ناوي على فتك سوبر سفاري 2008 ومحتاج مشورتكم

[وليف الجرح]

السلام عليكم ورحمه الله



أصحاب الاند خلوكم على جنب :D < دعابة


http://img232.imageshack.us/img232/9127/20071029235eh4.jpg


يالربع انا صراحة عاجبني الفتك 2008 وبشكل عام عاشق للباترول منذ الصغر لكم ما سبق وجربتة أبداً


ونا قليلة طلعاتي للبر بسبب سيارتي الي ما تخدمني في البر

ومحتار في الفتك بشكل خاص

محتاج نصيحتكم لخوكم ومحتاج خبرتكم في عطالات الفتك وعيوبة ومزاياة


وكذلك أسعار السوبر سفاري 2008 او 2009

وهل فية فرق بين وارد الحمراني ووارد الخليج ؟؟؟؟؟؟

تحية وحترام لكم ،،

[sgl2002]

اسمعني ياخوك

الفتك موتر جبار ولا يرده شي ، لكن مشكلة القير التماتيك فيه مبرد الزيت مع الرديتر ولو انفقع دخل الماء القير
وثاني شي عندك مشكلة كهربته واجد وينلحس بعض الاحيان ، واخيرا فيه مسامير الثلاجة اللي لو طاحت ودع المكينة لذلك اشور عليك ب:

تاخذ فتك قير عايدي ، ومشكلة مسامير الثلاجة لاتخاف حلها بسيط( تراها فقط لموديلات ٢٠٠٧ )

او اذا تبي القوة والصبر خذ فتك رفارف سود هذا يجي ستاندر مافيه كهربه زيادة وقير عايدي ومكينة فتك وسعره ترى في الوكالة معقول ناسيه بس ماهو ذاك الزود

او خذلك باترول سياحي مكيف واحد بابين بس مشكلته مكينته عزمها ماهو مثل الفتك والا ياهي تصبر صبر ولاتشكي

[HAS5SAN]

اذا اللاند خارج المنافسة أنصحك بذا :
http://www.up.qatarw.com/get-4-2010-gk1qbx08.jpg

[اتجاه السحاب]

عند الشراء اعمل الآتي
1ـ فك مسامير الثلاجه يفكن بـ100ريال .
2ـ تصليح كتاوتت الكهرب .
3ـ عب بنزين 95

.....
انا معي سوبر 2007 اللي بالتوقيع قيرعادي
اذا انت تبي تستانس بالبر والتطعيس خذ قير عادي عز الله انه يطربك, اما تبي الراحه بالمدينه خذ تماتيك يمشيك بالبر ويقضي لزومك,,
عيوبه :
ــ صرفيه البنزين
ــ المرتبه الوسطيه ضيقه


أسعاره بالوقت الحاضر غاليه شوي ..

[sgl2002]

ايوه نفس الصورة اللي حطها حسان

[عشق البر]

اخوي ممكن تحدد استخدامك للموتر او اغلبية الاستخدام؟؟

انا مطلع موتري سوبر 2008 من الوكاله نفس اللي حاطها بالصوره بالتمام

مزايا الموتر:
1- قيادته حلوه وممتعه (ماتحس انه صالون).
2- راسي بالخطوط ومايلعب به المطب الصغيرات(مايحوسك) حتى بالسرعات العاليه (180!!)
3- اذا استخدامك عاقل صدقني ماراح يطلب منك شي الموتر ( من طلعته ماغيرت الا فلتر الهواء والبنزين بسسسس) لايغرك احد
4- الموتر مريح بس لازم تغير كفرات الشد بلد القاسيه الى نوع لين
5- بالبر كنج على اسمه
6- صرفيته نفس الفكسار تقريبا واذا مسكت خط وتمشي 120 يصير اقل من الفكسار (كان معي فكسار 2003).
7- عزمه ممتاز خاصه القير العادي (فرق بسيط ترا).
8- تبديل النمر بالقير الاوتو ناعم جدا جدا وسريع ماتحس فيه.

