المساعد الشخصي الرقمي

مشاهدة النسخة كاملة : استفسار و مشوره لو سمحتو


سلسيف
04/12/2011, 02:41 PM
جيب شيروكي بابين 96 ابيض ستاندر قير عايدي 6 سرندل بدي وكاله محركات على الفحص من الداخل نظيف و اللون من الداخل بيج الموتر على الشرط الموتر سكبته حلوه كم يسوى ؟؟؟؟ وهل تنصحوني اشتريه و ابي اعرف وش مشاكل الشيروكي لان اكثر الناس مايمدحونه مدري ليش ؟؟ . افيدونا حسب خبرتكم الله يرحم والديكم .
ولد شيوخ
05/12/2011, 09:52 AM
السلام عليكم ورحمة الله وبركاته

اذا على كلامك نظيف وبدي وكالة ولا فيه رشوش والموتر بطنه من جلد وصوف ومساعدات جديدة والمحركات ممتازه يعني الدفرنس مافيه ونه والقير مافيه قره بأحد النمر هالأيام اسعاره تتراوح من 12 لحد 15 ألف وكلاً ونظافته.

بعطيك الزبدة ومشاكله:
اذا عندك سيارة ثانية وتبي تحط الشروكي بس للبر حلو جدا وممتاز بس بشرط انك مو راعي قنص وصمان ومناطق بعيده لان الشروكي ماينضمن يمكن بأي وقت يطفى بدون مقدمات...أما اذا انت برك قريب وراعي نفود فالشروكي نشيط وحلو وقطع غياره في متناول اليد ورخيص.

يعني مكينة من التشليح بحدود 2500 ريال
قير بــ 1200 ريال
دفرنس بــ1000 ريال
طرمبة بنزين نوع بوش بحدود 120 ريال
فحمات امريكية بــ 100 ريال

من واقع تجربه الموتر نشيط ومريح....والله يوفق الجميع.
khhh
05/12/2011, 01:51 PM
اسمع اهل الشروكيات يقلون قير توماتيك ولابريل حرارتة دايمن قايمة اما العايدي نشاط ويصير الموتر يتحمل
سلسيف
05/12/2011, 02:52 PM
وش افضل و احسن موديلات الشيروكي ؟
وش افضل طريقه للتزويد لجيب الشيروكي من فلاتر و هدرز و اسلاك بوجي و مراوح سوبارو جنوط ووو..... الخ بدون ضرر استخدام شخصي طبعا ووش هي الورشه المتخصصه في ذلك وين المحل اللي يبيع القطع هذي