بنت عرّفتني على جورج,,,,,,,,,,,,,,,الحل تاشيره ,,,,,,,,,حله ابورافع

[ال-رايق]

السلام عليكم ورحمة الله وبركاته
اخواني/////////////////
اليكم هاللغز الخفافي ..تلبية لطلب الأستاذ والمربي الفاضل/أبو ماجد ,,وانتم تستاهلون كل خير مع العلم ان اللغز -كوكتيل شوي - والحقيقة يا بوماجد اني سويت اللغز رقم2((اربعة شلهم رجل)) ولا امداه يمشي الا والفارس الصغير-اصغر مكشاتي- قايل به--ماشاء الله عليه-- قلت نعززه بالآتي عسى ينال استحسانك واستحسان اخواني الكرام ((والمجال مفتوح للجميع)):-



ســــلام مني عد ماشعشعت سِـــــرج==واعداد ما خط المعـــــــــاني قلمها
وعداد من تمشى في مشتل الخـــــرج==يوم النفوس صحاح تبري ذممهـــا
ولاّ تبي باريــس وتطلـــــع على بُرج==(ايفل) وتنظرمن علالي قممهـــــا
يا ويش بنت(ن) عرّفتني على جُورج== تدْرا خطـــر ناس تهدد علمــــها
أخف بالميزان من ريشــــــــــة الدَرْج== بو زيد كنّه ما غزى في عدمـها
راس اسمها بالعكس تمشي على مرج== مع آخره والذيل سكّر طعمـــــها

وسلامتكم,,,,,,,,,,,,,,
أخوكم/ارمادجي11
خيمة الألغاز

[ابو ماجد 2]

وعليكم السلام ورحمة الله وبركاته
صح لسانك ملايين
حبكة معلم ربي يسوق حله
لي عوده يالغالي لااملك الآن الا الاعجاب والتلذذ بقرائته

[ابوماجد-1]

ياسلام عليك وصح الله لسانك

ولي رجعه بعد التفكير

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك ياأبومهند بـ
لبنان
بل....جمال
بنان....موز

[ال-رايق]

وعليكم السلام ورحمة الله وبركاته
صح لسانك ملايين
حبكة معلم ربي يسوق حله
لي عوده يالغالي لااملك الآن الا الاعجاب والتلذذ بقرائته


صح بدنك,,
ولا عليك زود,,,,,,,,,,,وشوي مما عندكم,,,,,,,,,,,,
ودربك تساهيل ,,وبانتظار زرقة رمح من يدك, له ,,كفيت العوق.

[ال-رايق]

وعليكم السلام ورحمة الله وبركاته
سلمت يالغالي
وصح لسانك
ويش قولك ياأبومهند بـ
لبنان
بل....جمال
بنان....موز


يا مرحبا والله بالدكتور/وصح بدنك,,وتكفى لاعاد تروح الا معطي /صقر خبر لأني خفت عليه الاسبوع اللي طاف ما له جدى الا ((وينك يابوعلي)) صار مثل اللي حاجين اهله وتاركينه عند الجيران-فيه غلقة-:D واليوم اشوفه ردها لك ((فاقدينه عساه طيب ))..
على العموم..توضيح بسيط:
---راس الاسم3حروف--كذلك الذيل--لكن الذيل ياخذ الحرف الاخير من اول الاسم ليصبح 4---
والرمعة للاسف______مالك لوا________

[ال-رايق]

ياسلام عليك وصح الله لسانك

ولي رجعه بعد التفكير



الله يسلمك ,,ولسانك وصح بدنك
ودربك تساهيل وبحراسة المولى..وبانتظار تهديفك لاهنت.

