المساعد الشخصي الرقمي

مشاهدة النسخة كاملة : ودي اطلع الوالدة الله يحفظها والاهل للبر وش افضل مكان


نفوذ مكشات
29/11/2011, 09:42 PM
السلام عليكم ورحمة الله
يالربع ودي اطلع الوالدة الله يحفظها حسب رغبتها يوم الخميس وش احسن مكان فيه نفوذ ولا فيه ناس واجد وقريب من الرياض
فزعتكم يالربع كل يعطي من عنده
وبيض الله وجيهكم
Ra3e
29/11/2011, 10:08 PM
نفود الطوقي اطلع من الرياض كانك متجهه للمطار وابتل لين تجيك الاشاره حقت ارامكو لف يمين وابتل يجي دوار رح يمين ابتل لين يجيك حرف تي رح يمين ويجيك حرف تي ثاني لف يسار ابتتتل لين يجيك مفرق الطوقي زفلت و ممهد رح مع ممهد بعد ماتمشي لك شوي ادخل بالنفود واجلس

والله يحفظ لك اهلك والوالده
abofahad01
29/11/2011, 10:25 PM
اتوقع روضة ملهم احسن مكان بس رح لها الصبح بدري

طريق القصيم بعد نقطة التفتيش يجيك معبر جمال اطلع معه وامسك الردمية واتبعها الين تلف بك يسار وعلى يمينك يجيك طعس نقى

وسيده الين تجيك بوابة الروضة في الوجه
مخايل البراق
29/11/2011, 10:29 PM
وعليكم السلام
الله يخليلك والدتك ويكثر من امثالك
وين موقعك من الرياض؟؟
لازم نفود؟؟