مكسب الوكالة لا يتحاوز ٢٠٠ ريال ( مئتنا فقط ) عن كل سيارة ، [الأرشيف]

عبدالرحمن الحربي

14/12/2011, 12:01 AM

إنتهت حلقت قناة الدانة الأن برنامج ديوانية الدانة الحواري ، الدكتور حمزة السالم استاذ الإقتصاد في جامعة الأمير سلطان يحارب الضيوف الأخرين في الحلقة يقول أن وكلاء السيارات أن كل مكسب الوكالة لا يتحاوز ٢٠٠ ريال ( مئتنا فقط ) عن كل سيارة ، رد علية عبدالحميد العمري بأنه يملك من الأرقام ما يؤكد أن الوكيل لدينا يكسب أكثر من مكسب الشركة المنتجة للسيارة نفسها.

متعب السليمي

14/12/2011, 12:05 AM

200 ريال
قصده 20000 ريال

عبدالرحمن الحربي

14/12/2011, 12:08 AM

200 ريال
قصده 20000 ريال

لا عفواً ٢٠٠ ريال

ثم تهاوش مع الضيوف وبعد ماهدأت الأصوات إرتفع المكسب على ما أعتقد ٧٠٠ دولار

ابو شكاع

14/12/2011, 12:08 AM

ابو شكاع

14/12/2011, 12:10 AM

توي انتبه للمعرف
هلا وغلا ابوداحم
وينك ووين ايامك يارجل فاقدينك هناك يالقطوع
ارجع تكفى

عبدالرحمن الحربي

14/12/2011, 12:12 AM

الجميح مثلا
لما عميل واحد يأخذ ٥١ سيارة خلوا نقول انها التاهو
او مجموعة معارض تشترك مع بعض
يحصلون على خصم طيب جدا ممكن يوصل ل ٩٠٠٠ ريال للسيارة الوحدة
فكيف يكون ذبح الشركة ٢٠٠
٢٠٠ هذي حقت المعقب صح
صديقي طلع يوكون اكس ال ٢٠١٢ ب ١٦٤ الف دبل
من معرض البحر العربي في بريدة
في الوكالة سعره ١٧٠ الا اجزاء من الالف
يعني كلام ابو ٢٠٠ مردود عليه

لا هو يقول إننا نحن لا نفهم ماهي طريقة مكسب الوكالة

يقول الوكالة هدفها في البيع مثل هدف بيع طابعات الكمبيوتر

يبيعك الطابعة رخيصة فقط سعر التكلفة والأرباح تجي من سعر الحبر الغالي

هو يقول إن المكاسب الحقيقة لهم من قطع الغيار والصيانة

عبدالرحمن الحربي

14/12/2011, 12:17 AM

توي انتبه للمعرف
هلا وغلا ابوداحم
وينك ووين ايامك يارجل فاقدينك هناك يالقطوع
ارجع تكفى

الله يحييك يابعدي

والله موجديين ولاهيين في عالم النت المفتوح

مخاوي العشه

14/12/2011, 12:18 AM

إيه هين 200

لو بحلف أنه أكثر من 50 ألف ريال
والسيارات اللي أقل من 50 الف مكسبه فيها من 20 وتحت

يمكن قصده 200 الف هههههههههههه
مهي بعيده بهالوكلاء

HAS5SAN

14/12/2011, 12:26 AM

200 ريال ماصارت ترضي
المحرج في المعارض
خل باقي وكيل
حسبنى الله ونعم الوكيل
خلونا نشوف التغييرات الوزارية
إلي صدرت الليلة
لعل الله ينفعنا بها

الشهابة

14/12/2011, 12:49 AM

اذا كان المتحدث غبي فهذي مشكله و لكن غبي و كذاب في نفس الوقت هذي مصيبه .. مستحيل يكون بأي حال من الأحوال المكسب 200 ريال فقط يعني بيفهمنا الدكتور السالم إن الجمس اللي قيمته 170 الف ريال مشتريه وكيل السيارات بـ 169800 ريال .. ياخي عيب و الله عيب .. ماعاد يستحون

majid-b

14/12/2011, 01:19 AM

يعطيك العافية

عبدالرحمن الحربي

14/12/2011, 01:24 AM

إيه هين 200

لو بحلف أنه أكثر من 50 ألف ريال
والسيارات اللي أقل من 50 الف مكسبه فيها من 20 وتحت