[ابوماجد-1]

والله انك توهتني بقولتك مالك لوا لخوينا اللي رمعته لبنان

لكن انا بقول ليبيا شرايك

[ال-رايق]

والله انك توهتني بقولتك مالك لوا لخوينا اللي رمعته لبنان

لكن انا بقول ليبيا شرايك



_________للأسف_____________
مالك لوا
أنت واخوي/ابوعلي ,,كنطاق اتجاه صحيح.. لكن خيرها بغيرها

[مقرنس الشيهان]

ابو مهند الله يمسيك بالخير
صح لسانك على هاللغز الطيب
وش رايك بالعراق الول ثلاث حروف عكسها
علا ارتفع واخره راق انتظر مالك لوا احسن
من ضلع الرجال

[ال-رايق]

ابو مهند الله يمسيك بالخير
صح لسانك على هاللغز الطيب
وش رايك بالعراق الول ثلاث حروف عكسها
علا ارتفع واخره راق انتظر مالك لوا احسن
من ضلع الرجال


يامساء وصباح النور والسرور:::-
وانت اطيب وصح بدنك,,,
أخوي/عسى عمرك طويل على العز والمعزّة.. __مالك لوا_____ والضلع يروّع:D
لكن .. ابتعد عن النطاق العربي((عرّفتني على جورج,, ومايجهلك شي من هذا القبيل فهو مجاز معناه دولة جورج ,,اي الغرب)) كذلك ولا تعلم أحد اني غششتك:p:D ذكرت انها وزن تقريبي لريشة الدرج((طائر الدرجلان-اللي لو ياكله صقر السديرات((والصقور عموما)) يجيه ما جا مريبض في الطيارة يوم يقول واحلالاة يالارض والله ان مسكتها ماعاد افكها:D))
واسمح لي قمت اكبّس ماعاد اشوف الكتابة مع العلم اني شابك الكمبيوتر على شاشة تلفزيون47بوصة وهذا صحيح ما هو مزح--كني فاتح دريشة على مكشات__:D
تصبح على خير ومن يقرأأأأأأأأأأ

[راعي العجراء]

صح السانك ارمادجي
ويالله حيوه
لغز صعب قابل للاشتعال ننصحك بالابتعاد عنه 100 قدم:f:f:f:f:f
حنا يالشيبان اللي متخرجين من الليليه نعرف الرمعه
والا صعبة علينا ونزبن ضلع الشيخ

[ال-رايق]

صح السانك ارمادجي
ويالله حيوه
لغز صعب قابل للاشتعال ننصحك بالابتعاد عنه 100 قدم:f:f:f:f:f
حنا يالشيبان اللي متخرجين من الليليه نعرف الرمعه
والا صعبة علينا ونزبن ضلع الشيخ


حياك ربي ياراع العجرا..وصح بدنك كله من الدمجه((الهامه))الى((اقدامه))
ويعلم الله انك أحد المطانيخ اللي بسببهم المنتدى((يسوي لمبه كبير)) واتابع كتاباتك ..لذا ويعلم الله ابيك تنبسط يوم اجيب طاري مشتل الخرج.. وعلى فكرة عندي -ليور- بيتقدم يخطب جناب العجرا كانها كملت دراستها --يعني طالبين القرب ويشرفنا--:D
آسف للآطالة/////////////////////////////
وتقديرا لجنابك خصوصا بنزوّج ادوات الدفاع الوطني القديم عن النفس أحب أقولك اللغز:
((((((((((ليس انسانا ولا حيوانا ولا نباتا ولا طائرا--وصدقني انك تعرفه او تسمع به))))))))
وتسلم ومن يقرأأأأأأأأأأأأأأأ

[ال-رايق]

للتوضيح ياحبايبنا

--حروف اللغز((6))__3رأس اللغز------4ذيل اللغز حيث يأخذ الحرف رقم3 من الرأس

وتسلمون.

