كيف تشترى صقر وانت واثق ( )

[وضــ الوافىـاح]

اخوانى راعين المقانيص والطيور

سلام عليكم ورحمة الله


الحقيقه كلنا نهوى هوايه وحده واعتقد هى سبب تجمعنا فى ذه المكان الطيب

على العمووم وش رايكم يكون موضووعنا عن الشروط التى واجب توافرها فى الصقر لكى يكون

طير سليم تقدر ويقدر غيرك يشتريه وكيف يفحصه وكيف يعرف ان الطير به مرض
وكيف يفحصه وهو عند البايع قبل لا يتورط وياحذ له طير مريض يكتشف المرض بعد ما يدفع فلووسه
ارجو من الجميع كل واحد يحط اللى يعرفه عن طرق فحص الطيور وامراضها وكيف نقدر نشترى طير ولا حد يقدر يغشنا

وانا حسب معرفتى البسيطه بحط اللى اقدر عليه واللى يدش الموضوع لا يبخل تراه الموضوع بينفعك وينفع غيرك ونستفيد من خبرة بعض
يعنى بختصار اللى ابغى اقوله شى طيب ان نعرف الافكار الجديده
ونعرف كيف تقدر تشترى طيرك و و ش هى الطريقه اللى تتبعها لفحص الطير

فـــــــــــــــــيد واســـــــــتفيد



اولا انا انصح بفحص صوايد الطير ( المخلب او كف الطير )
ترفع صوايده وتشووف اذا به مرض ينقال له حفاة او ساامور وراح تشوف فى كف الصقر دائره حمراء
او بيضاء ومن تلك العلامه تعرف ان الطير به ساامور او حفااة واللى اعرفه ان للحين ماوجدت الا بعض العمليات القليله لعلاج السامور وطبعا السامور نوع من الامراض التى تصيب الصقر وتكون فى كف
الصقر او مخلبه او صوايده


اثنين المووس ( اطول ريشه فى جناح الطير ) تمسك الطير وهو مبرقع وتحرك المنقله
لين شفت الطير رف بجناحه تحط عينك على اخر ريشه ان شفتها موجوده تراها باينه تكون اطول وحده
وركز على منبتها عشان تعرف هى ولا وحده غيره ( منبت الريش )

ثلاثه امسح ايدك على صدر الطير وتحسس اذا به عمليه جراحيه او لا لأن الطير تكون
ضربته فى صدره وراح تحس لو مخيوط ولا سليم


اربعه فرق صوايد الطير ( الاصابع ) شفهن اذا به قراح او عله او انه صوايده سليمه
طبعا تفرقهن عن بعض تمسك مخلب الطير وتبعده عن المخلب الثانى وتشوف فى النص

اهم امراض الطيور الديان ويكون سببها الحمام المهم
عشان تعرف الطير اللى تبغى تشتريه به دود ولا لا
ركز حوالين وكر الطير راح تشوف الذرق ( مخلفات الصقر)
حركها بعود صغير راح تلاحظ فى ذرق الطير دود ابيض
او ما لاحظت شى تراه ان شاءالله سليم من الدود


مجرد بعض الكلمات البسيطه وادرى عندكم الزود وان شاءالله يوم ايجى على بالى واتذكر شى جديد
راح اضيفه فى الموضوع


والسموحه من الجميع

[نجمة سهيل]

اخوي:heart:وضــ الوافىـاح:heart::good: :good: :good: مشكور على هالموضوع الجميل وصراحة معلومات كنت اجهلها واتمنى انها تعم الفايده على الجميع واكرر الشكر واتمنى لك التوفيق والسعاده.

[القصمنجي وبس]

السلام عليكم


:looney: والله المووووضووووووع جدا جداً راااااائع ومن كل قلبي اهنيك على معلوماتك الحلوووه


ومشكوووووووووووووووووووووووووووور:good: :good:






..............................................
ودي ابكي لين مايبقى دموع..ودي اشكي لين مايبقى كلام

[وضــ الوافىـاح]

ماعليك زوود اخوى نجمة سهيل واشكرك على تواضعك الدائم



تسلم اخوى القصمنجى ما عليك زود وحيااك عزيزى

[البواردي1]

مشكور اخوي وضاح على هالمعلومات القيمه , وأكيد فيه استفاده للجميع انشالله وما قصرت يالحبيب









اخوك
حامد
الكويت

[غاوي تعب]

والله اخوي مليت وانا اطالب بهالمواضيع بهالمنتدى ياليت اهل الصقور المخضرمين يشاركون بهالموضوع بمعلومات من واقع الخبرة مهو ينقلون لنا معلومات قديمة من منتديات ما نستفيد منها الموضوع هذا قيم قيم قيم بس وين اهل المعرفة

[منشار]

السلام عليكم ويعطيك الف عافيه على هالموضوع الزين والممتاز واشكرك على كرمك بمدنا بمعلوماتك الي تدل على طيب احترافك في تربية الصقور وعسى الله يوفقك انشاء الله.

