هل الترفيع يسبب رجه للباترول

[خشير الذيب]

السلام عليكم ورحمة الله يا اخوان ويسعد اوقاتكم جميع
عندي باترول صالون مرفع من الخلف بيايات استرالي وكعكات المنيوم
ومن قدام ياي الوكاله مع كعكات
واحس في الموتر زي الرجه خاصه مع التسارع لمن ادوس للموتر واذا جيت اهدي وكذلك على الخط اذا دعست نص دعسه تقطع واذا شديت الموتر يرج رجه خفيفه فما ادري هل هو طبيعي والا من الترفيع والا هي رجة ذراع الدركسون الللي يقولون
موديل الموتر 96
ولكم شكري

[سعيد القحطاني]

اتوقع من الترفيع لكن حاول قبل لاتنزله رصص ارضي وجرب اذا مافاد فتاكد انه من الترفيع والله اعلم

[ابورزق]

وش عليه كفرات

[هآوي الصيد]

الترفيع الزايد اكيد بيسبب هالـشـي ..

لان الموتر مهو متوازن ..

خله وكاله افضل او رفعه ترفيع بسيط ..

[كبسولة2]

إذا كفرات بالون تسوي رجة

إذا الترفيع زااايد يسوي رجة

لكن مثل ماتفضل أخونا القحطاني سوي ترصيص أرضي قبل كل شئ

[الحنومي]

اذا الموتر عليه بوالين عادي الرجه
واذا الكفرات عاديه يكن م ضراع الديركسون

[الكدن1]

السلام عليكم
هناك فرق بين الرجة والرعشة (على بالي فيلسوف هههههه )
@الترفيع يسبب الرعشة بالعربي يسميها اهل الورش الحرة (يعني لو حطيت شئ فوق الطبلون يطيح)
@اي خلل في الكوارين يسبب الرعشة

الرجة في الباترول تكون من الاتي: صارت اسئلة اختبارات
1- الترصيص
2-الكفرات اذا كانت متآكلة اوفيها تحبيل اوكانت بالون كما افاد الاخوان
3-مساعد الدركسون اي ربلات خربانه قدام في الاذرعة تسبب الرجة
4- الوردات اللي عند كفرات قدام فوق الركبة
هذي ابرز الاشياء التي تسبب الرجة
ارجو انني افدتك
ودامت سيارتك بدون رجة او حرة

[خشير الذيب]

اتوقع من الترفيع لكن حاول قبل لاتنزله رصص ارضي وجرب اذا مافاد فتاكد انه من الترفيع والله اعلم

لاهنت بابن العم
مرصص ارضي الموتر

[خشير الذيب]

وش عليه كفرات

مرحبا اخوي الموتر عليه دنلوب عرض حق في اكس ار وجنوط هلل اصلي

[خشير الذيب]

الترفيع الزايد اكيد بيسبب هالـشـي ..

لان الموتر مهو متوازن ..

خله وكاله افضل او رفعه ترفيع بسيط ..

الله يعطيك العافيه ولاهنت على الرد

[خشير الذيب]

إذا كفرات بالون تسوي رجة

إذا الترفيع زااايد يسوي رجة

لكن مثل ماتفضل أخونا القحطاني سوي ترصيص أرضي قبل كل شئ

حيا الله مهندسنا كبسوله
رجة الترفيع تحسها مع تسارع الموتر والتهديه واضحه اكثر والا لا
وهل تسمح اراسلك على الخاص ابي استفسر منك عن طريقة تشبيك مراوح الكهرب لان عندي جمس حوض وابغاه للتعلم الميكانيكا والتجارب وناوي اركب له مراوح كهرب بيدي ولي في الكهرباء على خفيف ولاكن ما نستغني

[خشير الذيب]

اذا الموتر عليه بوالين عادي الرجه
واذا الكفرات عاديه يكن م ضراع الديركسون


حياك يالذيب والموتر ما عليه بواين وذراع الدركسون استرالي

[خشير الذيب]

السلام عليكم
هناك فرق بين الرجة والرعشة (على بالي فيلسوف هههههه )
@الترفيع يسبب الرعشة بالعربي يسميها اهل الورش الحرة (يعني لو حطيت شئ فوق الطبلون يطيح)
@اي خلل في الكوارين يسبب الرعشة

الرجة في الباترول تكون من الاتي: صارت اسئلة اختبارات
1- الترصيص
2-الكفرات اذا كانت متآكلة اوفيها تحبيل اوكانت بالون كما افاد الاخوان
3-مساعد الدركسون اي ربلات خربانه قدام في الاذرعة تسبب الرجة
4- الوردات اللي عند كفرات قدام فوق الركبة
هذي ابرز الاشياء التي تسبب الرجة
ارجو انني افدتك
ودامت سيارتك بدون رجة او حرة

لا والله افدتني والله يبيض وجهك ومن يقراء والظاهر انه الخيار الاول حرهوبانزل الكعكات الخلفيه ان شاء ربي وارد لكم

[أبو هشام راشد]

حصلت لي رجة في السيارة بعد أن طلعت من الصناعية ولما وقفت اشوف الكفرات لقيت واحد(ن) منهن مركبة مساميرة بشيط بسيط فما شديتها صارت تمام