[هيل]

السلام عليكم ورحمة الله وبركاته


اخواني/////////////////
اليكم هاللغز الخفافي ..تلبية لطلب الأستاذ والمربي الفاضل/أبو ماجد ,,وانتم تستاهلون كل خير مع العلم ان اللغز -كوكتيل شوي - والحقيقة يا بوماجد اني سويت اللغز رقم2((اربعة شلهم رجل)) ولا امداه يمشي الا والفارس الصغير-اصغر مكشاتي- قايل به--ماشاء الله عليه-- قلت نعززه بالآتي عسى ينال استحسانك واستحسان اخواني الكرام ((والمجال مفتوح للجميع)):-
ســــلام مني عد ماشعشعت سِـــــرج==واعداد ما خط المعـــــــــاني قلمها
وعداد من تمشى في مشتل الخـــــرج==يوم النفوس صحاح تبري ذممهـــا
ولاّ تبي باريــس وتطلـــــع على بُرج==(ايفل) وتنظرمن علالي قممهـــــا
يا ويش بنت(ن) عرّفتني على جُورج== تدْرا خطـــر ناس تهدد علمــــها
أخف بالميزان من ريشــــــــــة الدَرْج== بو زيد كنّه ما غزى في عدمـها
راس اسمها بالعكس تمشي على مرج== مع آخره والذيل سكّر طعمـــــها
وسلامتكم,,,,,,,,,,,,,,
أخوكم/ارمادجي11


خيمة الألغاز
مشاءالله عليك روعه في منتهى الروعه طرق اكثر من جيد
تسجيل حضور واعجاب واللغز لم أوفق بصيد الرمعه يكفيني ترديد اللغز
وشيلته تقل امهبول الحالي
تحياتي

[ال-رايق]

مشاءالله عليك روعه في منتهى الروعه طرق اكثر من جيد
تسجيل حضور واعجاب واللغز لم أوفق بصيد الرمعه يكفيني ترديد اللغز
وشيلته تقل امهبول الحالي
تحياتي[/CENTER]



سلمت والله أخوي/الهيل
ولي الشرف واحد مثلك وشرواك يقول هالكلام.. وما عليك زود,,,,,,,,,,
وانت كــــــــــــذا تخليني التحق في فرقة الخيالة تحت قيادتك ضد الشيخ-لو كان غالي - وان زبن الضلع الحمر حقه - جبنا من الهنود الحمر اللي يقصون الأثر وعطيناه لحوق.
يعطيك العافية ومن يقرأأأأأأأأأأأأ

[مغامر الديرة]

امممممم
هذا والله محير الدلايل
لي عوده بعد ان اعصر المخ عصر

[ال-رايق]

امممممم
هذا والله محير الدلايل
لي عوده بعد ان اعصر المخ عصر


بعد اتعصر المخ عصر ولّا --مغرب,,,,,,,,,,,,,,,,:D
على العموم:::::::::::::::::::::::::::::::
الله يحييك,,كلنا مثلك ,,بهالمجلس الطيّب,,الله يوفق من سعى فيه بالطيب.

[النبهاني]

وعليكم السلام ورحمة الله وبركاته
صح لسانك اخوي ارمادجي
نحاول ونقول
واشنطن
وجورج واشنطن هو الذي قاد التمرد وانفصل عن البريطانيين وهو اول رئيس لأمريكا

[أبو رافع الظاعن]

صح لسانك يا مبدع ...

تاشيرة ؟؟

شات ...ترعى في المرج .

شيرة ...أحلى من السكــــــــــــــــــــــــــــــر !!

[ال-رايق]

وعليكم السلام ورحمة الله وبركاته
صح لسانك اخوي ارمادجي
نحاول ونقول
واشنطن
وجورج واشنطن هو الذي قاد التمرد وانفصل عن البريطانيين وهو اول رئيس لأمريكا


أولا////// الله يحييك ويسلمك
ويشرفني تواجدك قبل رمعتك.
وخيرها بغيرهـــــــــــــــــــا
والحل عند,,,,,,,,,,,,,,

[مخاوي الذيب 305]

انا ماني من اهل الالغاز بس اتوقع ريشة الكتابه

[ال-رايق]

صح لسانك يا مبدع ...

تاشيرة ؟؟

شات ...ترعى في المرج .

شيرة ...أحلى من السكــــــــــــــــــــــــــــــر !!


