أقتراح ( أذا كنت تعاني من صغر شاشة ال GPS)

[السعلو]

الأخوة الكرام زوار واعضاء منتدى مكشات

اذا كان لديك جهاز (GPS) وتعاني من صغر شاشته فأليك هذا الاقتراح الذي سيكلفك حوالي 20 ريال وسيضاعف حجم شاشة جهازك .

الاقتراح يتلخص في تثبيت عدسة مقربة امام شاشة جهازك في السيارة .

وهذه العدسة موجودة وتباع لدى محلات العاب الأطفال بسعر 20 ريال وهي مخصصة للعبة الكترونية تسمى (Game-boy) حيث تضاعف تقريباً حجم الشاشة و هي مناسبة للأجهزة التالية :
GPS II
GPS III
GPS III Plus
GPS V
eTrex
XL12

ارجو ان تعجبكم الفكرة فقد جربتها ووجدتها مفيدة جداً

اخوكم

السعلووو

[فرد حمزة]

السعلو :)
الله يجزاك خير ، ويبارك في جهودك ، ويجعلها في موازين حسناتك ... اللهم آمين

[محبوب الجميع]

فكره رائعة وان شاء الله نجربها

[العازمي]

مشكور يالسعلو على هالفكرة الرائعة.
وبي أشكرك على الماب سورس جعلها اللة في موازين أ عمالك

[الجاثوم]

الشوف شجر ، وما يصلح معي الا شاشة tft 14 على الاقل

المشكلة كيف اثبت اللاب توب بالسيارة (لاند كروزر) ؟ لانه مع برنامج الفوقاوي مايعلى عليه .. هل جرب احدكم اللاب توب مع الجي بي اس؟؟

[السعلو]

انا جربت اللاب توب مع الجي بي اس في السيارة وبخرائط جيدة بس برنامج غير الفوقاوي وكان جيد جدا

احسن طريقة للتثبيت عمود كرسي دوار خربان ( علشان تقدر تلف الجهاز على الجهة اللى تبغى ) وقاعدة تلفزيون ( اللي عند الهاردوير) اللي يربط فيها الجهاز بحزام )

وحداد ممتاز وعنده مخ يقدر يفهم وينفذ اللي في مخيلتك .

وان كان تبغا النصيحة ( اشتر SONY VIAO ) مقاس 8 انش علشانه خفيف وسهل تثبيته وترى ان كان لك احد في امريكا ترى سعره في الشبكة رخيص وما يتجاوز 500 دولار مهوب مثل عندنا ربعنا ما يكفيهم الشوي يقولون ب 7500 ريال

وفكرك براسك و تعرف خلاصك وترى اخوك متخصص جداً جداُ في انظمة الملاحة اللى تعمل على الاجهزة الدفترية بالعربي لاب توب

تحياتي

اخوك
السعلوو

[الجاثوم]

<center>

الله يزوجك يالسعلو بس ، اذا ابشتري كل هالعدة ، وش تقترح علي السيارة بعد ، نعنبو دار عدوك احتاك تريله علشان اكشت بكل هالقش.

VAIOموجود ، تقصد اني اشبك الدفتري عن طريق الـ AV cable بالتلفزيون ؟ طيب وش يشغل التلفزيون بالسيارة ؟؟ الدفتري ولقينا له شاحن سيارة ، بس التلفزيون!!

والله يخوك مدري صار مشروع اطلاق قمر صناعي مهوب تشغيل جي بس اس، ارخص اني اشتري الـ 182 ، والا وش رايك؟؟

[السعلو]

اخوي الجاثوم
انا قلت ال VIAO وشرطت جهاز معين مقاس شاشته 8 انش وهو مناسب جداً للاستخدام في السيارة وما جبت طاري AV Cable ولكن هذي فكرة اخرى باستعمال AV Cable

يوجد شاشات خاصة بالسيارات وتركب بالسيارة وكشخة بعد و سعرها معقول جداً ممكن تفي بالغرض

اخوك
السعلوو

[المقدام]

فكره ممتازه بس ودنا لو اضفت صورة تبين طريقة
تركيبك للعدسه على جهازك
بارك الله فيك

[المقدام]

اخوي الغالى حفظك الله
مازلت انتظر طريقة تركيبك للعدسة
و تراك معذور و انا عارف اشغالك الله يعينك
بس متى ما فضيت تنورنا الله ينورك دنيا و اخره

المقدام ;)