المساعد الشخصي الرقمي

مشاهدة النسخة كاملة : كم سعر الشاص ٢٠١٢


الدبل الثقيل
18/12/2011, 02:12 PM
السلام عليكم ورحمة الله وبركاته

من فضلكم كم سعر الشاص فل كامل بدون رفارف عند اليحي ؟

وايضا بكم البريمي والسعودي؟

وجزاكم الله خير
قائد السريه
18/12/2011, 02:40 PM
البازعي فل كامل بدون رفرف 2012 بـ143 الف
sgl2002
18/12/2011, 05:18 PM
^^^ ياوجه الله

نصيحة ياخوي شف لك مستخدم ماشي قليل احسن من الجديد في السعر بيع وشراء
كيري ميري
18/12/2011, 05:40 PM
على ويش؟؟؟ 143الف
راعي سهوه
18/12/2011, 06:42 PM
^^^
^^^^^
على صندوق وغماره الصراحه سعر مبالغ فيه جدا جدا جدا
قائد السريه
18/12/2011, 07:28 PM
السعودي ارخص بس مدري كم بالظبط
(((.ابوتميم .))))
18/12/2011, 09:26 PM
لاقي بريمي في معرض نسيم الشفا با الرياض اليوم
2012 قزاز كهرب وتخشيبه بدون رفرف ولا ونش ولا دفلك
143 الف
دورانجو
19/12/2011, 05:58 AM
^^^^^

وبدون دف لوك
ب143

الحمد لله على النعمه
دورانجو
19/12/2011, 06:00 AM
اخذ فورد اف 150 او سييرا او سلفرادو
افخم واريح وقوه ورساوه
sgl2002
19/12/2011, 07:01 AM
^^^

اخذ فتك ٢٠١٠ اصفار صالون قير عايدي
المداوي2
19/12/2011, 07:59 AM
اخذ فورد اف 150 او سييرا او سلفرادو
افخم واريح وقوه ورساوه


انت مثل اللي يقارن الطين بالصين








الشاص وبس
و لد ملهم
19/12/2011, 08:43 AM
انت مثل اللي يقارن الطين بالصين








الشاص وبس


و أنا أخوك بني ادم مخلوق من تراب

بعدين الشاص ما فيه ميزات المكينة ضعيفه لعبوا على الناس زودو الأحصنة و نقصوا حجم المكينة و صارت دعسته الكترونية و بعدين حمل شعير على الشاص و حمل على الفورد او الجمس او الدوج اتحدى الشاص يلحقهم الحوض الأمريكي محركاته جباره في العزم و لما نجي للداخليه الشاص ديكوراته سيئة و مش حالك و تخشيبه اي كلام و الي رفع سعره الشريطيه و الاهو حتى 80 الف ما يسواها .
sgl2002
19/12/2011, 08:58 AM
انت مثل اللي يقارن الطين بالصين








الشاص وبس

شف ياخوك
الشاص سمعته طيرته فيالسماء
والا عندك الشاص نيسان اقوى مليون مره من الشاص تويوتا الا في العزم

وبعدين هل انت مقتنع بسعره مقابل شكله ومواصفاته ؟
مسير عليهم
19/12/2011, 10:09 AM
و أنا أخوك بني ادم مخلوق من تراب

بعدين الشاص ما فيه ميزات المكينة ضعيفه لعبوا على الناس زودو الأحصنة و نقصوا حجم المكينة و صارت دعسته الكترونية و بعدين حمل شعير على الشاص و حمل على الفورد او الجمس او الدوج اتحدى الشاص يلحقهم الحوض الأمريكي محركاته جباره في العزم و لما نجي للداخليه الشاص ديكوراته سيئة و مش حالك و تخشيبه اي كلام و الي رفع سعره الشريطيه و الاهو حتى 80 الف ما يسواها .

