المساعد الشخصي الرقمي

مشاهدة النسخة كاملة : استفسار من أهل الرياض بشكل خاص


msmr
21/12/2011, 12:34 AM
السلام عليكم

ابي استفسر عن محلات الرحلات في الرياض

انا اعرف السنيدي اللي على الدائري الشرقي

ياريت لو تدلوننا على محلات أخرى مع ذكر الاسم والعنوان

طبعا انا اعتذر عن الرد في هذا الموضوع

والاخوان فيهم الخير والبركة تجاوبهم يغني عن ردودي

و أشكر كل من يتفاعل مع الموضوع
Mohammed5d
21/12/2011, 12:40 AM
عندك البريه في في مخرج ١٤
والكشاته وبرق الحيا في مخرج ١٥
النوبل
21/12/2011, 12:41 AM
عليكم السلام ورحمة الله وبركاته


مخرج 15 ووجهك شرق


بعد ثاني اشاره برق الحيا على يسارك


الكشاته قبل ثالث اشاره على يمينك



البريه مخرج 14 تتجه شرق تجيك اشاره تروح يمين وتجيك اشاره وبرضه يمين


تلقاهم على يمينك على طول
ابوهتون
21/12/2011, 01:06 AM
عندك البريه في في مخرج ١٤




والكشاته وبرق الحيا في مخرج ١٥



السلام عليكم:مثل ما قال اخوي محمد فيه محل البرية(ابويزيد) عنده اغراض جيده ووصفه كما يلي :

*انت الان جاي من جهة مخرج 15 متجه الى 14 عندما تصل الى مخرج 14 اتجه لليمين تلقى على يمينك سوق العثيم وبعده مدخل اسواق الربوة(كلها على اليمين) تستمر تمشي الى ينتهي بك الشارع يمين ويسار عندها لف يمين واستمر الى اول اشارة ايضا لف يمين وبعد حوالي 200 متر تلقى محل البرية على اليمين,اتمنى انني افدت,شـــكرا.
أبو هشام راشد
21/12/2011, 12:33 PM
مخرج 15 باتجاه الشرق على يمينك محل الكشاتة وبعده مملكة الرحلات (القاضي) وعلى يسارك برق الحيا
بن.حسن
21/12/2011, 12:45 PM
ماقصرو الاخوان عطوك الي في شرق الرياض

وعنك بعد محلات طريق الأشقاء في حي الورود

إذا جتك عمارة الخطوط السعودية رح يمين وجهك شرق

بعد 1 كم شفه على اليسار

وعندك بعد ذيب الصحراء شمال سوق العويس

وعندك بعد محلات القاضي بين مخرج 11 و10 الدائري الشرقي

وبعد المقناص او شارع 100 على اليسار

ولوازم الصحراء في شارع عنيزه قرب محلات البريه

وفي محل في الغرابي عند محلات الخيام

-----------