يمكن قصده 200 الف هههههههههههه
مهي بعيده بهالوكلاء

وهذا اللي يقوله العقل والمنطق بهالأسعار

حبل الوريد

14/12/2011, 01:25 AM

يمكن طويل العمر نسى يزود 3 اصفار

عبدالرحمن الحربي

14/12/2011, 01:26 AM

200 ريال ماصارت ترضي
المحرج في المعارض
خل باقي وكيل
حسبنى الله ونعم الوكيل
خلونا نشوف التغييرات الوزارية
إلي صدرت الليلة
لعل الله ينفعنا بها

فعلا الشريطي اللي ما وراه غير نفسه مافيه رواتب ولا ايجارات فروع ولا فواتير مصروفات ماترضية ألف ريال مكسب

Abo gssar

14/12/2011, 01:37 AM

هذي مشكلتنا يجي واحد من الخلق هذي ويطلع الجلاد هو الضحية عشان يأثر على الرأي العام وماتدري في الاخي وشهي مكاسبة من كلام مثل هذا..

a_b_c_d

14/12/2011, 02:50 AM

الله واكبر

اجل الشعب كله كان ظالم الوكلاء كلهم

والله 200 ريال غريبة

المفروض يعلمونا من قبل عشان ما نسوي حملة خلوها تصدي!!!

اجل يا الربع لا تكاسرون في سعر المواتر ترى مكسبهم فيه 200 ريال!!!!!

الله يستر من يوم يصير ربحهم فيه 1000 ريال!!!!

وشكل ودهم يخلون ربحهم 201 ريال عشان زلزالهم

اتمنى من ذلك الرجل عدم الاستخفاف بعقول الشعب

"حدث العاقل بما لا يعقل فإن صدق فلا عقل له"

حسن ابو طالب

14/12/2011, 03:03 AM

200 ريال
قصده 20000 ريال

هههههههههههههههههههه

لا وانت الصادق والي الغلبيه مايعرفوه ان جميع التجار في المملكه
وبالذات الفتره الحاليه لايرضون بمكاسب اقل من 200% في كل سلعه

ولعلمكم فقط
ساذكر لكم ماحصل معي قبل سنه من الان وذلك عندما رغبت في تجديد اثاث منزلي
فقابلت احد الاصدقاء القديمين والذي اصبح مدير عام لشركة خاصه بالمفروشات
ذكرت له انه ارغب في تجديد المنزل فطلب مني ان اشرفه بزياره الى فرعهم في نفس مدينتي
وطبعاً الاسعار كانت فوق ماكنت اتخيل
غرفة النوم تصل الى 20000 الف ريال
الانتريهات من 7000 الى 25000 الف ريال
فذكر لي بأنه يستطيع ان يعمل لي تخفيض قد لايصدقه من يراه ولكن عندي الدليل فواتير الشراء
اخذت منه غرفه نوم كان سعرها يتجاوز ال 14500
بمبلغ 3900 فقط
والان سعرها الموجود في السوق 15200 بعد الخصم
طبعاً سألته قالي طريقة احتكار الشركات هي السبب في ارتفاع الاسعار
فغرفة النوم الايطالي تصل الى فرعهم في جده قد لاتتجاوز 4000 ريال كاملة
ويتم عرضها بسعر لايقل عن 15000 الف ريال وعليكم حساب الارباح

وهذا هو الحاصل في السيارات
الشغله كلها احتكار سلع ونصب في نصب

saad_path

14/12/2011, 03:34 AM

يابلادي طبلي وشعبك وراك يرقصي
اجل 200 ريال
200 سنه بجهنم انشالله
قلتها واقولها وسأضل اقولها
حـسـبـي الـلـه ونـعـم الـوكـيـل

