(((اسعار قطع غيار تويوتا قبل وبعد الجشع)))

[ابو رسيل2]

الاخوة الاعزاء اعضاء احلى منتدى سعودي على الاطلاق وبشهادة الجميع:s .
السلام عليكم ورحمة الله وبركاته ....
من باب اثراء المواضيع بين منتديات (مكشات) وموقع (الحملة الشعبية لمقاطعة تويوتا 2012) نطرح هذا الموضوع هنا في منتديات مكشات وسيتم وضع رابط الموضوع على صفحة الحملة على الفيس بوك ليتم مناقشة موضوع "اسعار قطع غيار تويوتا قبل وبعد الجشع" من قبل اعضاء المنتدى ومعجبي الحملة .
الموضوع اختصارا: نأمل من الاعضاء الكرام مالكي سيارات تويوتا وضع اسعار قطع غيار سيارات تويوتا قبل الغلاء الفاحش في السنتين الاخيرة وبعد الغلاء .
وبالمثال يتضح المقال :
سيارة الوالد هايلوكس 1993 اشتريت قبل عامين طقم كلتش (صحن + دسك + فحمة) من وكالة تويوتا بمبلغ 250 ريال والان سعرها في الوكالة بعد الجشع 730 ريال (بعد الخصم)
سيارة احد الاخوان كرولا 2003 سعر الفحمات (اقمشة الفرامل) قبل ثلاث سنوات ب95 ريال من الوكالة والان سعرها 272 ريال بعد الخصم .
شمعة كرولا امامي ايمن قبل ثلاث سنوات 240 ريال والان 410 ريال .
ارجو من الشباب ممن لديه معلومه عن الاسعار قبل وبعد الغلاء يفيدنا بها في هذا الموضوع ولكم جزيل الشكر سلفاً على تعاونكم.

[mooma]

أعووذ بالله منهم وش ذا !!!!

ياأخي القهر انهم مسلمين !!! يعني لو كافر مايخاف الله ماتشره عليه

لكن مسلم ويغشك أكثر من الكافر أعووذ بالله منهم ياأخوان بالله عليكم صدام هايلكس قدام 2001 قبل سنتين بـ380 أصلي ألحين 590 !!!! رفرف كان بـ210 ألحين بـ 450 !!! فحمات بـ70 ريال ألحين بـ135 ريال!!!!
بطانة رفرف كانت بـ 75 ألحين بـ 140 ريال (أمس سائل عنها ) حسبي الله عليهم الهايلكس قبل 4سنين (2007) كان 67 -69 ألف ألحين بـ 88 ألف !!!!!!!!!! والـ 2010 كان 79ألف وهو نفس 2007 مررره الخطوط تختلف بس !!! 10-12 الف فرق !!!!بين موديلين أشكالهم نفسها !!!!!! صارت علاوة هذي ؟ كل موديل يزيدون 2500 ريال

وأشكرك أخوي على هذا الموضوع والله يستاهلون الفضح لأنهم يسرقون الناس !!

[AHMED989]

من أمن العقوبة أساء الأدب ( السرق من جيوب الناس )

[ابوراكان تبوك]

هههههههه ابو رسيل شان هجوم عنيف اليوم على تويوتا

المصيبة مو غلاء السعر المصيبة القطع اللحين مافيه من الوكالة ياباني كلها تايلندي

غطاء علبة الفيوزات حق الجي اكس آر صغير جداً بـ 38 ريال سابقاً كان 21 ريال

بالنسبة للكفرات الدانلوب النحيف حق الربع ( خارج الموضوع ) كان سعرها 475 الآن 730 ابو 8 طابق


الله يعطيك العافية موووووووووووفق

[ابو رسيل2]

رابط الموضوع على الحملة ( لا تنسوا الاعجاب بالصفحة )
http://www.facebook.com/toyota.boycott

[sgl2002]

والله ياخوك انا من مستخدمي نيسان واشكي من غلاء اسعار القطع وعدم توفرها خصوصا الباترول

وقبل سنة اشتريت شاص تويوتا قلت اخيرا افتكيت من الغلاء

لكن لقيتهم هم هم مافيه فرق

فحمات عدد اربع ب٥٠٠ رياال
طاسة الجنط ( الكوب ) حق ابو رفارف ب٢٦٥
فلتر الهواء ب١٠٠ وعليها
توفر القطع مافيه الا تروح للوكالة

واخر شي بعته وشريت باترول يوم شفت الاسعار قريبه من بعضها

[كيري ميري]

النيسان وارد امريكا قطعه رخيصه مررررره مقارنه مع نيسان اليابان اللي مثل سعر قطع تويوتا