كفيت ووفيت

اجل احط 140 الف في سيارة اذا دقيت ريوس اشتغلت صفيرتها كني راكب دينا :D
دورانجو
19/12/2011, 10:56 AM
الي يمدح الشاص
تقدر تذكر لي اربعه تقنيات موجوده في الشاص تبرر هذا السعر ؟؟
وش يزيد الشاص عن الوايت حق المويه في التقنيات والكماليات ؟

صدقني الوايت مقاعده مريحه اكثر من الشاص
اجل سياره ب140 الف وتستخدم قماش ( فينيل ) مثل الذي يستخدم في دباب سوزوكي للبضائع

ان اشهد انه عبث
ابو رسيل2
19/12/2011, 11:02 AM
والله اللي يشتري بالسعر هذا انه *** او ***** او ***** ..... يا رجال مال ابو جميل الا المقاطعه
عليمي
19/12/2011, 02:49 PM
والله اللي يشتري بالسعر هذا انه *** او ***** او ***** ..... يا رجال مال ابو جميل الا المقاطعه



حامض ياعنب .شاص وبس:good2:..........................
أبوعجه
19/12/2011, 03:11 PM
والله الحيين لاقينا الوكالات
رافعيين السعر على غيير سنع
اجل معقووله شاااااااااص بــ143
ويييييييييين
حتى الموصفاات كانها وجييهم
لا دفلك ولا ونش
ما اقوول الا حسبي الله ونعم الوكيييل
وقاااطعووووووووووووووهم
قائد السريه
19/12/2011, 03:26 PM
^^^^

وش معنا ماركزت الا على البريمي الي بـ143 بدون دفلك ولا ونش

مع اني قلت ان البازعي عنده فل كامل ونش ودفلك بـ143

والسعودي ارخص من البازعي
دورانجو
19/12/2011, 07:01 PM
^^^^

الفل كامل يجي جلد حقيقي و كميرا خلفيه ورادار و شاشه دي في دي و جي بي اس
وحساسات

واهم شي
طفايه حريق وشنطه اسعافات

صح ؟؟
قائد السريه
19/12/2011, 07:14 PM
^^^^

الفل كامل يجي جلد حقيقي و كميرا خلفيه ورادار و شاشه دي في دي و جي بي اس
وحساسات

واهم شي
طفايه حريق وشنطه اسعافات

صح ؟؟

جلد وكمره خلفيه وشاشه جي بي اس وحساسات وكاله نزلت في الدينالي سييرا ...بس تدري كم سعره

وتدري انه ينقصه الدبل الثقيل والدفلوك والونش والاعتماديه والشيك

وابيك تقول لي وش ذا الونيت الي نزل فيه رادار؟؟؟؟؟؟؟؟؟

كثر المواصفات في موتر بر ومكاشيت وقنص وطرد البل وتحميل الشعير مالها داعي

او يمكن نحتاج الرادار في الشاص علشان يثبت السرعه على 10 واذا وصل للبل قبل لايصدمهن يخفف السرعه

كلم العاقل بمايعقل

وبخصوص الطفايه والاسعافات موجوده بالشاص
- النشمي -
19/12/2011, 07:22 PM
انت مثل اللي يقارن الطين بالصين








الشاص وبس


وش جاب الشاص موتر **** ***** للفورد والدوج والجمس
الرجال ذكر لك مواتر الاجداد الرجال السناعيس اللي قطعو الوعر وعاشو بالبران لايعرفون مكيفات الفريون ولا حليب النيدو
فهد الخالدي
19/12/2011, 07:41 PM
خلو الشاص لنا وخلوكم على السيرا والدوج والفورد

واللي ما يطول العنب حامض عنه يقول:D
الحر503
19/12/2011, 08:36 PM
قبل ابدا كلامي انا اتكلم عني انا ولا اتقصد احد بكلامي
انا امنيه عندي اني اخذ سييرا وابيه ,,, بس اذا جا الكلام عن الشاص يصير الموقف الثاني

يعني شاشه ورادار وكميرا وجلد ومدري وشو ترى كثرة الكهرباء بمواتر المكاشيت تكثر عذاريبه ,, المسالة مسالة اذواق اولا واخيرا وانا ما اقصد اني اقول لـ عبداللطيف جميل يلعب بالاسعار لان الشي اذا زاد عن حده انقلب ضده

والسلام خير الختام واعذروني على الاطاله
sgl2002
19/12/2011, 08:46 PM
للي يقول حامض ياعنب

اذا وصلت المسألة ان تصير مضحكة وملعبه للوكلاء هنا اقول حامض ياعنب وبقوة
وروحوا واشتروه ب١٤٣ الف وانا اجيب شاص نيسان ب٨٥ الف واقعد اسحبك بين الربضات والوحل واوديك المستشفى على الطريق يشيكون على الفقرات عندك


