إذا بنشر موترك وأنت في البر ولا عندك عفريته وش تسوي

[ميكا مكشات]

السلام عليكم ورحمة الله وبركاته

الأخوة أعضاء منتدانا العزيز منتدى مكشات
اليوم بنشوف أفكاركم إذا الواحد بنشر كفر موتره ولا معه عفريته ( جاك ) وش بسوي.
وودي من أي واحد يطرح فكرته يذكر طبيعة الأرض ونوع السيارة وموقع الكفر اللي مبنشر( أمامي - خلفي )
والمواد التي يمكن استخدامها إذا كانت المسألة حياة أو موت أو خايف على اللي معك ( محارمك ).

[محلات الكشاتة]

موضوع قيم ومفيد
تشكر على هيك طرح

[m 1]

مشكور
وننتظر افكار الاخوان

[abu.abdallah]

اذكر صارت لي، ان عفريتتي خربت!!

وادق على ولد خالي، والحمدلله كان حولي ومعه عفريته، وتم اصلاح الكفر ولله الحمد،، في نقاط وتنبيهات:

- الواحد اذا كشت لا يكشت بعيد بموتر واحد، حتى وان كنتم شويين..

- الواحد لا صار معه محارمه لا يبعد بهم، لان المحارم اصلا مايبون البعد، يبون مكان حولك اشياء ترفيهية (دبابات او عسكريم مثلا هههه اذا كان معك اطفال)

- الوحد لايمشي او يمسك خط الا متاكد من: الاستبخة، العفريته وادواتها، وعوامل السلامة، وياحبذا يكون معك سلاح مصرح طبعا، لان الدنيا هالايام تخوف..


مشكور اخوي على الموضوع الجميل.

[عاشق التاهووو]

بالنسبي لي انا
صار وبنشر علي كفر جيب رانجلر اليمين اللي ورا
جينا نبغى نرفع السيارة لكن للاسف العفريته ما ترفع فيها مشكله
طبيعة الارض رمليه
جبت حجار ووضعتها تحت الدفرنس اللي ورا من جهة الكفر الخربان الين ما ريحت السيارة على الحجار وشوي شوي بديت احفر من تحت الكفر لغاية ما السيارة استقرت تماما على الحجار وحفرت تحت الكفر الين ما صار تحته حفره
وفكيت الخربان وركبت الاستبنه وبعين حطيت السيارة بالدبل وحركت شوي شوي علشان ما اخرب الدفرنس والحمد لله نجحت الخطه

[نايف الذيب]

بالنسبي لي انا
صار وبنشر علي كفر جيب رانجلر اليمين اللي ورا
جينا نبغى نرفع السيارة لكن للاسف العفريته ما ترفع فيها مشكله
طبيعة الارض رمليه
جبت حجار ووضعتها تحت الدفرنس اللي ورا من جهة الكفر الخربان الين ما ريحت السيارة على الحجار وشوي شوي بديت احفر من تحت الكفر لغاية ما السيارة استقرت تماما على الحجار وحفرت تحت الكفر الين ما صار تحته حفره
وفكيت الخربان وركبت الاستبنه وبعين حطيت السيارة بالدبل وحركت شوي شوي علشان ما اخرب الدفرنس والحمد لله نجحت الخطه


طيب ليش ماحفرة تحت الحجر وطلعته اضمن لسلامة الدفرنس

[عاشق التاهووو]

ممكن ولكن خفت ان حجر ينقز علي وانا مو ناقص لكن الاسلم اني حركت بالدبل

[ددسن 2008]

لابد من عفريته اضافيه معك .. واذا ما زبنت عمرك صح اكيد منت مبعد عن الخط
امش على الكفر بشويش ما يضره باذن الله لين اقرب محطه وصلحه او يرزقك الله بواحد يسلفك عفريته

عافاك الله ..

[ابومشعل3]

اسمحولي علي الرد ؟ الي مايتفقد العدة قبل الذهاب الي البر =يجلس في بيتهم ويخلي البر لاهلة

[عناز الحره]

اتوقع لو صارت معى انقز الجيب اى الكفره المبنشره عى حجر اى بمعنى اخلى الكفر المبنشر فوق حصاه كبر تنكة التمر وبعدهااا ارصف حجر ثانيه تحت الجيب فى مكان العفريته لين مايثبت وبعدهاا احفر عن الحجر اللى تحت الكفر او اقدم واريوص لين مايرضخ :D:D الجيب على الحجر وكذا صار الكفر متلولح بالهوااا ورافعته الحجار اللى تحت
وازبط بنشرى وامشى
ولاكن هى متعبه وسويناها مره ومشت الامور
_____________
______
___


