المساعد الشخصي الرقمي

مشاهدة النسخة كاملة : يانشاما الفزعه يا ذيابه ...... .. ... ..!!


تندحاوي
14/03/2006, 10:44 PM
مساكم الله بالخير ياربع للي يحس انه عنده خبره ارجوا ان يفيدني

انا مقدم على شراء سياره جديده واريد رايكم في السيارات التاليه واريد الافضل منها من ناحية القوة والتتطعيس والراحه ومن جميع الصفات المكشاتيه

1 _ الربع
2 _ بترول باب واحد
3_ باثفاندر
4_ الشروكي
________________
ارجوكم لا تبخلو علي يانشاما
جدة غير
14/03/2006, 11:03 PM
بسم الله الرحمن الرحيم
الحمد لله والصلاة والسلام على رسول الله
السلام عليكم ورحمة الله وبركاته
أولا أخي في الله استخير الله عزوخل
ثانيا تبغ رأي
يا باترول
يا باثفندر
وجازاك الله خير
مدالنظر
15/03/2006, 09:41 AM
السلام عليكم ورحمة الله وبركاته
انا اقترح اذا تبي موتر بررررررررران ومريح خذ الباترول ربع و(تــنــدح) عـلــيـه بالديرة ،بالخـــط ،بالنفود، والبرارري والقفار..
لكن فيه عيب واحد واضح وهو (التفكك) بالنسبة للموديلات الجديده ، يعني دعامية ، صدام، رفرف داخلي ، واذا كوّدت عليه بالوجم والارض الجَـلد تآصل الدعوه معك للتربيييييط ...
لكن ولا يضيق صدرك ، مافيه موتر هالوقت ما يتفكك ...
الآن حنا بعصر الكبس كليبس ،،، وداعاً للصوامييييلل....خخخخخخخخخخخخخخخخ

اما الربع تويوتا،،، في رأيي (الشخصي) انه مايصلح الا للمهايط والاستعراض،:p ولا يركب معك احد،ولا ياخذ عفش ولاعزبه ، ولا هوووووب راسي بالحماد مثل الباترول عطي الله.:good:
عاد الشروكي آقــف عنده واقولك مامن خبرة ولا بهلله،:confused: لكن الأخوان فيهم الخيروالبركةيفيدك انشا الله،،، والله يكتب لك اللي فيه الخير.
هذا اللي اقدر افيدك فيه ..واعذرنا على القصور.
تقبل تحاياي ..وبالتوفيق،،،
شبح الصحراء
15/03/2006, 11:41 AM
كلّش إلا الشروكي!
تندحاوي
15/03/2006, 08:52 PM
يعطيكم العافيه على المرور لاكن هل البترول تنصحوني في القير العادي ولا اوتو ماتيك وهل عند البيع يجمل ولا لا
بنسبه لك ياصحراء الشروكي مافهمت وش تقصد

ملاحظه / انا سمعت ان النيسان عموما كلها سنتين ثلاث واقر على سيارتك السلام ولا ؟
البيـــــراوي
15/03/2006, 09:05 PM
شف ياخوي انا اخبرلك واحد كلما جت بيده سيارة باعها ولا عجبته
الا الباترول يمكن موديل 93 لين الحين معه ولا يشتكي منه ابد
واذ بتاخذ خذ قير عادي وجه نظري
وشكرا
ابو نوره
16/03/2006, 08:42 PM
السلام عليكم

انا من رايي
الباترول وبس4800
ولا هدد
وكلهن طيبات وعلى حسب السواق
وكلن ورايه:)
ابو يزيد 2
16/03/2006, 08:52 PM
السلام عليكم ورحمة الله

اخوي انا رايي لايعلا على النيسان الربع ابرك من التيوتا الربع لان مطبه قوي وسريع انقلابه

تحياتي
الكابتن
17/03/2006, 02:29 PM
باثفيندر او باترول لكن اربع ابواب ويكون بخاخ ولا تقرب البابين لانه كبليتر

واهم شى الاستخاره
مـــسكـــات
17/03/2006, 03:03 PM
اررررحب مليوون يا تندحاوي ،،
ولاني بعيد منك ،،

كلنا شهارين .. :)

نجي للموضوع ,,
تبغى شور شيخ القبيلة ..؟

ان كانك راعي مطامر وتجلد الموتر فعليك بتويوتا،، النيسان هنا ما ينبغى ...
واقصد بتويوتا الهدد ولو انه غالي عليه ،،
وان كانك حبيب فشوري هو الباترول 4800 قوي ووراسي وشكل ،،