بيجي واحد بيقول متعصب
بقوله انا كان معي شاص تويوتا ٢٠٠٩ وبعته ومعي باترول ربع واقولها بقوة ان الباترول اقوى من الشاص مليون مره ومع هذا ان شاء الله بشتري شاص تويوتا لا جاء القيض لكن مستعمل وبسعر معقول مو ب١٤٣. واروح به عند المعدات ×
عليمي
19/12/2011, 09:57 PM
عندي شاص 2012 ونش ودفلك احس اني راكب طائرة كنكورد لو اني ما قد ركبتها بس تحس انك راكب حصان ماهي سياره بس يعتمد علي الخيال :good2:
ذيب حضن
19/12/2011, 11:36 PM
الله يخلف على العربان
علاوي المكاوي
20/12/2011, 12:35 AM
سعر خراااااااااااااااافي على غرفة وحوش...

أشتري بيت شعبي بسعره خمس غرف وحوش وخزان مويه يشيل ثلاث وايتات.... لك وللزمن.
الدبل الثقيل
20/12/2011, 04:26 AM
جزاكم الله خير على الردود
لكن يا أخوان أنا سألت عن أسعار ماطلبت مقارنات وتراشق بالكلام
والسؤال هل يستطيع أحد أن يقول حرام شرعا تشتري شاص بهذا السعر وأنا محتاج للسيارة في مكان وعر ح
ففضلا كل شخص يحترم الاخر ورأيه
وياليت تذكرون أسعار اليحيي
وجزاكم الله خير
دورانجو
20/12/2011, 05:11 AM
قبل ابدا كلامي انا اتكلم عني انا ولا اتقصد احد بكلامي
انا امنيه عندي اني اخذ سييرا وابيه ,,, بس اذا جا الكلام عن الشاص يصير الموقف الثاني

يعني شاشه ورادار وكميرا وجلد ومدري وشو ترى كثرة الكهرباء بمواتر المكاشيت تكثر عذاريبه ,, المسالة مسالة اذواق اولا واخيرا وانا ما اقصد اني اقول لـ عبداللطيف جميل يلعب بالاسعار لان الشي اذا زاد عن حده انقلب ضده

والسلام خير الختام واعذروني على الاطاله


وانا اخوك انا يوم عددت المواصفات عددتها من باب بيان ان السعر مبالغ فيه
ولايوجد اي ميزه او مواصفات تبرر هذا السعر
يعني لا فخامه ولا شاشه تحديد مواقع ولا حتى مقاعد محترمه ولا اي نوع من انواع ( التكاليف الاضافيه ) التي تبرر ارتفاع السعر

بمعنى خبراء السيارات والمتخصصين حين يقيمون سياره حتى لو كانت كوريه او هنديه
يقومون بتقييم السياره بناء على مقاييس
ومن احد هذه المقاييس هو مقياس التقنيه ومقياس الراحه
فاذا كانت السياره فقيره جداااااااااااااااااااااااا لاي امتياز تقني فمالذي يبرر ارتفاع سعرها


هذه هي الفكره التي اردت ايصالها
لكن سياره يغيرون فيه شطرطون من الجنب ويزيد السعر 6 الاف او 10 الاف
كل سنه
لا تعليق
وندور الي يفهم
عليمي
20/12/2011, 10:34 AM
عندي نصيحه ومثل ما يقلون الدين النصيحه ....للي ما شرا شاص تراه بعد عشر سنين بيصير ب 200 الف يعني الحق الطيب لايفوتك ..... وخاصة اللي مواسين الطعوس ......:D
ابومناحي
23/12/2011, 10:43 PM
يستاهل ذيبان
xozxo
24/12/2011, 06:39 AM
يا اخوان الفل كامل عند البازعي الى علي طريق الملك عبدالله 155000 مائة وخمسة وخمسون الف ريال فل كامل سالت عنة قبل اسبوع وارى ان سعرة مبالغ فيه
عاشق الحيسية
25/12/2011, 12:00 PM
يا إخوان


