حبيته وذلني ..وما زلت احبه [الأرشيف]

دسم الشوارب

12/03/2006, 06:40 AM

السلام عليكم يا إخواني
الموضوع ما يخصكم بس اسمعوني تكفون
إذا كان الواحد يعشق الددسن لكنه في نفس الوقت يبي يحوش قريشات وش يسوي لأنه يشرب بنزين
إذا قلنا خل نخالف هوانا ورغباتنا من أجل المصلحه ونشتري سياره ديزل
نكون طاوعنا هوانا في جمع المال
وإذا قلنا خل نخالف حب المال ونشتري الددسن
نكون طاوعنا هوانا في امتلاك ما نشتهي
وهذي حالي حاير بين ديمكس وددسن
لو كنت مكاني وش تسوي

لاتطلع الا شاير ارجوك

صوح الجبل

12/03/2006, 07:25 AM

يارجال ..... المال ..... اذا مانفع صاحبه .... واستعز فيه .... وخدمه المال .... مهوب اللي يخدم المال هو ..... لابارك الله فيه من مال .....

أبو حـــمد

12/03/2006, 07:39 AM

عندي لك راي ,,, أشتر ددسن ديزل !!
بس أكيد مهب مثل الديماكس و سمعة الديماكس
لعلمك ترا الددسن الديزل ياباني بس السوزو تايلندي

salehhd

12/03/2006, 01:43 PM

السلام عليكم

انا رايي من راي الاخ ابو احمد

والدتسن الجديد سمعت انه ينزل تيربو

قناص تميم

12/03/2006, 01:51 PM

أنصحك نصيحه خذ ددسن ولا تتردد وخذه ديزل لأن الديزل يروح على البنزين ومجربه القومه أخوك : صقار نجد ؟

الحسكولي

12/03/2006, 01:55 PM

اوط على خشم الريال واشتر ددسن وطرب نفسك ترى ابن ادم مايعيش الامره وحده

دسم الشوارب

12/03/2006, 09:32 PM

اخوي صوح الجبل : احسنت القول واشكر تفاعلك
اخوي ابو حمد : ونعم الرأي لكني اكره الديزل ولا أريد أن يكون ما أكره من مواصفات ما أحب وأشكر لك تعاطفك
اخوي salehhd : اقول نفس الكلام اللي قلته لابو حمد. وأشكر لك مرورك
اخوي صقار نجد ؟ : والله غريب ان الديزل يتفوق على البنزين . البركه في التيربو .ياهلا وغلا فيك
اخوي ابو فروة : احسنت القول وقلت الحسن فخير الكلام ما قل ودل .لكن وش اسوي اذا ما كان عندي ريال أصلاً علشان اوطى على خشمه .وياهلا

كبريت

12/03/2006, 09:41 PM

غير الددسن لاتدور

وترا بن ادم مايعيش الا مره وحده

اللي في بالك سوه

نيشان نجد

12/03/2006, 09:57 PM

تبغى نصيحة أخوك خذ ديماكس تقولي ليش

أولا : يبي يوصلك للي تبغها إن شالله وإقتصادي ومافي دخان وأقوى من الهايلكس والددسن الديزل وأصبر وأفضل مكينة ديزل
وأن مجربه وأعرف ناس مجربينة وسألة عنه وأعرف ناس دخلو الربع الخالي فيه ولاإشتكووكلها كم يوم إن شاء الله راح أستلمة من الوكالة
طبعا أنا أتكلم عن الديماكس الدبل وإذا مابغية دبل خذ الددسن بانزين .
ثانيا :إنكنة راعي سرعة وعزم ونشاط خذ الددسن بس ترى الديماكس الدبل زين

عمار السفينه

13/03/2006, 12:04 AM

خذ ديماكس .. الله يوفقك

google1

13/03/2006, 12:43 AM

خذ ددسن بنزين

والرزق على الله

قطع الغيار متوفره ،،،، حتى يقولون تحصلها بالبقالات

دسم الشوارب

13/03/2006, 10:36 PM

اخوي ابو محمد: صدقت واشكر تعاطفك مع القضيه
اخوي طير شلوا : بس المشكله يقول اخونا ابو حمد تايلندي . الله يكتب اللي فيه الخير .والظاهر اني بعود عليه .وأشكر إدلائك
اخوي خراب السفينه : أشكرك على النصيحه المختصره وأرجو ان ما يكون لك علاقه بغرق العبّاره المصريه ;) !!خراب السفينه!!
ياهلا فيك
اخوي فهد993 : كلامك صحيح (حلوه البقالات) وأشكر لك مرورك وإدلائك

محب النياق

16/03/2006, 03:31 AM

يابن الحلال خذ الددسن ووسع صدرك

ولوتحسبها مظبوط ترى اللي توفره بالديزل مايسوى

دسم الشوارب

17/03/2006, 02:16 AM

هلا بك يا محب النياق وتراك صادق . الواحد يضيق على عمره ليش ؟
اشكرك لمرورك وإدلائك

مـــسكـــات

17/03/2006, 03:16 PM

دسم الشوارب ،،
الله يدلك زادت الحيرة حيرة ،،

وشوري ,,
اذا انت تهوى الديزل ولا عندك مشكلة تشتريه فعليك بالدي مكس ,,

واذا ماتداني الديزل وريحته ويطربك البنزين فلا والله ددسن دبل ،،

ولا تهمك الفلووس،،،

ان كان همك في الزمن لقمتك ،،،،،،،،،،،،،، ترا الفول بريالين والخبز بريال

تحية :)

