يا اهل البر والمكاشيت سؤال عن الهايلكس الدفرنسين

[عقال]

السلام عليكم ورحمة الله وبركاته

اخواني ابي افادة عن الهايلكس الدفرنسين وعن استخدامة
استخدامة في البر وقوة عزمة
واستخدامة في التحميل
واستخدامة في المدينة
وعن صرفيتة للبنزين

والله احترت ،،، ناس تقول ثقيل ولا ينشرى وناس تمدح ولا ندري

رايكم يا اعضاء مكشات

ويعطيكم العافية

[محتري السيل]

وعليكم السلام ورحمة الله وبركاته

أذا تبيه للبر .... خذ موتر على كيفك

قوي وصرفيته معتدلة موديل 2005 وانت نازل

لاكن للخطوط الطويلة وداخل المدينة غير مريح ...... طبعا الدفرنشين

وترى المواضيع في المنتدى كثيرة بخصوص موضوعك

والله يوفقك

[تــــوني]

بسم الله الرحمن الرحيم

يا اخينا عقال سؤالك عن الدفرنسين الهايلوكس انا جربت 2005 والحين معي 2006 الجديد أخف بكثير وحليل وفيه مواصفات ممتازة اعني الطراز S.GLX EFi هذا ممتاز شاصك والعافية بس انه غمارتين انا كنت متخوّف منه بس توكلت على الله وهذا هو معي زي الحلاوة
عزمة حلو مطبه حليل 157 حصان قزاز كهرباء بعضها يجي فيها مثبت سرعة بس ما عندك هنا شي أول ما تشترية يا طويل العمر جنوط مقاس 17 وكفرات دانلوب للجيوب وغير البوري حقة البايخ والحمولة حقته 1 طن وخفيف مررررررة وفيه عيب الي هو في الخطوط تحس ان السيارة تبي سادس وسابع بعد ومن قدام يايات وخلفي سست وتقدر تلعب في المطب على كيفك واذا حملته 100 كيلو خلاص يضبط المطب بدون تعديل ولا تغيير وعلى فكرة فيه ريموت كنترول ومانع للسرقة والصرفية ممتازة جداً داخل المدينة وفي البران الغزال الرشيق والتانكي ياخذ اذا هو فاضي محكحك 70 وفيها ويقطع بالتانكي حوالي 500 كيلو وزيادة هذا مع الجوووور وبس وموجود معة تلبيسة مجانية وماطور هوا حليل وشنطة اسعافات صغيرونة وميدالية للصغار وطول السيارة نفس طول الشاص بالظبط والرفع من الأمام نفس الشاص والخلفية الهايلوكس اعلى شي بسيط وفي الرمل نسسسسسسم وتوكل على الله وشف اكبر طعس يتحدون فية وبنمرة 1 شدة وما راح تردة ولا تاخذ عزم ولا شي من تحت الطعس وجرب وطلعت فيه نقا المطوع الصغير وما بعد رحت للكبير بس اوافيكم بالتطورات عما قريب إن شاء الله

[قسوره2006]

السلام عليكم ورحمة الله وبركاته

اخوي الهلي الدفرنسين ما فيها كلام اشتر وتوكل على الله اسال مجرب

جربت موديل 98 غماره ولا عاقني شي بالبر لا جبل ولا رمل وجربت غماره 2004

وجربت غمارتين 2001 والان انا شريت 2005 غمارتين الساريه صرفيتها وخدمتها في البر والخط والبلد تقوم مقام الجيوب واقل سعر واقل تكلفه

وبنسبه لصرفية البنزين تختلف من سوق لسواق اي من رجل الى رجل يمشيك التانكي من 350 الى 450 حسب سرعتك ومثلك عارف
توكل على الله شي واحد اعاني منه واسال نفسك اذ بتصبر عليه خذه (( رفع السياره يتعب شوي

ويملل بعض الناس في الركوب والنزول من السياره )) بس هذه حلها بسيط ركب وطايه وينحل الموضوع

ارجو انا اكون افدتك

[شبح الصحراء]

أنا معي دفرنسين 2005 الحق موتر ممتاز للبر بس مشكلته ضعيف في الرمل واهم ميزة فيه ارتفاعه خصوصاً لعشاق المناطق الوعرة وصرفيته للبنزين ممتازة جداً بس تره ماهو مريح أبد والمكيف في الديرة تبريده وسط ومرتفع وما يصلح للعائله .
تقييمي للموتر 8 على 10 وهو افضل طراز من نفس الفئة .

