أفضل محل يركب بطاريه أضافية

[جنط]

السلام عليكم ورحمه الله وبركاته

كما في الموضوع ابي افضل محل يركب بطاريه اضافيه وافياش ولمبات ومن هال قبيل

يعني تجهيز كامل للموتر ويكون في الرياض وسعره ممتاز واهم شي تكون نوعيه الاسلاك

والافياش تكون اصليه علمن بأن الموتر باترول 97


تحياتي

[أبوهشام2]

برأيي ورشة الصبي اللي بمخرج 15 هي الأفضل من ناحية جودة القطع والشغل والأسعار

[كاشت المدن]

السلام عليكم
عندك ورشة سوافي
انا توي مطلع منهم ثلاث مواتر افلانش وفتك ولاند لي ولربعي وشغلهم مايحتاج مع اني سمعت ناس يسبونه ويسبون تعامله لكن تجربتي معه القديمه والجديده كلها كانت جيده وتعامله جيد وبإمكانك تتصل او تروح وتشوف بعينك مالا تسمعه باذنك
اتمنى اني افدتك واي خدمه انا حاظر وشكرا

[ابوليله]

والله يالغالي انا داخل انصحك نصيحه فقط من واقع تجربه

اذا بغيت تركب لاتركب عند السوافي لان شغلهم تعبان وماتوقعته كذا

الظاهر ان سمعتهم خلتهم مايشوفون شغلهم زين ولا يتقنونه صح بس همهم

الفلوس والصراحه غالي وغلاه مهب على شغله يعني لاتتوهق فيهم هذي نصيحه من واقع تجربه

والدليل واحد من الزملاء ركب عند شخص بالسلي ماعرف وين بالظبط بس عائلته المنديل على ماعتقد

بس الحقيقه شغل تمام التمام وكذلك رخص وعدم مبالغه بالسعر مثل السوافي , حبيت اعلمك تجربتي وانت بالخيار

بأختيارك والله يوفقك ويوفقنا إن شاءالله

[باسم المالك]

بالنسبة لي ركبت عند سوافي وعليها ضمان ستة شهور والآن لي شهرين تقريبآ الحمدلله مافيه مشاكل علمآ اني ركبت عنده افياش اضافية وتسليك كنود واشياء أخرى طبعآ البطارية الأضافية مع شغلها ب 850 ريال وممكن تجد ورش أخرى تكون ارخص وأحسن وممكن لا بس انا أحكم على شغلهم بسيارتي ممتاز

[جنط]

مشكورين طيب واحد من الشباب دلني عل 4بي4 على شارع العروبه

كيف شغله


الله يعطيكم العافيه

[قناص الصمان]

لاهنتم نبي ارقام الورش غير السوافي
ضرووووري ..

[صوعان]

خذ نصيحه اخو لاتتعدى ورشه الصبي مخرج 15
شغلهم ازين من سوافي كثير
وارخص يكفي انهم شباب سعوديين مايتعدون ورشتهم
رح واسال عن ابو شهد ولا ابو سليمان
وان شالله بتدعي يلي


الوصف مخرج 15 وانت نازل غرب امسك الخدمه خل اسواق المجد على يمينك
اذا وصلت الاشاره لف يمين
يجيك محل ابو رياليين على يمينك هم بعده مباشره ملاصقين له
بتشوف مغسله سيارات جنبها

[ابو محمد 2011]

يا طويل انا مرركب عند سوافي وبعدين ركبت لمبات بيضاء عند الصبي

ولو كنت اعرف ورشة الصبي من زمان كان رحتلهم بدل سوافي

ونصيحة ترى شغل ورشة الصبي ممتاز

وميزته يحطلك منظم اما سوافي ما يحط المنظم

[قرناس شماالي]

عزالله ماقصرو الربع وبيض الله وجيهم

[لاند93]

فيه ورشه . مضبووط شغله ,,
ابو سليمان,في السلي,.,

[يالبى الهلا]