وش أقول الا مثل ما قال واحد ذبح لربعه خروف وطلع فحل الغنم بدال ما يرحب بهم قال((واحالالاة ياخروفي))
وانا أقول فدوة لك ومن يقرأأأأأأأأأأأأأأأأأأأأأأأ
_______________
نعم__________________

وصح لسانك ____تأشيرة_________
وزيادة على ما اشرت له ؛
بوزيد كنه ماغزى في عدمها(اذا وصل المسافر ديرة الخواجة قالوا له ديور اذا ما معه تأشيرة)
تدرا الخطر (مثل كندا عقدت الشباب هناك وقصدهم كل شي -والتأشيرة أمنية في المقام الأول)
وأخف من ريشة الدرج(تعرفونها يا لاصق أو ختم-يعني حاجة خفيفة)
صح لسانك مليار يامشرفنا وعمدتنا العزيز , والحقيقة بدون قصور في الجميع ما ظنيت احد يجيبه بسرعة.
وتسلمووووووووووووووون.

[ال-رايق]

انا ماني من اهل الالغاز بس اتوقع ريشة الكتابه


الله يحييك يامخاوي الذيب,,,,وترى والدي الله يرحمه واموات المسلمين قد خاواه الذيب في نفود السر/حول شقرا يوم وليله الا كانه ناوي الشايب ولا لقى فرصة((طرّاه المعرف حقك))
تشرفنا,,,,,,,,وكانت رمعتك من اقرب الرمعات لو بكّرت شوي.
والحل عند أستاذنا/أبورافع سلمه الله.
وسلمك ومن يقرأأأأأأأأأأأأ

[مقرنس الشيهان]

وش أقول الا مثل ما قال واحد ذبح لربعه خروف وطلع فحل الغنم بدال ما يرحب بهم قال((واحالالاة ياخروفي))
وانا أقول فدوة لك ومن يقرأأأأأأأأأأأأأأأأأأأأأأأ
_______________
نعم__________________

وصح لسانك ____تأشيرة_________
وزيادة على ما اشرت له ؛
بوزيد كنه ماغزى في عدمها(اذا وصل المسافر ديرة الخواجة قالوا له ديور اذا ما معه تأشيرة)
تدرا الخطر (مثل كندا عقدت الشباب هناك وقصدهم كل شي -والتأشيرة أمنية في المقام الأول)
وأخف من ريشة الدرج(تعرفونها يا لاصق أو ختم-يعني حاجة خفيفة)
صح لسانك مليار يامشرفنا وعمدتنا العزيز , والحقيقة بدون قصور في الجميع ما ظنيت احد يجيبه بسرعة.
وتسلمووووووووووووووون.


wارمادجي صح لسانك ولسان ابو رافع
وبعدين الله يهاديك حنا يالشيبان خرجين ليليه ويالله نفك الخط
وصارلي اسبوعين اتدرب على نطق اسمك
تروح تجيب لنا الغاز بالغرب خلك حولنا وابعدنا من البحر ويالله بعد

[ال-رايق]

wارمادجي صح لسانك ولسان ابو رافع
وبعدين الله يهاديك حنا يالشيبان خرجين ليليه ويالله نفك الخط
وصارلي اسبوعين اتدرب على نطق اسمك
تروح تجيب لنا الغاز بالغرب خلك حولنا وابعدنا من البحر ويالله بعد

ياااااااااااااالبيك كلللللللللللللللك,,

وصح بدنك,,,,,,,,,,,,,,,,,,
وهذي كلنا نعرفها خصوصا المتقاعدين مثل راع العجرا ((الظاهر عنده فيز))واذا انا غلطان يسمح لي ويبشر بالحق في المجلس ولا الملحق
ومن ناحية الاسم((قصتي مشابهة لقصتك بالنسبة للمعرّف))
وهي اني شريت سيارة ارمادا الله يحط فيها البركة وما عندك انت ومن يقرأأأ
الحاصل اني متعود على الجيوب الاولة ومدري وش صار قلت انضم لرابطة ملاك ارمادا وطلبوا مني المعرف وكل شوي يقولون مكرر وطرالي اصدقانا الاتراك اللي يجوجون اخر الاسم-قهوجي-عربجي-مكشاتجي-..الخ__
مع العلم اني قديم بمكشات لكن على نظام قراءة واطلاع.. بس لا تشبهني وازعل بالمغاتير((اللي يحضرون العروس وهم ليسوا مدعوين مدري مدعوات)):D

