وين متسان نفود الصمان

[توّاق]

السلام عليكم
وصبحكم الله بالخير والرضى

ودي مساعدتكم يالربع ودي مكان الصمان وكم يبعد عن الرياض ووش أقرب طريق له أخوكم شمالي ووده طعوس وقصايم وبطاحي وأنا أقرأ بهالمنتدى ولاحصلت لي اجابه شافيه

أبي مساعدتكم وتعطوني وصف دقيق للصمان ناوي أروح لها
اذا الله قسم ووفق..

جزاكم الله عني خير

[توّاق]

يالربع أنتظر ردودكم تكفووون

عطوني وصف الصمان او الدهناا

[حسن الشمالي]

اقضب الوصف...
امسك خط القصيم... وامش وتعد التفتيش وامش وتعد محطة ساسكو وامش...
ثم اطلع مع مفرق الحفنة ورويغب ورح يمين... يجيك تقاطع رح سيده...ووجهك شرق...
ثم حط رجلك لييييين يجيك النفود على يمناك ثم يجيك لوحة كتب عليها التنهات والصمان يسار...
رح معها يبي يرقابك الخط ضلعان العرمة... ماعليك حط رجلك مع الخط واللي كله لفات...
لين يجيك الدوار الاول رح سيده وحط رجلك لين يجيك الدوار الثاني ... هنا عب بنزين من اقرب محطة ثم...
رح يمين مع الدوار الثاني وحط رجلك ستجد نفسك بين عروق الدهنا...
وكل ماتقدمت كل مازان النفود لييييييين تقضي العروق وتطيح في الصمان...
والله الله لاتكثر الدوجه عشان مايقضي البنزين...
وسلامتك...

[توّاق]

أخوي حسن الشمالي كفيت ووفيت ياعمار يهالوصف بالذات حط رجلك ههههههههه

عساك سالم وغانم بيض الله وجهك على هالوصف الواضح