كفرات ماكسس

[سفيرالظهران]

يالربع وش رايكم فيها

[الباحث_6610]

الله حيَه
حدد وش نوع السيارة اللي بتركبهن عليها والمقاس يالغالي واستخدامك خطوط وإلا بر علشان نفيدك

[شاص مقناص]

بالنسبة لكفرات ماكسس اسئل مجرب ولا تسئل طبيب انا ولله الحمد بالنسبة لى افضل كفرات انا من نويت اغير شد البلد ركبت ماكسس بتوصية من بعض الزملاء ولى الى الان اكثر من خمس سنوات ما اركب لموترى الاهى جداً ممتازة وتصبر رغم ان ديرتى جبلية لكنها قاومت ودامت اكثر من شد بلدها موترى هلى 2005 بالنسبة للمقاسات فيه اللى تبى وسعر الطقم من 1400 الى1600حسب المقاس بالنسبة للهلى هذا ما افيدك به من تجربة شخصية ولله اعلم

[سفيرالظهران]

مشكورين ياشباب الله يعطيكم العافيه الموتر فورد ونيت حجم كبيرالكفرات ابيهاللبر

[عبرود الودي]

كويسه وسعرها ارخص من الدنلوب .. انا مركب دنلوب .. وقد ركبت ماكسس وكلهن سوا

[ابوسند9]

ماكسس انحشششششششش
اقلط
http://www.mekshat.com/vb/showthread.php?t=461780

[التعـ King ـديل]

افضل كفرات ويجي منها نوع اسنه برافو .. انا عن نفسي مجربها تايواني وفيتنامي

ابو سند كفر الرجال اللي بالموضوع انا مجربه ولا احسن منه .. وللعلم ان الماكسس كفري البالون المفضل من 9 سنوات

[ابوسند9]

اخوي كنج
انا لي حول 17 سنه استخدم البالون والمفضل لدي الماكسس بلا منازع من حيث انه خفيف ويعيش عمر طيب واحينا ما يحتاج ترصيص لكن هذا التايواني!
لكن الصناعه الجيده الفيتنامي والله يا كنج اعرف اكثر من عشره بعضهم انسلخ معهم والبعض رجه فوق ما تتخيل وكل يومين لازم توقف عند البنشر تعبي هواءو كل كفر تفريبا 350 جرام رصاص والجنوط اصليه وسيارات جديده كلها فتكات.
ولا قد سمعت سابقا ان البالون التايوني يسلخ او يضرب او يتشقق مع الوسط او يحتاج ترصيص كثير.
وانا قبل كم شهر ركبتهم وكنت اسمع عنهم لا كن ما صدقة مشن معي 10 الف وصار بهن تشقق با الوسط غير الراجه قسم بالله مرصصهم عند العضيب واقل كفر 320 رصاص واخر شي فكيتهم وركبت اسيام صح انه ثقيل وعضل لكن وش نسوي انا راعي جلد ولابد منه ولعل الماكسس يرجع زي اول
وبنفس الوقت الفيتنامي كويس لكن اقول تركيبه مغامره وانت وحظك يمكن يطلع كويس ويمكن لا لكن زي ما قلت الغالب يشكي منه.
وهذا رد للعضو مواسي الطعوس
http://www.mekshat.com/vb/showthread.php?t=142176&page=6
وهذا عضو اخر
http://www.mekshat.com/vb/showthread.php?t=461780
وهذا عارض ثلاث كفرات للبيع استخدام شهر والرابع يقول يخلف الله
http://www.mekshat.com/vb/showthread.php?t=429525
وهذا موضوع اخر
اخوي كنج والاعضاء والله اللي يشب الكبد اني اعرف واحد ركب مقاس 17 وبعد اسبوع انسلخ عليه واحد وراح للوكيل والكفر بزرعه جديد وقاله الوكيل هذا سواء استخدام والبالون ما عليه ضمان
اخير اكرر كلامي عن الماكسس انه افضل كفر لكن انت وحظك
تحيه للجميع

[ALMoooBD3]

اذا موترك جيب ما انصحك بها أبدالان الكفرات ما يصلحن بالنفود والكلام من مجرب


وعندك بديل عن الماكسس مثل الهانكوك واذا تبي رخيص عندك الرنواي

[ابوعزيز2007]

البالون الفتنامي الماكسس اردى شيء بالعالم اردى من النعال الصينيات وانتم بكرامه ولاكن مافيه بديل والي يقول البالون الماكسس قبل تيلندي معليش ماعنده سالفه الي قبل تايواني

[عبرود الودي]

ياشباب لاتخلطون الحابل بالنابل كل واحد ينحش ويهجج الثاني !

الموضوع يخص الماكسس العادي وليس البالون

[التعـ King ـديل]

ابو سند ممكن كلامك توافيق الكفرات لكن انا مركب طقمين خلال 8 اشهر ولا احلا منها
وسبب التغيير ان الطقم الاول بعته على واحد من العيال وتغير الطقم الثاني قلت بجرب السيام وتبي الجد والله انها خساره فيه قيمته ذا السيام وشفها على موتري الان ولولا الخساره ولا كان بعتها وركبت ماكسس فيتنامي
كفرات ماعليها غبار جربتها بر وديره وخط ولا ازين منها .. لكن اذا ركبت البالون جديد حط الهواء فيه 50 لين يضبط معك خمس ايام او اسبوع وبعدين نزله 40 بالديره والخطوط وبالبر 20 وشف يعيش معك او لا
اخوي عبرود الكلام للفائده سواء بالون ولا عادي وانا قلت له ماكسس برافو افضل شي اشوفه انا الان بالسوق

[باترول 4500]

مجرب ماكسس برافو لمدة ثلاث سنوات وصراحه ممتازات مثل ماقال كنق التعديل
لاكن بالنفود لازم تنسم

بالتوفيق إن شاء الله

[فهم العدواني]

والله مدري هي توافيق انا جلست معي ثلاث سنوات كد ولاشكيت منها ماكسس بالون

[كبتن]

هي حلوه و رخيصة و مريحة بس مشكلتها فراملها بريال

[تميم2222]

اخوي الفاضل ... مكسس كانت كويسه ..لكن الدفعات الاخيره فاااااااااشله وانحش منها ... شف سيام تاير ..او اي شي تايلندي ..وووووبس ولك التحيه وبتوفيييق