صار لي موقف مع عائلة مغرزة وبأخر الليل وتعلق الواير بيننا

[ارتست]

ياأخوان كثير ماتطرق المنتدى للعديد من اساليب النجات من الغراز والخروج منه لاكن في حالة سحبت موتر وتعلق موتري مهة والواير شاد وش السوات
هذا الموقف صار معي امس ولاكن مع الحفر والجهد الخيالي ورحمت الله لهالعائلة طلع الموترين

فلو وصلت الحلول لاخر المطاف ولم نخرج كنت افكر اقطع الواير القماش لاكن كان فية وصله لواير حديد وخفت يرجع على الموتر ويكسر القزاز ؟!

ارجو طرح الحلول والإقتراحات لو تكرمتو لانكم لو شفتو الموقف كان رحمتو العائلة ورحمتوني بعد:(

[جدة غير]

جزاك الله خير
أنا ما عندي خبرة
لكن لو عندي أعلمك ان شاء الله تعالى
بس عندي تنبيهوهو قولك (( ولاكن مع الحفر والجهد الخيالي ورحمت الله لهالعائلة طلع الموترين ))
قول لو لا رحمة الله ثم .................

[غضنفر]

بسم الله
الحمد لله على سلامتك وسلامة العيلة
وفعل الخير ما يضيع باذن الله
ونصيحتي لك لا تسحب احد ابد الا اذ معك ونش
لأنه لابد يضر موترك ( الدفرنس والدبل والكلتش وبلاوي ثانية)
واعرف واحد معه لاند 2005 سحبله سيارة منقلبة في الرمل وطق عليه الدفرنس وغيره ب 3 الاف
وافضل شي انك تخلي الي مغرزة سيارته ينزل الي معه وتبدون تحفرونله واذا هو ما هو سواق
سق انت الموتر وباذن الله يطلع اذا نسمت الهوا الى 5
واذا سحبت احد وتعلق الحبل وصار لاك وماسك على حديد الشاص ما لك الا انك تقطع الحبل
وعشان ما ينطلق في وجهك او يرتد للسيارة احرص على ان الحبل ما يكون شاد
وقرب احد السيارات (الي غرازها اسهل) من الثانية لأجل ان الحبل يرتخي ثم اقطعه بكل سلاسة

[ارتست]

يعطيكم العافية على مروركم
جدة غير
مشكور على التنبية

black path
الموتر مانتلته بقوة ومسئلة إني أخلي عائلة عالقة في هالليول لاوبعد في منطقة الخرارة صعبة الرجال يوم قربت له كان إثنين من عياله يساعدونه على المشي لمحاولته طلب المساعدة يوم سئلته وش السالفة ليش تعبان قال فيني القلب تلومني مااكسر الموتر

ياشباب المقصد فيه اي طريقة لتقريب الموترين مثلاً عن طريق إستخدام العفريته بشكل من الأشكال او اي غرض متواجد دائماًفي السيارة

[الشقردي]

جزاك الله خير على فعل المعروف

بالنسبة للموضوع:

أقول لو جربت تحط الدعاسات (القماش اللي داخل السيارة عند الرجلين تكرم ومن يقرأ)

تحت الكفرات مثلا



للرفع

[KEA2003]

شف وانا اخوك اذا اضطريت لقطع الواير في مثل هالحلات حط على الواير اي شي ثقيل في المنتصف من الجزء الي بتقطعه

[عبدالرحمن]

قوه الواير اذا انقطع خياليه ممكن لا قدر الله ولمس اي جزء من جسمك يفصله

مطاط الفلوس الصغير اذا سحبته وانقطع كلنا يعرف الالم اللي يسببه لكن الواير اضرب الالم في الاف المرات ويبين لك مدى قوه الواير ووش ممكن يسبب .

لا تفكر ولا يجي في بالك انك تقطعه وهو مشدود حتى لو كان من نوع القماش و نفس الشي لا تفكر تقرب منه اذا كان مشدود حتى لو كان سليم لان احتمال انه ينقطع في اي لحظه.