سيف العلا

14/12/2011, 04:35 AM

كذاااااااااااااااااب وبعينه كذااااااااااب الي يبي يشتري ياخذ من الامارات

a7la1

14/12/2011, 08:30 AM

يا اخوان وراكم على الرجال الرجال صادق وكلامه صحيح
انتم تعرفون ان شركة عبداللطيف تخسر في السياره حوالي عشرين الف ريال
عشاان عبد اللطيف هدفه ان كل مواطن يملك سياره
وان هدف الشركة ليس ربحي وهد فها الاول هو مساعدة المواطن
لذالك الشركة تستورد السيارة ستاندر بدون اي مواصفات ويتم تركيب
قطع صينية حتى تقل التكلفة على المواطن
والان الحمد لله تحققت اهداف الشركة كل مواطن يملك مالا يقل عن ثلاث سيارات
جيب لكزز للبر وكامري للولد وفان للسواق غير الهايلكس الي موقف عند الباب لاغراض البيت
انا مره دخلت معرض تيوتا اتفرج مالي اي قصد ثاني بس داخل اتفرج
يوم شافوني الشباب الا ويحلفون علي اني ما اطلع الا بسيارة هديه
حاولت ارفض وابين لهم ان بيتي مليان سيارات قالو حنا حلفنا خلاص
المهم اخذتها واعطيتها الخيريه
الله يجزاهم خير ويوفقهم

ولد وايل

14/12/2011, 09:41 AM

الوكاله لما تكاسرهم يطرحون لك من 1000 الى 7000 ريال حسب المعرفه

كلام فاضي 200 هذولي مو وكاله هذولي باجه

أبوعابد 22

14/12/2011, 09:47 AM

الشريطي ياخذ 500 ريال على كل سياره يبيعها
صراحه ذا المذيع لقينا مخفات عنده ولاوش السالفه

m3ax

14/12/2011, 10:53 AM

يا اخوان وراكم على الرجال الرجال صادق وكلامه صحيح

انتم تعرفون ان شركة عبداللطيف تخسر في السياره حوالي عشرين الف ريال
عشاان عبد اللطيف هدفه ان كل مواطن يملك سياره
وان هدف الشركة ليس ربحي وهد فها الاول هو مساعدة المواطن
لذالك الشركة تستورد السيارة ستاندر بدون اي مواصفات ويتم تركيب
قطع صينية حتى تقل التكلفة على المواطن
والان الحمد لله تحققت اهداف الشركة كل مواطن يملك مالا يقل عن ثلاث سيارات
جيب لكزز للبر وكامري للولد وفان للسواق غير الهايلكس الي موقف عند الباب لاغراض البيت
انا مره دخلت معرض تيوتا اتفرج مالي اي قصد ثاني بس داخل اتفرج
يوم شافوني الشباب الا ويحلفون علي اني ما اطلع الا بسيارة هديه
حاولت ارفض وابين لهم ان بيتي مليان سيارات قالو حنا حلفنا خلاص
المهم اخذتها واعطيتها الخيريه

الله يجزاهم خير ويوفقهم

<<<<<<<تعليق الاسبوع هههههههههههههه

الله يسعدك يا شيخ وربي لك صدقه انك ضحكتني من قلب

تميم2222

14/12/2011, 11:10 AM

هلي يناقشونه ودك ..يسجنون مؤبد... لانهم .. اذناب لتجار فاسدين بالبلد يقومون بدعمهم ..ماليا ليوهمو الناس بارقام كااااذبه ومزيفه .الله حسيبي عليه دنيا واخره .. واللهم ارنا فيهم عجائب قدرتك يارب

اسبيدر مان

14/12/2011, 11:27 AM

اذكر في حملة خلوها تصدي الاوله قريت في احد الردود ان جيب الشاصي يكلف المصنع 40 لف ويشتريه ابو جميل بي 60 الف ويبيعه 113 الف على العميل

أبوالمثنى

14/12/2011, 11:32 AM

أضن هذا الأصل في وكالات السيارات في الغرب يعني ربح بيع السيارة زهيد جدا لكن الكسب في طقع الغيار والصيانة

لكن في ديرتنا ديرة الواسطات والمحسوبيات ربح السيارة ضخم جدا وقطع الغيار والصيانة أضخم وأضخم

الله يصلح الحال

otaudi

14/12/2011, 11:39 AM

أنا سمعت والعهدة على من روى ان واحد من اولاد عبداللطيف جميل -وهو شريك طبعا -ترك الشركة وطلب حقه واظن المبلغ اللي أخذه حول 8 مليار ريال او حولها ...له هو فقط ..
يعني 8 مليار .. من ربح 200 ريال في كل سيارة ... هيا عاد فكر فيها ....

