معي 130 الف وش تشيرون علي يالنشاما***********

[مسمار شداد]

معي 130 الف محتار بين جكس 2008
اوتاهو z71 2010
او باترول فتك

[fof6666]

فكر بالبرادو 2010

[ALMoooBD3]

أفضل التاهو من بين الخيارات

شكل ورزه وعزم ممتاز بالطريق وبالنفود وصرفية ممتازة ..
بالتوفيق

[عم الجميع]

اعتقد الإكسبديشن من فورد موديل 2011 افضل من جكس له اربع سنوات

[يالبى الهلا]

نصيحه من انسان خذ نيسان هو ملك البران

[احمد الشمال]

والله تبي تحتار زيادة :D من كثر الآرآء

وانا بعطيك رآيي :D

باترول فتك , بشرط سوبر سفاري
فخامه وقوه وخفت دم

اما الجكس لا شكل ولافخامه تفتح النفس اسود باسود والقوة مايتقارن بالفتك < مع احترامي الشديد لملاكه

واما التاهو قوي ومركبه حلو ومع الخط حلو لكن عيبه خرابات كل مكينته حساسات والامريكي معروف حساس من اي شي :looney: واذا بتاخذه الله يعينك ياخوي


وهذا رايي من الممكن ان يعجب شخص لكن لايعجب الاشخاص الاخرين :D
وانا احترم كل ملاك الجكس والتاهو

والراي الاول والاخير لك
والله يوفقك ان شاء الله << بس لاتنسى الاستخاره قبل الشراء :good2:

[كبسولة2]

التاهو خيار ممتاز

راحة فخامة قوة جودة صبر

للمدينة وللبر وللسفر

التويوتا غااااالي على غير سنع وغير مريح في السفر

الفتك أو الباترول مشاكله واااااااجد وهربده وحساس مرة

مكينة الفتك الباترول من التشليح مستعملة موديل 2004 سعرها بـــ 24 الف ريال قيمة سيارة مستعملة !!!! ومر التشاليح وأسأل

والمكينة الجديدة من الشركة بــ 45 الف ريال قيمة سيارة جديدة !!!

وفي ألاخير استخر ربك قبل كل شئ

[دانكن]

اذا انت راعي ديره وخطوط خذ تاهو ..

اذا راعي بر طلع التاهو من اختيارك

والباترول لاباس فيه

[You Like Me]

وانا بعطيك رآيي :D

باترول فتك , بشرط سوبر سفاري
فخامه وقوه وخفت دم

اما الجكس لا شكل ولافخامه تفتح النفس اسود باسود والقوة مايتقارن بالفتك < مع احترامي الشديد لملاكه

واما التاهو قوي ومركبه حلو ومع الخط حلو لكن عيبه خرابات كل مكينته حساسات والامريكي معروف حساس من اي شي :looney: واذا بتاخذه الله يعينك ياخوي


وهذا رايي من الممكن ان يعجب شخص لكن لايعجب الاشخاص الاخرين :D
وانا احترم كل ملاك الجكس والتاهو

والراي الاول والاخير لك
والله يوفقك ان شاء الله << بس لاتنسى الاستخاره قبل الشراء :good2:

وانا رأيي من رأي الاخ احمد
ونصيحة اذا تبي ترتاح من المشاكل ووجع الرأس
شل التاهو واليوكون من بالك

[التعـ King ـديل]

الفتاك وبس .. هذا هو تحت يدي ماعمره عصى لي امر ..بالعكس كل مااقوله شي يقول سم وابشر

واذا تبي تجربه قبل تشتري حياك

[khalid-98]

لك عندي فتك يحبه قلبك 2007 ماشي قليل لون لؤلؤي


والله انه ينصفط وقبل ثلاث ايام ما كان عندي نية للبيع ابد


لكن طرء امر وخير ان شاء الله


وفلوسك بتوفر منها واجد


للاستفسار بعد اذن الادارة ********** الرياض


=====


اما بالنسبة لاسشارتك انا انصحك تبعد عن التاهو اذا انت راعي بر


والاندكروزر ما عليه كلام وشيك بس وين تلقى النظيف


اما الفتك هو سيارة البر الاولى بلا منازع


سلالالالالالالالالام

[صبحية البراري]

والله الفتك مووتر خذ 2009 لؤلؤي سوبر سفاري والله ان تدعيلي نشاط + فخامه + شكل + راحه اما التاهو ماينفع انكانك راعي بر. ولاندكروزر مع احترامي لملاكه مايقارن في الفتك ملك الجيوب بلامنازع

[مشاري22]

انصحك با لاندكروزر فخامه وقوة تحمل وعند البيع شيك. ويكون 8 اسلندر افضل . با التوفيق لك.