ولاكن الانسان يوم يكون معه حريم واطفال وطلعه عائليه
سلاحه معه
عزبه كامله
المااا واجد
كفراته زينه
يتفقد الاسبير والعفريته
ياخذ معه جهاز ايكوووم للمراسه
تيزار ((رواق))
خيام فرديه اذا فيه ممراح
ولايبعد اذا هو مايدل
وياليت قارمن عشان يقدر يعطى الاحداثيه
يكثر الحطب والاناره واللمبات ومحول الكهرباء
وأخيرا" يحاول يشوفله خوى ثانى بعيلته الدعوى ووناسه وفلة حجاج
والخوه زينه


اما تروح تدهور هالورعان وهالضعيفه معك
وبكره بالبنط العريض بجريدة عكاض
http://www.mekshat.com/pix/upload05/images237/mk121354_okaz.jpg
عائله سعوديه تهلك بالصحراء وتم العثور على الخادمه بين الحياء والموت:D:D:D
:eek::eek::eek::eek::eek::eek::eek::eek:
وش وجهك بالله بين الناس اذا مامت
والله وقتهااا ودى انى ماااخلقت
ويمكن اطخ حالى واتوفااا


اما والله شباب فسقانين ونشاما عادى
حتى لو يخبط الجيب يبى يمشى لو جر على بعير
http://www.mekshat.com/pix/upload05/images237/mk121354_e3mmar-728720fe6f.jpg


ههههههههههههههه
فى امان الله

[ميكا مكشات]

اسمحولي علي الرد ؟ الي مايتفقد العدة قبل الذهاب الي البر =يجلس في بيتهم ويخلي البر لاهلة


طيب إذا خربت العفريته

[دايم العز22]

اسمحولي علي الرد ؟ الي مايتفقد العدة قبل الذهاب الي البر =يجلس في بيتهم ويخلي البر لاهلة



اخوي ابو مشعل اذا صرت تكشت كل اسبوع كل مرة تتفقد العدة ؟

[ميكا مكشات]

اتوقع لو صارت معى انقز الجيب اى الكفره المبنشره عى حجر اى بمعنى اخلى الكفر المبنشر فوق حصاه كبر تنكة التمر وبعدهااا ارصف حجر ثانيه تحت الجيب فى مكان العفريته لين مايثبت وبعدهاا احفر عن الحجر اللى تحت الكفر وكذا صار الكفر متلولح بالهوااا ورافعته الحجار اللى تحت
وازبط بنشرى وامشى
ولاكن هى متعبه وسويناها مره ومشت الامور

ولاكن الانسان يوم يكون معه حريم واطفال وطلعه عائليه
سلاحه معه
عزبه كامله
المااا واجد
كفراته زينه
يتفقد الاسبير والعفريته
ياخذ معه جهاز ايكوووم للمراسه
تيزار ((رواق))
خيام فرديه اذا فيه ممراح
ولايبعد اذا هو مايدل
يكثر الحطب والاناره واللمبات ومحول الكهرباء
وأخيرا" يحاول يشوفله خوى ثانى بعيلته الدعوى ووناسه وفلة حجاج
والخوه زينه

اما تروح تدهور هالورعان وهالضعيفه معك
وبكره بالبنط العريض بجريدة عكاض
عائله سعوديه تهلك بالصحراء وتم العثور على الخادمه بين الحياء والموت:D:D:D
وش وجهك بالله بين الناس
والله وقتهااا ودى انى ماااخلقت


فكرة ممتازة وكلام سليم

[كاشت وحداني]

الافضل التشييك والاحتياط قبل الكشته
وبانتظار التجارب من الاعضاء

موضوع 100%

[أبوعبدالرحمن الأسعدي]

اذا انت بنفود شفلك سيف وخل الموتر يثولث عليه وخل الكفر المبنشر هو الي يتعلق وصلى الله وبارك ..

واذا صرت في روضه شف لك حمضة مندفنه ومرتفعه وخل الكفر المبنشر يتعلق ..

واذا صرت في ارض ممهوده (وهنا يبي لك شوية تحليل ودراسه) اذا كان الكفر الي مبنشر ورا يسار..احفر لك حفره بطول معين يعني مثلا الى نصف الجنط وخل الكفر الامامي يمين يسقط بها ... وبكذا يتعلق الكفر الخلفي الايسر

واذا بنشر الامامي يمين احفر مثل ماقلت لك وخل الكفر الخلفي الايسر يسقط وبكذا يرتفع الكفر الأمامي الايمن ..وهكذا مع الجهات الأربع


رأيكم هل هو حل مناسب ؟؟

[المهاجر انا]

يااخوان اتفخ الكفر وارتح

[كم كيلو باقي]

تقدر ترفع الكفر باستخدام سيوف النفود

بداية السيف او نهايته ( النقطة الاقرب للارض )

تعال لها من ورا ( عكس نزلة السيف )

وطييح الكفر المبنشر فقط .. والموتر يكون جاي للسيف مايل بزاوية بحيث مايطب الا كفر واحد بس

تأكد انك ثبت الموتر مضبوط لايدحدر عليك

ويمكن تحتاج لحفر بسيط .. والحمدلله

[ميكا مكشات]

مشكورين على التفاعل

[تميم2222]

فيه تجربه ...انك تحط حصى .. على الدفرنس .. وبعدين تحفر للكفر .. لين ..يتعلق ... وتفكه وتغيره .

