أبغى أحسن محل تنجيد باترول القديم ( تصليح الديكورالمتقطع )

[Saudi ARB]

سلام عليكم
يا إخوان أرجو الإفادة أبغى أفضل محل تصليح ديكورات داخليه وتنجيد
في القصيم أو في الرياض يكون شغله حلو زي الوكاله
يعني مثل الديكورات اللي
متقطعه يعني من جلد المساكات البيبان وماشابه
للباترول القديم من 97 وتحت
ومثل منتم عارفين الديكورات إذا حصلت بـ التشليح غالي ومو ذاك النظاافه بعد
أكيد في محلات متخصصه بـ الشي ذا ياليت تفيدوني وجزاكم الله خير

[قرم العيال]

بالقصيم عندك محل بجنب ورشه الحسون الي عند الاشاره .. بعنيزة

معروف وشغله نظيف

[Saudi ARB]

يعطيك الف عافيه .. يعني يصح الديكور المكسسور ومثله

[Aقناص الجنوبA]

هلابك اخوي فيه محل شغله مضبوط بس غالي اذا موترك يستاهل

وصفتلك محله موقعه في الرياض انا منجد ربع سفاري ب3300

[ابوياسرو]

فيه محل السليم ببريدة بشارع الخبيب مقابل البلدية شمال شوي عن البلدية يمدحون شغلهم اذكر يقوله راعي باترول قديم انه صلح عندهم

[عاطل وداشر]

والله ياطويل العمر انا مثلك ادور للباترول حقي
لكن الي بعنيزه وش اسم المحل الزين

[كثير السؤال]

ازين محلين تنجيد بعنيزه النافوره والشلال
النافوره معروف شغله يجونه من كل حدب وصوب

[بنياوي]

نبــــــي محل بالرياض ياجماعه
غير محــل وضاح ....؟؟؟؟؟؟

[أبوي أنت]

نفس المشكله ديكورات الباب الخشب الخلفيه متكسره

ياريت الي يعرف ورشه تفصل اخشاب وتنجيد ممتاز نفس الوكاله يبلغناً فيه


وشكرااااا ،،، مقدما

[abo-lma]

السلام عليكم ورحمه الله

فيه محل بالرياض شغله نظيييف بالحيل

يغير الخشب حق الباب ويلبسه ويطلعه لك شغل عدل وسعره معقول جدأ

اليي يبي رقمه يرسلي علي الخاص

موفقين خير

[NissaN 1990]

بالرياض فيه محل بصناعية النسيم أسمه الغاشم جداً ممتاز وعماله فلبينيين ،،،،

[مواطن]

محل الغشام ممتاز جداً عن تجربه

[Ra3e]

والله الرياض غير وضاح لاتدور

اما القصيم مالي معلومه عنه

[faisal400]

أشــــتغلت عند الغاشم اللي بالسلي
ممتازين
وأشتغلت عندهم ددسن غماره قديمه 85
والصور عندي وراح انزلها لكم وهذا الكلام من سنه ونص تقريبا"
......
طبعا" رحت لوضاح ابي انجــد عنده جيب ربع تقريبا"
ب 4000 مع فك القزاز الامامي والجانبي وبدون أرضيه بلاستك مع ارضيه بلاستك
ب 4500 ولاينزل ريال ... وقام يقولي جب كذا وجب كذا وهذا مانصلحه وهذا يبقى عل شكله
الزبـــــــــــــــــده .. دقيت سلف وقلت مع السلامه حسيت اني مضطهد معهم
..............
عمـــوما" الجيب الربع الأن عند الغاشم توه ماخلص
ووراح انزل لكم صور الددسن والربع قبــــــل وبعد
وسلامتـــكم

[ابوعقيل81]

استفدت من مشاركاتكم
شكرا للجميع وشكرا لصاحب الموضوع

[NissaN 1990]

وضاح يركب مسامير أما الغاشم يركب كبلسات يعني شغل وكاله

[abahal]

الي بينجد الداخليه بالكامل لاينسى يركب عازل حراري تبطين الابواب والسقف والارضيه

[على كف القدر]

الفلبيني اللي بصناعية النسيم طريق الميه
شغله يبي يعجبك ان شاءالله

[سراب الوقت]

بكم ينجدون الباترول الغاشم تقريبا اقصد اللي في الرياض

[abu-turki2009]

فيه محل بصناعية السليم ببريده.بعد ماتتعد صرافة الراجحي اللي عند محلات الزينه ادخل يمين.يكونعلى يسارك بالزاويةمحل خالد لزجاج السيارات المحل بعده فيه هندي.
أنا جبتله ددسن مكسر ديكور الابواب وسوالي ديكور خشب ولبسه جلد وطلع نفس الوكاله

[جمرة ارطى]

الله لا يهينك يابو لمى ارسلت لك على ايميلك ياليت ترسل لي الرقم جزاك الله خير

[تركي12]

شركة التلميع الذكي×عنده افضل تنجيد بالرياض صلحو لي مرتبتي رجعت ×كأنها وكاله × × × × ×
× × × × × × × × × × × × × × × × × × × × × × × × × × × × × × × × × × × × × × × × × × × × × × × × × × × ×
وعندهم تلميع ممتاز افضل تلميع بالرياض بنظري موادهم مقوايرز و عمالتهم فلبينيين ×و عندهم تظليل سراميك نانو عزله ٩٩٪ امركي أقوى من عزل 3m وضمانهم مدى الحياة وعندهم أشياء كثيره .. انا أشوفه محل ناجح بقوه و يستاهل الزياره وسعرهم ممتاز جداً×لكن عندهم زحمة بعض الأحيان بالمواعيد عشان الخدمه وسعر مناسبين مرهم
كانهم في الرياض - مخرج ١٠ - طريق الملك عبدالله - بعد مسجد الحديثي - قبل قصر المقصور ب ٥٠٠ متر - داخل محطه الدريس اللي فيها كوفي جافا تايم وورشه العيدي ×
مﻻحظة:جنبهم محل ايجار × ×

[ابو خالد 111]

يالربع فيه الغاشم بالنسيم اسمه ياسين / 0502418246 ما اشتغلت عنده بسس اسمع عنه

فيه ابو رضوان ( غالب اليمني بالصناعيه القديمه / 0544406076
0504369795
اشتغلت عنده وشغله طيب

واللي يبي صور لموتري بعد التنجيد يراسلني على الواتس / 0532233668

[تركي12]

شركة التلميع الذكي

عنده افضل تنجيد بالرياض صلحو لي مرتبتي رجعت كأنها وكاله وعندهم تلميع ممتاز افضل تلميع بالرياض بنظري موادهم مقوايرز و عمالتهم فلبينيين و عندهم تظليل سراميك نانو عزله 99٪ امركي أقوى من عزل 3m وضمانهم مدى الحياة وعندهم أشياء كثيره .. انا أشوفه محل ناجح بقوه و يستاهل الزياره وسعرهم ممتاز جداً








لكن عندهم زحمة بعض الأحيان بالمواعيد عشان الخدمه وسعر مناسبين مره




مكانهم في الرياض - مخرج 10 - طريق الملك عبدالله - بعد مسجد الحديثي - قبل قصر المقصور ب 500 متر - داخل محطه الدريس اللي فيها كوفي جافا تايم وورشه العيدي

ملاحظة:جمبهم محل ايجار انا حطيت سيارتي واستاجرت