دسم الشوارب

18/03/2006, 01:43 AM

هلا بك يا شيخ القبيله : أحسنت القول لكن المشكله ان الفول بريالين والخبز بريال والمهر ستين الف واجار الشقه اثنعشر الف وفاتورة الجوال 350ريال والكهربا 200 ريال ومواد غذائيه ومستلزمات لايقل عن 1000ريال بالشهر
ومع هذا وذاك اكره الديزل لكن احب القرش الله يجيبه
واشكرك يا شيخ القبيله على تشريفك ولك مني كل تحيه. واحترم رأيك

حر اليدين

18/03/2006, 11:29 AM

http://www.mekshat.com/vb/showthread.php?t=46665

حط في بالك انخزائن الله ملئى لاتنفد واطلب الله من فضله ولارازق الا الله سبحانه
والارزاق كتبت على جبين ابن ادم قبل ماينولد
واللي الله كاتبلك بيجيك
واطلب الله من فضله

واشتر ددسن بنزين واطرب نفسك مع الخليان
وافتح الدريشة وجر الصوت واحذف شماغك على المرتبة
هههههههههههه إلخ

تقبل تحياتي
حر اليدين

دسم الشوارب

19/03/2006, 01:47 AM

اخوي حراليدين اخبرك قبل مده تقول تبي دي مكس وذلحين ددسن ...كما في الرابط
انا ما أعتقد ان ددسن(ديزل) عملي مثل الدي مكس
الددسن ممتاز جداً (بنزين) فقط والديزل كبه عنك
والدراهم زينه بعد .صح ؟ ;)

خلنا نشوفك

عـبـود 911

22/07/2006, 09:11 PM

خذ ددسن ديزل

توفير + قوه

الذباح

22/07/2006, 09:15 PM

خذلك طول الله عمرك ذلول وشربه ماء وافلته بحارتكم وانشاء الله يبي يقضي لزومك
هههههههههههههههههههههههههههههههههههههههههههههههههه ههههه
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

إبن فيصل

23/07/2006, 02:05 PM

والله رايي أنك تأخذ ددسن وتطرب عمرك وطز بالفلوس إذا ما عزتك الله لا يردها.

ابو درع

23/07/2006, 03:05 PM

حياك الله .. بختصار لو وقغنا قليلا في مسءله الحسبه ..

بكم سيارتك .. وبكم الديزل الي رايح تشتريها .. اذا الفرق اصبح مبلغ وقدره

نرجع للمبلغ الي هو الفرق .. كم رايح يكون ,, كل هذا منشان توفير . مع العلم ان السياره طبيعي تخسر

كل سنه خاااص الجديد . اقول الله مير يسلمك وين التوفير اذا .. خلك على سيارتك اوفرلك .. الا اذا كنت ناوي

تطق جديد .. فهذا شئنك .. والله يفقك . بس الحين البانزين الحمدلله رخص وبتوفر وخذ وجع راس من الديزل :rolleyes:

سيد الجو

03/08/2006, 02:35 AM

خذلك ددسن وبعدين ترى الدراهم تجي وتروح

سرااب القاااع

03/08/2006, 02:55 AM

دسم الشوارب هين افلوسك ولاتهين ناموسك وشتر ددسن ورججججع الديلكو اذا ماتبي تصرف بنزين وعلى هوينك واذا تبي تمشي وتصرف بنزين قدم الديلكوا هذي مجرد خبره قديمه وما ادري عن المديل الجديد

تحياتي لك

ضلع الرقيبه

08/08/2006, 08:20 PM

انا اول ماجيت اشتري سياره وكان توه مرتفع سعر البنزين ونصحوني با الديزل وقلت انا ماحبه ولا ابي اخلي شي ماحبه يسيطر على عشان اقول اني اوفر بنزيم والحمد لله

اصلاً اللى بتوفره في الديزل بتحطه قطع وغيار زيت وفلاتر عاد الديز له فلاتر وغثا لو تخليها ويجيه غبار يخرب عليك ويصير مثل البنزين يصرف ولا هو يصرف وبس الا مزعج ولو يخبط توضبه ب6 الاف ومدري ايش يا رجال الديزل حق التجار وبس اللى يجمعون الريال ويخافون عليه ولا يهمهم راحة البال وراحة الجسم و وجع الراس

واقول الريال اللى مايطرب راس راعيه مافيه فايده ابد

الضاري

08/08/2006, 08:28 PM

الديزل يبي له واحد صدره وسيييييييييييييييع

أطرب عمرك ودس على الريال وتالي العمر خامه بيضاء

داير11

03/09/2006, 11:16 PM

قضية فلسطين

اقول اذا تبي تطرب نفسك وتاطا على الريال

اشر همر

للكشخه

وشاص للمقناص

وددسن للغاز

بواسامه

03/09/2006, 11:41 PM

لاتطلع الا شاير ارجوك

حلوه شاير على وزن تاير
شار يشور شورن
المهم
فل الحجاج وخل عنك الهواجيس 0000كلن يموت وحاجته ما قضاها
اركب اللي في بالك
وياك والديزل