العيوب:
1- حذفه طبيعيه من يوم طلعته من الوكاله (لكن خفة الدركسون تغطي عليها) الا ان كنت تبي تسوق وانت مطلق الدركسون!!!
2- صوت طقطقه بالباب الخلفي (لكن توجد حلول لها).
3- صوت هوا اذا مشيت فوق 130 (مهب تنسيم وانا اخوك) وغير انه مهب شديد.
4- المراتب الوسطيه واللي ورا ضيقه نسبيا
5- القير الاوتو يالنفود يحفر بسرعه لازم توزن دعستك.
6- قليل جدا جدا تلقى احد يعرف له من ناحية الصيانه والتصليح؟؟ حتى الوكيل مايعرف
يعني مايعرفون كم علبه ياخذ القير او المكينه وكل كم تغير وكل واحد يعطيك من عنده؟؟

اتمنى انه مافاتني شي والكلام هذا من تجربه وانا اخوك مهب من يقولون

تقبل مروري

[You Like Me]

خذ ولا تشاور
موتر وماعليه كلام
مشاكل الثلاجه من مديل 2006 الدفعه الاولى وانت نازل
وعموماً لقوا لها حلول
ومبرد القير انا معاي 2007 وهذا ثالث فتك يجي معي ولا فكرت اسويه
واذا بتسويه فخير وبركه
عيبه الوحيد انو مو اي احد يصلحه
وانا اعتبرها ميزه لإنك تحط سيارتك وانت متطمن انها عند احد فاهم فيها
مو شغل بربسه الورش وكل واحد يتعلم فيه

عموماً الفتك وغير الفتك
السياره اللي بتحشمها وبتناظرها بإذن الله بتغنيك عن الناس
ومنت عارف طريق الورش الا بحاجات إستهلاكيه ومفروضه
والله يكتب لك اللي فيه الخير

[عاشق السيل]

لا تشااااااااااااااااااااااور !!!!

عز الله إنه موتر لا قبله ولا بعده ،، وخاصة لا قلت سوبر <<< يابعد تسبدي والله ،،

يمقن أسوي مثلك ويمقن لا !!!!

وألف مبروك مقدما ......

[FAPioO]

طيب ياشبابنا وشيابنا كم اسعار موديلات ٢٠٠٨ قير اوتو فتحه منه؟؟
بعد اذن صاحب الموضوع

[وليف الجرح]

الله يعافيكم جميع يالغالين الصراحة استفدت من ردودكم الشي الكثير وعتذر عن تاخري بالرد بسبب ظروف عائلية



اخوي ممكن تحدد استخدامك للموتر او اغلبية الاستخدام؟؟

انا مطلع موتري سوبر 2008 من الوكاله نفس اللي حاطها بالصوره بالتمام

مزايا الموتر:
1- قيادته حلوه وممتعه (ماتحس انه صالون).
2- راسي بالخطوط ومايلعب به المطب الصغيرات(مايحوسك) حتى بالسرعات العاليه (180!!)
3- اذا استخدامك عاقل صدقني ماراح يطلب منك شي الموتر ( من طلعته ماغيرت الا فلتر الهواء والبنزين بسسسس) لايغرك احد
4- الموتر مريح بس لازم تغير كفرات الشد بلد القاسيه الى نوع لين
5- بالبر كنج على اسمه
6- صرفيته نفس الفكسار تقريبا واذا مسكت خط وتمشي 120 يصير اقل من الفكسار (كان معي فكسار 2003).
7- عزمه ممتاز خاصه القير العادي (فرق بسيط ترا).
8- تبديل النمر بالقير الاوتو ناعم جدا جدا وسريع ماتحس فيه.

