المساعد الشخصي الرقمي

مشاهدة النسخة كاملة : استفسار عن الأكستيرا !!


زيد الدوسري
13/12/2011, 08:39 PM
بسم الله الرحمن الرحيم
السلام عليكم
حي الله الشباب رواد هذا المنتدى المبارك

صراحة انا ودي أشتري اكستيرا وجلست اسولف مع واحد وعيبها يقول انها تتفكك وان فيها عيوب ثانية

فأنا أبي أشوف الاخوان وش يقولون فيها

وعندي أستفسار ثاني عن اكستيرا موديل 2007 الامريكي وش راي الشباب فيه

انا ابي رايكم ومشورتكم وأسأل الله أن يعينا وييسر لنا الصالح

تحياتي لكم
كيري ميري
13/12/2011, 10:00 PM
عيبه اذا حملت وزن ثقيل في الخلف مع المطبات يدق من وراء . لازم تعدل في السست .والا الموتر :

1- نشيط مرررررررررررررررررررررررره.
2-اقتصاااااااااااادي .
3- كل قطعه تقدر تطلبها من امريكا=قطع البلد او الترهيم=وتصلك في ايام بسيطه .لانه مشهور عندهم وتصنيعه هناك .
4- قطعه تعيش فتره طويله .
ابونبيل
13/12/2011, 10:02 PM
ما اعرف عنه الا انه نشيط مرره ماشاء الله

بس مواصفات مافيه على قولة واحد صني 2000

وبالنسبه للتفكك معروف ان نيسان يتفكك مدري تغير الحين ولا مثل ماهو عليه

والله يرزق الموتر الي تتمناه
كيري ميري
13/12/2011, 10:04 PM
مشى مع ربعي فوق 200 الف والله ان تقول وكاله ماشاء الله
زيد الدوسري
13/12/2011, 10:45 PM
جزاكم الله خير يالي شاركتوا

ننتظر مشاركات وآراء زيادة

وبعدين رايكم في ٢٠٠٧ الامريكي
volcano
13/12/2011, 11:06 PM
الموتر نشيط جدا بس الكماليات معدومة على حد علمي وسعره غالي ..

اعرف واحد يملكه ويمدحه حيل بس من طلعه من الوكالة بشهرين ضرب عنده الدفرنش الخلفي يطلع ونة وقالو له عيب مصنعي وبدلو الدفرنش كامل وانتظر شهرين لين وصل طلبية ..

بالتوفيق
كيري ميري
13/12/2011, 11:18 PM
ايهم اكثر مواصفات هو والا الربع تويوتا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد الدوسري
14/12/2011, 12:22 AM
انا اعرف واحد كان معه ربع نيسان ثم باعه وشرى اكستيرا ويوم راح واحد له من الربع قال سمعت انك بتبيع الاكستيرا قال منتب صاحي افرط في السيارة
حبل الوريد
14/12/2011, 01:30 AM
والله يا فيه نشااااط مشاء الله دق خشمه عن الطعس يشعطه كله
HCW
14/12/2011, 06:38 AM
المزايا
لا يتفكك و متماسك جداااا
قوي و نشيط
مريح نوعا ما
اعتمادي جدا من الدرجة الاولي.
صرفية بنزين معقولة مقارنه بباقي الجيوب.
قطع التعديل و التجهيز متوفره في امريكا بشكل كبير.
شاصي السياره قوي جدا.

العيوب
الشكل الخارجي شخصيا ما يعجبني كثير و المسالة اذواق
الشكل الداخلي نفس الخارجي عادي جدا مع العلم ان المواد المصنوعه منها داخليه السياره بلاستيك عالي الجودة مصمم للاستخدام الشاق تعتبر ميزة و عيب بنفس الوقت
في بعض موديلات 2008 السعودي و الخليجي جات فيها مشكله الدفرنش الخلفي
الامريكي نفس المشكله باستثناء طراز ال off road لان الدفرنش الخلفي dana 44 يجي وكاله و فيه دفلوك و معروف قوة دفرنشات dana 44