الربع : ضيق وحق تشخيص ولا يجملك ،،

الشروكي : يشرب بنزين ،، وصديق للورش ،، والقطع اغلى منه ،،

الباث فندر : حلو من كل النواحي ولو ان نظامه سيدان ،، بس يبغاله مداراه ،،

والله يدلك ....
رفيق الدرب1
17/03/2006, 03:26 PM
ياخوي النيسان البترول خذه ولا تشاور لا نه يتحمل اكثر من التايوتا بنسبه للمحركات ام الشروكي لا يقربك تكفى
معاك مكانيكي عربات
تندحاوي
17/03/2006, 06:48 PM
يعطيكم الف عافيه والله مادري كيف ارد الجميل لاكن الله يفتح عليكم ابواب رزقه

تقبلو تحياتي
تنحاوي
الجفن
18/03/2006, 12:22 PM
نصيحه ولي يرحم والديك
انحش عن الشروكي اهم شي لانه راعي ورش لو انه جديد نصيحة مجرب
خذ ربع او سفاري باب او باثفندر اهم شي لا تاخذ شروكي
شبح الصحراء
19/03/2006, 05:25 PM
كل شيئ عدا الشروكي هذا قصدي فاهرب من الشروكي هروبك من الأسد يا تندحاوي واتمنى لك التوفيق .
تندحاوي
19/03/2006, 05:40 PM
طيب ياربع انا ناوي اشتري بترول ربع فل كامل لا كن تنصحوني قير اوتو ماتيك ولا عاادي

ملاحظه / انا راعي بران وتطعيس يعني حق جلد بالعربي قاسي مع السياره

اخوكم تندحاوي :
شبح الصحراء
19/03/2006, 06:26 PM
طيب ياربع انا ناوي اشتري بترول ربع فل كامل لا كن تنصحوني قير اوتو ماتيك ولا عاادي

ملاحظه / انا راعي بران وتطعيس يعني حق جلد بالعربي قاسي مع السياره

اخوكم تندحاوي :

قير عادي ما يبيلها كلام واذا انت ما ترحم الموتر انصحك بربع تويوتا أو شاص تويوتا .
قسوره2006
19/03/2006, 06:58 PM
السلام عليكم ورحمة الله وبركاته

اول شي الله يبارك لك في جديدك الي بتشريه ويعطيك من خيره ويكفيك شره

انا اتوقع ان افضل جيب من ناحيت الرمال ومن واقع تجربه واقل مطب ومريح واذ انت عزوبي

خذ جيب ( ربع نسيان ) وبس

مميزاته : خفيف في الرمال + مطبه خفيف + مركبه مريح + سعره معقول + قوته مجديه

عيوبه : صرفيت البنزين + يـتـفـكك بسرعه +

هذا الي اعرفه عنه

ملاحظه ونصيحه ((( خذ العايدي السياحي ؟؟؟؟ لا لا تاخذ الفل ))

سيارة البر اهي العايديه وخاصه في النفود لا تاخذ فل نصيحه من واقع تجربه واسأل اهل خبر اكثر واكبر

وشكرا
شبح الصحراء
19/03/2006, 07:14 PM
طيب وش رايك باللاند كروزر GX السياحي ؟ قوي ويتحمل الكرف ويشيل اكثر من الجيب الربع وما يتفكك بسرعة ويحافظ على قيمته ولا تنسى انه تويوتا .
تندحاوي
20/03/2006, 02:07 PM
يعطيكم العافيه على المرور وانا سوف ابحث بالموضوع الله لا يحرمنا منكم

تندحاوي
ابو ليان
20/03/2006, 02:47 PM
ياخوي خذ البترول واتكل على الله 000 والا انتظر شوي وشوف الباث الجديد 000

بعدين قالوا البترول يتفكك ياخوي استخدامك هوالمهم والسيارة الاماجاتها صدمة ولاانقلبت تلقاها قطعة وحدة وانا عندي نيسان من 15 سنة وزي العسل 00
بعدين ترا التويوتا يفكك ظهرك قبل مايتفكك هو وخاصة الهيلكس ابو حوصة وابو نقزة ( الحمد لله على العافية ) 00 وبعدين الربع 0000 نسأل الله السلامة 000
تندحاوي
21/03/2006, 01:00 AM
يعطيك العافيه على المرور

لا كن بعض الاخوه نقدو البترول الفل كامل اريد توضيح ؟ ومافهمت قصة التفكك يتفكك من ناحيه ايش ؟