[كاتلوني]

الخيار الأول الفتك
الخيار الثاني التاهو

[مخطور]

السلام عليكم ورحمة الله وبركاته
انا من محبين الفتك ومجربه بس لي ملاحظات عليه
اذا تبي موتر يطول معك وتكده 5 سنوات ماينزل الا عشرة الاف ريال
لا تبعد عن تويوتا جي اكس 2007
اللون ابيض او لؤلؤي
فتحة سبير علاق
ونش دفلوك
هذا لك وللزمن لاماشاكل ولا اعطال
واذا انت راعي كشتات كثيرة خذلك قير عادي
واذا رغبت جي اكس 2008 ابعد عن 6 سلندر ماينفع ولا بريال ( خصوصا قير تماتيك )
الا تقول ابي الشكل الجديد خذ 8 سلندر ممتاز عزمه وقوي
وتحياتي لك

[دفي الوقت]

السلام عليكم ورحمه الله وبركاته

ادري انك محتار وبقووووووه بعد لكن انا مريت في مثل هالتجربه وكنت اكلم العيسى والجميع علشان التاهو او اليوكن

ولكن وبعد مشاهدتي لبعض الزملاء ممن امتلكوا التاهو واليوكن وحديثهم المستمر عن سوء معامله الوكاله في حاله الصيانه سألت وتبين لي ان هذه السيارات مريحه وفيها فخامه ولكن بها عيوب كثيره ومن اهمها الحساسات والتي تحتاج تغيير بأستمرار وكل مره بستمائه او سبع مائه ريال فقط حساسات واستنتجت انه من النوع الغادر يعني احتمال يطفى عليك بأي محل ومن باب المزح البعض يقول اذا اشتريت يوكن او تاهو خزن رقم راعي سطحه في جوالك:D

والتايوتا اعرف شخص طلع واحد جديد 2010 لاند كروزر وماجلس معه اكثر من ثلاثه اشهر يقول من يوم طلعته من الوكاله واسمع اصوات في الطبلون ويقول وهو خبير جيوب الاند تغير علي ماعاد هو مثل اول


وتوكلت على الله سبحانه وتعالى واشتريت فتك 2007 ووفرت اكثر من خمسين الف من فلوسي والفتك ماشاء الله نظيف بالحيل وموقفه بالبايكه وصدقني الامان بعد الله سبحانه وتعالى في الفتك والراحه وخفه الدم فيه

وعلى فكره معي نيسان 95 بخاخ صدقني اروح فيه لكل مكان ماشاء الله وعمره ماخدعني او طفى علي وثقتي فيه لاحدود لها وليست دعايه ولكنه واقع

وانا كنت شاريه مستعمل وكمل معي سبع سنوات زي الحلاوه نشاط وخفه وبياض وجه

هو اللي في توقيعي واكرفه للدوام وللبر والثاني مخليه للمشاوير الخاصه او السفريات مع العيال

لذلك اقترح عليك ان تبحث عن فتك 2007 او 2008 او 2009 وتوفر لك كم قرش اصرف وابرك لك

اتمنى ان اكون افدتك وعلى قولتهم اسأل مجرب ولا تسأل طبيب

[.أبوعبدالرحمن]

أخي الكريم جميع السيارات التي ذكرتها هي الأفضل في السوق الان تقريبا مع الاكسبدشن

ولكن من رأيي بما أن المبلغ إللي معك ما يجيب تقريبا جديد

أنزل للسوق وابحث عن النظيف والماشي قليل سواءا تاهو أو باترول أو لاند

فكلها تعتمد عليها بعد الله وسيارات ما عليها كلام


والله يرزقك بالموتر إللي يرضيك

[ابوميس الحلوه]

الله يكتب لك الخيره فيما اخترت
رأيي الفتك 2009 سوبر سفاري وانبسط
التاهو 2011 حلو وفي البر حلو لكن فيه ممشى مايقدر عليه زي الفتك (عن تجربه)
اذا كنت راعي بر

[نبراس 07]

والله تبي تحتار زيادة :D من كثر الآرآء

وانا بعطيك رآيي :D

باترول فتك , بشرط سوبر سفاري
فخامه وقوه وخفت دم

اما الجكس لا شكل ولافخامه تفتح النفس اسود باسود والقوة مايتقارن بالفتك < مع احترامي الشديد لملاكه