اذا كان استخدامك متساوي 50/50 داخل الديره و في البر السياره مناسبه لك لا كن اذا استخدامك داخل الديره اكثر يفضل تحول على الباثفايندر لانه نفس المحركات و لاكن نظام التعليق انعم و اريح و السياره اوسع.
زيد الدوسري
14/12/2011, 08:05 AM
حبل الوريد شكل ما عندك الا اقوى فجر - تحياتي لك

HCW أما من ناحية شكله فهو معجبني شيئاً ما
أما الشكل الداخلي شيء جديد أول مرة احد يقولي كذا
وأما أستخدامي تقريباً ليس في البر دائم لكن إذا جاء يمكن أتحمس شوي
مشكور على مرورك
N أبورغد N
14/12/2011, 12:19 PM
انا امتلك اكستيرا 2007 امريكي
ماشاء الله عليه من شريته الى يومك ماحطيت فيه الا مساعدات وما الومها وفحمات وبواجي
والان فيه صوت كانها ركبه ولا الومها لو وصلت مقص
وغيرت فلنجة الكفر مع حساس الايبي اس
وسلامتك ماشي معي فوق 70 الف وكثير منها بر ومطامر من شعبان للطعوس ولا تهون الرادميات
وماشاء الله بطل لا تفوه اذا سعره زين ولا هو مصدي
بالنسبه للي يقول الكرونه الخلفيه او الدفرنس
هذي مشكله خاصة جت عند فئة من الناس يرفع ضغط الكفرات ومقاومات ودرفته ووش تتوقع لوهو اي سياره ثانيه بتصير نفس المشكله
وحلها بسيط شيك الزيت كل فتره وغيره اذا دمر وريح راسك
انا استخدمه بشكل يومي ولا تنسى شوارعنا اقسى من اغلب البر على المواتر
والله يسهل امرك
sgl2002
14/12/2011, 01:08 PM
موتر ماشفت انشط منه

وسعره معقول
Abo gssar
14/12/2011, 01:47 PM
موتر حاز على اعجاب عدة مجلات امريكية مختصة بسيارات الدفع الرباعي ويعتبر من الجيوب العملية والاعتمادية في نفس الوقت ولاتنسى سعره معقول جدا ...
زيد الدوسري
14/12/2011, 02:04 PM
طيب أبو رغد تنصحني إذا حصلت ٢٠٠٧ نظيف آخذه ولا أشاور

طيب أبو رغد سعره المعروف لأن فيه واحد يجيب من أمريكا يقول في ٥٠ ألف مدري هل يوصل ذي القيمة ولا أقل
N أبورغد N
14/12/2011, 05:35 PM
انا شاري موتري وهو ماشي 55 الف ك ب 62 الف
ولو صبرت خذيته باقل شوي
اذا بتجيب من امريكا لا تتعدى الاوف رود واحرص على ان يكون فيه مانع انزلاق ودفلوك
اذا تعرف الي يجيبهن بذا الاسعار عطني علمه على الخاص لاهنت

انا النصيحه احنا بموسم بسعر خمسين الف اذا الممشى حليو سعر ممتاز
ترى الموتر ارتفع سعره ولا تحصله مستعمل نادر
واعرف اكثر من ثلاثة يدورون
والله يسهل امرك
زيد الدوسري
14/12/2011, 06:05 PM
ابدور احد وبقولك بس يذكر لي واحد في الشرق يجيب سيارات من امريكا بس ابروح ذي اليومين وبشوف كيف وضعه وذكر لي واحد في الشرقية يجيب من امريكا بس الله يرزقنا وحده نظيفه
زيد الدوسري
15/12/2011, 08:33 PM
هاه يالربع ما فيه شيء بعد
اسبيدر مان
16/12/2011, 01:57 PM
هاه يالربع ما فيه شيء بعد

مااقصر ابورغد وباقي الشباب
بنسبه لي انا استخدمت السياره اربع سنوات وياالله لك الحمد والشكر ماغيرت الا الحاجات الاستهلاكيه ماشاء الله والموتر مايدوره الا الى يعرفه
دخلت مره عليه معارض النسيم الصبح الساعه تقريبا عشر ابشوف سياره لاحد الشباب والي وقفون يسئلون هل السياره للبيع حول العشره وواحد منهم يقولي لي شهرين وانا ادور
عموما الله يكتب لك الى فيه الخير
وهذا هو الاكستيرا الاف رود


hODY6s8TiKg