أنا مع إن السعر مبالغ فيه



لكن الرجال سأل عن السعر
والناس أذواق



ليش كل شوي ناقز واحد على ايش هذا السعر
ومافيه مواصفات ومن ذا الكلام



خلاص افتحوتا موضوع وناقشوا بيديكم ورجليكم
وخلوا الرجال في حاله



وعلى فكره الرجال سأل عن السعر ولا شاوركم في المواصفات



أتمنى أن تقبلوا رأيي برحابة صدر





تحياتي للجميع
حرنا بك
25/12/2011, 12:16 PM
عسى الله يتمم علينا نعمته ويعافينا من كل ابتلاء
faisal7
25/12/2011, 08:04 PM
عند اليحي 149الف
البريمي2011
25/12/2011, 10:22 PM
البريمي بدون رفرف 148
وبـالرفرف 158

في الفريدي في معارض الحساء

ياخوان طرتو ولا وقعتو

الموترالي ينشد به الظهر الشاص وبس >>وجهه نظر
س.س.التميمي
25/12/2011, 11:40 PM
الله يعين علي هالحياة حتي الوايت كام يتغلا علينا
اوصيكم جيب الربع XL
GMC4Ever
26/12/2011, 01:43 AM
شوف يا أخوي... نصيحة لوجه الله ابعد عن الكلام الفاضي والسمعة اللي تم توريثها على غير سنع... وش شاص بـ 140 و 150 ألف ريال؟ اقسم بالله لو يسوق هو من حاله ويصفط لوحده ما أحط فيه هالقيمة... حده المعقول جداً 80 ألف وما زاد فهو خبال وجهالة... والمثل يقول حظ الهبل على المجانين. وترى أغلب اللي اشتروه وربي مشترينه علشان الاسم لا أكثر وإذا جيت تقارنه بالجمس والشفر والنيسان حط في فمه شحم وسكت. ولا منه إنحشر قال يا رجال يمسك سعره بالسوق!!!!

أغلب هؤلاء مع الإحترام الشديد لهم،،، هم أشخاص مطبقون لنظرية القرود الخمس (http://ar.wikipedia.org/wiki/%D9%86%D8%B8%D8%B1%D9%8A%D8%A9_%D8%A7%D9%84%D9%82% D8%B1%D9%88%D8%AF_%D8%A7%D9%84%D8%AE%D9%85%D8%B3%D 8%A9).

المسألة مسألة موروث وتصديق ما لا يصدق! ولا يغرك الغالبية وأنا أخوك... ترى الله سبحانه وتعالى يقول: "وإن تطع أكثر من في الأرض يضلوك"

وصدقني مجتمع انضحك عليه بمكائن الخياطة سنجر :) وصدق قصة الزئبق الأحمر ووصل سعر المكينة الخربانة لـ 20 ألف ريال وأكثر!!! صدقني هذا مجتمع يعاني من أزمة وعي حقيقية وتؤكد أنه مجتمع يمشي على مبدأ يقولون، والناس تقول، لكن بدون أي علم أو منطق صحيح.

الإخوان أصحاب الشاص لا تزعلون ولا تتضايقون.... هذي وجهة نظري الشخصية واللي يبي يقول: اللي ما يطول العنب، للعلم ترى الحمد لله والنعمة الخير واجد ولو بحسب مواتر تويوتا اللي شريناها أيام الجهل والعمى فأعتقد والله العالم إنها بتفوق المليون ريال في 5 سنوات (VXR - GXR - أفالون - 2 كامري - أوريون - كورولا). لكن تويوتا ما عاد هي تويوتا من 97 والحمد لله اللي ربي فكنا منها والله لا يرجعنا ولا يحدنا لها لا هي ولا مواترها.
((ابوملاك))
26/12/2011, 02:29 AM
حبيبي جمس فور ايفر

اولا انا معاي شاص سعودي ٢٠١١ بدون ونش ودفلك الكاش ب ١١٥.٠٠٠ وال ٢٠١٢ فل كامل اول مانزل والحين رخص بالوكاله ب ١٣٩.٠٠٠ وكلها نفس الشى خذها مني ووالله اللي يشري بريمي انه غبي مع احترامي يعني فرق خط وبراويز نيكل على الفرامل ومرايا بهن اشاره وفضي على حواف المكيف وتخشيبة على الدركسون وزياده ٣٠.٠٠٠ ليش ان شاء الله وش فرقه دام القطع الاساسيه نفس بعض وحتي المسجل السعودي ازين السعودي سيدي وكست والخليجي سيدي وكلها صيني لحد ينقز ويقول لا الخليجي ياباني اتحداه يثبت لي انه ياباني يفك المسجل ويصوره محفور عليه اليابان


