سجل تجاري استيراد وتصدير الحيوانات الحية, 5 ريال على الراس

[ابولمارالروقي]

السلام عليكم ورحمة الله وبركاتة

يا أخوان عندي سجل تجاري استيراد وتصدير جميع الحيوانات الحية والعدد غير محدد
الاستيراد يكون من الدول المسموح الاستيراد منها
مثل السودان وجيبوتي والصومال ونيوزلندا واستراليا وغيرها
اللي عنده رغبه يستورد او يصدر ولا عنده ترخيص , السجل موجود والترخيص موجود وبسعر رمزي خمسة ريالات على الراس فقط والكمية تكون من 500 راس وفوق

رقم الجوال 0500098881

[الودعاني 2009]

حياك الله اخوي ابو لمار
صراحه عرض طيب ومغري ولكن سؤالي اخوي العزيز كيف أضمن حقي وهل جلب الأغنام عن طريق السجل لغير صاحبه يستوجب وكالة أو كيف الطريقة ؟؟ نرجو التوضيح

[ابولمارالروقي]

يا مرحبا يالودعاني الله يبقيك
الطريقة جزاك الله خير كالآتي
تروح للسودان مثلاَ او اي دوله تبي تستورد منها هناك فيه شركات تصدير تروح لشركه موثوقه وتقولهم انا عندي غنم او ابل بعدد كذا ابي اصدرها للسعوديه بموجب السجل التجاري رقم وتاريخ كذا اللي هي معلومات السجل حقي والتحميل للأغنام ب13 ريال للراس تقريباَ وطبعاَ بعد ماتوصل الباخرة الى جده لازم نكون متواجدين في جده تعطيني حقي وادخل حلالك والله يسهل دربك , اتمنى ان الشرح وافي واللي له استفسار لايرده الا الجوال
اما من ناحية كيف تضمن حقك . انا ما أدري متى بتشتري ومتى بتجيب الحلال , حنا بنتفق واذا شريته ووصل لجده تبلغني
طبعا السعر 5 ريال على الاغنام فقط والابل يكون الاتفاق على حسب العدد والله الموفق

[الحائر111]

بس ليه تحديد خمسمية راس ليه ما يكون هناك نسبه او سعر محدد للعنده عدد قليل

[الحائر111]

انتا تقول غير محدد العدد والان تقول 500 ما فهمت ممكن توضح وكمان ياليت تكتب جميع الدول المسموح الاستيراد منها
واتمنى اننا نكون قروب مجموعه
نتفق وكذلك انتا معنا وناخذ سندات من كل واحد ونسافر منها تغير جو ومنها نجيب المعلوم وكل واحد ياخذ نصيبه واللي يشتريه وانتا لك الاتعاب اللي نتفق عليها اعتقد انه كذا الكل يضمن ولما نكون مجتمعين من اكثر من مدينه ان شاء الله تتيسر الامور
مثلا نحدد الوجه الى احد الدول(بعد كتابتها)
وكل واحد يقرر شراء الكميه اللي ييها من 20 الى 500 راس غنم ومن 5 الى 100 بقر ومن 2الى 50 ابل
هذا فرضا
واجتمعنا واصبحنا 6 اشخاص وانتا معنا نسافر ونسند على بعض وبأسعارها هنا ومن ثم ناتي وكل واحد ياخذ نصيبه
وانتا لك ما تشتريه اضافه الى ما تاخذه من السجل مننا

[دورانجو]

بعد اذن صاحب الموضوع
غير محدد العدد يقصد به الحد الأعلى
يعني لو تبي تجيب ميه الف راس
السجل التجاري يسمح بذلك
وقد مر علي سابقا سجل بهذا الشكل

والله يبارك للجميع
والسعر مناسب خاصه وان اسعار الحلال بالخارج رخيصه

[khhh]

مسموح من العراق؟

[لكزس 2011]

أخوي هل يسمحون بإدخل الأبقار

[لكزس 2011]

ما هي الدول المسموح بإستيراد الغنم منها؟

[ابولمارالروقي]

الدول المسموح الاستيراد منها
السودان ، جيبوتي ، الصومال ، استراليا ، نيوزلندا
وقصدي بالعدد غير محدد يعني في السجل التجاري مسموح تجيب العدد اللي تبي ، بس انا محدد اكثر من ٥٠٠ راس عشان اتعابي ، لو جاني واحد يبي يجيب ١٠٠ راس !! تعب وسفر عشان ٥٠٠ ريال ماتسوى ولا تجيب قيمة التذكرة
الحيوانات المسموح استيرادها ( ابل ، بقر ، غنم )
وآسف على الرد متأخر ×

[جمس_454_97]

انا لدي امر بأستيراد مليون راس اذا تخبر لي احد يشتريه لاني ماعندي القدره على استيراد هذا العدد
ويسمح بالتجزائه يعني تقدر تستورد 100 الف او 1000 راس

[ابولمارالروقي]

للرفـــــــــــع

[القناص السري]

يالغالي


بالنسبه للغزلان والفهود اقدر استوردها ولك اللي تبي

[ابولمارالروقي]

والله يا اخوي القناص انا عندي النشاط التجاري في السجل التجاري ( للإستيراد والتصدير والإتجار بالحيوانات الحية )
سألت وزارة الزراعه عن الطيور والبيع هل النشاط يشملها قالوا لي مايشملها لكن الغزلان والفهود والله ما أدري لو تسأل وزارة الزراعه عشان تأكد بنفسك وتطمئن افضل والسجل عندي جاهر اذا صارت مسموحه لايردك الا الاتصال

[س.س.التميمي]

الغزلان والمها هل مسموح استيرادها بغرض محميه شخصيه

[الفوازي الحربي]

اخوي اقدر اجيب فحل ابيعر من باكستان

[ابولمارالروقي]

يا أخوان انا معي سجل تجاري استيراد وتصدير والاتجار بجميع الحيوانات الحيه
والله ماعندي خلفيه هل ممكن استيراد غزلان ولا فهود اللي يبي يتأكد يسأل وزارة الزراعه حتى يكون على بينه
الحربي باكستان غير مسموح الاستيراد منها الآن