هذا رأيي في الموضوع

[الجيب الربع]

السلام عليكم ورحمة الله وبركاته

أخي أرتست

الغراز مشكلة كبيرة وشد الواير بين السيارات مشكله عويصه

أنا أستخدم ونش صغير نقال يسحب حتى 1 طن ولاياخذ مكان لان حجمه صغير ولكن بعون الله فوائدة كثيرة ومن ميزاته إنك تشبكه في مقدمة أو خلف السيارة كما يمكن ان تشبكه في جسم ثابت

سعره كان بالغرابي 500 ريال

أجمل تحية

[صقر]

موضوع رائع .... مشكور اخي ارتست
أتمنى أن تطرح جميع أجهزة السحب وطريقة استخدامها هنا .

أخي الجيب الربع

ياليت تضع لنا كم صورة للونش الذي ذكرت.

بارك الله فيكم جميعا.

[مفتاح التقنية]

السلام عليكم

الله يجزاك خير

لا تفكر في قطع الواير أبداً وحاول أنك تطلع سيارتك أول في أي طريقه سواء عن طريق الحفر والدفن كما فعلت والله يعينك

نصيحه طلع سيارتك أول لأن في خروجها تتعدد الحلول

[abo fasil]

السلام عليكم ورحمة الله


اولا جزاك الله خير

صار لي الموقف اكثر من مره والحل يا طويل العمر والسلامه انك تقمد السياره شوي شوي تلف الطاره لقصي اليمين واليسار وراح يرتجي الواير وتطلع السياره باذن الله حتي لو كانت شبه متعلقه ..........:good:

وسلامتكم

[ارتست]

شكري لكل من شارك في الموضوع

[شبح الصحراء]

فيه حل اذا كان الواير مشدود مرة وناوي تقطعه وكان من النوع القماش انك تشب نار تحته وتبعد بعيد لين ينقطع من النار ، وجزاك الله خير يوم ساعدت الرجال واهله وان شاء ما يحرمك الله اجرها ، كفو والله يا الذيب .


أنا أستخدم ونش صغير نقال يسحب حتى 1 طن ولاياخذ مكان لان حجمه صغير ولكن بعون الله فوائدة كثيرة ومن ميزاته إنك تشبكه في مقدمة أو خلف السيارة كما يمكن ان تشبكه في جسم ثابت


ممكن اعرف وين القى الونش هذا؟ فيه 2 طن او 3 طن ؟ .

[ارتست]

شبح الصحراء الونش كاني مو غلطان في الرميح على طريق التخصصي المحل خاص ببيع الساكتون

[ياهولي]

الله يجزاك بالخيييييييييييييير

على فزعتك انك طلعت هالعائله المساكين

[مراسل وراط]

بسم الله
الحمد لله على سلامتك وسلامة العيلة
وفعل الخير ما يضيع باذن الله
ونصيحتي لك لا تسحب احد ابد الا اذ معك ونش
لأنه لابد يضر موترك ( الدفرنس والدبل والكلتش وبلاوي ثانية)
واعرف واحد معه لاند 2005 سحبله سيارة منقلبة في الرمل وطق عليه الدفرنس وغيره ب 3 الاف
وافضل شي انك تخلي الي مغرزة سيارته ينزل الي معه وتبدون تحفرونله واذا هو ما هو سواق
سق انت الموتر وباذن الله يطلع اذا نسمت الهوا الى 5
واذا سحبت احد وتعلق الحبل وصار لاك وماسك على حديد الشاص ما لك الا انك تقطع الحبل
وعشان ما ينطلق في وجهك او يرتد للسيارة احرص على ان الحبل ما يكون شاد
وقرب احد السيارات (الي غرازها اسهل) من الثانية لأجل ان الحبل يرتخي ثم اقطعه بكل سلاسة اخوي بلاك ابفزعلهم والي يصير يصير وبعدين عندي جيب باترول ماهنا احد مافزعتله والي مايطلع انتله والله ماضر الموتر ولا شيء والموتر جلس عندي مايقارب 8 سنوات وكل طلعه ادور الي مغرز وافزعله وبعته وهو ماقيه شي ومن ثم شريت راف فور وبرضه الكل الي يبي مساعده افزعله و الموتر مايطلع السيارة الا بالنتل لان مافيه دبل ثقيل ومع ذلك ماضره وجلس عندي 3سنوات ومشاء الله مبارك الموتر وبعدالبيع مانفص الا 2000الحمدلله