أنا من الناس الذين يخافون من الأشياءالاضافيه في السياره وخاصه الكهرباء
والافضل هو الشاحن البطاريات المحمول يشحن اكبر بطاريه وكذلك مخارج للولاعه عدد3 تستطيع شحن الجوالات او اضاءة اللمبات الخارجيه وجهد داخلي 220 فولتhttp://t0.gstatic.com/images?q=tbn:ANd9GcStXNnTDLm9qk6kQ7s8SGqJQw9kwKyrF r4qzUsB8beHClBZN9MDvSLE0fZQww

[سفااري]

اخواني لو سمحتوا ابي اسوي توقيع كيف وين

[جنط]

مشكورين وماقصرتوو

وتم التوجه الى ورشة الصبي


تحياتي لكم

[ابو عزام الشمالي]

يا حبيبي انا رحت لورشة الصبي
بس المشكلة ما يحط كتاوت يحط منظم بحيث ان البطارية الاساسية اذا فضت تضغط على الزر يحولك على البطارية الثانية وهناء المشكلة عشاان البطارية الثانية عليها جميع الاسلاك وما تتحمل ونحنوا يا غافلين لكم الله والمشكلة ها المنظم ماتدري وش صناعته اذا سألته يقول هذا من رفيق الدرب.

وبالنسبه لسوافي
يحط كتاوت بحيث اذا فظت البطارية الاسياسية تسوي اشتراك للبطارية الاضافية
وهنا افضل طريقة وهي ان ما تشغل السيارة على البطارية الاضافية

وانا اليوم حاط الهلي في سوافي

ولك الخيار

[saleh2011]

يمكنك الاستغنا عن البطاريه الاضافيه واستبدال الاساسيه ببطاريه{اوبتما} النوع الاصفر لان من مميزاتها انها تعيش الى مايقارب الثمان سنوات وكذلك قوة الشحن والتخزين للكهربا
تحصلها عند محل العبيشي للبطاريات 0القصيم0الرس
وهويقوم بشحنها عن طريق الزاجل
وهذا رقم صاحب المحل/ابوعلي/0504889015

[Abo-KhaLeeL]

ياشباب ممكن وصف ورشة الصبي
وينها بالرياض هذي ؟
الأخ يقول مخرج 15 .. غرب
مادري وش يقصد ؟
لأن الدايري الشرقي اتجاه جنوب وشمـال .. ؟

[محمد بن فارس]

لين جاك مغرج 15 وانت على الدايري
اطلع معه غرب
يجيك سوق المجد على يمينك
امش على الخدمه تجيك اول اشاره خذ معها يمين
تجيك الورشه على يدك اليمين

[ددسن 2008]

وعليكم السلام ورحمة الله وبركاته

اخوي خذ العلم من تجربة غير سوافي لا تدور

انا مشتغل عنده من اربع سنوات من خذت الموتر وليومك ما شفت قصور ابد ولله الحمد والمنه

بطارية + محول كهرب + ولاعه + عدد 6 لمبات (2كبوت و2 حوض و2تحت للمويه) + لمبة قراءة قدام المراية + عدد2 فيش كهرب

وكلهن تحت الاستعمال .. حط فلوسك بالشمس واقعد في الظلال

بالتوفيق ..

[fj43 الفيصل]

فيه عروق الشمال بالقصيم بريدة شغلهم مرتب و محترم وانا مركب عنده ب 950 بدون اضافات (لمبة جانبية و لمبة كبوت ...)

[ابراهيم المري]

السلام عليكم ورحمة الله وبركاتة

الصراح اننى مقضبنى الجادة مندري وش الازين ناس تقول السوافي وناس تقول الصبي وناس المنديل ومندري

من الاحسن من ناحيت الشغل وامان السيارة والشكر للجميع

[RW7..ALBDAWA]

< انلحسس مخه معآد ندري سوافي ولا الصبي

[ابو عزام الشمالي]

يا أخوان
غير سوافي لا تدور له خبرة اكثر من 10 سنين

[محمدالعريني]

