بالنسبة لتانكي الماء

[Abo-KhaLeeL]

السلام عليكم

يا جماعة الخير انا مركب تانكي 70 لتر تقريبا
اللي يجي مثل البلاستيك .. سعره حول ال 200 ريال

سمعت انه لو وصل للنصف .. ومع المنعطفات
او التسييف في الطعس .. ممكن السيارة تتعرض للإنقلاب ؟؟

لأن المويا اللي بوسط التانكي تروح يمين ويسار وتفقد السيارة نوع من توازنها
هل الكلام صحيح يا جماعة ؟
واذا كان صحيح وش الحل تكفون ؟

[ظلااااام]

الا يا خوي صحيح واحتمال كبير تقلب السياره
انا والله مركب تانكي الوطني 120لتر على هايلكس ولجيت اكشت ركبته وكم مره افقد توازن السياره خصوصا بالمنعطفات
واذا تبي النصيحه ركب حديد ولا الامنيوم ولا ستيل تفصيل على مزاجك وحط فيه قواطع..

[theb-99]

اتوقع لازم يكون التانكي مقسم من الداخل عشان باللفات ما تاثر على السياره

[Abo-KhaLeeL]

والله حرام شريته من فترة ب 200
وحتى 70 لتر مناسب , وما مسبب لي ضيق في الخلف
يعني مالي حل الا اني ارميه واشتري واحد فيه قواطع !!؟

[الذيب 502]

لا توسوس

اصلا المسايف والسرعة الزايدة خطيره بدون تانكي

ابد اعتبر انك مركب ورى ثنين دببه

وامورك سمحه لكن ثبته زين في الدبه علشان ما يلعب

انا مركبه من سنتين واطعس واموري تمام فلا داعي للقلق

[ربيع النفود6]

المسألة بسيطة ووزن السيارة كبير فلا يؤثر عليها 70 ار 100 او غيره لكن ثبته كي لايزعجك ولا داعي للحساسية الزايدة - انا مركبه من عرفت عمري وعمري 45 سنه وكان معي بالهلي من عام 1407 هج ولكن حذاري من التطعيس الزايد فهو خطر جدا وشكرا لك

[عاشق السيل]

70 لتر وانقلاب ههههههههههه شيلها من راسك نهائياااااااااااااااا ،،،،

أنا مركب 100 لتر وألعب بالموتر لعب فيه نص أو ربع أو مليان ماشفت أي تأثير !!!!!

انتبه وأنا اخوك لاتوسوس وترمي التانكي ،، وإذا بغيت ترميه قلي أجي آخذه هههههه

[محمد بن فارس]

ارمه وعلمنا وين رميته الله يخليك
هههههههههههههه
دعابه دعابه

[الوسيطاء]

اخوي مساأله الانقلاب كان اول يوم التوانك في الهايلكس الجنبيه في الصندوق واحد يستخدم وواحد لا يخل التوازن

[GMC79]

اله لو انه تانكي وايت عشان ينقلب تعوذ من ابليس وامسك تانكيك

[نجم الصداوي]

طيب لبه ماتنقلب السيارة من تانكي البنزين وزود لاصار معه سبير تانكي ثاااني!!!!

البدو يحملووون راويات بالدداسن به ملللي الوايتات مااااء تسقي قبايل ولاضررررهم
ما هوب محملين توينكي به ٧٠ اأو ٢٠٠ لتر !!!!!!

[هليx 2008x]

الكلام صحيح ان الموتر ينقلب عشان التانيكي بس المعرف في كل موتر له محور توازن في النص الي يوزن الموتر واذا كان التانكي او الثقل تحت المحور مثل ان تحط التانكي مكان الاستبنه في الاند والهايلوكس وغيره الي تجي مساحه تحت فهاذا افضل للموتر يصير راسي واقل عرضه للانقلاب اما اذا كان فوق التنده لان في ناس ما تفهم في هل الامور ويحط التانكي فوق التنده فهذا اول ملف بيقلب على طول اما اذا كان في النص مثل في الشنطه او الحوض فهذا معقول ما اقولك ما يسبب انقلاب بل يسبب انقلاب اذا نزل الموتر من سيف قوي ومال الموتر فالتانكي يزيد وزن على الجهه الي بتنقلب فيها لا سمح الله ارجوا اني افتك وخل التانكي موجود ولا تفكه ولا شيء اذا ابعت نفسك عن الماخاطر والمناقز والنزول من سيوف قويه فماله داعي تفك التانكي

[باثفندر]

تخيلة ادمي وزنه 70 كلج

وقيس عليه:good2:

[عشق البر]

اذا كان التانكي فيه النص يعني نص السبعين =35 لتر
تصير كانك مركب بزر مهب رجال :good2:

امورك طيبه عبه فل ولا نصه ماتفرق ان شاء الله اهم شي اذا بالخطوط تحس الموتر يهز يمين ويسار شيك على مسامير التوازن والخرابيط اللي تحت