اقتراحاتكم لموتري الجديد

[blue arrow]

انا متابع لموقعكم من سنين وشفت عقليات جبارة ما شاء الله قلت اطرح موضوعي لعلي احصل بعض الآراء والاقتراحت الي تنورني.
شريتلي جيب ميتسوبيشي ناتيفا أسود 2008 من كم يوم والموتر تبارك الله ما يحتاج لكن يعيبه ما فيه أي تجهزات للبر غير الدبل قلت ودي أعدل في الموتر من جميع النواحي الخارجية والداخليه من ديكور وتنجيد وجنوط وكفرات وغيرها خاصة إن شكل الموتر قبيح من الخارج يعني يحتاج زبرقه وش إقتراحاتكم يالغالين .

[دحيم الفزعة]

هلا أخوي
حط شبك بالقزازه الخلفيه وبالزاويه كاميرا بفلاش
لا تشيل بخاطرك أخوي تراني مزوح بس الله يعينك على تعليقات ربعك على موترك بما أنه يشبه مواتر ساهر القاهر
الله يعطيك خيره ويكفيك شره
وعشاني أول من رد أعتبر ردي للرفع الله يرفع مقدارك
ودمت بود ===

[قصي ym]

يجون اهل الخبرة ويفيدونك

[][][زلفاوي][][]

الناتيفا موتر وذف وممتاز وخفيف بالذات بالنفود وشنطته سعتها رايقه لكن يعيبه مسألة حساسات الدبل فجأة تتعطل وفجأة ترجع طبيعية وتغييرها جداً مكلف ولا اعتقد ان لها حل الا انك تشيك عليها من فترة لفترة.. كما يعيبه مسألة الارتفاع فحاول انك ترفعه لو باستبدال اليايات ان وجدت او تفصيل كعكات.. أما الكفرات فهي مناسبة لحجمه نصيحة لا تغيرها.. السلة ما تخدمك بقوة حاول تفك الجوانب وتفصل سلة حديد مخفية بتخدمك وبقوة.. اما مسألة التجهيزات للبر فهي مسألة ذوق وكلن وله ذوقه :D..

[blue arrow]

دحيم الفزعة نورتنا بمرروك .
قصي ما يقصرون الاخوان ان شاء الله.
زلفاوي في نوع معين من اليايات أو الكعكات تنصح فيه ؟
وفي انتظار بقية الاخوة.

[abu-turki2009]

الله يعطيك من خيره ويكفيك شره
وإن شاء الله الاخوان يفيدونك

[جلمود الحره]

جنوط هلل وسله ودعامه وكفرات بلون واشقله بكذا راح يدرون الناس انك منت بسيارة ساهرررررررررررر :D :good2:

[][][زلفاوي][][]

دحيم الفزعة نورتنا بمرروك .
قصي ما يقصرون الاخوان ان شاء الله.
زلفاوي في نوع معين من اليايات أو الكعكات تنصح فيه ؟
وفي انتظار بقية الاخوة.

حياك اخوي .. ان كان على الكعك عندك نوعين الاول اللي يباع ويركب بالرماية ممتاز وما عليه وعن نفسي على موتري من قرابة 5 سنوات والى الآن تؤدي غرضها التكلفة تغيرت عن قبل لكن ما يمنع انك تسأل ان كانت تناسبه او لا.. الثاني الومنيوم تفصل بالصناعية وانصحك بمركز العيسى بالصناعية القديمة بالرياض عن نفسي ما جربت هالنوعية لكن اعرف كذا شخص ومنهم اخوي اشتغل عندهم وشغلهم مرتب ونظيف.. اما اليايات فانصحك مباشرة باليايات الاسترالية ان توفر شيء لموترك وتقدر تتاكد من الرماية او في حالة عدم وجود تقدر تشوف فيه نوع يايات امريكي حق الكابريس القديم يرفعون فيه الكابريس سمعت انه فيه امكانية للترهيم وهذا امر راجع لك.. مر الرماية واسال وشوف وبعد كذا قرر والله يوفقنا واياك لكل خير..

[binamerah]

الله يعطيك من خيره ويكفيك شره

[العسلي2011]

بالتوفيق ان شاء الله

[blue arrow]

احصل جنوط هلل اصلي ؟ وش رأيك في جنوط الفتك ؟ مع العلم أني في الشرقية يعني اذا في محل مناسب اروحله.