اخبار ساره للجميع لا تفوتكم

[الودعاني]

السلام عليكم ورحمه الله وبركاته
انا يا شباب صارلي خمسه ايام في الشمال وبالتحديد في رفحا وما رجعت الا الفجر اليوم
تدرون وش صار امس
امس الجمعه عج من الساعه 1 ليلا الى الساعه 5عصرا
ثم وش صار جانا هاك السحاب الاسود ودق يا المطر علينا ياطويلين العمر ساعه وثلث
ومعه برد والارض ارتوت ونقعت وما تشوف الامناقع ماءوالربع زهبوا الطيور والجيوب
والله اني ضاق صدري ودي اقعد لاكن حيل الله اقوى
الامطار على عرعر وسكاكا والعويقيله ولينه هذا والله اعلم

[البدوي]

الله يبشرك بالخير

[الشبارم]

مرحبا بالودعاني راعي العلوم الزينه

ابشرك الطير و الجيب جاهزات بس قبل كل شي الله ينفع بهالمطر على العباد

اخوك

الشبــــــــــــــــارم:D :D :D :D

[نجمة سهيل]

اخوي :heart:الودعاني:heart:الله يبشرك بالخير والله هذي الاخبار الي تشرح الصدر.

[الموجه]

أخي العزيز الودعاني بيض الله وجهك

والله يبشرك بالخير والعلوم الزينة

هكذا نريد ! | ! | !

أرجو من كل الإخوة الأعضاء أن يبشرونا ولا يبخلوا علينا بمثل هذه الأخبار.

وأحب التنبيه إلى أن هناك موضوع مثبت في الخيمة العامة لمشرفنا الفاضل السمح بعنوان السيول والأمطار !! (http://www.mekshat.com/vb/showthread.php?s=&threadid=4682) أرجو أن تسجل فيه الأخبار القادمة ـ إن شاء الله ـ عن السيول والأمطار !! (http://www.mekshat.com/vb/showthread.php?s=&threadid=4682) ولكم مني جزيل الشكر.

[الحزين]

بشرك الله بالجنه يالودعاني

[المسفهل]

بشرك الله بالخير ، نسأل الله أن ينفع به البلاد والعباد .

[ذيب حوما]

بسم الله الرحمن الرحيم
أخوي الودعاني حفظك الله ورعاك من كل مكروه 0
الله يبشرك بما يسرّك دائماًَ 0 اللهم أجعله صيباًَ نافعاًَ وعم بنفعه كافة المسلمين 0
وأتمنى أن أسمع عن هذه الأخبار التي تشرح وتسر البال 0 وياليت الخبر اليا جابه من
يبشرنا به 0 (( طبعا ًَ )) بعد أذن الجميع وهذا رأيي الخاص 0 والله أعلم إنه عوج 0 لكن لاتؤاخذونني
لأن علوم المطر تسوى وتستوي عندي 0 وودي أشوفها بكل مكان وأقرأها بأي صفحه 0
وعذراًَ بشأن تنويه أحد الأعضاء قبلي 0 بأنه يوجد صفحة مخصصة من قبل [[ السمح ]] لهذه الأخبار
الشيّقه 0 ولكن هذه وجهة نظري الخاصة والتي لا تعبر إلا عن رأيي فقط 0 والله يوفقنا وإياكم وجميع المسلمين 0



(( ذيب حوما ))