المساعد الشخصي الرقمي

مشاهدة النسخة كاملة : تسحيـــب ســسـت الشاص .. [ المطب دمرنا ]


shaas 6000
07/12/2011, 02:35 PM
السلام عليكم ..
الله يحي اخواني الاعضاء.


ابي فزعتكم يالربع معي شاص 11 سسته
وسحبت منه الام والي تحتها من كل الجهتين
وغيرت الياي الي قدام الى حق ابو ثمان سست
[ المطب من قدام ماعليه زين حيل ]
وعليه كفرات بالون ولا أزيد الهواء عن 25
وركبت له تانكي تحت . وصراحه خف مطبه .


بس الوالد الله يحفظه يستخدم الموتر ويشكي من المطب .
ابي شوركم , مالي الا اسحب كم سسته بعد ..
بس الي له بخص في السست يقولي وين حقت المطب وحقت
التحميل عشان اسحبها مع العلم اني ماني راعي تحميل..


والله يعطيكم العافيه..
ابو بندر 77
07/12/2011, 06:00 PM
احييييه يالشاص يازينه ويازين مطبه ومناقزه

والله مالي علم عن الـ11 سسته

لكن دامه للشايب مفروض انك ماخذ له 8 سست اريحله

يفيدونك الشباب
sgl2002
07/12/2011, 06:08 PM
اخوي
عندك حاجة بتخفف المطب

ركب مساعدات باترول
لانها لينة وتركب عليه بدون ترهيم

وعندك حنا ياهل الباترول نركب مساعدات شاص لانها مع التحميل قاسية ولاتنزل واجد

لكن خذ في بالك التحميل بيصير اقل من اول

وحاجة ثانية المراتب ركب له مراتب ٢٠١٠
Xterra11
07/12/2011, 06:29 PM
ياخي انا اعرف ناس ساحبين خمس سست عند بدر التويجري ومركبين لعابات
sameer_1798
07/12/2011, 07:08 PM
طيب ياخوان اشوفكم دائم تشتكون من مطبات الشاص والربع ما احد جرب يركب يايات تحت المقاعد مثل التريلات يمكن تكون مريحه في المطبات
حبيب تعب
07/12/2011, 11:06 PM
راجع موضوعي على الرابط
ودعواتك

http://mekshat.com/vb/showthread.php?t=351830
shaas 6000
07/12/2011, 11:49 PM
بيض الله وجيهكم على المرور الي افادني ..

ونسمع من باقي اخواني الاعضاء..
HAS5SAN
08/12/2011, 01:32 AM
خل الهواء في الكفرات 30
sgl2002
08/12/2011, 01:11 PM
مسالة تلغي مطب الشاص انسى

لكن تخففه