[مـــسكـــات]

نرييييييد المزيييييييد ،،،،،

عن 2006 ،،،
انا مالي دخل بالموضوع بس سؤالي من سؤال حبيبنا ,,

والي عنده معلومات عن 2006 لا يبخل علينا ،،،،


الحيرة ذبحتنا ،،،
عاجبني كله ،،
بس محيرني ان حجمه كبير تقل ثور كرمكم الله ,,,



وشكرا للجميع :)

[داب الرمث]

اتصل علي اعلمك اسرار الدفرنسين 0500515010 ابو سيف

[عقال]

يعطيكم العافية
والله ما قصرتو نوروتونا ،،،، بس ما زلت محتار !!!!!!!!!!

[ابو نقاء]

الحي يحييحك ياخوي عقال انحش عنه تراه مايصلح في النفود اذا حملته اسال مجرب عليك بالذيب الشاص وبس قنصت بالهايلكس في كل مكان والله انه ينقدك مع الرجاجيل شاص وبس بلا هايلكس بلا خربطه وكانك تقول اني متزوج وعندي عيال عليك بالهدد جي اكس والله انه ماهو بعيد عن صرفيت الهايلكوس نصيحه مجرب لايحوشك الهايلكس انحش

[شبح الصحراء]

أبو نقاء أنا اخالفك الرأي وش جاب الشاص للهايلوكس الدفرنسين لا من ناحية الراحة ولا تحميل الركاب ولا صرفية البنزين ، الهايلوكس أفضل من الشاص بمراحل ، الشاص للمهمات الصعبة صحيح بس الهايلوكس بتاع كله ، صحيح ان الهايلوكس ضعيفة في النفود بس صدقني السواق الزين ما يبحل ؛ عليك بالمراقي السهلة وتجنب السيوف وراح تاصل للمكان اللي تبيه بدون تكسير ظهر وبدون تعب ، انا عن نفسي قطعت 40 كيلومتر داخل عليم الضمأ بالنفود الكبير على الهايلوكس ومحمل عفش وجراكل ماء لفوق للتنده وما حسيت أي مشكلة لأني وبدون فخر سواق واعرف امكانيات سيارتي . الهايلوكس سيارة عملية مقارنة بالشاص .

[salehhd]

السلام عليكم

كيف حالكم شباب حبيت اسلم عليكم

واستفيد

[ابو فهد 911]

السلام عليكم اخوي بالنسبه لسؤالك لعلي افيدك بشي بسيط

نبدا بالشاص ملك الصحراء بلا منازع ومحد يقدر يعذرب فيه الا اللي ما يعرفه (اللي ما يعرف الصقر يشويه) هذا في البر فقط اما الديره مايصلح بريال

اما اللاند كروزر بأنواعه gxr1.2.3 gx ترى هو اللي عليه الكلام تبيه في الديره خذ كشخه
تبيه في البر خذ رجال ولو انه ثقيل شوي لكن نسم وريح

اما الهايلكس بسراحه ثقيل خصوصا الدفرنسين ولا هوب زين في البر لا تانكي بنزين ياخذ ولا راحه والكلتش بسرعه يحتر في السحب لكن يمشي الحال



وانا مجرب الثنين كلها ماعدا طير شلوى

[ألنشمي]

يا عقال أعقلها وتوكل
أنا جربة كل سياراة الدفع الرباعي وصملة أخيرآ على هايلكس 2005 دفرنسين غمارتين
بعد ماخذة لي هايلكس 98 من حراج شركة وماشيه أكثر من 300 الف كيلو يعني مكرفه وبعد أستخدامها بشهرين واطق 2005 بنزين.
وهلحين ماشيه فوق الـ50 الف كيلو بأقل من سنه.
عليك بشد وكفراة عرض 245أو 265 وأنسى المطباة. شف بعض صورها على هالرابط:
http://www.photo.net/photodb/folder?folder_id=579002 (http://www.photo.net/photodb/folder?folder_id=579002)<O:p></O:p>

[شبح الصحراء]

النشمي أنا معجب بسيارتك لأنك مضبطها صح ما شاء الله تبارك الله :good: ، انا ودي أسوي مثل سيارتك من ناحية الشد والهنقل والدعاسات الجانبية والأكباس الأمامية . راح انسق معاك لأني محتاج خبرتك في هذا المجال من ناحية أفضل الورش وأماكن البيع وطريقة التركيب علشان تصير سيارتي مثل سيارتك اللي في صورك .
http://www.photo.net/photodb/folder?folder_id=579002
http://gallery.photo.net/photo/4195636-md.jpg http://gallery.photo.net/photo/4195674-md.jpg

