المساعد الشخصي الرقمي

مشاهدة النسخة كاملة : ابي مشورتكم يااخوان في جي اكس ار 2010


ابو طااااارق
12/12/2011, 04:56 AM
السلام عليكم ورحمة الله وبركاته
الله يجزاكم خير وله دعوة بظهر الغيب اللي يجاوبني
انا ودي اخلي واجهيت موتري بشكل حلوه افضل من الوكالة لانها جاية واجهته بدعامة فيبر تركب عليها اللوحة تقل موتر سواق
وش رايكم افكه واركب ونش واحط اللوحة بالجنب فوق الكشاف؟؟؟
وابي مشورتكم افضل مكان ينجد مراتب جلد وكالة بحيث انه مجرررب وفاهم وسعره حليو
.أبوعبدالرحمن
13/12/2011, 09:12 AM
وعليكم السلام ورحمة الله وبركاته

بخصوص الدعامية الفيبر حقت الوكالة مشكلها إذا فكيتها

راح يكون في الصدام خروق حقت الدعامية يعني لازم تخليها

أو تفك الصدام كله وتركب صدام جديد وهذا مكلف والسيارة

موديلها 2010 قهر تغير شيء ما خرب

ومن ناحية التلبيسة لو تروح للغرابي فيه نوع اسمه مشروك

لاهوب مخمل ولا هوب جلد طبعا شف نوعية طيبة ويجي له ألوان

وأشكال
ابومشخص
13/12/2011, 09:18 AM
اذا ملزم اعطيك حل زين وغير مكلف

رح المحلات المتخصصة بالجيوب مو الزينة العادية

غير محل اللوحة ركبها يسار بقاعدة من عندهم

وركب غطا ونش بدون ونش

هم يضبطونه انا كنت مسوي بموتري نفس الشي منزمان
شبل قطر
13/12/2011, 09:22 AM
وعليكم السلام ورحمة الله وبركاته
بخصوص الدعامية الفيبر حقت الوكالة
وجهة نظري بحكم انها شغل وكالة

ماراااح تلاقي بديل افضل منها علاوة على ذلك فهي تكون بمثابة

المساعد لصدام الحقيقي لسيارة وخاصة ان الصدام كذلك قطعة فيبر ادنى شي يكسرة

وبخصوص التنجيد فبحكم اني من قطر ماعندي خلفية عن التنجيد بالسعودية

واما عندنا في قطر فيامكثرهم وشغلهم متقارب .


تقديري
ابو حامد888
13/12/2011, 09:29 AM
مع احترامي لك يا مشرفنا الغالي ابو عبدالرحمن غير صحيح ان في الصدام خروق انا فاك الدعامه ومركب شبك vxr النيكل وبصراحه طلع شكله حلو ولافيه لاخروق ولا مايحزنون لكن فيه اثر خفيف عبارة عن خط نازل خفيف من الجهتين من اثر الدعامه وضغطها على الصدام وتروح بالتلميع واصلاً مسامير الدعامه تجي تحت الصدام
بالنسبة للونش ماراح تحتاجه ماشاء الله الموتر كلها دبلات ودفع رباعي مستمر ودفلك
وما انصحك بالونش الا اذا بتغير الصدام وتخلي صدامك الاصلي مغلف بالبيت وخذ لك صدام تجاري وخربش فيه على كيفك وركب ونش


بالنسبة للتنجيد انا نجدت عند السماعيل في الغرابي جلد بعازل حراري ووممتاز وتلاقيه جاهز قيمته 450 ريال


موفق خير ياغالي
ابو طااااارق
14/12/2011, 03:49 AM
الله يجزاكم خير ويوفقكم ان شاء الله وييسر لكم اموركم
اكليل الجبل
14/12/2011, 08:36 AM
انا فاكها ومن اروع مايكون لا خروم ولا غيرها
.أبوعبدالرحمن
14/12/2011, 09:15 AM
اعتذر عن ردي لأني كنت اعتقد تركيب الدعام الفيبر الموجود على صدام اللاند

زي طريقة تركيب الدعام إللي على صدام الفورنتشر