[مقرنس الشيهان]

ياااااااااااااالبيك كلللللللللللللللك,,

وصح بدنك,,,,,,,,,,,,,,,,,,
وهذي كلنا نعرفها خصوصا المتقاعدين مثل راع العجرا ((الظاهر عنده فيز))واذا انا غلطان يسمح لي ويبشر بالحق في المجلس ولا الملحق
ومن ناحية الاسم((قصتي مشابهة لقصتك بالنسبة للمعرّف))
وهي اني شريت سيارة ارمادا الله يحط فيها البركة وما عندك انت ومن يقرأأأ
الحاصل اني متعود على الجيوب الاولة ومدري وش صار قلت انضم لرابطة ملاك ارمادا وطلبوا مني المعرف وكل شوي يقولون مكرر وطرالي اصدقانا الاتراك اللي يجوجون اخر الاسم-قهوجي-عربجي-مكشاتجي-..الخ__
مع العلم اني قديم بمكشات لكن على نظام قراءة واطلاع.. بس لا تشبهني وازعل بالمغاتير((اللي يحضرون العروس وهم ليسوا مدعوين مدري مدعوات)):D

الله يقطع شيطانك بغيت اقول لك يرحمك الله احسبك تعاطس
خل ندور لنا واسطه نغير اسامينا مثل الرجاجيل
وحنا شيبان واسامينا ماينتواجه بها

[ال-رايق]

الله يقطع شيطانك بغيت اقول لك يرحمك الله احسبك تعاطس
خل ندور لنا واسطه نغير اسامينا مثل الرجاجيل
وحنا شيبان واسامينا ماينتواجه بها


على يدك ,, يالله:::::::::::::::::
لا,, وانت ما بينك وبين معزّبنا مسافة.. الا كانّي غلطان
وحلوة (اسامينا ما ينتواجه بها),, لكن تصدق لو ترجع لكتاباتي معك ما اقول لك الّا/مقرنس ما اكمّل الباقي .. واسمي فيه الرماد والدجّة (( ضيعة مدري قرية من الضيعات)) لكن احسن من الشي الرسمي-ابو فلان-كل شوي وانت ملتفت كنك في سوق الغنم- خلنا نتيملح شوي كأننا شباب وانّا تونا شباب متعدين خبّة 40 منذ مبطي بس انتبه تقول لأحد اذا سألك عن عمرك تقول ((أنا في الأربعين)) ترى يركبها عليك.. وبعدين بيني وبينك نبغى نمزح ونوسع الصدر ,,
واذا في خاطرك تغييره قدّام
وتسلم ومن يقرأأأأأأأأأأأأأ

[مقرنس الشيهان]

على يدك ,, يالله:::::::::::::::::



لا,, وانت ما بينك وبين معزّبنا مسافة.. الا كانّي غلطان
وحلوة (اسامينا ما ينتواجه بها),, لكن تصدق لو ترجع لكتاباتي معك ما اقول لك الّا/مقرنس ما اكمّل الباقي .. واسمي فيه الرماد والدجّة (( ضيعة مدري قرية من الضيعات)) لكن احسن من الشي الرسمي-ابو فلان-كل شوي وانت ملتفت كنك في سوق الغنم- خلنا نتيملح شوي كأننا شباب وانّا تونا شباب متعدين خبّة 40 منذ مبطي بس انتبه تقول لأحد اذا سألك عن عمرك تقول ((أنا في الأربعين)) ترى يركبها عليك.. وبعدين بيني وبينك نبغى نمزح ونوسع الصدر ,,
واذا في خاطرك تغييره قدّام


وتسلم ومن يقرأأأأأأأأأأأأأ

انا من شفت كتابتك لكلمة انتميلح واناغاسل يدي يالله حسن الخاتمه وبعدين وش قصة هالضيعه اللي ترددها كل اشوي انت رايح تركب سنون هاه والا تأبرني