يا أخوان
غير سوافي لا تدور له خبرة اكثر من 10 سنين


يالغالي انت فهمت غلط بالنسبه للمنظم حق (الصبي)
الزر اللي تقول انك لازم تظغطه هذا ماله علاقه في عمل البطاريتين
هذي خاصيه في المنظم بحيث انه لو فظت البطاريه الاساسيه تظغط هالزر يغنيك عن الاشتراك
وعمل المنظم نفس عمل الدقمه لكن الفرق بعض المميزات منها يطول عمر البطاريه وفيه نظام سفتي بحيث انه اي التماس يتوقف عمله بعكس الدقمه والامر الاهم انه مصمم ومصنوع من اجل نظام البطاريتين

[ذيب النجيل]

ياليت الي يخبر لي محل يركب بطارية ثانية

على ربع تويوتا بتبوك يدلني عليه

[google-999-]

اانا لي تقريبا شهرين ابي اركب بطاريه وخايف كل واحد يمدح لك ورشه
ورشة سوافي ,, شانين حملة ضده اغلب المنتديات ,, على اساس معاملته السيئه , وعدم شرح مصدر القطع , واستخدام قظع رديئه . وناس يقولون سيارت احترقت بسبب سوافي (( ابحثو بالنت وتشوفون )) , وغيررت رايي عنهم
وناس تمدح المنديل وغيررره . وناس تمدح واحد في ((أشيقر )) وفيه ناس تمدح واحد في الزلفي سعودي ومختص بالكهرباء
ولا يركب قطعه الا انت شايفها ومطلع عليها وشارح لك تفاصيلها >> وهذا أكثرر واحد ارتحت له مدري
ومن ناحية الاسعار تقدر تبحث بالنت وتشوف فيه مقارنات بين الي كتبت لك كلهم, والله الموفق

[شامخ ألهيلا]

مركب عند السوافي من 4 سنوات بدون تمديدات
والحمدلله لاشتكيت منها ولا شي وكل سنه ونص اغير البطاريه الثانيه فقط
وسعرهم بدون تمديدات حوالي 800 ريال هالكلام من 4 سنوات

[مريتو]

لاتتعدى الصبي في شارع متعب بالربوة

[طير بيروت]

الصبي من جنبها ويدبل اسعار اللنبات

[سعد القاسم]

مخرج 15 ورشة الصبي وبكيفك وانت سو تصويت وشف من ياخذ اكثر صوت وبالنهايه التوفيق من رب العمالين

[سهيل واحد]

من أفضل المحلات اذا ما كان الأفضل x4x4

اللي بأخر شارع العروبة ... لا تعداه .. ميه .. ميه غالي شوي بس شغل مرتب

الله يوفقك

[غازي الاسمري]

الان اذا كل شخص قام يمدح الورشه اللي شافها على حساب الورش الثانيه ،،
هذي تخلي غيرك في حيره ،،
لأكن نصيحه للي يبي يركب اضافات ،، اولاً يشوف الورش الافضل ،، وبعدها يبني مقارنه بالأسعار والجوده فالعمل،،
انا قبل اركب الإضافات في موتري شفت سوافي وشفت الصبي ،،
ولقيت فرررق ،،
سوافي : الأزرار اللي يركبها او المفاتيح كباار وشكلها بشع ،، وعمله تقليدي ،، يعني نفس الشي يركبه الحين ،، كان يسويه قبل ٣ سنوات
الصبي: الأسعار اررررخص من سوافي ،، الأزرار او المفاتيح شكلها جميل جداً ،، ولا تعيب شكل الديكور بالعكس بل تزيده جمالاً ،، بعكس سوافي الزر لونه احمر وشكله بشع ،،
فيه تفكير وتطوير للافكار ،،، يعني بعض محلات الأنوار الخارجيه ،، وايضاً مفاتيحها ،،، طريقه مخرج لي الهوا ،، فيه حاجات كثير يعني ،،

وبكذا تقاس الافضل فالمحلات المختصه بتركيب الإضافات ،، وليس بالتصويت او اني ركبت عنده اقول هو الافضل حتى لو غالي !!
لا حنا نجيب المحلات المعروفه واللي شغلها مضمون ، بعدها نأتي لـ للمقارنه فالسعر والشغل ،، وعندها نتخذ قرار ..
وهذا رابط للفائدة
http://www.syartk.com/vb/t3920.html

[سعد القاسم]