[hamido]

دايم تصير معي .....الله يخلي ا لقشع خل الكفر المنسم يتعلق الدفرنس الي من جهته واحفر تحته وصلى الله وبارك
بالعكس حتى لو صار معي عفريته مانزله
واذا كنت بارض صلبه ...كذالك دور حبس ولا حط حصى

[S3llo]

طيب واذا صرت مبنشر بصبخه لاحولك سيوف ولا حصى ولا قشع وش اسوي

[عناز الحره]

طيب واذا صرت مبنشر بصبخه لاحولك سيوف ولا حصى ولا قشع وش اسوي

ههههههههههههههههههههههه
قفل الجيب وعطهااا مشى مع الصبخااااا :D:D:D

[وادي ملل]

علي قولة احد الاخوان اذا بتروح بر لو اثنين كل وحد يروح بسيارته اقل شئ سيارتين خاصه للاماكن البعيده لان المشكله في السياره مو بس كفر لو كفر تمشي علي ولا تجلي رجلك الي جيب يعني يخرب كفر عادي لاكن فيه قطع بسياره توقف السياره اقلها بطاريه وش بتسوي اذا كنتو اثنين انقطع سير انشق خرطوش الماء يعني سياره وحده بلبر او في اسفر بوجه عام غلط لان هذا حديد المضهر الخارجي سليم لاكن من الداخل الله اعلم ومنت جالس تفك الاشياء هذي وتتفقدها الي هي الاشياء المكانكيه

اما عن الكفر اعتقد ان اذا ازمة بيمشيك 40 كيلو وبعد ميا يتقطع الكفر وتجلس علي الجنط اذا بلبر فنت راح تغرز وما تمشئ اما اذا وصلت لارض صلبه اسفلت منطقع وعره جبليه يمشئ بس اهم شئ ثبت الدعسه لخر شئ

[6ariq]

لو اضطريت ولم اجد حل

بمشي بالسياره حتى لو الكفر مبنشر
لو تمشي على الجنط
والكفر بداله كفر

[aooa]

افضل شيء خذلك حصاه معك في الشنطه يمقن تحتاجها ....:D:D:D



انا اشوف ان تركب الدفرنش على حصاه حتى يترفع الكفر

واذا كان فيه منفاخ يعبي الهواء 50 ويحط تحته حصاه ويبنشر الكفر ويفكه ويركب الاسبير

او اذا كان الكفر تيوبلس والبنشر من مكان واحد وما عنده رقعه كفر ياخذ اي مسمار ما له لزوم وبالمفك يحاول يشد عليه لين ياصل اخره وبكذا تمشيك الين اقرب مكان ...

[صقار رابغ]

ان اشوف ان الواحد ينطق في مكانه ولا يطلع عن الديره ولا ينزل عن الازفلت متر واحد ليش هالغباء يطلع بدون عفريته للبر ولا كان يشتري عفريته تراها ما تجي ب 100 ريال والكماخه مالها داعي تطلع بدون عفريته وبالنسبه لي انا لو اطلع مع واحد ويبنشر ويقول ما معي عفريته حطيت الموتر على ظهره وغيرت الكفر وخليته في مكانه عشان يتعلم لان الرسول عليه الصلاة والسلام يقول أعقلها وتوكل !!!!!!!!!!!!!!!

[Abo gssar]

يعطيك العافية استفدنا من تجارب الاخوان

[سوبر فتك]

الي مامعه عفريته يقشر بصل

[ميكا مكشات]

ان اشوف ان الواحد ينطق في مكانه ولا يطلع عن الديره ولا ينزل عن الازفلت متر واحد ليش هالغباء يطلع بدون عفريته للبر ولا كان يشتري عفريته تراها ما تجي ب 100 ريال والكماخه مالها داعي تطلع بدون عفريته وبالنسبه لي انا لو اطلع مع واحد ويبنشر ويقول ما معي عفريته حطيت الموتر على ظهره وغيرت الكفر وخليته في مكانه عشان يتعلم لان الرسول عليه الصلاة والسلام يقول أعقلها وتوكل !!!!!!!!!!!!!!!