العيوب:
1- حذفه طبيعيه من يوم طلعته من الوكاله (لكن خفة الدركسون تغطي عليها) الا ان كنت تبي تسوق وانت مطلق الدركسون!!!
2- صوت طقطقه بالباب الخلفي (لكن توجد حلول لها).
3- صوت هوا اذا مشيت فوق 130 (مهب تنسيم وانا اخوك) وغير انه مهب شديد.
4- المراتب الوسطيه واللي ورا ضيقه نسبيا
5- القير الاوتو يالنفود يحفر بسرعه لازم توزن دعستك.
6- قليل جدا جدا تلقى احد يعرف له من ناحية الصيانه والتصليح؟؟ حتى الوكيل مايعرف
يعني مايعرفون كم علبه ياخذ القير او المكينه وكل كم تغير وكل واحد يعطيك من عنده؟؟

اتمنى انه مافاتني شي والكلام هذا من تجربه وانا اخوك مهب من يقولون

تقبل مروري


عاشق البر شاكر لك نقل تجربتك كاملة بيض الله وجهك
انا ما تعاملت مع الجيب بشكل عام ابداً
تعاملي مع السيارات الصغيرة لكن طفشت منها
مع العلم اني رجال راكد جداً على الموتر ولاني من الشبب الي يستهويهم الدوس ولا السرعة نظامي نظام شايب بالسواقة




طيب ياشبابنا وشيابنا كم اسعار موديلات ٢٠٠٨ قير اوتو فتحه منه؟؟
بعد اذن صاحب الموضوع


ما يحتاج تستاذن تمون يالذيب
انا سئلت السيارة سوبر سفاري 2008 و 2009
اسعارها من 115 لحد 140 على حسب النظافة والممشاء والمحركات ،،

[التعـ King ـديل]

بقولها لك بالمختصر

اذا بغيت تحس انك سايق سياره لاتسوق الا الفتك وبس .. معي 2005 ولا احلا منه قير عادي سفاري 2 شفه بالتوقيع واذا حاب تجرب حياك

[عشق البر]

الموتر ما يحتاج بس حاول انك تجربه قبل احسن لك
وعلى العموم اذا انتقلت من عالم السيارات الصغيره بيفرق معك صرف البنزين

[wafian]

مبروووووووووووووووووووووووك مقدما

[وليف الجرح]

بقولها لك بالمختصر

اذا بغيت تحس انك سايق سياره لاتسوق الا الفتك وبس .. معي 2005 ولا احلا منه قير عادي سفاري 2 شفه بالتوقيع واذا حاب تجرب حياك





تسلم والله منتب بمقصر يالذيب

انا صراحة هاوي لهذا السيارة ومعجب بالموديلات 2008.2009
فرق كبير بينها وبين الاندكلاوزر الي اسعارة نار وهو اقل مظهر من الباترول


مشكورين جميعاً والله يرزقنا بالجيب الطيب :D

[فتى التويم]

استخر اول شي

ثاني شي الموتر ماعليه كلام وجه ووجاه

[mmal]

يااخوان وش رايكم ب الفتك ابو رفارف سود
هل مشكلة الثلاجه والكتاوت لازالت موجوده ولا راحت ؟
اذكر مره قنصنا مع واحد من الربع كان معاه واحد الصبح عيا يشتغل لين جانا واحد من القصيم جزاه الله خير وفك الديكور اللي تحت الدركسون وطلع فيوز لونه ازرق وحماه على النار ورجع ركبه واشتغل وانا لقيت 2009 ابو رفرف اسود وكاله وودي صراحه اخاذه بس خايف

[sgl2002]

^^^
افضل نوع لان كهربته قليله

والمسامير حلها سهل تاخذ مسمار طويل ويعفطونه وخلاص ارقد
ومشكلة مبرد القير ماهي فيه لانه قير عاايدي

الكتاوت الحين الوكالة قامت تجيب كتاوت لونه اخضر مايخرب

وانت خل معك احتياط لاخربت افتح الغطا على يسار رجل السواق وفكها وحطها مكانها وردها

[ابومناحي]

يقولون النيه مطيه
واذا انت ناوي ليه تسأل

[volcano]