الصبي ولا تدور واشتر راحت بالك

والله يوفقنا واياك

[سيف الظفير]

نصيحة نصيحة نصيحة

خذها من أخوك سيف الظفير

لا تتوجه الا لله ثم الصبي مخرج 15

مر على ابو سليمان او ابو شهد

رجال كفو سعوديين وعمالهم معروفين بالشغل الزين والسنع
اللي يطرب خاطرك

اسلاك تمديد وشغل 100/100

جيوب اخويانا في قروب لاندكروزر جدد بعضها توه ما تعدى 5000 ولا 3000 كيلو جهزناها عنده يا حيي

نصيحة لوجه الله تعالى

انا امس دخلت موتري جيب فكسار 2009
23/2/1433
وبعد ما يخلص بكم يوم بجهز عنده سييرا 2500 /2011 جددددددددديدددددددد

تراي منصح لك

كب عنك سوافي اللي يمن على الناس خذها بالسمعه لانه الاول اللي اشتهر ولا فيه الف الف رجال غيره اطيب واحسن

سمعته زفت وشغله اززفت

والله يا واحد مجهز فكسار 2010 سوافي



فك كل التجهيز ورجع ركب من الصبي وكلفه التجهيزين فوق 4500 ريال

ويقول احسن واضمن لي ولموتري من النصاب سوافي واسعاره الغاااااااااااااااالية

0505458182
رقم ابو شهد

رجال كفو على كيفك يهلي ويرحب ويدسم شاربك بالشغل الزززين

[سيف الظفير]

الان اذا كل شخص قام يمدح الورشه اللي شافها على حساب الورش الثانيه ،،
هذي تخلي غيرك في حيره ،،
لأكن نصيحه للي يبي يركب اضافات ،، اولاً يشوف الورش الافضل ،، وبعدها يبني مقارنه بالأسعار والجوده فالعمل،،
انا قبل اركب الإضافات في موتري شفت سوافي وشفت الصبي ،،
ولقيت فرررق ،،
سوافي : الأزرار اللي يركبها او المفاتيح كباار وشكلها بشع ،، وعمله تقليدي ،، يعني نفس الشي يركبه الحين ،، كان يسويه قبل ٣ سنوات
الصبي: الأسعار اررررخص من سوافي ،، الأزرار او المفاتيح شكلها جميل جداً ،، ولا تعيب شكل الديكور بالعكس بل تزيده جمالاً ،، بعكس سوافي الزر لونه احمر وشكله بشع ،،
فيه تفكير وتطوير للافكار ،،، يعني بعض محلات الأنوار الخارجيه ،، وايضاً مفاتيحها ،،، طريقه مخرج لي الهوا ،، فيه حاجات كثير يعني ،،

وبكذا تقاس الافضل فالمحلات المختصه بتركيب الإضافات ،، وليس بالتصويت او اني ركبت عنده اقول هو الافضل حتى لو غالي !!
لا حنا نجيب المحلات المعروفه واللي شغلها مضمون ، بعدها نأتي لـ للمقارنه فالسعر والشغل ،، وعندها نتخذ قرار ..
وهذا رابط للفائدة
http://www.syartk.com/vb/t3920.html


هذا العضو من الرجال اللي جهزوا بالصبي وهو من اعضاء قروب لاندكروزر

ابو خليل اسمه وهو يعرفني زين ولي معرف بهذا المنتدى سيارتك

ويشهد الله ابي لكم الزين ولاني خسران شئ

[waleed.m.f]

الصبي ولا تتردد وانا اخوك

شغل مرتب ويفتح الفس ما شاء الله

[هلي ديزل]

