الأدوات النافعة في الرحلات الماتعة !! [قسم الخيام ] ادخل واطرح الجديد

[almajd]

السلام عليكم

كنت الحقيقة طرحت قبل موضوع الأدوات النافعة للرحلات الماتعة وخصصته للأدوات البرية غير الموجودة في السوق ، طبعا وهو موضوع متعب جداً إنك تبحث عن شيء أولاً غير موجود في السعودية ، وبعدين تروح تدور وين يباع وسعره ، وقبل هذا سكون شيء مفيد ونافع .

كنت وقتها لاحظت وأنا أجمع الأدوات أنه فيه خيام غير طبيعية وبنفس الوقت كثير منها غير موجودة عندنا في الأسواق ، ونحتاجها كثير ، وبعضها (مثل أو خيمة أطرحها) عبارة عن خيام مطانيخ فقط أطرحها للمتعة وسعة الصدر واستكشاف ما عند الغير .
فأرجو من أي أحد عنده خيمة جديدة ومفيدة وغير موجودة في السوق بشكل منتشر لا يبخل علينا فيها ويشارك بجديده .

تفضلوا :

http://hostedmedia.reimanpub.com/fresh-home-blog/2011/03/bubble-tree-mountain-600x450.jpg

http://hostedmedia.reimanpub.com/fresh-home-blog/2011/03/bubble-tree-night.jpg

http://hostedmedia.reimanpub.com/fresh-home-blog/2011/03/bubble-tree-more1-e1299176147763.jpg

القيمة من 9 حتى 17 ألف دولار نقداً وعداً ، والله لايواخذنا فيه ناس ميتين جوع وفيه ناس تشتري خيام ب50 ألف ريال .

المصدر وكيفية الشراء (http://newteq.net/index.php?option=com_content&view=article&id=1613:-1&catid=3:world&Itemid=9)

[عاشق السيل]

يازينها وقت المطر روووووووووووووووعة !!!

بس لا بغيت تنام بالنهار .. كيف ؟؟؟

[راع حائل]

رووووووووعة وقت المطر
وبالليالي المقمرة
تسلم ياالغالي

[خالد الزومان]

طيب هذى تنفخ ولا وش

[أبو هشام راشد]

يا زين هالخيمة لأمي تقعد في الشمس ولا يجيها هبوب بارد

[almajd]

يازينها وقت المطر روووووووووووووووعة !!!

بس لا بغيت تنام بالنهار .. كيف ؟؟؟
هذي ما جت على بال اللي مصممها

رووووووووعة وقت المطر
وبالليالي المقمرة
تسلم ياالغالي
بالضبط هي أجمل ما فيها المطر والليالي القمراء

طيب هذى تنفخ ولا وش
مالك لواء عزيزي ، يظهر أنها منظومة بأعمدة بلاستيكية مسوية زي الدعامات .

يا زين هالخيمة لأمي تقعد في الشمس ولا يجيها هبوب بارد

تلحق برها إن شاء الله وتشري لها أكثر من الخيمة :D

شاكر مروركم ياغالين ، والجاي إن شاء الله أجمل وعملي أكثر .

[almajd]

طيب بمناسبة الجو اليوم هذي الخيمة الثانية


خيمة بابين وحوش ومظلة للمطر والشمس وكاتبين الشركة من مميزاتها أنها طيقها (نوافذها) كبيرة ، ولها ستاير .، خلونا نسميها خيمة هيا ، يعني على ما قال الشاعر :

خيمة هيا له فرجتينن شمالا = وباب مع القبلة وباب مع الشرق :D

http://www.diigo.com/item/t/3408392_97263592_5436525
قيمتها 200 جنيه استرليني يعني تقريبا 1200 ريال وحولها .

موقع البيع والمصدر (http://www.tribesmart.com/review/138928/evanston-6-tent)

[almajd]

هذي الخيمة الثالثة وهي -أتصور- أنها من أغرب الخيام وأسهلها للتصميم خاصة للي يحب يصمم ويبيع .

http://i184.photobucket.com/albums/x317/Royholl/trucktent.jpg

طبعاً فكرتها سهلة منصوبة بحوض !

تكلف 180 جنيه استرليني وفيها غرفتين !

هنا المصدر (http://stargazerslounge.com/sponsor-announcements-offers/) لكن ما يبيعون الأجنبي قال راسلوني ، وأنا بدوري حطيتها لكم لطرح فكرة جديدة !

[سيف الظفير]

انصح بخيام الوسم

[almajd]

طيب هذي الخيمة الثالثة :
http://www.outdoorgear.co.uk/pix/big/519304-01_L.jpg
وهي طبعاً عبارة عن رواق ومظلة ، الصراحة أنها من أجمل الحلول اللي شفتها للأماكن اللي فيها شمس +برد+هواء ، وطبعاً مفيدة بدال الرواق للخصوصية .
قيمتها 40 جنيه استرليني يعني تقريبا 450 ريال .
ميزاتها : خفيفة وسريعة التنصيب .


المصدر والشراء من هنا (http://www.priceinspector.co.uk/d/48025676/Outdoor-Adventure/Gelert-Canopy-Breeze-Blocker-compare-prices)

[almajd]

هنا نوع من الخيام الفاخرة ، وأكثر يؤجر ما يباع بسبب غلاء قيمته .

http://bubbletree.fr/repupload/upload-bbtree/bubbletree/bulle/bulle10.jpg

وهذي على النهر بإطلالة روعة

http://bubbletree.fr/repupload/upload-bbtree/bulle2.jpg

المصدر (http://newteq.net/index.php?option=com_content&view=article&id=1761:-----2----&catid=3:world&Itemid=9)

[FORD1969]

http://hostedmedia.reimanpub.com/fresh-home-blog/2011/03/bubble-tree-more1-e1299176147763.jpg


ميب زينه مالها أطناب هههههههههه

نعن ابو بليسهم انا اشههد انها خيمه بس ماتصلح لربعنا والله ان يكشتون حولك يتفرجون عليك هذا سلمت من الساكتون

واصل موضوع ممتع

[almajd]

ميب زينه مالها أطناب هههههههههه

انا اشههد انها خيمه بس ماتصلح لربعنا والله ان يكشتون حولك يتفرجون عليك هذا سلمت من الساكتون

واصل موضوع ممتع

تسلم ومرورك أجمل متعة أخوي .

وفكرة الساكتون حلوة لكن يمكن اللي صممها ما توقع أن فيه أحد يرمي وهو ما حسب حساب اللي حوله!
وجايك الخير في الجايات إن شاء الله .