[جمس_454_97]

والله اني اكره وكيل تويوتا النصاب رفع اسعار السيارات ولعب بالجوده وفوق هذا الناس ماتابت منه
السيارات اغلبها تايلندي واندونيسي واسترالي والقطع اغلبها صيني وفوق هذا مطير الاسعار
يا اخوان نصيحه قاطعو عبداللطيف جميل هو وسياراته هل يعقل في اكس ار قيمته 280
سلام يالامريكي سعره معقول وقطعه اسعارها معقوله وتلاقي امريكي اصلي ماركات ثانيه
ويكفيك ان صناعتها امريكي مو تايواني وصيني وتايلندي واندونيسي ومره تعلق دعسة البانزين واغلب عمالته مصريين حتى مايسعود مايبي السعوديين يعرفون تلاعبه وغشه

[قائد السريه]

^^^^^

اولا اي قطع الي تقصد انها صيني

وأي امريكي تقصد

الجموس استراليه والكابريس واللومينا استراليه وباقي السيارات كوريه

وقيمت الدينالي القصير ب210 وين الرخص الله يهديك

[حاجاتي]

تم الاعجاب بالصفحه وبالتوفيق

[ابو رسيل2]

تم الاعجاب بالصفحه وبالتوفيق
الله يطول عمرك وابشركم المعجبين عدوا الالف وان شاء الله يوصلون عشرة آلاف علشان ينجن ابو جميل ويعرف ان فيه جيل واعي يوقفه عند حده

[مسير عليهم]

^^^^^

اولا اي قطع الي تقصد انها صيني

وأي امريكي تقصد

الجموس استراليه والكابريس واللومينا استراليه وباقي السيارات كوريه

وقيمت الدينالي القصير ب210 وين الرخص الله يهديك

من متى الجمس استرالي ...!

ارجع للموضوع

ومع هذا كل وفوق حملتكم الا انكم مازلتو تروحون برضاكم وتشترون من تويوتا وتجون هنا تتذمرون

مافيه احد مجبر يشتري سيارة معينه وبعدها يشتكي من غلا قطع الغيار

[ابو رسيل2]

من متى الجمس استرالي ...!

ارجع للموضوع

ومع هذا كل وفوق حملتكم الا انكم مازلتو تروحون برضاكم وتشترون من تويوتا وتجون هنا تتذمرون

مافيه احد مجبر يشتري سيارة معينه وبعدها يشتكي من غلا قطع الغيار

اخي العزيز نحن هنا لخدمة المجتمع عبر نشر وعي المقاطعة ... وفضح جشع الوكيل ... والهدف الضغط على الوكيل لخفض الاسعار الى المستويات المعقولة... اخي ان كنت مقتنع بأن اسعار قطع الغيار للشركة التي تتعامل معها غير مبالغ فيها فلست مجبور بأن تقاطع مبيعات الشركة .... اما ان تعترض على الاخرين مقاطعتهم لشركة جشعه فهذا ما لا يقبله شخص عاقل مثلك .... هدفنا تخفيض الاسعار الى المستويات المعقولة وليس السب والشتم وتبادل التهم .

[قائد السريه]

من متى الجمس استرالي ...!

ارجع للموضوع

ومع هذا كل وفوق حملتكم الا انكم مازلتو تروحون برضاكم وتشترون من تويوتا وتجون هنا تتذمرون

مافيه احد مجبر يشتري سيارة معينه وبعدها يشتكي من غلا قطع الغيار

من متى مادري بالظبط

طبعاً انا اتكلم عن السعودي مهو المستورد الامريكي

[سمينا انت]

مقاااااااااااااااااااااااااااااطعين

[You Like Me]

إناَ لله وإناَ إليه راجعون
حسبي الله ونعم الوكيل

بالتوفيق يا اخوان وتم تسجيل الاعجاب بالصفحه

[مواسي الطعوس]

لو ماكان غالي كان مايشترونه

[The MiSsing]

السلام عليكم ..

اخوني ,, اولأ صعبة نقارن الاسعار الان وقبل سنتين او ثلاث ,,

ياجماعه نتكلم بالعقل مو حق بتويوتا ولا غيرها ,, حتى النفط ارتفع البرميل !! كل شي يرتفع ,,

يعني تبي طال عمرك الشركة تخسر عشان سواد عيوني وعيونك لالا لا مستحيل ..

بختصاار ,, الشركة ارتفعت اجور الشحن من المصنع للسعودية مثلاُ والعمال ارتفعت اجورهم ,, اكيد الف % راح يرفع السعر ..