شف ابقولك اللي صار لي،،
انا ما رحت الا للصبي ودخلت عنده يوم السبت قبل الماضي
قلت له ابيك تركب لي لمبتين من رفيق الدرب
قال زحمه ولازم تاخذ موعد يمكن تلقا موعد يوم الخميس
قلت له لا.. احجز لي موعد يوم السبت بعد صلاة العصر مباشرة (يعني بعد اسبوع من هاك اليوم)
ويوم جاء يوم السبت قبل اذان العصر بربع ساعة طلعت من البيت ورحت صليت باقرب مسجد للورشة .
دخلت الورشة قلت للزول انا معي موعد ابركب لمبتين بس!!
قالي اصبرر شوي العمال ماجوا !!!!"هذولا المساكين اللي عليهم ضغط"
وانتظرت شويات مهب شوي وجو عاملين هنود ومسكوا حدا الهايلكسات الموجودة يكملون شغل قلت يازول من بيركب لي لمبات قال مافيه عمال كلهم مشغولين دق على ابو شهد تفاهم معه،،!!!!!!!!(وانا لي اسبوع حاجز موعد واحسبهم يبي يرحبون)
دقيت على ابو شهد وقلت له اللي صار،،
وبعدين دق ابو شهد على الزول وقاله دبر احد يشتغل بموتر هالنشبه تلفّت ونادى زول ثاني قاله رح ركب لمبة (الزول الثاني مايعرف شي بالكهرب والتمديدات)
المهم ان الزول بدا بموتري من نص العصر وجلس يتدرب على موتري وكل شوي يروح ينادي الهندي يقوله وشلون اسوي كذا وكذا,,, ويعلمه الهندي والزول يطبق على موتري :) وطبعا الزول عليمي او ليته عليمي بدا يشتغل وطوّل مررره
وكل دقيقة اروح للهندي اقوله ياخي تعال انت اشتغل بموتري هذا مايعرف يقول مالي شغل زحممممه
(مع العلم انهم موقفين جنب موتري باترول ربع يبي يركب منفاخ هواء بالكبوت والهندي "الكهربائي" هو اللي يشتغل به و راعي الربع ما اخذ موعد ولا شئ)
وجلس الزول يشتغل بموتري الى الساعة 8:30 !!!!!!!!!!!!!!!!!!!!!!!!!!!!!!!!!!!!!!!
بالعادة الشغل اللي سواو بالكثيييييييير ياخذ ساعة ونص
اما انا دخلت الورشة 4 الا ربع وطلعت 8 ونص يعني 5 ساعااات!!
لا وازيدك من الشعر بيت قلت لابو شهد معي ولاعة اضافيه وابيك تركبه لي
قال لا هذي ماتصلح لي اشتر من اللي عندنا!!!!!!
قلت ليه ؟؟
قال كذا بس,, هذي ماتصلح لي!!
(مع العلم ان اللمبات انا اللي جايبها وكذلك الولاعة وهو يدري انها كلها من رفيق الدرب,,, لكن انا شريتها من رفيق الدرب بـ 10 ريال وابو شهد طال عمره يبيع الولاعة الاضافية بـ40 ريال من غير التركيب)
نقلت لك تجربتي لعلك انت والاعضاء الكرام تستفيدون منها
وآآآآآسف عالاطالة لكن والله من القهر اللي بي،،،
أخوك هلي ديزل,,,

[ولد وايل]

اشتغل عند عمر الزمامي كتاوت امريكي 100% 300امبير يعني تشحن بطاريتك 100%

موقعه صناعية اليحيى مخرج 18 الدايري الجنوبي

[برق القوافي]

شف وانا اخوك انا ما عرف لا سوافي ولا الصبي بس فيه واحد من الربع مجهز عند السوافي قبل تقريبا سنتين وانا وياه راجعين من البر قام الكبوت يدخن ونوقف ونفتح الكبوت ولا الضو شابه ونطفيها وصارت من كتاوت السوافي وانا اسمعهم يمدحون 4×4 والزمامي والله يدلك على الزين

[تميم2222]

ورشه عمر الزمامي في صناعيه الدائري الشرقي الجنوبي تقاطعهم .. او فور باي فور في ام الحمام .. وانتبه من السوافي ترى شغله من تالي خنبقه

[ابو عادل9060]

السلام عليكم

ما مثل ابو شهد الي بمخرج 15 العيال مركبين في سوافي والان بفكون شغل سوافي وبروحن له يركبون عنده

[do7my]

