وكالة تويوتاوعبداللطيف وربك سترعلي

[سفيرالظهران]

هذي القصه حصلت لي والله على مااقول شهيد عندي لاندكروزر2008 قلت بدخله الوكاله الكلام هذاقبل 8شهورسمعت صوت في الهوبات قلت ابشيك عليه عندهم وعلى فكره الموترماكمل 60الف يعني لازال عالضمان المهم شيكوعليه قالوعندك الهوبات والاقمشه منتهيه بنخرط الهوبات ونغيرالاقمشه قلت الله يعين يالله قلت كم قال تقريبا 1000هذاوهوعلى الضمان بعدالمهم طلعت الموتروبعدماقلت 8شهورسمعت صوت في الهوبات طبعاالضمان انتهى قلت ليه اوديه عندهالنصابين بدخله اي ورشه واشيك عليه وديته ورشه قال الميكانيكي الهوب الخلفي منتهي ولاعاديصلح معا العلم اني ماخرطته الامره وحده عندالوكاله الحراميه المهم واشوف الهوب الامابقى منه الاشي بسيط يعني زين الله ستر ماانكسرعلي حسبي الله عليهم وغيرت الي وراالاثنين ب1000ريال المشكله ان لي فتره من طلعته من الوكاله المروحه والمشكله من تشتكيله لافيه حماية مستهلك ولاحولك احدحسيبهم الله الحذرمن الوكلات النصابين وشكراللجميع

[ولد طويرق]

شوف وانا اخوك مو بس تويوتا اللي يلعبون على الناس
انا سيارة اخوي هوندا اكورد اخذتها منه ورحت للجنوب(جنوب المملكه) وبعد ما رجعت طلعت رجه في السياره مع الفرامل المهم وديتها الوكاله اللي في مكه قالوا تحتاج خرط هوبات وتغيير اقمشه امامي وخلفي وتضبط ان شاءالله قلت طيب وتجلس السياره عندهم ودقوا علي بعدها بكم يوم قالوا السياره خلصت وارجع لهم ويوم طلعت السياره من الصيانه واجربها في الخط الا والله المشكله مثل ماهي ما تغير شي..!!
دقيت على اخوي قلت له السياره ما تغير فيها شي
وش تبيني اسوي
تبيني اروح اتوطا في بطن اطلق واحد فيهم واخليهم يسوونها غصب عنهم قال لا ولا تسوي لهم شي وجا واخذ السياره وطلعها الطايف ووداها عند الثمالي اللي هو ماسك وكالة هوندا وصلحوها وطلعت تمام التمام
ما أدري يمكن لان اخوي مطلع السياره اقساط مو تأجير عشان كذا مافي اهتمام الله اعلم بس بعدها قلت ان شاءالله ما اشتري جديد لو كان بريااااااااال
هذي القصه حصلت لي انا مو سامعها من واحد والله على ما اقول شهيد غير ان فيه شغلات ما صلحوها وطلبوا مبالغ خياليه عشان يصلحونها ما ودي اتكلم بتقصيل اكثر عشان ما اسبب الملل للاخوان القراء
تقبل مروري وحسبنا الله ونعم الوكيل على كل من يغش المسلمين

[ابن عكاش]

نصيحه مدام موترك سليم ولافيه عطل مصنعي لا تقبل به على الوكالة والورش اللي شغلم زين وانت تقعد على راسه واجد

[sgl2002]

والله مثل هذي المشكلة المفروض ماتروح لهم

[عشق البر]

كل الوكلاء عندنا حراميه والغلط اننا نعرف هالشي ونروح لهم ؟؟

[كبسولة2]

شركة تويوتا نصااااااااااااابين

أحد الشباب يحلف لي بالله أن هذا الي حصل معه

معه أفلون 2009 خرب عليه مساعد

راح لهم قالوا تحتاج تغير مساعد بذيك الحكاية !!!!

المهم يقول وقفت أحسب حساباتي وأجمع الا وذاك الولد الي سلم علي

هلا ابو فلان كيف حاللك طيب ....