بس حبيت استفسر منك عن مشكله عادة تحوش الطير ويقال اهي اخطر ما يحوش الطير من مرض وعادة يموت الطير اذا انصاب بها المرض وله علاج عن طريق عمليه جراحيه تتم في السعوديه فقط وهي عباره عن انسداد في احد مسام الانف ويتم علاجها عن طريق عمليه جراحيه بفتح فتحه ثالثه للطير.

وسؤالي كيف اعرف الطير مصاب بها المرض وكيف اعالجه من دون عمليه جراحيه ان امكن اذا تمت العمليه للطير يقال اذا كانت الفتحه كبيره قد تؤثر عليه من الناحيه الصحيه او تنزل من سعره؟

واشكرك مرة ثانيه على انك فتحت هالموضوع الشيق والمفيد وارجو لمن عنده فكره او جواب على سؤالي بان لا يبخل علينا وعسى الله يوفق الجميع انشاء الله.

[وضــ الوافىـاح]

تسلم اخوى البواردى وماعليك زود



الله يسلمك اخوى غاوى تعب والحمدالله الفكره والموضوع نال رضالك




هلا والله اخوى منشاار تسلم عزيزى على مرورك الكريم

وعن سوالك الحقيقه اول مره اسمع عنه وتعرف ما نبغى نقول مجرد كلام

وفعلا يا اخوى اول مره اسمع عن مرض اسمه انسداد انف الصقر

ولكن عن السعر شى طبيعى اخوى اى شى يحدث للصقر ينزل من سعره
لو عمليه بسيطه اوتوسير الريش السموحه منك منشاار
وان شاءالله يمر احد الاخوه من سمع عن المرض ويقدر يفيدك

[وضــ الوافىـاح]

واليوم اخوانى احب اضيف شى مهم جدا


يوم تسير تشترى طير اول شى تركز على حجمه وكبر راسه
وتباعد افخاذه وكل ما كانت افخاذه متباعده يكون افضل

لأن قوة الصوايد تكون فى الافخاذ

حاول ان تفتح فم الطير وتشوف اذا به جروح او سليم


هناك مرض ينقاله رداد وطبعا الرداد اخطر انواع اامراض التى تصيب الطير

وتشوفه يرد الحم او اى شى ياكله فى تلك الحاله تعزله عن الصقور الاخرى
اذا عندك اكثر من طير ومهناك علاج للرداد اعرفه الا تروح لطبيب الطيور

وطبعا تعرف الطير اللى به رداد او دود تشوفه يلهث وهو على الوكر
لا تقاربه الطير اللى يلهث على وكر البياع ابدا الا فى بعض الحالات
مثلا اذا الجو حار

السموحه منكم وان شاءالله نكمل الموضوع
وراح يكون عن كيفية اعداد الصقر للصيد وطرق الحمايه من الامراض
وانواع الوكور والبراقع المناسبه
وكيف تكون واثق من طيرك وتطلع به المقناص وانت متاكد ان شاءالله ان طيرك
راح يصيد : وسوف نتكلم فى الموضوع القادم عن كيفية توسير الصقر
( علاج كسر الريش او اعوجاجها )فى موضوع منفصل راح يكون اسم الموضوع
كيفية اعداد الصقر للصيد

[al-nashmi]

وش سويت يا وضــ الوافىـاح الله يهديك نكبتنا خليت الشباب عندهم معلومات عن امراض الطيور وبعدين ما نقدر نغشهم:D :D :no: ؟؟؟؟؟؟؟؟؟؟؟

اخوي امزح امزح لا تصدق:rolleyes:

اخي الحبيب شكرأ لك واقتراح فعلا جيد ومفيد وبيض الله وجهك ماقصرت....................

مع تحيات/النشمي.

