لعيني أمي .. بناء نبر (خبرتكم)

[فال سعد]

السلام عليكم
اخواني الكرام الوالدة تمنت علي نسوي لها بيت طين وفيه مشب
وحنا عندنا بالبيت ملحق سقفه قرميد وعالي على شكل مثلث ( زي الكوخ)
ودي نبني لها مشب يا مدخنة بطوب احمر يا نبر
بس عندي كم سؤال:
1- هل اقدر افتح بالسقف الحين مع وجود القرميد فتحه تهويه واحط مروحة ؟ والسقف قرميد؟
2-كم يكلف ؟ لأن الميزانية محدودة مرة وأيهم اوفر هالطريقة والا مدخنة الطوب ؟
3-اللي عنده رقم لواحد زين يشتغل بهالامور لايبخل به ويساعدنا الله يساعده

شاااكرين ومقدرين واعتذر للازعاج :s×

[سعد 6]

اخي فال سعد
اسال الله ان يرزقك بر والديك وجزاك الله خير الوالده لها قدرها وتلبية طلباتها حق وواجب
ولايمكن ان نوفي حق والدينا لو نفعل مانفعل
مدخنة الطوب افضل مع مراعاة انك تحط مروحة شفاط براس المدخنه عشان الوالده مايكتم صدرها الدخان
الامر الثاني ماتكلف الا شي بسيط وتقدر تفتح بالقرميد بإزالة شي بسيط منه
اخوي الله يجعلك بار بهااااا وترا ربي بيسر لك امرك كل مادخلت المشب وقالت الله يوفق ولدي
:)

آمل من الله اني افدتك وشرت عليك بالشور الصحيح
تقبل مني ارق التحايا
ابولمار

[ابو بدر العتيبي]

وعليكم السلام
مادام الموضوع لعين امك ابشر بالسعد والفرج من عند رب العالمين
اسال الله ان يوسع في رزقك ويطيل عمرك ويدخلك الجنه بغير حساب وان يرزقك الذريه الصالحه
ابن الي يجوز لها وان نقص عليك شي راسلني على الخاص تراها والدتي مثل ماهي والدتك
اخوك ابراهيم العتيبي