طلع واحد من زملاء الدراسة سابقاً وشغال في صيانة تويوتا المهم سأله وش عندك قاله السالفة

قال ولا يهمك تعال معي يقول رحت معه وجينا عند واحد أسيوي مهندس في الصيانة يقول تكلم هو وياه

أنقليزي شوي ... بعدها قال لي عطني 50 ريال فقط أعطاه واعطاها للعامل

قال تعال معي تقهوى في المكتب قال وش سويت قال مالك دخل !!!! تبي موترك يضبط اسكت

المهم يقول سكت وانا ماني عارف أش السالفة !!! تقهويت مع الرجال

قلت له عن اذنك بكلم وأرجعلك قال تفضل

يقول طلعت كلمت بالجوال بعد ماخلصت قلت بمر على السيارة في الصيانة اشوف خلصت

المهم يقول جيت لقيت سيارتي مرفوعه على الرافعة وجنبها سيارة نفس موديل سياراتي مرفوعه

المهم راقبت الوضع وشفت العامل يفك مساعد السيارة الي جنب سيارتي ويركبه في سيارتي

ومساعدي الخربان يركبه في السيارة الثانية !!!!!

حسبنا الله ونعم الوكييييييييييل فيهم

وأحذروا يا أخوان فنحن لسنا في زمن الصاحبة والتابعين

رضوان الله عليهم نحن نعيش في زمن الكذب والخداع

[You Like Me]

لا حول ولا قوة إلآ بالله
حسبنا الله ونعم الوكيل
والله صار الكل يلعب بيدة وبرجلة اعزكم الله
والمصيبة مافي احد يحميك ولا تدري من تشكي له غير الله سبحانه
الله المستعان

[WWS]

شركة تويوتا نصااااااااااااابين

أحد الشباب يحلف لي بالله أن هذا الي حصل معه

معه أفلون 2009 خرب عليه مساعد

راح لهم قالوا تحتاج تغير مساعد بذيك الحكاية !!!!

المهم يقول وقفت أحسب حساباتي وأجمع الا وذاك الولد الي سلم علي

هلا ابو فلان كيف حاللك طيب ....

طلع واحد من زملاء الدراسة سابقاً وشغال في صيانة تويوتا المهم سأله وش عندك قاله السالفة

قال ولا يهمك تعال معي يقول رحت معه وجينا عند واحد أسيوي مهندس في الصيانة يقول تكلم هو وياه

أنقليزي شوي ... بعدها قال لي عطني 50 ريال فقط أعطاه واعطاها للعامل

قال تعال معي تقهوى في المكتب قال وش سويت قال مالك دخل !!!! تبي موترك يضبط اسكت

المهم يقول سكت وانا ماني عارف أش السالفة !!! تقهويت مع الرجال

قلت له عن اذنك بكلم وأرجعلك قال تفضل

يقول طلعت كلمت بالجوال بعد ماخلصت قلت بمر على السيارة في الصيانة اشوف خلصت

المهم يقول جيت لقيت سيارتي مرفوعه على الرافعة وجنبها سيارة نفس موديل سياراتي مرفوعه

المهم راقبت الوضع وشفت العامل يفك مساعد السيارة الي جنب سيارتي ويركبه في سيارتي

ومساعدي الخربان يركبه في السيارة الثانية !!!!!

حسبنا الله ونعم الوكييييييييييل فيهم

وأحذروا يا أخوان فنحن لسنا في زمن الصاحبة والتابعين

رضوان الله عليهم نحن نعيش في زمن الكذب والخداع



نفس مشكله خؤيي بكـآمري بآلضبط
بتغيير سلك بؤجي مدري كؤيل
قآلؤ له مـآعندنـآ بس نطلبهـآ لك
مـآ آمدآه يطلع مع بؤآبه آلصيآنه آلآ فلبيني يصؤت له
خير
قـآل آصلح سيآرتك ؤ آلحين بـ 50 ريـآل
خؤيي قـآل OK
ؤقفهـآ مره ثـآنيه ؤ يرآقب آلعآمل آلآ يفتح كبؤت حدآ سيآرآت آلكؤآمري آللي ؤآقفه عندهم ؤ يمعط منهآ آلمطلؤب ؤ يركبه لمؤتر خؤينـآ !!!
سكت خؤينـآ لمـآ ركب
رآح لمدير آلصيآنه ؤ قآل له آلقصه يقؤل تغيير شكله آلمدير ؤ صرف آلمؤضؤع بـآنهـآ ملك تؤيؤتآ مؤ للزبؤن
!!!!!
حسبي الله ؤ نعم آلؤكيل عليهم

[كيري ميري]

وش تبغون في الوكالات .برا ارخص واضمن .مادام انهم ناهبينك نهب برا ارخص .

[mohammed 506]

:looney::looney:ياقهر راحت السيارة الثانية ههههههههههه

[المبدع الأصلي]

الى الله المشتكى