طيب طلع الكلام هذا كذب ولا اخذ ولا ترك الشركة ... فيه موقع عقاري ضخم لأبناء عبداللطيف جميل في مكة ويشرف على الحرم .. وقيمته بالراحة فوق المليار ...

هذا المليار .. من ربح تو هندرد في السيارة ....

استغفال .. وبس

مواسي الطعوس

14/12/2011, 12:43 PM

كلامه صحيح : كل 1000 ريال مكسبهم فيها 200 ريال .

** الله يجعله للشلل والصمم يحسبنا مهابيل .

ابوسند9

14/12/2011, 12:49 PM

الشرهه مو عليه
الشرهه على اللي سوى معه مقابله واستضافه صراحه انه قليل حيا ولا يستحي لها الدرجه الناس دبش عنده, ولا تستغرب انه اخذ مبلغ وقدره عشان ها الكلام اجل 200 ريال !!بس حلالات من اجلده بخيازرين منقعه بملح وزيت

ابونبيل

14/12/2011, 12:56 PM

يارجال لو 200 ريال كان باعو بطيخ احسن
خويي نزلوله الوكاله من قيمه جمس 2011 حول 9000ريال

ابونبيل

14/12/2011, 12:58 PM

اذكر في حملة خلوها تصدي الاوله قريت في احد الردود ان جيب الشاصي يكلف المصنع 40 لف ويشتريه ابو جميل بي 60 الف ويبيعه 113 الف على العميل

:(صـــادق:(

حروف و حتوف

14/12/2011, 01:10 PM

السلام عليكم

يالربع لا تظيعون وقتكم

حدث العاقل بما يليق

200 ريال ما تجي مصروف واحد من بزارينهم في اليوم

والله اعلم

بدوي جنوبي

14/12/2011, 01:26 PM

لا هو يقول إننا نحن لا نفهم ماهي طريقة مكسب الوكالة

يقول الوكالة هدفها في البيع مثل هدف بيع طابعات الكمبيوتر

يبيعك الطابعة رخيصة فقط سعر التكلفة والأرباح تجي من سعر الحبر الغالي

هو يقول إن المكاسب الحقيقة لهم من قطع الغيار والصيانة

يا رجال الوكالة زي المنشار تاكلك عند الشراء السيارة
وعند الصيانة وعند شراء قطع الغيار
كيف مكسبهم 200 ريال
ما نكب الشعب الا الاعلاميين المطبلين :mad:

ددسن 2008

14/12/2011, 03:28 PM

والله شكل المواطن ما يسوى عندهم ريالين ..

حسبنا الله ونعم الوكيل

الناس تعز شعبها ..

وهذولا يستغفلونه غصب ويصير غبي غصب ويصير مديون غصب ويصير ويصير .........

استغفر الله ما عاد بها ملح ابد !

هالحين يوم تجي آخر السنه ليه المنافسه بتخفيض الاسعار ؟؟؟؟؟!!!

وبعض المواتر يوصل التخفيض الى 20 ألف واكثر !!

هذا غير المواسم مثل العطلات المدرسيه ورمضان كل سنه .. من وين هالتخفيضات بعشرات الآلاف ؟؟!!

يمكن يصدقون بحاله وحده بس .. لو قالوا 200% مكسب

يعني وين بنروح اكيد بنشري غصب .. لان كل شي محتكر غصب X غصب

صبر جميل والله المستعان ..

كاشت وحداني

16/12/2011, 02:07 AM

والله من الأخرطي
200 ريال
يستهبل هذا ولا يستخف بعقول الناس
احد الوكالات كان عندهم موتر ب 87000 ريال
رحت لهم ب 80000 ريال كاش
وونقاش وكلام كثير قلت ما عندي الا هذي وبشري الموتر كاش
ولا بمشي ولا ابي موتركم
قال الموظف طيب هات عربونك وانتظر شوي
قلت بعربن بالمبلغ كامل
وسددتها بالصندوق ونص ساعه وجاب لي موافقه بالبيعه
ومن المستحيل انهم باعو لي براس المال
لازم مكسبهم اقل شئ 10 الاف