السوبر سفاري طرب بس يلزمك تجهزه بالاتي لتجنب المفاجأت

غير رديتر القير للاحتياط

طقم فيوزات منوعة اصلية

تلحيم او ازالة مسامير الثلاجة

حمل جركل بنزين للاحتياط

او تاخذ لك موتر ما يعاني من هالملاحظات

اذا ما تقدر تسوي اللي فوق فيلزمك جوال الثريا :good2:


يازين ما اخترت وبالتوفيق

[turkiq]

السيارة شهادتي فيها مجروحة لكن اللي اقدر اقوله
انها من افضل ما صنع الانسان من سيارات الدفع الرباعي اذا ما كان افضلها على الاطلاق

لذلك انا اعجز عن وصف الربع الجديد بمكينة 4800 ... بس هو حلمي

[ابوسند9]

ماشاء الله الشباب افادوك ماقصرو والباترول ما عليه كلام توكل على الله ,لكن الله يعينك اذا انت تبي مستعمل
واذا انت قليله طلعاتك للبر خذ تماتيك اريح وافضل وامتع قياده وتحس انك تقود سياره
القير العادي يبي واحد ديم بالبر وراعي طرد ولعب وتطعيس وصدقني القير العادي متعب جدا وخاصه اذا كنت في مدينه زحمه
وانت شكلك رجال راكد فخذ قير تماتيك ولا تسوي فيه شي سواء مسامير ثلاجه او تركيب اديتر خارجي او فيوزات
واحب اقول لبقية الاعضاء سبب سقوط مسامير الثلاجة ودخول الماء على القير هو كرف السياره والتطعيس والمقاوم يعني عسف السياره
والله اعرف ناس معاهم باترول وماشيه معاهم حول ال500 الف والسياره شد بلد مساء الله لكن قيادتهم راكده
واذا بتشتري خذلك سوبر سفاري افضل
واذ بتاخذ غيره انتبه لا يقربك المكيف الواحد يعني مافيه مكيف خلفي اهرب
وبالنسبه للصيانه صيانته سهله واعطاله معروفه وبسيطه واعطاله ماشاء الله قليله مره
واحرص على النظيف حتى لو زاد بالسعر
تحيه للجميع

[اللهيب ssss]

استخر ثم اتكل علي الله واشتر نضيف

[دروب الذكريات]

أول شيء أقول مبروك مقدماً

أسجد لله شكر أن فيه موتر أسمه فتك يلبي رغباتك لمن الله ستر عليه

وأنصحك بالتماتيك إلا اذا كنت صاحب طلعات برية كثير

لأن العايدي ديكوره عادي طبعنا وكذلك متعب فالدنيا تغيرت تلقى اللحين الواحد ماسك الجوال وكذلك يتقهوا أذا كان مسافر أو يتمشى فكيف التعامل إذا كان قير عايدي متعب جداً

وجهت نظري لا تغير عن شغل الوكالة شي لأن سقت موتر معدل فيه مسامير الثلاجة فاشل عزم بايخ

دوافع شراء الباترول
ـ دفع رباعي مايرده شيء بالطريق راسي ومريح والله العظيم انه منفقع معي كفر قدام وأنا امشي 170 ولا جاه شي ووالســـــالفة كان واحد يمشي وراي وأنا أمشي 200 وكبس لي شاف الكفر على الجنط ويوم وصلت السرعة 170 ضرب الكفر يعني مبنشر أمشي 200 مادريت ولا حسيت فيه مشغل المسجل لا رجه ولا شي

ـ شكله حلوا وكشخه

رساوة باللفات
من أفضل الجيوب بالراحة زي الكامري أو أحسن


مشكلته الوحيدة قطع غياره غالي ولا كن أصلي يعني ركب وأنس

كذلك والله أني كارفه كرف مع العلم أن مايستاهل اللي يجور عليه ولا كن أقولك أنه يتفتف معي بالدبل الثقيل ولا عندك أحسن منه رحت فيه لك مكان بر وسفلت

طبعاً ألي معي تماتيك 2005