المساعد الشخصي الرقمي

مشاهدة النسخة كاملة : زيت الدفرنش للباث فايندر ؟؟؟


راعي النيسان
17/03/2006, 10:21 AM
السلام عليكم ورحمة الله وبركاته

اخواني ماهو نوع زيت الدفرنش للباث فايندر 2004 حيث اني ذهبت للوكالة وقالو لي ان الدفرنش له زيت خاص قيمته اكثر من 500 ريال

فهل هذا صحيح ام انهم ينصبون علي ؟؟
وماهو الزيت المستخدم

تحياتي
مسافر1
17/03/2006, 10:50 AM
أمس غيرت زيت الدفرنش للجيب عند البنشري بـ 20ريال ..
راعي النيسان
17/03/2006, 01:30 PM
هلا والله بالمسافر

سيارتك مثل سيارتي باث فايندر 2004 .. وش نوع الزيت اللي غيرته

احدى المرات ذهبت لراعي بنشر وقال لي يبيلك زيت خاص للدفرنش وصدقته ورحت للوكاله وقالو لي بقيمة 500 ريال

اليوم اروح ادور على راعي بنشر آخر ممكن اجد عنده الزيت

تحياتي
فياض الخير
17/03/2006, 10:43 PM
هلا بأهل الباث

أخواني أنا شاري باث 2002

المشكلة أن صاحب السيارة القديم ماشغل الدبل أبد يعني الدبل ماله حاجة عندة

ولما جربت الدبل فبل كم يوم طلعت عندي ريحة زيت محروق

ضنكم وش اللي صابر
الربذي
18/03/2006, 06:50 AM
السلام عليكم
غيرت زيت المكينه والسيفون وزيت القير والدفرنس الامامي والدفرنس الخلفي كله بحدود 210 ريال يعني زيت القيرب40 ريال تقريبا من سنتين وكم شهر ورشه كبيره وليس النصابه عفوا اقصد الوكاله
وايضا الدفرنس له زيت خاص بس بحدود الاربعين الى 50 حسب جودته
أبوناصر
19/03/2006, 01:21 AM
الي أعرفه إن نوع الزيت ليس لها أي قيمه المهم هو مواصفات الزيت يعني ممكن تآخذ أي زيت بشرط يوافق الزيت المكتوب في كتالوج السيارة

أنا راح أشوف المواصفات في الكتيب وأرد عليكم لأن معي باث 2003

وتراي قد زته بزيت عادي الموجود عن أغلب المحلات لكن انتظروا ردي
sultan8861
20/03/2006, 05:25 PM
السلام عليكم

ابسالك يالربذي وش زيت المكينه اللي تستخدمه وكيفه معاك
لاني بصراحه ودي اغير زيت المكينه اللي استخدمه فوكس سوبر جي تي

وشكراااااااااااااا
راعي النيسان
21/03/2006, 01:01 PM
السلام عليكم ورحمة الله وبركاته


الربذي ... ننتظر اخونا ابو ناصر يجيب لنا المواصفات
أبوناصر ... نحن في الأنتظار وجزاك الله خيرا


تحياتي لكم
ولد الشايب
24/03/2006, 02:06 AM
السلام عليكم ورحمة الله

أنا غيرت زيت الدفرنش عند البنشري ( الدفرنش الأملمي والخلفي وشي عند القير غيره لي يقول أنه عبلة خاصة تجي مع التماتيك )
ونوعة أو لزوجته 140 أما القير العادي الدفرنش الأمامي والخلفي فقط ويفضل الزيت 90 أفضل . بالنسبة لزيت المكينة غيرت آخر مره
موبيل 1 وماشي معي .

أتمنى أني أفدتكم
نمر بن حثلين
24/03/2006, 06:59 PM
بارك الله فيكم

هل تغيير زيت الدفرنسات ضروري ؟؟
لاني اول مره اعرف المعلومه هذي

ومدري يفضل كم يغير ؟
عجاج
24/03/2006, 07:35 PM
السلام عليكم ورحمة الله وبركاته

الصراحة ياخوان موضوعكم شدنا لتغيير زيت الدفرنس

وسألت مهندس ورشة عن تغيير زيت الدفرنس واستغرب قالي انا عمري 60 سنة اول مره اسمع ان زيت الدفرنس يغير,

يقول اذا كان فيه تهريب مثلا (صوفة الدفرنس )فقط يتم تغليقه لان زيت الدفرنس مايتغير لونه ..

قلت ابتأكد انا من الكتلوج ودورت بالكتالوج ولم اجد مايشير الى تغيير زيت الدفرنس

ياليت اذا أحد منكم كلم الوكالة يفيدنا أكثر وجزاكم الله خير على هالموضوع