بنزين 91....بنزين95 كم يمشي

[لعبتي الصيد]

السلام عليكم
مبروك ها لامطار وربي اجعله صيباً نافعاً
الحقيقة ودي استفسر عن



البنزين بأنواعه (احمر=== اخضر)كم يمشي طبعا السيارة باترول2008فتك لأني ودي اعرف هل في فرق بينهم وكم معدل المسافة اللي يقطع كل النوعين مع شكري وتقديري لكم.. وسؤال خاص باترول 2008ايهم افضل البنزين الاحمر او الاخضر ..
ارجو من عنده اجابة لايبخل علينا وجزاكم الله خير الجزاء

[لعبتي الصيد]

للرررررررررفع

[عارف العبدلي]

ياحبيبي اول شي السيارات الجدد بالذات النيسان الاحسن انك تحط بنزين 91 اول شي
رخيص ثاني شي ماتصرف زي ال 95 وثالث شي مصنوعه السيارات اليابانيه
بنزين بدون رصاص مكتوب في الباب حق التانكي خالي من الرصاص
وانا مجرب

[لعبتي الصيد]

ننتظر ذوي الخبره من باقي الاعضاء

[أبوحسام 2010]

يابعدي قلبي يالغالي يالعبتي الصيد

معي فتك 2005 كنت أعبي 91 أخضر

ويمشي 400 وشويات بعد ماجت الأمطاروالطلعات

حببيت أغير نوع البنزين عشان عزم الموتر ينشط شوي

وعبيت 95 أحمر وبرضه نفس الممشي مايفرق بالنسبة لي

لكن عزم الموتر أنشط شوي صار .

ولو عبيت أخضر تري مايضر أنت بالخيار يابعدي

والفرق بسيط فل تانكي الكبير 37 ريال أخضر

فل تانكي كبير أحمر 47 ريال . الفرق عشره ريال فقط .

ومن وجهة نظري الشخيصي الأحمر أفضل .


أرجو أن أكون أفتدك والخير والبركة بالبقيه .

[turkiq]

مصنع نيسان يقول 91
والرأي في النهاية لك

[خبايا انسان]

يا اخوان لاحد يفتي من راسه

الباترول البخاخ ماينفع له الا 91 وموضح في كاتلوج السياره ,, مايحتاج فلسفه وتخالفون الي صنعوا السياره

[ع السالمي]

يا رجال عبي 95 والا 91 كله نفس بعض وفلها مع الشعب :D
والا عندي لك حل شهر عبي 95 وشهر 91 وصدقني بيطلع موترك بي ام

[الكونغررس]

يا شباب حسب علمي وكلام اغلب الناس ان الفتك ما يصلح له الا بنزين 95 لانه بخاخ والكبريتر بنزينه 91 هذا المعروف والمتداول بين اغلب الناس واللي عندهم فتك

[لاتكب البيالة]

السلام عليكم
انا معي 2009 قير عادي امشي بالاخضر تقريبا 600 كيلو الى ما تالع اللمبة بالتانكيين خط ماشي 140 او 150 اما الاحمر ما جربته

[patrol-fa]

يا شباب حسب علمي وكلام اغلب الناس ان الفتك ما يصلح له الا بنزين 95 لانه بخاخ والكبريتر بنزينه 91 هذا المعروف والمتداول بين اغلب الناس واللي عندهم فتك


عفوا اخوي الظاهر العكس .البخاخ 91 والكربريتر 95

والظاهر الممشى نفسه انا جربت الإثنين بس العزم يفرررق واجد .

الصرفية الظاهر وحدة ما تفرق ..

[دروب الذكريات]

المسافة المقطوعه بالكيلوا واحده اذا الاخضر اوفر

[رفيق العرب]

يا حبيبي المعلومه هذي لك وللزمن
البنزين وظيفة بالسياره الحرق فقط
سواء 91 - 95
في النهاية كلها تحترق

[مدور طريق]

والله يا اخوان انا اشوف بنزين المحطة له دور

السالفة قبل اسبوع كنت طالع للشرقية ومعبي فل من محطة التسهيلات الي ببداية طريق الرياض الدمام ( طبعا 91) السيارة كامري 2003

الحاصل قبل الدمام ب80 كلم الا ولمبة البنزين مولعه الحاصل عبيت بنزين بعد موصلت
(بالعادة اذا عبيت عند محطة غير التسهيلات اصل للشرقية والبنزين على الربع)

الشي الثاني وانا راجع الاربعاء الي فات من الشرقية عبيت ببداية طريق الرياض ولله الحمد وصلت للرياض والبنزين على الربع (91)
................

زبدة الكلام ( ترا المحطة لها دور في صرفية البنزين ..وخاصة التسهيلات بنزينها يتبخر بسرعة)
وانتم جربو تعبون من عندها ... والله اعلم

[al__2008]

انا عندي باث 2009 بنزينه 95 بصراحه ذبحني اعبي ب 40 ريال كل يومين وناوي اغير اخضر 91 بس متخوف منه وش تنصحوني فيه

[ابوو ALI]

وانا اخوك عب التانكي نصه 95 ونصه 91

[Dr.Banned]

وانا اخوك عب التانكي نصه 95 ونصه 91

صدقت نص اخضر ونص احمر والباقي يزيدونه مويه وانتهينا :good2:

هههههه

الخلط يضرر على كلام الميكانيكيين

شف لك نوع معين واثبت عليه

الباترول 2008 اشوف الاحمر اصرف له

لأنه موديل قديم على ايام بنزين 95 الاحمر

وللمعلوميه 95 الاحمر افضل من 91 الاخضر من ناحية العزم

جرب الاحمر وجرب الاخضر وشف الفرق

http://www.alriyadh.com/2008/07/02/article355435.html

95 متوافق مع كل السيارات بعكس 91

انا من ناحيتي ما اعبي الا 95 لأني متعود عليه ولان كتلوج السياره ينصح به وايضا اذا فتحت غطاء التانكي الوكاله حاطين استكر مكتوب عليه ممتاز 95 فقط ( ارمادا )

[الشعراوي]

يالربع اللي يقول ان الموتر يصرف ولا يطول ترا مرات يكون فيه مشكله في ليات التبخير بالتانكي انا حصلت لي

البنزين يخلص بسرعه يوم نزلت التانكي اكتشفت ان بعض الليات متقطعه وغيرتها وضبط الحمد لله

[صياد الخرج]

الله يجزاكم خير جميع منكم استفدنا

[patrol-fa]

مشكله في ليات التبخير بالتانكي انا حصلت لي

أحسنت .. لكن إذا كانت خربانه راح يوضح من الريحة لأنها تندي وبيطلع ريحة بنزين سواء داخل أو خارج السيارة ..

[وجعين]

انا اقولك عب احمر لا تروح عليك المكينه انا لا عبيت اخضر تصرقع بلوف الموتر انت جرب عشق الموتر الثالث قبل يطلب الغيار تلاحض صرقعه البلوف بينما عب احمر ماتسمع للبلوف حس ..