المساعد الشخصي الرقمي

مشاهدة النسخة كاملة : فزعتكم يالنشاما !! تراه أول مشاركة ..


PATH LOVER
17/03/2006, 11:07 PM
السلام عليكم ..


أنا توي شاري باثفاندر وأبسأل عن اليايات وعن طيحة الموتر إذا حملت ..


رايكم وش أسوي .. وش أركب .. وش .. وووشششش.................؟؟؟؟؟؟؟؟؟؟؟؟؟؟؟؟؟؟؟؟؟



الله لايهينكم ..
غيّام
17/03/2006, 11:40 PM
رح الى الرمايه اللي في طريق التخصصي او رح مباشره لورشتهم في طريق التخصصي وانت متجه شمال عقب ما تعدى طريق الجامعه فيه محطتين على اليمين الثانيه نفط بتلقى فيه محل Arb وبتلقى اللي يرضيك ويسر خاطرك

يايات استراليه وماجاك علي
والله يبارك لك في موترك
سنايدي سدير
18/03/2006, 12:07 AM
اخي باث لوفر
انا ركبت كعكات ولانفع والمساعدات او اليايات تخليك تتنازل عن المطب المريح والحل عندي من وجه نظري الشخصيه بحكم تجربة واحد متعقد من هذه المشكله هو البلونات الهوائيه الي تحط داخل الياي الموجوده في محل فور باي فور وخبري به جنوب الفيصليه بالضبط واظني انه نقل والله يعينك وان ركبتها اهتم بصيانتها فلاتحمل الا وانت معبيها هوا حسب اللزوم والا ان كانت فاضيه وانت محمل تنقرص مع المطبات وهذا الحل يقضي اللزوم من غير تغير في ليونة الموتر,

دعواتي لك بالتوفيق والله يطعمك من خيره ويكفيك شره



لااله الا الله محمد رسول الله
تندحاوي
18/03/2006, 12:40 AM
مساك الله بالخير انا اشوف ان اليايات الاستراليه افضل اخوي سنايدي وش قصدك في تتنازل عن المطب ؟
PATH LOVER
20/03/2006, 10:17 AM
والله إنكم ماقصرتوا يالذيــــــــــــــــابه !!


الله يرزقكم ويزوجكم ويوفقكم ويكثر بزارينكم ويرفع ذكركم ..ومن يقرا ..

آميــــــــــــــــــن ..
الشقردي
20/03/2006, 11:27 AM
انا في نظري اميل للبالونات اللي ذكر سنايدي سدير لأنها ما تغير علي ليونه مطب الموتر وللاطلاع على التفاصيل اذهب الى رابط المواضيع المميزة
http://www.mekshat.com/vb/showthread.php?t=10218
وتلقى فيه كثير من الروابط وبالاخص
البالون الأصفر للياي والسستة .. لمن يشتكي نزول الموتر بعد التحميل (مهيلان) (http://www.mekshat.com/vb/showthread.php?s=&threadid=8892)

واسلم وسلم
sultan8861
20/03/2006, 04:57 PM
انا انصحك باليايات الاستراليه تلقاها عند الرمايه
البيـرق
20/03/2006, 07:21 PM
خوي لي ركب مساعدت باترول 89 وكالة وكعكات 1.5 وطلع ممتاز بس عضل شوي...........
شاص 915
20/03/2006, 07:30 PM
مبروك اخوي على الموتر الله عطيك من خيره ويكفيك من شره لتنس الكفرت الا ستراليه
شاص 915
20/03/2006, 07:33 PM
مبروك اخوي على الموتر الله عطيك من خيره ويكفيك من شره لتنس اليايات الا ستراليه
PATH LOVER
21/03/2006, 07:34 PM
الله يجزاكم خير ..

لكن مادري أحد عنده معلومات عن سعره ..

أركب ورا بس .. أوقدام وورا ؟؟
غيّام
21/03/2006, 10:17 PM
ركب يايات استراليه قدام ورى وخل اللي ورى ارفع من اللي قدام واليايات معروفه عند اهل البر كلهم
حـاتـم
22/03/2006, 05:03 AM
انا انصحك باليايات الاستراليه

لاني مجربه على الباترول حلوه جدا

نصيحه / الباث لازم تركب وراء وقدام

لان اعرف واحد ركبها وراء بس وصار الموتر يطمر قفاه ووجه يلعب

وشكرا

أخوك / حاتم
salehhd
22/03/2006, 04:50 PM
السلام عليكم

انصحك بالبوالين وسعرها 500 ريال مع التركيب