اقسم بالله شعب جاهل الخليجي تميز بسنه وحده بس بعام 1995 او ١٩٩٦ نزلوا للشاص تانكيين ومنها اشتهر بسسسس


وبعدين ياحبيبي والله انا معاك ان سعره مبالغ فيه ولكن والله ثم والله يافيه عزم ونشاط وكرف ماتتوقعه من تجربه


قبله كان معي اف١٥٠


واقسم بالله موتر بهذلني بهذله ما يعلم به الا الله ما اقول الا الله يلعن الامريكي ( مع العلم عندنا جمس وجيب ميركوري ) وكلها والله تبهذلنا


لكن الشاص اقسم بالله مهمها يكون يبقى شاص يكفي انه الحمدلله ماغرز بي ولا مره مع ان كل موتر ثاني سقته غرزت به طبعا اتكلم بالنفود لحد يقول سواقه لا ياحبيبي


لكن الشاص خفيف نفس بس تدعس له بنزين يطربك ويوديك وين ماتبي وانت مرتاح
أبو أسامة
26/12/2011, 05:05 AM
والله الشاص التايوتا زين لكن على سعره لالالالالالالالا عندها أقول يا زين الفلوس عسى الله يغنينا بحلاله عن حرامه ......
sgl2002
26/12/2011, 01:37 PM
طيب ليش شاص نيسان رخيص مع انه اقوى؟؟

اقوى دفرنسات وقير واريح مع انه ١٠ سست


والا البريمي
لو تاخذ سعودي وتركب عليه اكسسوارات البريمي مابتتعدى ٥٠٠٠ وهذاك يزود فيه بواجد

انا عن نفسي بعد ماشفت الاسعار وضحك البريمي على مهبلنا اذا شريت بشري سعودي

وجزا الله عبداللطيف خير قاعد يجمع القطع هنا عشان تكون التكلفة وسعر البيع قليل

ولاحد يقول يلعب عليك

لان جميع الادوات والاجهزة اللي نستخدمها مجمعة والا لو كانت شد بلد كان سعر المكيف ٧٠٠٠ الالاف
HAS5SAN
26/12/2011, 01:52 PM
طيب ليش شاص نيسان رخيص مع انه اقوى؟؟





اقوى دفرنسات وقير واريح مع انه ١٠ سست




اما اقوى هذي قوية
انت جربت الشاص ابيك تجرب الباترول الحوض
والله جربته انا اشهد لـ=
مكيفه + صوته
اما الباقي فخلها على ربك
يكفيك إذا بتغير صحن كلتش
يفكون المكنية كلها
ابو رسيل2
26/12/2011, 02:27 PM
ما لها الا المقاطعة
المداوي2
26/12/2011, 02:40 PM
التايوتا عامه والشاص خاصه لو مافيه ميزه الا مسكه سعره لكفى ناهيك عن الشكل المتانه........الخ
sgl2002
26/12/2011, 04:00 PM
اما اقوى هذي قوية
انت جربت الشاص ابيك تجرب الباترول الحوض
والله جربته انا اشهد لـ=
مكيفه + صوته
اما الباقي فخلها على ربك
يكفيك إذا بتغير صحن كلتش
يفكون المكنية كلها
[/CENTER]


والله الشاص تويوتا قوة عزم
بس فيه عيوب
دفرنسه صغير اصغر من الباترول وفي الربضات لو طب الموتر لبطنه بيروح الشاص نيسان عليه
نظام تعليقه مشكلة اذا مافيه دفلوك يعلق بسرعه
لفته طويلة
تهريب صوف القير والدبل
الكلتش ضعيف على طول تطلع ريحتهوخاصة مع الدبل الخفيف
بس
حرارته ممتازه
مكيفه ممتاز
متماسك اكثر من نيسان
مايبرد عزمه بسرعه



والنيسان والتويوتا انا اشوفها مكملة لبعض
يعني عيوب تويوتا ماتجدها في نيسان والعكس صحيح