شباب تكفون : وش رايكم بالشوزن ام طلقه وحده . الكامله؟؟

[العليمي]

شباب نبي شوركم . وش رايكم بالشوزن الكامله ام طلقه وحده ؟ عطوني افضل نوع. ولكم الشكر نبي تفاعلكم للأهميه . وشكرررررررررررررررررررررررا.

[شميزر]

السلام عليكم يالعليمي مانصحك بشوزن طلقه وحده اذا تبي تاخذ خذ ام خمس ازين للارانب ورمي الطيار واذا تبي بارود لك وللزمن خذ سوبر بانلي ولله اعلم وصلى الله على محمد وعلى اله وصحبه وسلم. ودمتم

[ابو عمر اللاحم]

لأ انصك الا بالشوزل ام خمس فلا تقتني غيرها وضم صوتي لصوت اخونا الشميزر فمميزات ام خمس لا تقارن بأم وحدة ابداً .

وتقبل تحياتي .///

[الخبير]

السلام عليكم ورحمة الله و بركاته
الشوزن ام طلقة مناسبة لشخص ما وده بشئ يتباها به قدام اخوياه ، هي لشخص يبي شوزن تؤدي دورها و بس!!!!!

لا تفهم من كلامي ان الشوزن ام طلقة تعبانه لا عل العكس ممتازة بالحيل لكن الزين ما يكمل حلاه :D

ام طلقة رخيصة و خفيفة و إذا حصلت نوع زين و رخيص عز الله انك كسبان .
طبعاً انواعها واجد الامريكي و الروسي و البلجيكي ووووووو
انت و إختيارك و الميزانية إلي حطيتها للبندق ، و طبعاً مدامك اخترت ام طلقة فلازم تحط في بالك التالي:
إذا ما كنت رجل جبر ، شديد البنية عريض الكتفين ، افلش المنكبين فهي تبي تتعبك لان رجفتها قوية . واحد من الشباب ما عنده ولا صفة من الصفات إلي راحت ( يعني تقل دخله ) و لكنه يستخدم شوزن روسية ام طلقة و مرتاح معها .
إذا كنت تبغا تخفف من رجفها حط على كتفك فوطه فروه إلي هو المهم شئ يخفف الإرتداد.

الله ييسر امورك .
===============================

http://nobody.jeeran.com/jkduhpma1.gif

[العليمي]

شكرا على الردود . يا اخ الخبير انا سبق ورميت بالشوزن ام طلقه مع واحد من الشباب صراحه بالنسبه لي ما ترجف ولا شي . لاكن انا طرحت السؤال للأستفسار عنها من ناحية هل هي تكرف و تصبر والا بها مشاكل واجد . لاكن بالنسبه لأم خمس انا عارف انها ممتازه بالحيل و الشباب في المنتدى نصحوني فيها لاكن احس انه الاسعار مرتفعه شوي . سئلة واحد عن ام خمس وقالي قيمتها من 4000 _ 5000 . مافيه ارخص منها .:D :what: :confused: ;) :o

[عليان الليل]

فيه يالطيب
كل الي تبي تعال للمسنجر
dmn92@hotmail.com
ان شاء الله تبي تلقى غرضك
اي سؤال اي استفسار انا مستعد
اخوك عليان الليل

[الأشهـــــب]

ياغالي البندق أم وحدة طيبة وتؤدي الغرض .
صحيح ان أم خمس أفضل ،لكن كثر فلوسك الله يسلمك،زي ماقلت أنت أنها غالية.

[معذب الناجل]

وانا مثلك دورت لكن غالية

[rolze]

يالغالي ام خمس لاهل الساحل وام حبه للي مايروحون الساحل
انا عندي ام حبه والحمدلله اصيد بها صيد اهل الساحل بالموسم
يعني تادي الغرض وقيمتها معقوله ولاتخاف عليها خلها ورى المرتبه
مو زي ام خمس غاليه لازم تداريها ماتحب الكرف وتبي تنضيف
بندقي لي كم سنه مانضفتها وشغاله زي الساعه مشاء الله تبارك الله
وانصحك بالروسيه ام حبه او ام سيلان او ام سبع اوبر هذي الانواع الي
مرت علي وجربتها واقتنيت الروسية القصيرة لسووقها حتى طيار
من فضل الله ارمي بها يعني مافرقت عن ام خمس الا بالسعر انها ارخص

[ابوطيف2]

ام طلقة الأمريكية =تسوق وتفرش

ام طلقة ام سيلان =تسوق لكن ماتفرش

ام صفط = ماتنفع ولا بريال

ام طلقة الروسية =مثل الأمريكية تقريبا

هذا حسب تجربتي لها وانصحك مثل ما اشاروا عليك الأخوان ام خمس

والبواريد واجد لكن وين الصيد

الله يوفقك

[احب جلاجل]

السلام عليكم ورحمه الله
ياخوي شف الراي لك لاكن ام حبه جيده وممتازه سهله الاستعمال ومتوسطه السعر وزي ماقالو الاخوان على حسب دراهمك لاكن ام حبه جيده الاستعمال ولا تسرف رصاص كثير وفي الصيد خذا ولد يقرا
ولا قصرو الشباب الله يوفقهم ...
وتقبل تحياتي

[بارود برنو]

موضوع قديم