هل فيه ضرر إذا ركبت بطارية ذات إمبير أعلى من بطارية شد البلد؟

[سديراوي نت]

السلام عليكم.. حيا الله الشباب جميع.. ركبت بطارية لسيارتي البرادو عند الوكالة.. ولأن ماعندهم 60امبير مثل بطارية شد البلد تم تركيب 80امبير.. فهل لهذا أضرار على الدينمو أو غيره؟ أرجو الإفادة من الإخوة الخبراء ودمتم بخير وعافية.

[ريان2002]

وعليكم السلام ورحمة الله وبركاته
مافيه أي ضرر بإذن الله لأنها مثل تانكي البنزين إذا غيرته بأكبر منه يعطيك مشي لمسافه أطول والبطارية الأكبر تعطيك إحتياطي للكهرب أكثر إذا شغلت عليها أشياء والسيارة مطفيه ولا منه ضرر على الدينمو وأنا مجرب هالشيء
ولكن الحذر من تركيب بطارية أصغر من بطارية شد البلد لأنها ممكن تسبب لخبطة في الكمبيوتر أو في أي جهاز كهربائي في السيارة كالعدادات أو طرمبة البنزين أو غير ذلك
وسلامتك أخي الكريم

[sgl2002]

مافيه ضرر لان الدينمو ياخذ كفايته منها فقط

[بيك اب 4X4]

مثل ما قال اخوي ريان
لا يوجد ادنى ضرر
لان الفرق بين البطاريتين ان الاولى تقدر تسحب منها الى 60 امبير
اما البطاريه الثانيه فتقدر تسحب منها الى 80 امبير
يعني الموضوع كله حسب التيار المسحوب من البطاريه

[ولد وايل]

تنبيه قد يجهله البعض

اهم شي تكون كلتا البطاريتين جيده

لو كانت وحده خربانه راح تتعب الدينمو
يشحن على طول ولا يفصل

[عشق البر]

احسن لك انك ركبت كبيره تاخذ كهرب اكثر
انا مركب على الفتك 120 امبير ومافيه اي مشاكل واشبك عليها لمبه وانساها

[ذيب النجيل]

بطارية الجي اكس 97 من الوكالة 70 امبير

غيرتها ب80 امبير وصار له الآن تقربيا اكثر من سنتين ولا فيه الى العافية

والي تغير على ان النور صار اقوى من اول ودقة السلف صارت سريعة احسن من اول

[سديراوي نت]

مشكورين يالربع على تجاوبكم.. ياجعلكم سالمين غانمين...

[عفط]

سؤالك جميل ويدور ببالي من زمن،، شكرآ لـك

[جمس_454_97]

والله سؤال مهم وانا ركبتها قبل فتره والله لاحضت فرق بالنور ودقة السلف وصوت البوري اقوى والانوار الداخليه صارت اقوى لاكن ماعرف هل لها ضرر ولا لا
لاكن اتوقع ان الانبير واحد كلها 12 فولد ولا لها اي ضرر

[_TOYOTA_]

لا مشكله .

[الجيب الريو]

الضرر اذا ركبت بطارية اقل من قوة الدينمو فتأثر على عمر البطارية وعلى كهربة السيارة
مثلا الدينمو 80 امبير وتركب بطارية 50 امبير
لكن اذا البطارية اكبر من الدينمو اعتقد ما فيه فايدة
لان البطارية تتعبى من الدينمو فلو كان 60 امبير وهي 100 امبير بتكون قوتها 60 امبير( بعد اول اسبوع ).

[الباحث_6610]

انا من وجهت نظري انه ماتصلح تركب بطارية اعلى انبير من الوكالة
لان الاجهزة الموجودة في السيارة من عدادات ومسجل ومكيف .....الخ
موضوعة على انبير بطارية الوكالة
كما قال احد الاخوان ان الانارة الداخلية اقوى والتشغيل اسرع والبوري اقوى بعد زيادة الانبير
يعني تخاف يصير حريق بالسيارة لاسمح الله
مجرد وجهت نظر والله أعلم

[مسمار شداد]

دامك ركبتها فالحمدلله لاتغيرها ولاكن اخبرها في الددسن اذا ركبت اكثر امبير تتلف السلف من قوة الدقه

[lo8oo8ol]

انا من وجهت نظري انه ماتصلح تركب بطارية اعلى انبير من الوكالة

لان الاجهزة الموجودة في السيارة من عدادات ومسجل ومكيف .....الخ
موضوعة على انبير بطارية الوكالة
كما قال احد الاخوان ان الانارة الداخلية اقوى والتشغيل اسرع والبوري اقوى بعد زيادة الانبير
يعني تخاف يصير حريق بالسيارة لاسمح الله

مجرد وجهت نظر والله أعلم





وجهت نظر صحيحة ان شاءالله ...
تأييد 100% للنظرية ...

[N أبورغد N]

بالنسبه للسيارات الحدثيه على حد علمي والي عنده الوكاد يفيدنا
ماتشحن اكثر من القدره المخصصه اذا مركبين لك 60 يعني الدينمو مايشحن اعلى منها

[أبوتركي الخالدي]

ماشاء الله الخبرات بمكشات وفوا