5 ريالات فقط بالجملة بينما التنزاني كان ب 13 ريال قبل تغلى

[أبو عيسى 770]

مشكور أخوي و ما قصرت