المساعد الشخصي الرقمي

مشاهدة النسخة كاملة : قصيده في الددسن


دسم الشوارب
16/03/2006, 04:30 AM
حي ذالمطلال يا وارد عراوي = اعشقوك الناس في ازمانن بعيده
طيب فعلك يشفي الجرح ويداوي = ولاّ غيرك يكثر بجرحي صديده
يارفيق الدرب يالقرم المخاوي = مركبن للشيخ والباقي لعبيده
كم تغنى فيك بدوان الخلاوي = تجذب العشاق باوصافن عديده
انت طير ماتخيب بك الهقاوي = كف حرن يلطم الصيد ويصيده
ولد نجد والحجازي والحساوي = لك عليهم منةن ماهي وليده
قم يا قاضي وارسل اوراق الشكاوي = يم نايف تودع الصبح فـ بريده
واكتب اللي شاتمن وارد عراوي = يلقى صوره له واسم وسط الجريده

هذي لأحد الاخوان كلفني بطرحها للمنتدى للتقييم
انا بغيت اختصر الموضوع عليه واقول له خلها في بطنك لكني رحمته ضعيّف
وانتظر تعليقاتكم
الله يستر ما ننسجن بس
دسم الشوارب
18/03/2006, 09:12 AM
يعني اواجهه بالحقيقه ؟
الظاهر هذا اللي يبي يصير
ذريف
18/03/2006, 11:44 AM
ويش تمدح يادسم والاَتهاوي ** ** خايبن مدحك ومضمون القصيده
كيف تذكر حر طفاحن شقاوي** ** وتقرنه باللي مكاسيره زهيده
الحضري
18/03/2006, 03:10 PM
دسم الشوترب


الله يجزاك خير يا بعدي على مشاركتك بهذي القصيدة ..


بالنسبة لرأيي فهي ما عليها كلام .. وقول لصاحبك يزيدنا ونتشرف بمشاركته معنا في هذا المنتدى الطيب


صح لسانك انت وياه ولاهنت يابعدي وبلغه سلامي
عاشق البسمه
18/03/2006, 10:40 PM
صح لسانك وياليت القصيدة اطول من كذا
دسم الشوارب
19/03/2006, 01:29 AM
اخوي ذريف : والله مادري وش انت تقول لكن اذا كنت تمدح فجزاك الله خير
وأما إذا كنت تسب فأيضاً جزاك الله خير وأنا متأكد انك ماتسب .مرحبا بك
اخوي الحضري : إن شاءالله ابلغه رأيك وسلامك وراح ينتفخ راسه
عاشق البسمه : تقول ((ياليت القصيدة اطول من كذا)) الا زين انه ماكمل
انت اقرا البيت قبل الاخير وتدري ليش ماودي يكمل :j
وسرني مرورك يالغالي
جلمود1
19/03/2006, 09:05 PM
دسم الشوارب يازين قصيدتك بلغ صديقك اني من كبار المعجبين فيه وأتمنى اخذ صوره معه
حر اليدين
19/03/2006, 09:47 PM
اخوي دسم الشوارب
القصيدة حلوة وجزلة
ولكن اخوي ذريف انت اثرت قريحته لانه شكله شكله يحب طيور الهدد
وانت شبهت الدسيتن بالطير
تقبل تحياتي انت وراعي القصيدة واذا يبيني اجاريها ماعندي مانع
بس الله يعينك على البيوت المكسرة

حر اليدين
دسم الشوارب
20/03/2006, 02:40 AM
الله يحييك يا جلمود1 وابشر راح اقول له
هلا بك ياحراليدين هلا بالغلا كله واشكرك لشرح ماقال الاخ ذريف

واذا يبيني اجاريها ماعندي مانع
بس الله يعينك على البيوت المكسرة

حر اليدين
قول ولايهمك أنا أعرف مقاول مضبوط إذا صار كسور :D
ذريف
20/03/2006, 02:20 PM
السلام عليكم ورحمة الله وبركاته
مساكم الله بالخير جميعا"
أخوي دسم الشوارب
أولا" أنا اذا شفت موضوع جديد لك أقوم اعرض في الحجره الحالي
مانيب ابالغ لأنك وجهٍ مبارك (كني عاد شفت وجهك)..
القصيده متواضعه وبسيطه وحلوه وهي في فارس من فرسان نجد الجهابذه " ابودقس"
والبيتين اللي تبعي لاهيب مدح ولا ذم هي مشاركه في موضوعك على شان الفت نظرك أن ذريف موجود
((واحد مريض باإنفصام في الشخصيه))

تحياتي لك وللأخوان اللي خاشرونا الدعوى

محبكم / ذريف
دسم الشوارب
21/03/2006, 04:08 AM
الله يحييك يا ذريف
هلا وغلا
وأشكرك على الاطراء
أدري ماتطلع منك الشينه لكن حبيت ادردش
وسرني مرورك وتفاعلك
مراويح نجد
21/03/2006, 10:02 AM
كل ذا المدح في ددس
آخرتها ددسن
مع احترام الشديد
والشديد ايضا
والشديد أيضا
والشديد أيضا
قله يغير من أهتمامات أتوقع يبدع
دسم الشوارب
21/03/2006, 05:13 PM
كل ذا المدح في ددس
آخرتها ددسن
مع احترام الشديد
والشديد ايضا
والشديد أيضا
والشديد أيضا
قله يغير من أهتمامات أتوقع يبدع
من انت تكلم !
مراويح نجد
21/03/2006, 05:33 PM
من انت تكلم !

أنا أخاطب الي كاتب القصيدة