السلام عليكم ورحمة الله وبركاته

ابقول لكم شغله بسيطه

التمديد كله واحد مافيه زود ولا نقص
الفرق في الوذافه والمواد بس يعني الـ FINISHING
يعني لو بتروح لأقرب كهربائي بنقالي سوا لك بطاريه اضافيه بس ماحولك وذافه

ثاني شي المواد تقريباً كلهم ياخذونها من مصدر واحد وهو (سنا) اللي في شارع الكهرب في الغرابي لا من اسلاك ولا مشكبيات وجرجور وغيره واللي يبي يتأكد يروح للمحل ويشوف انا صادق والا كاذب بس انه مايبيع الا جمله مايبيع مفرق

كتاوتات ولمبات وقواطع وغيره كلها الله بالخير صيني من دويرة الخرج بالصناعية القديمه وتختلف من واحد للثاني يعني فيه احد ياخذ الكتاوتات اللي 45 ريال وفيه احد ياخذ التاوتات اللي 15 ريال وهنا الفرق
فيه احد يركب قواطع وافياش كنها حقات سخانه من كبرها وفيه احد يركب شي وذف ومملوح ومايشوّه

محولات كهرب كله صيني طبعاً من البطحا والصاحي منهم ياخذ التايواني



عن تجربتي على ثلاث سيارات من اكثر من 6 سنوات
الأوله على جكس 2006 عند سوافي يوم انه مايعرفه احد وقبل لا يزمر على الخلق وكنه مخترع الذره
كان شغله نظيف بمعنى الكلمه وتعامله زين وقطعه نظيفه
جيت بأشتغل عنده بعدها بثلاث سنوات على باترول لأخوي وانصدمت بالتعامل وبسوء المواد والزياده الفاحشه بالأسعار وقررت اني امدده بنفسي طبعاً على رواقه وعلى الفضوه حيث انها كانت ايام عطلة حج وانا فاضي وجلست في الموتر اسبوع خخخخخخخ
طبعاً سوافي ضليمته شينه في الترتيب الرجال حلو الفنيشنق عنده بس المواد لك عليها والشغل يجي فيه هفوات دايم عندهم طبعاً غير شوفت النفس هههههههههه
اما الأسعار حدث ولا حرج ناااااار ياحبيبي ناااااااار خخخخخخخخ

الثاني ولي تجربتين معه الأوله على سييرا لواحد من ربعي موديله 2009 سوينا الشغل عن حمدان الحميدان بالزلفي
شغله للأمانه مررررتب والخيارات عنده كثيره والرجال منصح ومايركب لك الا اللي يحتاجه موترك
يعني بعض الناس يبالغ في سلك الثلاجه ويحطه 10 ملي ، الثلاجه وهي تشتغل ماتستهلك الا خمسه امبير وقايسينه انا والحميدان على ثلاجه انقل الأمريكيه فلذلك يكفي سلك 6 ملي ارخص في السعر ويؤدي الغرض وزياده
وزياده على ذلك الرجال يطور بشغله ويحاول يوفر افضل اللي بالسوق وعلى قد اللي بتدفع يحط لك الأفضل يعني تعدد الخيارات والأسعار عنده شيء رائع بصراحه
تعدد الخيارات يعني يقول لك هاذا محول 600 واط بـ 300 ريال مثلاً بس انه صيني وهاذا محول 600 واط بـ 400 ريال بس انه تايواني وكلهن يحولن كهرب من 12 فولت لـ 220 فولت انت وش اللي يجوز لك وترتاح له يركبه لك وهاذي بطاريه اي سي ديلكو 70 امبير بـ 230 وهاذي بطاريه يواسا تايلنديه 70 امبير بـ 250 ريال وانت وش اللي تبي يركب لك هاذا مثال على مقصدي بتعدد الخيارات عنده
رجعت واشتغلت عنده الثانيه موتر عمي قبل ست شهور لاندكروزر جكسار وبصراحه ابهرني بتطور شغله في الفنيشنق والمواد اللي يركبها والرجال يستاهل العنوه والله وأنشالله التجربه الثالثه قريب بروح له ابشتغل على اف جي
رقمه للي يبي يتصل عليه 0504224000