واما التاهو قوي ومركبه حلو ومع الخط حلو لكن عيبه خرابات كل مكينته حساسات والامريكي معروف حساس من اي شي :looney: واذا بتاخذه الله يعينك ياخوي


وهذا رايي من الممكن ان يعجب شخص لكن لايعجب الاشخاص الاخرين :D
وانا احترم كل ملاك الجكس والتاهو

والراي الاول والاخير لك
والله يوفقك ان شاء الله << بس لاتنسى الاستخاره قبل الشراء :good2:
كلام سليم

[HAS5SAN]

بـ130 الف
ماراح تحصل لاندكروزر نظيف
سواء 2008 او 2007
لكن تقدر تشتري
2 فتكات او 2 تاهو
ويدل لك على الحرار قيمها

[ALBDRANE]

خذلك فتك يبيض وجهك وخل عنك التوهيقات أنا معي فتك وعن تجربه بعض الدروب مالها الا الفتك وكانك راعي بر على خفيف وحول الاسفلت الخيارات كثيرة ....

[sgl2002]

والله مايصبر علينا مثل الياباني

والامريكي والله ماقدر امشي به الا وحولي ناس لانه يخذلك


انا اقول ومن تجارب لاتبتعد عن اللاند المديلات حتى ٢٠٠٧
او الباترول حتى ٢٠٠٩

[faf o]

اذا انت راعي بر عندك الفتك والاند v8
واذا راعي ديرة و البر قليل روحاتك له و قريب فالتاهو كويس
بس عندي سؤال الباترول الشكل القديم يجي جديد سوبر سفاري او سفاري وبكم قيمته

[كم كيلو باقي]

اشتر لك فيوجن فورد .. وكالة بـ70 الف ( الموتر بطل بطل بطل )

وشاص مستعمل بـ50 ألف

10 الاف صيانة وتركيب شد للشاص

واستمتع

[الكاااايف]

تااااااااهو بلا منازع......... راحة....فخامة......
وصرفيه مثل المواتر الصغيرة......والخرابات اللي يتكلم عنها بالعكس معروف الامريكي بقل خراباته والدليل شف الموديلات القديمه كيف ماشيه في الخطوط ....كابرس وصابونه الخ

[كيري ميري]

اجل 2 تاهو ب 130 الف موديل 2010م .


- صدق من قال انك مجنون . هذا كلام يقال في مكشات .
- احسن شي للاشخاص هذه التوقيف والطرد من مكشات.

[باسل نجد]

أخوي بما أنك طلبت المشورة ،، فيقول صاحب المقولة ماخاب من استشار

والخيار لك في الأول والأخير

طبعاً أبي اعطيك رأيي من واقع تجربة
إذا أنت رجال راعي خطوط والبر ماعليك منه ،، وعندك استعداد تبيع بخسارة لو حصل لك لاقدر الله ظرف مادي فعندك الأمريكي بجميع أنواعه
طبعاً انا معي تاهو موديل 2009 موتر ماشاء الله تبارك الله عليه يطربك مع الخط وكشخه،، لكن في البر ماينفع بهلله مو بريال
وكذلك كل يوم طالع لك لمبه في الطبلون وخذها وسوسه ،،
وإذا أنت رجال راعي بر وكذلك خط وتبي تبيع بسرعة لو حصل لك ظروف مادية لاقدر الله فعندك والله تيوتا يليها نيسان هذا من فيما ذكرت
مع اني أميل للنيسان وبقوة وخصوصا في البر
رأيي خلك في 100000ريال والباقي اتركه تمشي فيه عييلك

شف وانا أخوك ظروفك وإمكانياتك واحتياجك وقرر ،، لا أحد يؤثر فيك برأيه المتعصب وكلها وسيلة نقل وتفي بالغرض ولاتضغط على نفسك مادياً

[ابونبيل]

اولا شل التاهو من راسك لانه امريكي حق طريق مو حق بر


انصحك بالندكروزر اذا 6 سلندر قير عايدي انتبه تاخذ تماتيك و8 سلندر الي تبي عايدي

اما الباترول حلو بس قطعه غير متوفره وفيه مشاكل مصنعيه مثل مسامير الثلاجه

وترا الحمراني محتكر القطع ومغليها واي قطعه تبيها ماتجيك الا عقب اسبوع !!!
انا خذت نيسان شهر بعدين بعته والسبه الوكيل والعيوب


خذ لند وريح راسك

[مشلخ الذيب]

ارى التاهو افضل خيار

منتب عايش بالبر اغلب وقتك بيكون في الديره

والتاهو ماعليه خلاف بالبر بس طامن شوي

واللي يقوول انه خرابات فهذا الكلام قديم 2003 وانت نازل

وفالأخير استخر وجرب وخذ اللي ترتاح له

[كيري ميري]

نبيل : اللي يسمعك يقول المسامير هذه مربوطه بالبدي ..كلها مسمار واحد تفكه وترميه .فكته ب100 ريال . المشكله العيوب اللي مالها حل .