[عزيز نجد]

الاخ ارتيست والاخوة الكرام

الظاهر ان بعض الشباب ما ادركوا مقصد الاخ ارتيست
الموقف هذا حقيقة بلشه كبيره وموقف صعب تتمنى انه ما يحدث لاحد عزيز
مره صار لنا هذا الموقف بين يوكن وباترول , كان اليوكن يسحب الباترول والباترول معلق فوق طعس مرتفع
اليوكن كان يظن انه لما يشبك الواير ويجره على تحت تصير النزلة معينه له لكن صار مالم يكن بالحسبان
طبعا وجه اليوكن كان فوق رقى شوي يم الباترول ثم شبكنا الواير (قماش) ريوس اليوكن , الباترول ما تحرك ابد
بعدين بدأ يحفر اليوكن لين دق , انشد الواير بشكل قوي جدا

المشكلة اليوكن ما يقدر يقدم لان اللي قدامه طلعة وهو مغرز اصلا ولا يقدر يرجع لان الواير ماسكه ((شف عاد لك حل)) الواير من قوته وقفت عليه ما درى عني

الحمد لله كنا في منطقة مليانه نشاما (شروى من يقرا) جانا شروكي ومن جنب سحب الباترول لين نقزه (تله تل مع اني ضد تل السياره لكن ما كان له حل الا كذا )
نزل الباترول شوي ثم ارتخى الواير وبكذا قدرنا نطلع اليوكن الخايس (اشوا انه مهوب لي كان احرقته من ثقل نفس فيه)

في الاخير اظن اذا انت ورطت بالواير وانشد زي كذا(وكل الطرق نا نفعت) مالك الا انك تقصه بس من وين ؟

تقصه من عند اقرب نقطه لا حد السيارتين وتكون من جنب السياره ملازق لها حتى ما يرتد عليك

اما اذا فيه وصلت مكونه من سلسلة انتبه الله يستر (لو اني بالمرور منعت استخدام السلاسل) وقص من الجهه اللي ما فيها سلسلة (ابعد نقطة من السلسلة من جهة السياره الثانية )

وفي الاخير نسأل الله يحفظنا واياكم

[][عزام][]

السلام عليكم انا نفس المو قف صار لي وكان عالق الموترين ومافيه حل الا الفطع طبعن هو قماش(حذاري تستخدم واير حديد لأنه بينقطع وما يرده الا قزازة الموتر الثاني وها ما صار لنا مرتن من المرات انطلق وكسر اضطب الموتر الثاني)على العموم مثل ما قال خويو ولع على الواير نار وخل واحد جاللص على الحبل من طرفي النار على عساس اا انفك ما ينطلق احطياطا


وبعدين فيه نقطه ثانيه اللي هي اذا جيت تبي تطلع احد فحاول انك تأخذ المكان اللي تستطيع ان تحرك فيه سيارتك على كيفك يعني لا تصير السياره منصله على قدام همن تسحب الموتر وما تقوى تطلعه وتنشب معه والعكس صحيح وهذا درس لي مقلك بعد ما صار لي مثل ما صارلك(اهم شيء مكان تقدر تمشي فيه قدام وتدق ريوس دون اي مشكله هاك الساعه اسحب اللي تبي