[غاوي تعب]

اخوي منشار يقولون الوقاية خير من العلاج ياخوي يوم ياكل طير ويخلص امسح مناسمه ( فتحة منخارة ) بيدك وبهاطريقة تزيل بقايا اللحم وتقيه من الامراض انت صادق اذا بقى توالي لحم على منخار الطير يمكن يسبب له تعفن وهالتعفن يجيب البكتيريا ...........الخ بس ما أعرف له علاج ولا سمعت .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
اخوي وضاح الوافي مشكور على هالمعلومات وياليت تواصل والله اتحفتنا

[وضــ الوافىـاح]

هلا والله النشمى يا اخوان الا طيور النشمى تراها زينه ومهناك طيور احسن عنها

:D :D


حياك اخوى النشمى والله يطول عمرك




غاوى تعب يعلنى افدك تسلم طال عمرك على الاضافه الطيبه وان شاءالله نضيف الجديد

[القصمنجي وبس]

السلام عليكم ..........

مشكوووور على هذي المعلومات الزياده بس اخاف يهجم علي وانا اشووفه
:p :p :p :p :p

امزح وجزاك الله الف خير

[ابوساسا]

الله يعطيك العافية يا وضــ الوافىـاح على هذاء الموضوع

حبيت ادلي بد لوي على قلة معلوماتي

الريش : حاول انك تخلي الطير يلوح بجنحانة وارفعة وشوف اذا فية ريشة مكسورة والمس ريش الجناح الريش الرئيسي الي يضرة بالطيران لمسة سريعه وخاطفة لأن بعض الطيور ما يحب احد يلمسة وتحسس وانت تلمسة اذا فية شي يجلب الشك مثل التوسير او قرن الريش {ربط الريشة بلي بجنبها }

الرداد : هو من الامراض الخبثة التي تصيب الطير وتعطلة وهو صوت فحيح { لهثة } واكثر ما تصيب الطيور التي تنهد بالصفري والجو حار هذاء من الاسباب الرئيسية وهذاء المرض مالة علاج واذا حبيت تعرف الطير الي فية رداد حاول انك { تكفّخ } الطير تخلية يلوح بجنحانة مدة بسيطة وبعدها يبين اذا فية رداد { يفتح بوزة وهو يلهث } بشرط انه مايكون الطير صنيع مرة يكون صنعة هدد .

القلاع : وهو تجبّن داخل فم الطير او داخل العلافة { الحويصلة } حاول تلمس علافة الطير لمسة خفيفة وهو مبرقع وتأكد انة مافيها اشي تستـنكرة .. اما فمة افتحة وشوف اذا كان سليم ولا فية اي تجبن ابيض او انتفاخ .

العيون : ركز على كل عين يمكن يكون فيها نسبة بياض لاكن ماهو واضح الاعند التمعن بالعين لأن بعض البراقع الضيقة والصغيرة تسبب بياض بعين الطير .
افحص كل عين لحالها وحرك يدك عند العين هذي والعين ذيك مشان تتأكد ان كل العيون سليمة ولافية عماء بأي وحدة .وشوف راسة من فوق لايكون فية اثار كوي بالنار .

كراع الطير :{ سيقانة } المس كراعه بيدك وشوف اذا سبق وصار فية كسر او ميال بلكراع وهذاء يمكن يعوقة بالطيران لأنة يمكن يطير وهو مدلّي رجلة ولايقدر يطق بها { يضرب بها الصيدة }.

ومناخر الطير المسدودة يمكن تـنضيفها بعد حين وآخر برش المنخر برشاش الماء الي يضغط بهواء ويكون ماء فاتر أو ينضف ببرواز{ سرنجة }فيها ماء فاتر يوجه على المنخر المتسكر. وهذي تجي بعض الطيور لأن بعض الناس ما ينضف الطير بعد العشاء ويبرقعه على طول وبعض الطيور ينضف نفسة بلوكر يمسح بوزة بوكرة . وتكثر وقت الهدد بالشتاء اما الصيف يكون الطير بوزة في الماء على طول ولا يجية التسكير.

هذي بعض العلومات البسيطة الي عندي وارجو المعذرة للأطالة..............

[غاوي تعب]

حلو يا بو ساسا والله بدينا نزيد الموضوع روعة ايه كذا المواضيع الحلوة ولا بلاش فعلا هالموضوع بدا ينتعش وبدينا نستفيد منكم يا أهل الخبرة وعلى كذا رايحين نكون معلومات روعة

[وضــ الوافىـاح]

هلا والله الجميع وتسلم ابو ساسا الصراحه ما قصرت


واحب احذر من شى مهم يا اخوان الا وهو البرقع


حاول تشترى لطريك برقع منااسب ترا بعض البراقع

تصيب الطير بالعمى وانت ما تدرى يعنى يكون مصااب بعين وحده


ونحن ول ندرى بعلته

[الــدمــوي]

مشكور اخوي على طرحك للموضوع والله يطول بعمرك ...

