الفزعه .. ماعرف اعشق واستخدم الدبل

[بن مانع التميمي]

السلام عليكم ورحمت الله وبركاته



الزبده يا اخوان ابي طريقه تعشيق دبل الجمس 2005 ارضي


انا مالي فيه ابد ابد ولا اعرف وش خفيف ووش ثقيل ياليت
ومتى اعشق الدبل وانا واقف ووش الاماكن الي ما اقدر اعشق بها الدبل وكذا


ياليت تفيدوننا ياخوان

والله محتاج لكم وماراح يفزع لي غيركم

[بدوي جنوبي]

عليكم السلام
*وضع H2
يستخدم عند القيادة العادية دفع خلفى فقط .

*الدبل الخفيف H4
دفع رباعى خفيف
تسطيع تشغيله بدون توقف
نقل عصا تعشيق الدبل والسياره تمشي شرط لا تتجاوز سرعة 70-80 كلم
وعند الحاجه اليه نقله لوضع H2 والسيارة تمشي دون الحاجه للتوقف .

*الدبل الثقيل : L4
لابد من الوقوف التام عند تعشيق او الفصل .
والا تتعدى سرعة من 30 -50 كلم
NEUTRAL:N
يستخدم في حال سحب السياره عند العطل يمنع وصل الحركة للعجلات .

[RW7..ALBDAWA]

اول شي لآوقفت وشفت الرملـه قدامك على طول نزل هوآك علشآن اذا اكلت هوآ وانت مغرز ترى الدبل مآينفعك احياناً

ثآني شي تعشيقت الدبل اذا كآن عادي عطه كلتش بعدين نزله طقه وحده للخلف هذآ يعتبر الخفيف 4h

والثقيل 4l

والفاضي n

بالعربي عطه طقه ووحده للخلف هذآ يعني الخفيف واذا رفعته لآخر شي فوق فوق اخر شي هذآ يعتبر الثقيل

واذا كآن القير اوتوماتيــــــك اضغط فرآمل بعدين عشق الدبل

لأتنسسا اذا شفت الرمله نسسسم ترى احياناً الدبل ماينفع بريآل بدون ماتنزل الهوآء

وافضل تنزيل هواء للجمس 15 خل معك عيآر هوآء

[بن مانع التميمي]

بيض الله وجيهكم يالغاليين

ماقصرتوا قسم


طيب انا القير عندي اوتوماتيك يابدوي جنوبي واخ RW7..ALBDAWA

وانا رجال محافظ وماراح اعشقه وهو يمشي ابد ان شاء الله .. يعني اوقف واحط القير بالP ولا بالفاضي ولا كيف

وعلى فكره / كل امس وانا ادور عليه والدبل على وضع N على بالي انه فاضي :(

لاهنتوا وفي انتظاركم

[بن مانع التميمي]

وينكم ياشباب


...

[بدوي جنوبي]

الدبل ما يقبل تعشيق وهو في البي
بالنسبة للددبل الخفيف لا تخاف عشقه وانت تمشي
وممكن تعشق والقير في وضع الا N او في وضع D

الثقيل لازم توقف ويكون القير في وضع ال N

[GMC79]

اول دقة تحت خفيف والثانية فاضي والثالثه ثقيل

[بن مانع التميمي]

بيض الله وجيهكم يا أشناب

افدتوني والله

جزاكم الله خير