- ترى الناس تفهم لاتحط نفسك بموقف حرج انت وغيرك . لو لقطع غير متوفره ماشفت سيارات نيسان بكل مكان . وليس محتكر ..الموزعين واجد .

- الان التويوتا تعدى النيسان في اسعار القطع ...الا القطع الصينيه ارخص من نيسان لانه مايجي نيسان صيني.

[أنفاس رجل]

لاتسمع كلام الاعضاء هذولا كلهم ماعليكم منهم



افضل سياره هي التاهو بلا منازع



الا وش رايك عندي سياره تاهو للبيع تشتري؟

































.
هههههههههههههههههههههههههههههههههههههههههههههههه


امزح امزح والله ماعندي تاهو لاتصدق


ولكن الله يرزقك بالسيارة الي تملى عينك يارب وتبيض وجهك

تحياتي لك

[volcano]

130 الف ومستعمل ..قهررررررررررر!

شوف لك شي غير اللي ذكرتهم وكالة اصفار احسن لك .. المستعمل يغثك فرق 4 سنوات لو هو سليم بطلع لك الهوجاس ..!

عقلك في راسك تعرف خلاصك..

[نواف 20]

لا تخلي الجكس

[مسمار شداد]

شكرا للجميع بدون استثناء والله يبيض وجيهكم وعزالله انكم رجال ونشاما :good: يا مكشاتيه


انا ان شاء الله بعد مشورتكم باخذ سوبر سفاري تماتك 2009 وحولها

[غواص وقناص]

انا وجهت نظري كان عندي نفس الهوجاس
ودورت للاند ولاكن غالي غالي لاكن للأمانه زبونه موجود متى ما ودك تبيع
وانا انصحك با الفتك 2009
بس ما لقيت من يرشدني وقتها
الباترول واللاند عينين في راس
اللاند يخدمك عند البيع والباترول يطربك

والله ييسر امرك
وصلي الأستخارة

[نجم2000]

السوبر سفاري ممتاز

بس دور النظظظظظظظظظيف


واذا ما لقيت
انصحك وبقوه اكسبدشن جديد
على الاقل ترتاح 3 او 4 سنوات

[يالبى الهلا]

احسنت الاختيار السفاري ينافس الاند شيك عند البيع ابعد عن الامريكي وتعين خير خاصه الموديلات فش فاش قصدي الجديده

[آبونآصر]

نبيل : اللي يسمعك يقول المسامير هذه مربوطه بالبدي ..كلها مسمار واحد تفكه وترميه .فكته ب100 ريال . المشكله العيوب اللي مالها حل .

- ترى الناس تفهم لاتحط نفسك بموقف حرج انت وغيرك . لو لقطع غير متوفره ماشفت سيارات نيسان بكل مكان . وليس محتكر ..الموزعين واجد .

- الان التويوتا تعدى النيسان في اسعار القطع ...الا القطع الصينيه ارخص من نيسان لانه مايجي نيسان صيني.

هلا اخوي كيري ميري

أنا ما أوافقك في هالنقطه أبد :(
الموجود الحمراني هو الموزع الوحيد :good2:
وقطع نار ولا يوفرها :(
الله يعين كل وكيل وله عيوب وعيب عبداللطيف جميل الغلاء :mad:
أما من ناحية القطع تلقى حتى بالبقاله وليس محتكر
------
بالنسبه لراعي الموضوع

خذ لك لاند للكد وبالبر :good2:
أو فورتشنر v6 حلو بالحيل ومريح
وقيمته جديد فل الفل ماتتعدى 124 ألف
والله يوفقك

[كيري ميري]

احب عندي واحد فاهم ..اجل الحمراني هو الموزع الوحيد .كل منطقه فيها عدة موزعين .رح لتويوتا العربيه وشف كيف يعجزون يحصلون بعض القطع .لازم طلبيه (((وادع بسلامة التشاليح))فاكه ازمه لاصحاب التويوتا ..بسبب كثرتها في التشاليح .-السفاري 2008 و2009 ...انتظر فتره الكل رايح يدور عليها ...اللي مشترينها مستعمله استعمال بسيط كلهم مكسبثهم .