احب اضيف شي وهو لا تثق بصاحب الطير الي يبي يبيع عليك مهما كان الا اذا كنت تعرفه معرفه خاصه ، لانه حصل لي موقف العام حلفت اشتري طير على قولة راعية ، لان معلوماتي بالصقور قليله ولو لي ست سنوات بالصقاره ، ذهبت لسوق الصقور واعجبني صقر حر كامل اشقر طبعن فحصته من جميع الجهات وكان فرخ ومصيود( مشبوك) بالخارج على قولة راعيه ، لاحظت عليه شي او عيب واحد بس كان تحت رجوله نقطه حمره صغيره وسالت راعيه هل هذي حفاة واقسم راعيه انها ماهي حفاة ولا غيره وكان برمضان والرجال حلف صدقته وش اسوي الطير رائع صراحه ويوم دفعت سبعة الالف اقسم بالله ما جلس عندي اسبوعين الا تورمت رجله وذهبت فيه لكل طبيب لكن ما نفع حتى مات يعني مااستفد شي وكنت واثق من اولها براعي الطيرالي اصلن مااعرفه ابدا واعتمد على حلفه بالله واستغربت كيف يحلف بالله وهو برمضان ناااس غريبه ؟؟؟

وبعدين ابضيف شي ثاني ان من صفات الصقر الزين والمعروفه ولو ذكرها اخواني يكون راس الطير كبير شوي ، وسيقانه قصيرات ، كفوف الطير ومخالبه تكون كبيره .


واسف على الاطاله اخواني واحب اشكر الي شاركو بالموضوع والله اتحفونا باشياء ما كنت اعرفها ...


تقبلوووو تحيات
اخوكم الدموي

[وضــ الوافىـاح]

حياااااك الله اخوى الدموووى واشكرك على الاضافه المهمه


الصراحه اضافتك فعلا مفيده وانت تكلمت من واقع تجربه
الله يعطيك الف عافيه

[ابو عايد]

مساك بالخير اخوي وضاح الوفي بيض الله وجهك على كل هذه المعلومات الطيبه والله يجعلها في موازين حسانتك

[وضــ الوافىـاح]

تسلم اخوى ابو عاابد والله لا يهينك تحياتى لك

[تواق]

اخواني عندي استفسار لحظته في طيور الربع وبعض من الطيور عندي بعد
وهوا ان الطير يطلب الهدد طلب زين ثم لطقه ولا فلته الحبارى والكرون
منع عنها وتركها ووقع وش السبب
وش حل المشكله هذي
افيدونا رجاء

[تواق]

اخواني عندي استفسار وهو اني لحظت في طيور الشباب وحصلت عندي ان الطير يهد ويطلب طلب زين
ثم اول مايطق الحبارى ولا الكروان ويفلت يمنع عنه ويوقع ولا يكسر عنه ويخليه
وش المشكله؟
وش حلها؟
اخواني افيدونا رجاء وبارك الله فيكم جنبكم كل سوء

[وضــ الوافىـاح]

هلا اخوى توواق



شف طال عمرك

هناك اسبااب كثيره يرد الطير عن الكراون او الحبارى


السب الاول الياقه يمكن الطير يتعب ومن التعب يرد عن الحبارى ويوقع

او لا قدر الله به مرض انت شووفه اذا يلهث وهو على الوكر

او ماشابهه مثل ما تقول هو يطلبها ولكن بعد كذه يرد ويوقع عنها اذن
اخوى مهناك سبب يخلى الطير يرد عن الصيد الا التعب او به ضربه لا قدر الله فى صدره امسح ايدك على صدره وشف اذا به شى

واذا تاكدت ان الطير سليم من المرض اكيد ومهناك سبب اخر الا التعب
وعدم وجود لياقه كافيه حاول وانا خوك يوم تدعى الطير للعشااء
تكون المساافه بينك وبينه كبيره جدا عشان يا خذ فرصه يطير
وجرب كذه مره لان الطير يحتاج لياقه مثله مثل اى مخلوق اخر عشان يكون سبووق ويلحق الطريده


واذا هناك اضافه قول وانا راح ارد عليك والسموحه على التاخير