المساعد الشخصي الرقمي

مشاهدة النسخة كاملة : وش رايكم في كفرات فالكون ؟ عطني تجربتك


ابوصنهل
17/12/2011, 03:13 PM
سلام عليكم ورحمة الله وبركاته ..

اخواني ابي رأيكم في شراء كفرات نوع فالكون ..

اللي جرب يعطيني انطباعه ..

والله يجزاكم خير ..
السهم الناري
17/12/2011, 03:42 PM
ركبتها على ماركيز شينه وماتنفع بريال
صوت ونين
وتمسح علطول
بوجهة نظري
1-بريجستون (كد ومد مايقول شي الكفر هدو وجوده ولكن مطبه نوعا قاسي - الان على سيارتي الجديد ارشحه الافضل)
2-ميشلان (اللي جربوه يمدحونه انا ماجربته)
3- دنلوب (هاديء ولين ولكن يمسح بسرعه)
ابوصنهل
17/12/2011, 08:41 PM
الله يجزاك كل خير يالسهم الناري ..
والله ياخوي الكفرات غالية .. وخاصة البريجستون ..!

طيب كفر سوموتو هل تنصحني فيه ؟
الباثفندر 3.5
17/12/2011, 10:07 PM
صراحه الفالكون لك عليه خااااصه حق السيدان
الباثفندر 3.5
17/12/2011, 10:08 PM
الله يجزاك كل خير يالسهم الناري ..
والله ياخوي الكفرات غالية .. وخاصة البريجستون ..!

طيب كفر سوموتو هل تنصحني فيه ؟

اخوي ركب القوديير الالماني ممتاز و لكن ما ادري عن سعره
m3ax
17/12/2011, 10:18 PM
الفالكون من اسوء الكفرات اللي مرت علي

قاسية ومزعجه وتمسح بسرعه والمصيبه الكبرى انها ما تمسك على الخط يعني محاكيك بغى يروح سلطه بسببها دقيت عليها بريك وانا مسرع وطلع علي واحد مع الليل ما عنده انوار خلفيه والله ثم والله اني ضاغط على البريك بقوتي كلها وان كأني ضاغط على البنزين

مع العلم ان النقشة اللي كنت مركبها نقشة سبورت وسيئة جداً

انصحك بالبريجستون غالية لكن تكد معك لفترة طويله يمديك تغير فيها مرتين ولا ثلاث مرات لو كنت مركب اي نوع ثاني وعن تجربه والله خدمت معي 3 سنوات وبعت السيارة وهي باقي كأنها جديده مع اني كرفتها خطوط ومشاوير مجنونه
غيث 6
17/12/2011, 10:30 PM
الفالكون اسواء كفرات مسحية سريعة وكثيرة البنشر ابعد عنها فيه كفرات طالعة من حوالي سنة جديدة اسمها كوبر ممتازة اتمنى لك التوفيق
أبوبسام 0104
18/12/2011, 12:54 AM
طيب كفر سوموتو هل تنصحني فيه
هذا النوع من أطيب الكفرات اللي ركبتها على الفكتوري وميزتها يابانيه رخيصه لينه ماتمسح على طول ثبات على الطريق وبدون أصوات