ياخوي اعتبر ان معك عفريتة ولكنها خربت هكاليوم و ( الحكمة ضالة المؤمن ) مهيب الذهانة ضالة المؤمن

[HAS5SAN]

(1)
أنتظر فرج الله واطلب المساعدة
http://www.toyota4arab.com/forum/uploaded/10200_1184371404.jpg
(2)
أحاول أشغل مخي
http://www.assayyarat.com/myimages/Sep09/alwagdan_26.JPG
(3)
ألعن ابو الجنط
http://www.waraqat.net/2008/10/lion_car3.jpg

[FAPioO]

مره انفصخ علي الكفر الامامي وانا بارض رمله
قمت جبت الدعاسات حقت الرجلين وانتم بكرامه وحطيتها تحت العفريته ورفعت الموتر والحمد لله الحركه ممتازه ومفيده

[ابو باسل]

(3)
ألعن ابو الجنط
http://www.waraqat.net/2008/10/lion_car3.jpg



هاذي النشبة وإلا بديرتنا الأمر يهون ههههههههههههههههههههه :D:D:D

[ابوعبدالله46]

العفريته امره سهل فيه الف طريقه وطريقه
لكن المشكله بمفتاح الكفرات وهو الاهم

[khhh]

انا كد صار لانا موقف انا وعمي بنشرنا ومامعنى ستبنة وقاطعين لديرة المهم ويشق الكفرة عمي ويملها تبن اللة يكرمكم ودمن غنم وبعارين هههههههههههه انا الي القطة ملي كيس لين وصلنا البنشر الي بديرة وطلعة عفريتتهم خربانة كخخخخخخ

[عناز الحره]

انا كد صار لانا موقف انا وعمي بنشرنا ومامعنى ستبنة وقاطعين لديرة المهم ويشق الكفرة عمي ويملها تبن اللة يكرمكم ودمن غنم وبعارين هههههههههههه انا الي القطة ملي كيس لين وصلنا البنشر الي بديرة وطلعة عفريتتهم خربانة كخخخخخخ

هههههههههههههههههههههه
طيب وش رايك باللى عبااا الكفره كيس النوم والمخاااد واللحاااف لين وصل :D:D:D

[khhh]

ههههههههههههههه محط غرفة نوم وارئريكة ياااااي وكنب كلاسيكي

[عناز الحره]

ههههههههههههههه محط غرفة نوم وارئريكة ياااااي وكنب كلاسيكي

والله جد يالغالى وانلى صاادق
بنشرنااا مره ولامعنااا سبير وفكينااا الشمبر وطلعنااا الجنط وعبينااا الكفر ثلاث مخدات وكيس نوم بعد ماعبيناه تراب بغير وجيهكم ولحاااف
وبعدها ركبينااا الجنط وطقينا الشمبر عليهااا وصار كأنه مطرى ولاهو مبنشر
ومشينا عليه لين وصلنااا


فىامان الله

[حسون الفهد]

والله العفريته امرها سهل موجوده ولا خربانه ولا مب موجوده كليا
المهم اولا الاستبنة ثانيا مفك الكفر .. وهو اهم شي

مفك الكفر مايكلف 20 ريال شاريه قبل كم يوم اللي يجي زي الزائد +

واذا معك عايلة لا اتعداء الجراد ولا تبعد باهلك ..وشكرا

[procession]

اذا معكم سياره ثانيه ارقا سيف والكفر بلحاله بيتطوطح

[الكعمي]

جهز السياره وتأكد من العده قبل لاتطلع والا اقعد ببيتك

[ولد وايل]

حط حصاة تحت السياره واحفر مكان الكفر المبنشر

[مسامرالليل]

مشاركات جميلة وافكارطيبة
وتمت الاستفادة من بعض الحلول

[الشاص 2]

بالنسبة لي انا معي عفريتة 5 طن وعفريته السيارة.. بالاضافة الى ماطور الهواء.. الاحتياط واجب

[YOKUN]

حصلي موقف حاص علينا فورد 97 ونزل في الجزيرة
(قبل تسوية الرصيف ) بين الطريقين
انزوى بالحفرة
وحتى مكان للعفريته ما يمديك تدخل يدك
وكان اخر الليل وتوهقنا
وجانب الطريق عمارة توها تنبني جبنا مربوعه (خشبة عريضه طويله)
وحطينا حجر والمربوعه راسها تحت الموتر ووفوق الحجر
زي العتله ( القاروص )
و2 من الشباب من الطرف الثاني ورفعنا الموتر بسهوله
وكانت طريقه جدا سهله

وموقف ثاني سمعت عنه
واحد بنشر ولا عنده عفريته وطلع الموتر عالحاجز لين ارتفع الكفر وغيرة وتوكل على الله

[أبو هشام راشد]

مع إن الموضوع قديم إلا أنه مفيد

[XRAY MAN]

أفكار جميله بصراحه