المساعد الشخصي الرقمي

مشاهدة النسخة كاملة : تفتفة الموتر 000ماالحل ؟


حر اليدين
08/03/2006, 07:52 AM
السلام عليكم ورحمة الله وبركاته

بالحقيقة موتري مبهذلني بالتفتفة والتقطيع غيرت له بليتين وبواجي وصفاية وليات البنزين وفكيت الكبريتر ونظفته
والميكانيكي يقول ان اصلاح الكبريتر كويس مايحتاج تغيير

فمالحال يا جماعة الربع وللمعلومية يوجد بالقزوز تنسيم ولااظن منها التفتفة واذا وقفت الموتر وهو شغال المكينة تقوم تنتفض

شوفولنا حل باسرع وقت
وتقبلوا تحياتي

حر اليدين
البيـرق
08/03/2006, 09:00 AM
اخوي العزيز
صارت لي نفس مشكلتك قبل 3 سنين غيرت وبدلت عد واغلط
وكان معي وقتها هايلكس 2000 وماخليت ورشة بالرياض والدمام
وجبت فنيين فلبينيين وماعرفوا لها والله..........
وبعد فترة كنت موصل واحد لصناعية حي بدر ورا معارض الشفا على طول
قلت بما اني في الصناعية خلني اشوف واحد يصلحها ووقفت عند ورشة
على زاوية شارعين ومقابلها على اليسار مسجد واسمها الظاهر المالكي منب متاكد
زي كذا عندهم هندي ماشاء الله عليه ماقعدت معه السيارة خمس دقايق الا والله رجعت ممتازة
واحسن من اول................ وبرايي انك نروحلها وتشوفها
محمد العبدالسلام
08/03/2006, 11:29 AM
حياك الله يا اخي


جرب غير اسلاك البواجي قد يكون السبب منها لانها وقت الصيف تهتري بسبب الحرارة

وانشاء الله تزبط معاك
سحاب1111
08/03/2006, 11:48 AM
طبعان الخبرة لها دور ضرورى
فتى التويم
08/03/2006, 01:29 PM
صارت لي هالمشكله قبل شهرين تقريبا وكانت المشكله من اسلاك البواجي ,واحد من هالاسلاك متهري ويهرب كهرب ولا هوب يوصل للبوجي ذا الكهرب
نوخذة
08/03/2006, 02:29 PM
اخوي حر اليدين وش نوع موترك
إذا كنت مغير اسلاك البواجي والبليتين
اتوقع انه من حساسات المكينة وهي حساسات عددها 2 او اكثر حسب نوع السيارة وماتكلف كثير
توجد هذه الحساسات قريبة من الكربريتر
لأن قبل شهر تقريبا صار لي نفس المشكلة وانا في الشمال كانت المكينة تقطع وفجأة ما تشتغل حاولنا نصلحها بكل الطرق لكن بدون فائدة
ثم إضطرينا نشحنها على سطحة إلى الدمام ب 350 ريال وفي الأخير إكشف اليكانيكي إن المشكل كانت واحد من الحساسات ما يشتغل وغيرته ب 40 ريال فــــقططططط شوف الفرق؟؟؟؟؟!!!!
مهراس
09/03/2006, 06:36 AM
معظم التقطيع من اسلاك البواجي والسلك الموصل للكويل.
محتري السيل
09/03/2006, 01:24 PM
وده الوكالة وشف وش يقولون وأعرف المشكلة
أذا هي رخيصة صلحه عندهم
وأذا شغلهم غالي تكون عرفت المشكلة وصلح موترك في الصناعية عند الورش

لأن فيه أحتمالات واجد غير اللي ذكر الأخوان
أذا صرفية بنزين الموتر أقل من المعتاد...يمكن تانكي البانزين متسخ أو الطرمبة لاتعمل كما هو مطلوب
واذا الصرفية أزود ويدخن الشكمان .... يمكن فيه واحد من البساتم ما يعطي أحتراق كامل ويبغاله خراطة



وبالتوفيق
شبح الصحراء
09/03/2006, 03:09 PM
محتري السيل مستحيل الوكالة تقول لك وش السبب دون أي مبلغ معين لأنهم ياخذون فلوس للفحص على ما اظن وبعدين سياسة الوكالات في مثل هذه الحالة هو عمل تجديد لكهرباء المحرك مع تغيير قطع سليمة لا تحتاج لتغيير وقد صارت لي نفس القصة قبل عشر سنوات مع هايلوكس 92 وقالت الوكيل لازم تجديد لكهرباء السيارة يكلف 600 ريال! وبالنهاية صلحتها بالصناعية بمبلغ يقل عن 50 ريال مع تغيير أسلاك البواجي .
أعتقد يا حر اليدين لو تجرب تغيير اسلاك البواجي يمكن تحل المشكلة واذا ما نفع شيّك على صفاية البنزين اللي بجنب تانكي البنزين .
محتري السيل
09/03/2006, 07:05 PM
شبح الصحراء (http://www.mekshat.com/vb/member.php?u=23961) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_380193", true); </SCRIPT>

كلامك صحيح ... مافيه شيء بلاش

وفيه حل تعرف المشكلة هل هي في أسلاك البواجي او لا

تشغل الموتر ... وتفك سلك البوجي واحد واحد ... وتقربه من البوجي بدون شبك ...
أذا فيه شرار ... السلك زين واللي بعده وهكذا لين تخلص ..... المهم لاتقلب أسلاك البواجي


وبالتوفيق
سفاري
09/03/2006, 08:37 PM
الحل ياخوي سهل جدا


انت رح الى ميكانيكي فاهم وهو يزبط لك السيارة

والله هالعمال الي يتدربون على سياراتنا اذبحونا ولعبو علينا

الله يعينك
حر اليدين
10/03/2006, 09:07 PM
البيرق
ابن نجد
سار دار
فتى التويم
نوخذه
مهراس
محتري السيل
شيخ الصحراء
سقاري
اشكركم الشكر الجزيل على مروركم وافاداتكم
وان شاء الله اوافيكم باخر التطورات
تقبلوا تحياتي
حر اليدين
شبح الصحراء
10/03/2006, 09:25 PM
وفيه حل تعرف المشكلة هل هي في أسلاك البواجي او لا

تشغل الموتر ... وتفك سلك البوجي واحد واحد ... وتقربه من البوجي بدون شبك ...
أذا فيه شرار ... السلك زين واللي بعده وهكذا لين تخلص ..... المهم لاتقلب أسلاك البواجي

وبالتوفيق

صحيح وهذه الطريقة المتبعة للتشييك على أسلاك البواجي ولكن يجب التأكد اولاً ان المشكلة ليست من البواجي وذلك بتركيب بواجي جديدة ثم التشييك على أسلاك البواجي حسب الطريقة التي شرحتها .
واتمنى لحر اليدين ان تحل مشكلة سيارته .
أنتيكه
12/03/2006, 11:54 PM
السلام عليم ورحمة الله وبركاته مشكلة سيارتك الله أعلم أنه يوجد شرم في بلف الهواء لشف هذه المشكله قم بفك غطاء البلوف وشغل السياره فالبلف المشروم بيطلع هواء مع جلدة البلف هذا والله اعلم
حر اليدين
14/03/2006, 09:50 AM
السلام عليكم ورحمة اله وبركاته

الاخ شبح الصحراء
الاخ انتيكة
الله يجزاكم عني خير الجزاء