[بربنجي]

رأيي وانا اخوك وانت ابخص بامرك
اول شي استخير
انا اشوف انك اذا انت موظف تحط دفعة اولى مية الف على يوكون فل كامل وكاله والباقي تشتري لك سيارة من الحراج حقت العمل وداخل المدينه ولما تكون لوحدك وتخلي السيارة الجديدة في القراج عشان تحافظ عليها وتخليها مثلا مشاوير لك عادي او مع الاهل او للسفريات بعد توفيق الله
اليوكون الفل كامل حلو وقوي وواسع ما عدا الشنطة الخلفية صغير ليست مثل الجمس واشوف انه قوي ويتحمل الكرف وغير كذا الي اعرفه انه اقتصادي بالنزين وبنزينه 91 يعني بخمسين تعبية فل
هذا رايي المتواضع واسف على الاطاله وهو مجرد رايي
ومبروك ان شاء الله مقدماً والله يعطيك خير ما تشتري ويكفية شره
والله يحفظك

[مالك أمل]

انا اقول فك لك تاهو

والله يعطيك خير ما تشتريه ويكفيك شره

[FAPioO]

فتك لبى قلبه ياخف دمه

[مسمار شداد]

شكرا للجميع بدون استثناء والله يبيض وجيهكم

[احمد الشمال]

شكرا للجميع بدون استثناء والله يبيض وجيهكم وعزالله انكم رجال ونشاما :good: يا مكشاتيه




انا ان شاء الله بعد مشورتكم باخذ سوبر سفاري تماتك 2009 وحولها



خير مااخترت
والله يوفقك وييسر امرك
ولا تنسى فحص الموتر بمكان بعيد عن المعارض لان اغلبهم متفقين مع بعض
وابكثر من فحص , الله يعوضك بتخسر ألف أو ألف وشوي لكن احسن ماتخسر 130 ألف
;)

[ابونبيل]

نبيل : اللي يسمعك يقول المسامير هذه مربوطه بالبدي ..كلها مسمار واحد تفكه وترميه .فكته ب100 ريال . المشكله العيوب اللي مالها حل .

- ترى الناس تفهم لاتحط نفسك بموقف حرج انت وغيرك . لو لقطع غير متوفره ماشفت سيارات نيسان بكل مكان . وليس محتكر ..الموزعين واجد .

- الان التويوتا تعدى النيسان في اسعار القطع ...الا القطع الصينيه ارخص من نيسان لانه مايجي نيسان صيني.

اسمي ابو نبيل انا بعدين كلامي لصاحب الموضوع تبي ترد رد على صاحب الموضوع وعيب ترا تكذب الرجال..

بعدين انا قلت طلبيه ماقلت ماتلقا وبمحلات الموزعين مايجيبون الا قماشات وسيور
انا شاري لجيب باثفندر 2005 بلف دفرنس جاني بعد اسبوع وبغى ياخذ عربون علي والحساس نفس الكلام
و دخل قدامي 3 اشخاص واحد هندي يبي مواصير رديتر قاله طلبيه ووحد يبي ترس قير مكسيما قال طلبيه وواحد مدري وش بغى بعد وطلبوله وانا الرابع كنت ابي حساس شكمان

[تلميذ]

الله يرزقك بالموتر الطيب ...

[المهاجر انا]

اشتر لك ارض افضل من السياراة والا اعرس بها كانك اعزوبي

[و لد ملهم]

خير ما اخترت و الفتك موتر ما عليه كلام

[طال السكوت]

تويوتا اف جي كروزور







.

[مسمار شداد]

اشتر لك ارض افضل من السياراة والا اعرس بها كانك اعزوبي

الحمدلله يوجد بيت ملك ومعرس وعندي زوجتين بس بغيت اشتري فتك لانه سريع اذا نويت اهج :redcar:من الحريم ههههههه:D:D:D

[mhmd50]

اخوي انا توي اخذت فتك جي ال قير عادي ٢٠٠٩ وشفت بالمعرض اكثر من سيارة وبصراحة السيارات نظيفة جداً ماشاء الله لاقوة الا بالله

اذا تبي اسم المعرض ابشر وللعم هو بالرياض

دق علي وابشر بالعلم

٠٥٥٣٢٥٢٢٩٢

بعد اذن الادارة

[مسمار شداد]

ماتقصر ياmhmd50 انا ادور فل تماتك وفي خاطري زرقه للامارات الله لايهينك ويبيض وجهك