الان وصل سعر الكبريتر لنيسان من 97 وتحت 240 دينار كويتي .. يعني تقريبا 3200 عسى ماشر !! اشتري مكينة جديده بكبريتر جديد يابانيه بنفس السعر .. مع العلم ان سعره قبل سنتين تقريبا 2000 ريال ..

المهم ,, ارتفاع الاسعار مقبووولة مع ارتفاع الاجور وووو .. ولاكن البعض من الشركات الله يصلحهم يدبل السعر اضعااااف اضعااااف .. وهذا الغير مقبووول به ..

بارك الله فيكم

[ابو رسيل2]

المهم ,, ارتفاع الاسعار مقبووولة مع ارتفاع الاجور وووو .. ولاكن البعض من الشركات الله يصلحهم يدبل السعر اضعااااف اضعااااف .. وهذا الغير مقبووول به ..

بارك الله فيكم

المشكلة هنا في اضعاف الاضعاف .... والمشكلة الثانية في تقبل بعض السذج لهذا الارتفاع والشراء دون تردد

[مجنون الجيوب]

ثقافة المقاطعة
تحتاج الى ان تفهم كثير من الناس كيف يقاطع لأن بعض الناس يبربر وهو اصلن ما يقاطع لانه ما يعرف يقاطع
المشكلة في الهياط الزايد وليس المقاطعة
وافهم يا فهيم

انا اعرف بجيى واحد ويقول ايش تقصد ايش مدري ايش
ابقول لا تسئلني

حاول تفهم نفسك ايش اللي قاعد يصير حولك

وانا من كبار المقاطعين لتويوتا شريت سيارة كورلا جديدة وعند بداية القاطعة بعتها وكانت ماشية 15 الف وليومك ما التفت لتويوتا لو هي من ذهب ما حس فينا الا هيونداي وجابتلك السيارة مظبطة جاهزة ما تحتاج زيادة وكوري 100 بالمية

ما هو عصير مشكل حق الواحة اجل مسجل الاندكروزر من العليان بالرياض صيني

[مجنون الجيوب]

السلام عليكم ورحمة الله وبركاته


بسم الله الرحمن الرحيم


واضح من العنوان



وهذي صور مقارنات
الموصفات الخليجية هذه الصورة للدعاسة من الاطار الخلفي مواصفات خليجية لاحظوا مسمار التثبيت والالوان
.

وهذه الصورة لنفس المكان لموصفات عبداللطيف جميل

صورة كاملة للدعاسة المواصفات الخليجية


صورة كاملة للدعاسة لمواصفات عبداللطيف جميل


5- المريا الجانبية ومقابض الابواب
الموصفات الخليجية جميعها بمرايا ومقابض ابوب من الكروم اللامع
صور للموصفات الخليجية



صورة لمقابض الابواب


ننتقل لصور الخاصة بموصفات عبداللطيف جميل
طبعا المرايا ومقابض الابواب بلون السيارة وهذه الموصفة تاتي بالنوع GX بالخليجي


هل لاحظتم اشارة الانعطاف بالمرآه هل تتوقعون انها من المصنع اليكم هذه الصورة


نعتقد ان اثار الطلاء واضحة ولكن فكرة جميلة هذه الاشارة !!!!!!


ووهذه صورة توضح مقابض الابواب


6- جهاز الاستشعار للوقوف ( الحساسات )
طبعا لدى عبداللطيف جميل من النوع الصيني واليكم الصور
صورة للحساس بسيارات عبداللطيف جميل لاحظوا الفرق


لاحظوا الفرق بالموصفات الخليجية


وهذه بقية لصور الحساسات بالموصفات الخليجية



وحساسات بالامام


لاحظوا هذه الصورة لاجهزة التحكم حيث ان النظام الخليجي ياتي بزر اصلي


وصورة لمواصفات عبداللطيف جميل ولا يوجد زر التحكم


7- الجناح الخلفي (حدث ولا حرج )
طبعاً الجناح الخلفي بموصفات عبداللطيف جميل بفرق كثيرا عن الموصفات الخليجية
وهذه الصور لموصفات عبداللطيف



اللي يبي الصور يدخل على الرابط


http://www.shababonaizah.com/showthread.php?t=124763

[مجنون الجيوب]

^^^^^

اولا اي قطع الي تقصد انها صيني

وأي امريكي تقصد

الجموس استراليه والكابريس واللومينا استراليه وباقي السيارات كوريه

وقيمت الدينالي القصير ب210 وين الرخص الله يهديك

لاتهجم قبل لا تشوف هالرابط عن اللي بتوقيعك
http://al-aobhool.com/vb/showthread.php?t=11829