الثالث عبدالرحمن العنقري أبو محمد اللي بأشيقر اللي ذكره احد الأخوان في رد سابق
اشتغلت عنده موتر الوالد هايلكس دفرنسين 2009 ، شغل قوّه ومكدّه وفوق عن المطلوب بصراحه لك وللزمن وترتيبه رائع
لكن يعيبه الشغل غويلي شويتين يعني زي اسعار سوافي لكن على شغل ومواد تستاهل مهوب برابيس
تقريباً الرجال وقف شغل الحين بسبب عدم وجود عامل معه يساعده وأيضاً هو موضف ووقته محدود شوي لكن اللي حاب يستفسر منه هاذا رقمه 0555268808


أفضل شغل شفته وهو الشغل اذا قالو لك شغل خواجه كان على موتر عمي فكس 97 من حوالي 14 سنه
طلعه جديد واشتغل عند الدفع الرباعي اللي لازال موجود بطريق العروبه بس ايام كان اللي قايم على الورشه البريطاني اللي سياراته الاند روفر موجوده لالحين بالورشه ، مجرد انك تطل جوا السيارات تشوف قوة الشغل والتجهيزات كيف
طبعاً البريطاني سافر من زمان وهو اول من بدا يشتغل بطاريات اضافيه وتجهيزات سيارات البر بالسعوديه حسب معلوماتي
وشغله في الموتر من ركب إلين بيع الموتر من ست شهور ما اشتكا من شي وما غير في مسمار ، شغل خوااااجه ياحبيبي خخخخخخخخخ
العامل الهندي محمد ريحان والفلبيني بونق اللي موجودين بالورشه لالحين خذو الخبره والطريقه من البريطاني بس المشكله في المواد ماعاد يجيبون مواد مثل اللي كانو يجيبونها قبل يعني الورشه اهملت بعد ماراح البريطاني واللي مسكها السعودي بعده يجي آخر الشهر ياخذ المقسوم ويمشي بس
رقم الهندي محمد ريحان 0532558958

الصبي اللي ذكروه الشباب مريته الأسبوع اللي راح كنت بركب عنده على الأف جي اللي قلت قبل شوي وذلك بعد المدح اللي قريته عنهم في المنتديات
بس انصدمت بأنهم بدو في بحوث اختراع الذره واتوقع انهم بيكتشفونها قريب ثمن بيكشون ذبّان انكان ماتعدلو
شكل سوافي عاداهم خخخخخخخخخ


الخيارات عندكم والمعلومات يشهد الله انها عن تجربه مهوب كلام وبس
وكلن عقله في راسه ويعرف خلاصه

[كارلتون]

السلام عليكم
طيب يااخوان مافيه واحـد يشطح كذا وينزل موضوع كامل عن اضافة بطاريه ثانيه وتمديد اسلاك ولمبات وكنود
والافياش وين تحصلها واسعارها والاسلاك كم مقاسها وطولها والقاعده حقت البطاريه الاضافيه يفصلها عند حداد والا يشتريها من تشليح
فيه ناس يبون يشتغلون بانفسهم في سياراتهم بس ينقصهم المعرفه في بعض الامور
الي بينزل الموضوع ياكثررررر الي بيدعون له........... وشكرا

[sابوحمدs]

الله يوفق الجميع

[snack1028]

السلام عليكم ورحمة والله وبركاته

أخي العزيز انا ركبت في سوافي وركبت في الصبي

تبي الصراحه وبدون مجاملة رح للصبي مخرج 15

خذ من اخ ناصح ليس له اي مصلحه

[ماكسوس]

الشهادة لله ياأخوان

مركز الصبي أشتغلت عنده باترول والصراحه شغله مرتب ونظيف
وواحد من ربعي اشتغل عنده 3 مواتر وكلهم يمدحونه

بالنسبة للزمامي أشتغلو عنده 4 مواتر من الربع موترين لاندكروزر 2012 وموتر اف جي 2011 وموتر سييرا 2010 ويمدحون شغله

[اشجارالغضاء]

السواااافي

[والله متفائل]

وين هو فيه سوافي

[راع البنلي]

السلام عليكم
عندك ورشة سوافي
بس انه غالي حبتين
تقبل مروري