هذه صورة سيارتي :

http://www.mekshat.com/pix/upload/images15/mk23961_my_hili.jpg

[ألنشمي]

حياك الله يا شبح الصحراء وحنا بالخدمه.................
أجل ليه من أعضاء مكشات

[شبح الصحراء]

تسلم والله يالنشمي

[تــــوني]

يا شبح الصحراء ترى بعض الناس الي ماجربوا الهايلوكسات يحقرونهن والا زي خوينا راعي الشاص الظاهر يسمع به ولا شراه وعنده عقدة شيصان

تجمعنا راعين الهايلوكسات
والله يا جماعه جربت الشاص وبعد ما بدت عندنا المشاكل صار كل من شافني يوقفني وينخل السيارة نخل لين طفشت منه وبعته وافتكيت بس بيعته كانت ممتازة

وجربت الصالون Gmcدفرنسين موديل 94 والدبل حقة تروس وجنزير مو كلتشات زي الجديد ما فيه شي الا ويرقاه ويعلم الله انه
ينحط على الجرح يبرا بلا شاص بلا خرابيط بس عيبه يتفكك وتربيط عند النويصر ما تواجه اي مشكلة ودبل مساعدات وريح السست
وقوسها على فوق شوي وبلاطات وسلام عليكم .... ما مثله لا في ديرة ولا بر ولا سفر ....

وجربت الهايلوكس 2005 وممتاز وكان عاجبني دفرنسين وحليو ...

بس الحين 2006 غمارتين هايلوكس دفرنسين غطى على 2005 وانيق وممتاز وفيه عامود التواء يعني مقاوم للإنقلاب والكبينه الداخلية (المقصورة) اقوى من 2005 من ناحية المتانه وبعدين قطعه وحدة من أوله إلى آخرة وفي الرمل سنايدي وما يحتاج

بس ما يعلى على الجموووووووس من 92 الى 94 الدبل بس يبي لها شغل محترم وتخدمك ( بس القطع نااااااااااااار )

[قسوره2006]

السلام عليكم ورحمة الله وبركاتة

هلا فيكم وحياكم اخواني انا اوافق راي اخي النشمي وشبح الصحراء وكل من اعطاء الهايلوكس الدفرنسين حقه ياشباب اذ صار الهلي العادي ما بقاء مكان ما رقاه وما عاقه طعس ولا جبل والسيارة على السواق اجل وش تقول في الدفرنسين الشاص مافيه حكي بس يحقرك ( سؤال كم ياخذ من راكب كم تعبيه وقود كم كيلو يمشيك وين تلقاله موقف في الزحام مطبه الاقشر بعدين الشاص خذه اذ انت راعي حلال او اكثر ايام السنة انت بالبر او شي بالنفس وفي الراس اما الهلي صغير وخفيف ويقوم مقام الجيب ويمشي الحال بديره ولا شفت منه شر جربت خمس موديلات والان املك 2005 جديد عزله انه سياره والله يا معي 98 غماره دخلت به دخلات بالبر يا الشاص جننا شنبه يحك وكذالك كراسي المساعدات الخلفيه خذ الهلي صرفيت الوقود طبيعيه يمشي 400 الى 460 حسب رجلك وشكرا اخوي النشمي وادي لو تكرمت تفيدني عن حاجات ركبتها بسيارتك نبي نحذو حذوك ولنا الفخر في معرفتك ومعرفت اخي شبح الصحراء واخواني ولا يهونون الاعضاء

اخوكم ابو فارس

[ألنشمي]

شبح الصحراء
توني
حياكم الله ومشكوربن

قسوره
أعمل حاليآ على موضوع يبين ألي طلبته وأرجو أن ينال أعجاب وتقدير الجميع

[لبرتي]

أستمتع بالقراءه لمثل هؤلاء الكتاب

براك الله فيكم

[ابو ليان]

يااخون لاتمدحون ابو حوصه 0000 ولاتامن حوصتة ويفكك ظهرك وسواقته كنك تسوق دينا0000
وتكييفة تعبان من 98 الى 2005 00 الجديد ماعندي علم فية 0

والهليكس من يوم صنع اذا مسكت فرامل فجاءه تمسك كل الكفرات الا واحد وفي كل مرة تتغير جهة الكفر والحوصة 000 واسأل اي واحد مسوي حادث بهليك 000يقولك انا مسكت فرامل بقوة بعدين مدري وش الي صار000

[شبح الصحراء]

النشمي بانتظار موضوعك حول سيارتك وطريقة عمل الإضافات الجميلة عليها ، الهنقل والأكباس والجنوط ... الخ ، ودي استفيد من تجربتك .