ادري انها صدمة بس هذا الواقع

[الربع الغالي]

الرديتر لاند كروزر gxr
1400 سابقا
وحاليا2700
في صناعية الرياض

وشريت صيني 500 ريال
والحمدلله زين لا طلعت حرارة ولاشي

[ابو رسيل2]

ثقافة المقاطعة
تحتاج الى ان تفهم كثير من الناس كيف يقاطع لأن بعض الناس يبربر وهو اصلن ما يقاطع لانه ما يعرف يقاطع
المشكلة في الهياط الزايد وليس المقاطعة
وافهم يا فهيم

انا اعرف بجيى واحد ويقول ايش تقصد ايش مدري ايش
ابقول لا تسئلني

حاول تفهم نفسك ايش اللي قاعد يصير حولك

وانا من كبار المقاطعين لتويوتا شريت سيارة كورلا جديدة وعند بداية القاطعة بعتها وكانت ماشية 15 الف وليومك ما التفت لتويوتا لو هي من ذهب ما حس فينا الا هيونداي وجابتلك السيارة مظبطة جاهزة ما تحتاج زيادة وكوري 100 بالمية

ما هو عصير مشكل حق الواحة اجل مسجل الاندكروزر من العليان بالرياض صيني

يا اخي لا تشكك في مصداقية المقاطعين
هناك كثير مثلك صاملين حتى لو وصلت تويوتا الى اسعار بسيطه جدا يبقون على مقاطعتهم
انا ما عمري قاطعت شي ورجعت له مثل (بيبسي وكوكاكولا - المراعي - بوك والمنتجات الدنماركية - المنتجات الامريكية - حتى البسكوت اللي زاد سعره ما عاد اجيبه للعيال - بعت سيارتي الاف جي - وغيرها الكثير )
والنتيجه كانت لصالحي ولميزانيتي .
اتمنى ان ثقافة المقاطعه يفهمها الشعب زي ما فهمتها انت ... كان الشعب بخير.

[ابو رسيل2]

السلام عليكم ورحمة الله وبركاته


بسم الله الرحمن الرحيم


واضح من العنوان



وهذي صور مقارنات
الموصفات الخليجية هذه الصورة للدعاسة من الاطار الخلفي مواصفات خليجية لاحظوا مسمار التثبيت والالوان
.

وهذه الصورة لنفس المكان لموصفات عبداللطيف جميل

صورة كاملة للدعاسة المواصفات الخليجية


صورة كاملة للدعاسة لمواصفات عبداللطيف جميل


5- المريا الجانبية ومقابض الابواب
الموصفات الخليجية جميعها بمرايا ومقابض ابوب من الكروم اللامع
صور للموصفات الخليجية



صورة لمقابض الابواب


ننتقل لصور الخاصة بموصفات عبداللطيف جميل
طبعا المرايا ومقابض الابواب بلون السيارة وهذه الموصفة تاتي بالنوع GX بالخليجي


هل لاحظتم اشارة الانعطاف بالمرآه هل تتوقعون انها من المصنع اليكم هذه الصورة


نعتقد ان اثار الطلاء واضحة ولكن فكرة جميلة هذه الاشارة !!!!!!


ووهذه صورة توضح مقابض الابواب


6- جهاز الاستشعار للوقوف ( الحساسات )
طبعا لدى عبداللطيف جميل من النوع الصيني واليكم الصور
صورة للحساس بسيارات عبداللطيف جميل لاحظوا الفرق


لاحظوا الفرق بالموصفات الخليجية


وهذه بقية لصور الحساسات بالموصفات الخليجية



وحساسات بالامام


لاحظوا هذه الصورة لاجهزة التحكم حيث ان النظام الخليجي ياتي بزر اصلي


وصورة لمواصفات عبداللطيف جميل ولا يوجد زر التحكم


7- الجناح الخلفي (حدث ولا حرج )
طبعاً الجناح الخلفي بموصفات عبداللطيف جميل بفرق كثيرا عن الموصفات الخليجية
وهذه الصور لموصفات عبداللطيف



اللي يبي الصور يدخل على الرابط


http://www.shababonaizah.com/showthread.php?t=124763
الله يسعدك
معلومات جدا حلوه

[ملاعب الطيرر]

لو ماكان غالي كان مايشترونه
مواسي الطعوس ليتك تواسي اسلوبك فأنت نيساني متعصب فما اللذي اتى بك هنا
مافيه شيء رخيص اللحين تسحب قرض وتكمل عليه علشان تشتري سيارة